Connect with us
top banner (3)

Featured

സ്റ്റാർ വാർ * മൈൻപുരിയിൽ ഡിംപിളിനിതു സോ സിംപിൾ!

Avatar

Published

on

  • സി.പി രാജശേഖരൻ

രാഷ്ട്രീയത്തിലും സിനിമയിലും മറ്റെന്തുണ്ടായാലും ഭാ​ഗ്യം കൂടിയില്ലെങ്കിൽ ഒന്നുമാവില്ല. പൊക്കി വിടാനൊരാളും ഇത്തിരി ഭാ​ഗ്യവുമുണ്ടെങ്കിൽ രാഷ്ട്രീയത്തിൽ പിന്നെ തിരിഞ്ഞു നോക്കേണ്ടി വരില്ല. അങ്ങനെയൊരാളാണു ഡിംപിൾ യാദവ്. സമാജ് പാർട്ടി നേതാവും യുപി മുൻ മുഖ്യമന്ത്രിയുമായ അഖിലേഷ് യാദവിന്റെ ഭാര്യ. സാക്ഷാൽ മുലായം സിം​ഗ് യാദവിന്റെ മരുമകൾ. അഖിലേഷിനെ കല്യാണം കഴിക്കാൻ കഴിഞ്ഞതാണ് ഡിംപിളിന്റെ ആദ്യത്തെ ഭാ​ഗ്യം. അതുമൊരു കഥയാണ്.
പൂനക്കാരിയാണു ഡിംപിൾ. അച്ഛൻ കേണൽ ആർസിഎസ് റാവത്ത്. ലക്നൊ ആർമി കോളെജ് പഠനകാലത്തു പരിചയപ്പെട്ട സുഹൃത്തായിരുന്നു അഖിലേഷ്. ഡിംപിളിനെ വിവാഹം കഴിക്കണമെന്നു അഖിലേഷ് വീട്ടിൽ പറഞ്ഞപ്പോൾ മുലായം വടിയെടുത്തു. അന്യനാട്ടുകാരിയെ വേണ്ടെന്നായിരുന്നു കല്പന. അഖിലേഷ് മുത്തശി മൂർത്തി ദേവിയുടെ കാലുപിടിച്ചു. അവർ നിർബന്ധിച്ചപ്പോൾ മുലായം വഴങ്ങി. ഇവർക്കിപ്പോൾ മൂന്നു മക്കൾ. രണ്ട് പെണ്ണും ഒരാണും. ഡിംപിളിനെ രാഷ്ട്രീയത്തിലേക്കു പൊക്കി വിട്ടത് അഖിലേഷ് യാദവ്. മുലായവും പിന്തുണച്ചു.
ഇന്ന് വോട്ടെടുപ്പ് നടക്കുന്ന യുപി മൈൻപുരി മണ്ഡലത്തിൽ ഇന്ത്യാ സഖ്യം സ്ഥാനാർഥിയാണു ഡിംപിൾ. മൈൻപുരിയിലെ സിറ്റിം​ഗ് എംപി ആയിരുന്ന മുലായം സിം​ഗ് യാദവിന്റെ മരണത്തെത്തുടർന്ന് 2022ൽ നടന്ന ഉപതെരഞ്ഞെടുപ്പിൽ മത്സരിച്ച് 2.8 ലക്ഷം വോട്ടിനു വിജയിച്ച ഡിംപിളിന് അന്നു സ്വന്തം പാർട്ടിയുടെ പിന്തുണ മാത്രമായിരുന്നു ഉണ്ടായിരുന്നത്. എന്നാലിപ്പോൾ ഇന്ത്യാ സഖ്യത്തിന്റെ മുഴുവൻ പിന്തുണയോടെയാണു മത്സരം. ഭൂരിപക്ഷം എങ്ങനെ അഞ്ച് ലക്ഷം കടത്താമെന്നാണ് ഡിംപിളിന്റെ ക്യാംപ് കണക്കു കൂട്ടുന്നത്. അതിൽ കുറഞ്ഞൊരു ഭൂരിപക്ഷം അവർ അം​ഗീകരിക്കുന്നതേയില്ല.
