Global
ആശങ്ക വേണ്ട, സുനിത സെയ്‌ഫെന്ന് നാസ
കാലിഫോര്‍ണിയ: സുനിത വില്യംസിന്റെ കഴിഞ്ഞ ദിവസം പുറത്തുവന്ന ചിത്രം ഉണ്ടാക്കിയ ആശങ്ക ചെറുതല്ല. ശരീരം വല്ലാതെ മെലിഞ്ഞിരിക്കുന്നു, കണ്ണുകള്‍ കുഴിഞ്ഞു… രണ്ട് കവിളുകളും ഒട്ടിപ്പോയിരിക്കുന്നു. ദീര്‍ഘകാല ബഹിരാകാശവാസം കാരണം സുനിതാ വില്യംസിന്റെ ആരോഗ്യം ക്ഷയിച്ചോ? സുരക്ഷിതയാണോ? എന്നാണ് അവരെ തിരിച്ചെത്തിക്കുക? ആശങ്കള്‍ നിറഞ്ഞ ചോദ്യങ്ങള്‍ സമൂഹ മാധ്യമങ്ങളിലടക്കം ഉയര്‍ന്നിരിക്കുന്നു.
എന്നാല്‍, എല്ലാവരും സുഖമായിരിക്കുന്നു എന്നാണ് നാസയുടെ മറുപടി. അന്താരാഷ്ട്ര ബഹിരാകാശ നിലയത്തിലെ എല്ലാ ബഹിരാകാശയാത്രികരും നല്ല ആരോഗ്യത്തോടെ തന്നെയാണുള്ളതെന്ന് നാസ വ്യക്തമാക്കി. പതിവ് മെഡിക്കല്‍ ചെക്കപ്പുകള്‍ നടത്തുന്നുണ്ടെന്നും ഫ്‌ലൈറ്റ് സര്‍ജന്മാര്‍ അവരെ നിരന്തരം നിരീക്ഷിച്ചുവരികയാണെന്നും നാസയുടെ സ്പേസ് ഓപ്പറേഷന്‍സ് മിഷന്‍ ഡയറക്ടറേറ്റിന്റെ വക്താവ് ജിമി റസ്സല്‍ പറഞ്ഞു.
പുറത്തുവന്ന ചിത്രത്തില്‍ സുനിതാ വില്യംസിന്റെ ഭാരം വളരെയധികം കുറഞ്ഞതായാണ് തോന്നുന്നത്. ഉയര്‍ന്ന ഉയരത്തില്‍ ദീര്‍ഘനേരം താമസിക്കുന്നതിന്റെ സ്വാഭാവിക സമ്മര്‍ദ്ദങ്ങള്‍ കാരണമാണെന്ന് സിയാറ്റില്‍ ആസ്ഥാനമായുള്ള ഒരു പള്‍മോണോളജിസ്റ്റ് ചൂണ്ടിക്കാട്ടുന്നു. സാധാരണഗതിയില്‍ ശരീരഭാരം കുറയുമ്പോഴാണ് കവിളുകള്‍ കുഴിഞ്ഞതായി കാണപ്പെടുന്നത്. സുനിതാ വില്യംസിന്റെ മുഖവും കണ്ണുകളും കാണുമ്പോള്‍ മനസിലാകുന്നത് ഏറെനാളായി അവര്‍ കലോറി ഡെഫിസിറ്റില്‍ ആയിരിക്കാമെന്നാണെന്നും അദ്ദേഹം സൂചിപ്പിച്ചു. ശരീരത്തിന് ലഭിക്കുന്നതിനേക്കാള്‍ കൂടുതല്‍ കലോറി നഷ്ടമാകുന്നത് കൊണ്ടാണ് ഇത് സംഭവിക്കുന്നത്. ശരീര താപം നിലനിര്‍ത്തുന്നതിനായി ശരീരം കൂടുതല്‍ ഊര്‍ജം ഉപയോഗപ്പെടുത്തുന്നുണ്ടാവാമെന്നും അദ്ദേഹം സൂചിപ്പിച്ചു.
ബോയിങ് സ്റ്റാര്‍ലൈനര്‍ പേടകത്തിന്റെ പരീക്ഷണാര്‍ഥം വെറും എട്ട് ദിവസം മാത്രം നീണ്ട ദൗത്യത്തിനായി അന്താരാഷ്ട്ര ബഹിരാകാശ നിലയത്തിലേക്ക് പോയതായിരുന്നു നാസയുടെ സഞ്ചാരികളായ ബുച്ച് വില്‍മോറും സുനിത വില്യംസും. എന്നാല്‍, പേടകത്തിന്റെ തകരാറുകാരണം മാസങ്ങള്‍ പിന്നിട്ടിട്ടും തിരിച്ചുവരാനായില്ല. ഫെബ്രുവരിയില്‍ തിരിച്ചുവരുന്ന ക്രൂ 9 പേടകത്തിലാണ് ഇരുവരെയും തിരികെ എത്തിക്കുക.
ബഹിരാകാശ സഞ്ചാരികളുടെ ആരോഗ്യം നിലനിര്‍ത്താന്‍ ദിവസേന 2.5 മണിക്കൂര്‍ വ്യായാമം നിഷ്‌കര്‍ഷിച്ചിട്ടുണ്ട്. എല്ലുകളുടെയും മസിലുകളുടെയും ആരോഗ്യം നഷ്ടമാകാതിരിക്കാന്‍ മതിയായ വ്യായാമം ബുച്ച് വില്‍മോറും സുനിത വില്യംസും ചെയ്യുന്നുണ്ടെന്നാണ് നാസ വ്യക്തമാക്കുന്നത്. അതിനാല്‍ സുനിതാ വില്യംസിന് പെട്ടെന്നൊരു അത്യാഹിതം സംഭവിക്കുമെന്ന ആശങ്ക വേണ്ടെന്നും അവര്‍ സേഫാണെന്നും നാസ അറിയിച്ചു.
ഷാർജ: ഷാർജ കെഎംസിസി തൃശൂർ ജില്ല കമ്മിറ്റിയുടെ തൃശൂർ ഫെസ്റ്റ് 2025ന് തുടക്കമായി. ഷാർജ ഇന്ത്യൻ അസോസിയേഷൻ ഹാളിൽ നടന്ന തൃശൂർ ഫെസ്റ്റ് 2025 ന്റെ വിളംബര പ്രഖ്യാപന സംഗമം, നാഷണൽ കെഎംസിസി ജനറൽ സെക്രട്ടറി പി. കെ അൻവർ നഹ ഉദ്ഘാടനം ചെയ്തു. ഷാർജ കെഎംസിസി തൃശൂർ ജില്ല പ്രസിഡന്റ് അബ്ദുൽ ഖാദർ ചക്കനാത്ത് അധ്യക്ഷത വഹിച്ചു, ജനറൽ സെക്രട്ടറി നസറുദ്ദീൻ താജുദ്ദീൻ സ്വാഗതം പറഞ്ഞു.
ജില്ലാ വൈസ്പ്രസിഡന്റ് മാരായ കെ പി കബീർ , ഇക്ബാൽ കടപ്പുറം , അബ്ദുൽ വഹാബ് സെക്രട്ടറി മാരായ നാസർ കടപ്പുറം , ഫവാസ് കൈപ്പമംഗലം , ഷംസുദീൻ, നിയോജകമണ്ഡലം നേതാക്കളായ ആർ.ഒ ഇസ്മായിൽ,ഉസ്മാൻ മണലൂർ, ഹബീബ് നാട്ടിക, നിസാം വാടാനപ്പിള്ളി , ഇർഷാദ് മണലൂർ ശരീഫ് നാട്ടിക, മൊയിനുദ്ധീന് തുടങ്ങിയവർ നേതൃത്വം നൽകിയ വിളംബര സംഗമത്തിൽ സാമൂഹിക, സാംസ്കാരിക, കലാ രംഗത്തെ പ്രശസ്തയായ ഇന്ദുലേഖ വാര്യർ മുഖ്യഥിതി ആയിരുന്നു. പാടിയും പറഞ്ഞും ചിന്തിപ്പിക്കും നവാസ് പാലേരിയുടെ സംഗീത വിരുന്നോടെ തൃശൂർ ഫെസ്റ്റ് 2025 ന്റെ പരിപാടികൾക്ക് തുടക്കം കുറിച്ചു.