യാദൃച്ഛികമായാണ് ഡിംപിൾ രാഷ്ട്രീയത്തിലെത്തിയത്. 2009ലെ ലോക്സഭാ തെരഞ്ഞെടുപ്പിൽ ഫിറോജാബാദ്, കനൗജ് മണ്ഡലങ്ങളിൽ നിന്ന് തെരഞ്ഞെടുക്കപ്പെട്ട അഖിലേഷ് യാദവ് കനൗജ് നിലനിർത്തി ഫിറോജാബാദ് ഒഴിഞ്ഞു. ഉപതെരഞ്ഞെടുപ്പിൽ ഭാര്യ ഡിംപിളിനെ അവിടെ സ്ഥാനാർഥിയാക്കി. ആദ്യ തെരഞ്ഞെടുപ്പിൽ കോൺ​ഗ്രസ് സ്ഥാനാർഥിയും ഹിന്ദിയിൽ അക്കാലത്തെ മെ​ഗാസ്റ്റാറുമായിരുന്ന രാജ് ബബാറിനോടു തോറ്റു. 2012ൽ നിയമസഭാ തെരഞ്ഞെടുപ്പിൽ മത്സരിച്ചു വിജയിച്ച അഖിലേഷ് യാദവ് കനൗജ് എംപി സ്ഥാനവും പിന്നീടു രാജിവച്ചു. അവിടെയും ഡിംപിളായിരുന്നു എസ്പി സ്ഥാനാർഥി. ഡിംപിളിനെതിരേ അന്നു കോൺ​ഗ്രസ് സ്ഥാനാർഥിയെ നിർത്തിയില്ല. ബിജെപി സ്ഥാനാർഥിയെ പ്രഖ്യാപിച്ചെങ്കിലും പത്രിക കൊടുക്കേണ്ട അവാസാന സമയത്ത് വരണാധികാരിക്കു മുന്നിലെത്താൻ കഴിഞ്ഞില്ല. ട്രെയിൻ വൈകിയതായിരുന്നു കാരണം. അതും ഡിംപിളിന്റെ ഭാ​ഗ്യം.
പത്രിക നൽകിയിരുന്ന സംയുക്ത സമാജ്‌വാദി ദൾ സ്ഥാനാർഥി ദശരഥ് സിങ് ശങ്ക്വറും സ്വതന്ത്രൻ സാഞ്ജു ഖട്യാറും പിൻവാങ്ങിയതോടെ ഡിംപിൾ ലോക്സഭയിലേക്ക് എതിരില്ലാതെ തെരഞ്ഞെടുക്കപ്പെ‌ട്ടു. സ്വതന്ത്ര ഇന്ത്യയിൽ ലോക്സഭയിലേക്ക് എതിരില്ലാതെ തെരഞ്ഞെടുക്കപ്പെട്ട 44ാമത്തെ വ്യക്തിയാണവർ. പിന്നീട് 2014ലും അവർ കനൗജിൽ വിജയിച്ചെങ്കിലും 2019ൽ പരാജയപ്പെട്ടു. 2022ൽ ഭർതൃപിതാവ് മുലായം സിങ്ങിന്റെ മരണത്തോടെയാണ് മൈൻപുരിയിലേക്കു മാറിയത്. യുപിയിൽ ഇന്ത്യാ സഖ്യത്തിനു വിജയസാധ്യത കാണുന്ന പ്രധാന മണ്ഡലങ്ങളിൽ ഒന്നാണ് മൈൻപുരി.

Continue Reading
Advertisement
1000x200 PX MALAYALI DCTR MDX-02-02
Click to comment

You must be logged in to post a comment Login

Leave a Reply

Featured

ഗുണ്ടകളും പോലീസും തമ്മിലുള്ള ബന്ധം ശക്തം; മുഖ്യമന്ത്രിയ്ക്ക് പോലീസിനെ നിയന്ത്രിക്കാൻ കഴിയുന്നില്ല : രമേശ്‌ ചെന്നിത്തല

Published

on

തിരുവനന്തപുരം: ഡിവൈഎസ്പിയും പോലീസ് ഉദ്യോഗസ്ഥരും ഗുണ്ടാ സത്കാരത്തിൽ പങ്കെടുത്തത് പോലീസ് സേനയുടെ ജീർണാവസ്ഥയുടെ തെളിവാണെന്ന് കോൺഗ്രസ്‌ പ്രവർത്തക സമിതി അംഗം രമേശ്‌ ചെന്നിത്തല. പോലീസും ഗുണ്ടാ മാഫിയകളുമായുള്ള ബന്ധം ശക്തി പ്രാപിച്ചു വരികയാണ്. ഗുണ്ടാപ്രവർത്തനങ്ങൾ തടയേണ്ടവർ തന്നെ അത്തരം പ്രവർത്തനങ്ങൾ ചെയ്യുന്നവരെ വളർത്തികൊണ്ട് വരികയാണ്. ഇവരെ നിയന്ത്രിക്കാൻ ആഭ്യന്തരം കൈകാര്യം ചെയ്യുന്ന മുഖ്യമന്ത്രി പിണറായി വിജയന് കഴിയുന്നില്ലെന്ന് രമേശ് ചെന്നിത്തല പറഞ്ഞു.

“ഇവിടെ ഡിജിപി ഉണ്ടോയെന്ന് സംശയമാണ്. ആരാണ് ഡിജിപി എന്ന് ആർക്കും അറിയില്ല. ഗുണ്ടകളും മാഫിയ സംഘങ്ങളും അഴിഞ്ഞാടുമ്പോൾ പോലീസിലെ ഉന്നതർ അവരെ സഹായിക്കുകയാണ്. ഇവർക്ക് ഭരിക്കുന്ന പാർട്ടിയുടെ സഹായമുണ്ട്. പോലീസും ഗുണ്ടകളും തമ്മിലുള്ള ബന്ധം ശക്തമാകാൻ ഇതാണ് കാരണം.

Advertisement
1000x200 PX MALAYALI DCTR MDX-02-02

142 കൊലപാതകങ്ങൾ ഇതുവരെ നടന്നു. തെരഞ്ഞെടുപ്പിന് മുൻപ് 1880 പേരുടെ പട്ടിക തയ്യാറാക്കിയെങ്കിലും 180 ഗുണ്ടകളെ മാത്രമാണ് പിടിക്കാനായത്. തലസ്ഥാനത്ത് പോലും ഗുണ്ടാ വിളയാട്ടമാണ് നടക്കുന്നത്. യുഡിഎഫ് ഭരണകാലത്ത് ഗുണ്ടാ വിളയാട്ടം ഇല്ലാതാക്കാൻ നടപ്പാക്കിയ ഓപ്പറേഷൻ രക്ഷാ പദ്ധതി കാര്യക്ഷമമായി നടപ്പിലാക്കണം. രാഷ്ട്രീയ ഇടപെടൽ കൊണ്ട് കാര്യക്ഷമതയുള്ള പോലീസ് ഉദ്യോഗസ്ഥർ പോലും നോക്കുകുത്തികളായി മാറുകയാണെന്നും ജനങ്ങൾക്ക് ഭയം കൂടാതെ ജീവിക്കാൻ ആകുന്നില്ലെന്നും രമേശ് ചെന്നിത്തല കൂട്ടിച്ചേർത്തു.

Advertisement
1000x200 PX MALAYALI DCTR MDX-02-02
Continue Reading

Featured

കോട്ടയത്ത് ഉരുൾപൊട്ടൽ; ജാഗ്രത നിർദേശവുമായി ജില്ലാ കളക്ടർ

Published

on

കോട്ടയം: കോട്ടയത്ത് ഭരണങ്ങാനം വില്ലേജ് ഇടമറുക് ചൊക്കല്ല് ഭാഗത്താണ് ഉരുൾപൊട്ടലുണ്ടായി. പ്രദേശത്തെ ഏഴ് വീടുകള്‍ ഉരുള്‍പൊട്ടലില്‍ തകര്‍ന്നു. വ്യാപക കൃഷിനാശവും മറ്റ് നാശനഷ്ടങ്ങളും ഉണ്ടായി. ആളയപായമില്ല. ഇന്ന് രാവിലെ മുതലുള്ള അതിശക്തമായ മഴയ്ക്ക് പിന്നാലെയാണ് ഉരുൾ പൊട്ടലുണ്ടായത്.