കുടുംബ സംഗമങ്ങൾ, ഫുട്ബോൾ ടൂർണമെന്റ്, വടം വലി മത്സരം, വിനോദ യാത്ര, ചിത്ര രചന മത്സരങ്ങൾ, എഡ്യൂക്കേഷൻ ഫെസ്റ്റ്, ബ്ലഡ്‌ ഡോനെഷൻ, മെഡിക്കൽ ക്യാമ്പ്, പാചകമത്സരം, ബിസിനെസ്സ് മീറ്റ്, യു എ ഇ തൃശൂർ ലീഡേഴ്‌സ് മീറ്റ്, ആദരവ്, വിവിധ കലാപരിപാടികളും സാംസ്കാരിക സമ്മേളനങ്ങളും തൃശൂർ ഫെസ്റ്റിന്റെ ഭാഗമായി നടക്കുമെന്ന് തൃശൂർ ഫെസ്റ്റ് ഭാരവാഹികൾ അറിയിച്ചു.
ഷാർജ കെഎംസിസി സ്റ്റേറ്റ് വൈസ് പ്രസിഡന്റ് ത്വയ്യിബ് ചേറ്റുവ, ഷാർജ ഇന്ത്യൻ അസോസിയേഷൻ മുൻ ജനറൽ സെക്രട്ടറി മാരായ അബ്ദുള്ള മല്ലിശ്ശേരി, ടി വി നസീർ , ചാക്കോ ഊളകാടൻ എന്നിവർ ആശംസകൾ അർപ്പിച്ചു സംസാരിച്ചു.സംസ്ഥാന കമിറ്റി സെക്രട്ടറി ഫൈസൽ അഷ്ഫാഖ് ,ഫസൽ തലശ്ശേരി,കോഴിക്കോട് ജില്ല പ്രസിഡന്റ് അബ്ബാസ്‌, ജനറൽ സെക്രട്ടറി അലി വടയം, ഷാഫി വള്ളിക്കാട്, ഉസ്മാൻ കോറോത് ,ശമീൽ കാസർകോട് ജില്ലാ പ്രസിഡന്റ് ഷാഫി തച്ചങ്ങാട് ,മുഹമ്മദ് മണിയോടി ശരീഫ് പൈക, ഷാഫി സാഹിബ് മലപ്പുറം ജില്ലാ പ്രസിഡന്റ് ഹംസ കോരത്ത് ഹമീദ് ബാബു ഇബ്രാഹിം പള്ളിയറക്കൽ , ഹംസ കണ്ണൂർ ജില്ലാ നേതാക്കൾ മുഹമ്മദ് മാട്ടുമ്മൽ ഉമർ ഫാറൂഖ് , ഷഫീഖ് സാഹിബ് ,റഷീദ് ബാഖവി, ഹംസ മുക്കൂട് ,എന്നിവരുടെയും തൃശൂർ ജില്ല ഭാരവാഹികളുടെയും മണ്ഡലം നേതാക്കന്മാരുടെയും സാനിദ്യത്തിൽ തൃശൂർ ഫെസ്റ്റ് 2025 ന്റെ ബ്രോഷർ പ്രകാശനം നടത്തി.
ഷാർജ കെഎംസിസി വനിതാ വിംഗ് സ്റ്റേറ്റ് പ്രസിഡന്റ് ഫബീന, സെക്രട്ടറി ഷജീല അബ്ദുൽ വഹാബ്, ജില്ല വനിത വിംഗ് പ്രസിഡന്റ് സജ്‌ന ഉമ്മർ, ജനറൽ സെക്രട്ടറി ഹസീന റഫീഖ്, ട്രഷറർ ഷംന നിസാം, റുക്‌സാന നൗഷാദ് , ശഹീറ ബഷീർ , ഷെറീന നജു , ഫസീല കാദർ മോൻ , ബൽകീസ് മുഹമ്മദ് , സബീന ഷാനവാസ്‌, സ്വാലിഹ നസറുദ്ദീൻ മറ്റു വനിത വിംഗ് ഭാരവാഹികളുടെയും നേതൃത്വത്തിൽ മുഖ്യഥിതി ഇന്ദുലേഖ വാര്യർക്ക് സ്നേഹദരവും കൈമാറി. ഷാർജ കെഎംസിസി വനിതാ വിംഗ് സ്റ്റേറ്റ് ഭാരവാഹികളായ സൈനബ മല്ലശ്ശേരി , സുഹറ അഷ്‌റഫ് താമരശ്ശേരി ,സഫിയ , സബിത തുടങ്ങിയവർ സന്നിഹിതരായിരുന്നു.