തലനാട് പഞ്ചായത്തിലെ ഇല്ലിക്കകല്ലിന് സമീപം ചോനമാലയിലും ഉരുള്‍ പൊട്ടലുണ്ടായി. ഉരുളില്‍ നരിമറ്റം ചോവൂര്‍ ഇലവുമ്പാറ പൊതുമരാമത്ത് റോഡ് തകര്‍ന്നു. കല്ലേപുരയ്ക്കല്‍ ജോമോന്‍, ജോര്‍ജ് പീറ്റര്‍, മൂത്തനാനിക്കല്‍ മനോജ് എന്നിവരുടെ പുരയിടത്തില്‍ വ്യാപക കൃഷി നാശമുണ്ടായി.

Advertisement
1000x200 PX MALAYALI DCTR MDX-02-02

കോട്ടയം ജില്ലയില്‍ വരും ദിവസങ്ങളില്‍ മഴ രൂക്ഷമാകുമെന്ന മുന്നറിയിപ്പുകള്‍ നിലനിൽക്കുന്നതിനാൽ ജില്ലയിലെ പ്രധാന വിനോദസഞ്ചാര കേന്ദ്രങ്ങളിലേക്കുള്ള പ്രവേശനം നിരോധിച്ചിട്ടുണ്ട്. ഇലവീഴാപൂഞ്ചിറ, ഇല്ലിക്കല്‍കല്ല്, മാര്‍മല അരുവി തുടങ്ങിയ വിനോദസഞ്ചാര കേന്ദ്രങ്ങളിലേക്കുള്ള പ്രവേശനവും ഈരാറ്റുപേട്ട-വാഗമണ്‍ റോഡിലെ രാത്രികാലയാത്രയും നിരോധിച്ച് ജില്ലാ കളക്ടര്‍ വി വിഗ്നേശ്വരി ഉത്തരവ് പുറത്തിറക്കി.

Advertisement
1000x200 PX MALAYALI DCTR MDX-02-02
Continue Reading

Featured

ഇടക്കാല ജാമ്യം നീട്ടണം; അടിയന്തരമായി ഹർജി പരിഗണിക്കണമെന്ന കെജ്‌രിവാളിന്റെ ആവശ്യം തള്ളി

Published

on

ഡൽഹി: ഇടക്കാല ജാമ്യം നീട്ടി നൽകണമെന്ന് ആവശ്യപ്പെട്ടുകൊണ്ട് നൽകിയ ഹർജി അടിയന്തരമായി പരിഗണിക്കണമെന്ന കെജ്‌രിവാളിന്റെ ആവശ്യം തള്ളി സുപ്രീം കോടതി. ആരോഗ്യകാരണങ്ങളാൽ ഒരാഴ്ചകൂടി ജാമ്യംനീട്ടി നൽകണമെന്നാണ് കെജ്‌രിവാൾ ആവശ്യപ്പെട്ടത്.

തെരഞ്ഞെടുപ്പ് പ്രവർത്തനങ്ങളുടെ ഭാഗമായി ജൂൺ 1 വരെയാണ് ജാമ്യം അനുവദിച്ചിരിക്കുന്നത്. ജൂൺ 2 ന് കെജ്‌രിവാൾ തിരികെ തിഹാർ ജയിലിൽ പ്രവേശിക്കണമെന്നാണ് കോടതി നിർദേശം. ഹർജി ചീഫ് ജസ്റ്റിസ് ഡി.വൈ.ചന്ദ്രചൂഡിന് കൈമാറുമെന്നും ഇക്കാര്യത്തിൽ എപ്പോൾ വാദം കേൾക്കണമെന്ന് അദ്ദേഹം തീരുമാനിക്കുമെന്നും ജസ്റ്റിസ് ജെ.കെ.മഹേശ്വരി, കെ.വി.വിശ്വനാഥൻ എന്നിവരുടെ ബെഞ്ച് വ്യക്തമാക്കി.

Advertisement
1000x200 PX MALAYALI DCTR MDX-02-02
Continue Reading

Featured