തൃശൂർ ഫെസ്റ്റ് 2025 പ്രഖ്യാപന സംഗമത്തിൽ മുഹമ്മദ് ഫൈദ് പ്രാർത്ഥനയും ഷാർജ കെഎംസിസി തൃശൂർ ജില്ല ട്രഷറർ മുഹസിൻ മുഹമ്മദ് നന്ദിയും പറഞ്ഞു.
കുവൈറ്റ് സിറ്റി : വർണ്ണാഭമായ സാംസ്കാരിക ഘോഷയാത്രയ്ക്ക്‌ ശേഷം മണ്മറഞ്ഞ്‌ പോയവർക്കായുള്ള സ്മൃതിപൂജാനന്തരം കുവൈത്ത്‌ ദേശീയഗാനത്തോടെ സാംസ്കാരിക സമ്മേളനം ആരംഭിച്ചു. ഓണത്തനിമ കൺവീനർ ദിലീപ്‌ ഡി.കെ. അധ്യക്ഷനായ ചടങ്ങിൽ ശ്രീമതി ഉഷ ദിലീപ്‌ സ്വാഗതം ആശംസിച്ചു. ജെനറൽ കൺവീനർ ജോജിമോൻ തോമസ്‌ ആമുഖപ്രസംഗം നടത്തി. ജോയൽ ജേക്കബ്‌ (എക്സിക്യൂട്ടീവ്‌ അഡ്മിൻ മാനേജർ – യുണൈറ്റഡ്‌ ഗ്രൂപ്പ്‌ ഓഫ് സ്കൂൾസ്‌) ഉത്ഘാടനകർമ്മം നിർവ്വഹിച്ചു. സിറ്റി ഗ്രൂപ്പ്‌ കമ്പനി സിഇഒ ശ്രീ ഡോ: ധീരജ്‌ ഭരദ്വാജ്‌ പേൾ ഓഫ് ദി സ്കൂൾ അവാർഡ്‌ ജേതാക്കൾക്ക്‌ പ്രചോദനമായ് മുഖ്യപ്രഭാഷണം നടത്തി. മാത്യു വർഗീസ് (സി ഇ ഒ – ബഹറൈൻ എക്സ്ചേഞ്ച്‌), മുസ്തഫ ഹംസ (ചെയർമാൻ &സിഇഒ മെട്രോമെഡികൽ ഗ്രൂപ്പ്‌), കെഎസ്‌ വർഗ്ഗീസ്‌ (എം.ഡി. – ജി.എ.ടി) , മുഹമ്മദ് അലി (ഓപറേഷൻ മാനേജർ – മാൻഗോ ഹൈപ്പർമാർക്കറ്റ്‌ ),റാണാ വർഗീസ് (തനിമ ട്രഷറർ), ജിനു കെ അബ്രഹാം (തനിമ ഓഫീസ്‌ സെക്രെട്ടറി) എന്നിവർ ആശംസകൾ അർപ്പിച്ചു. അലീന ജിനൊ, ദൃശ്യ പി സംഗീത്‌, ജുവാന ഷാജി എന്നീ കുട്ടിത്തനിമ അംഗങ്ങൾ പ്രാർത്തനാഗീതം ആലപിച്ചു.
തനിമ വടംവലി മത്സരത്തിനു ടഗ്‌ ഓഫ് വാർ ഫെഡറേഷൻ ഓഫ് ഇന്ത്യയുടെ അംഗീകാരം ലഭിച്ചതിന്റെ ലോഗോ പ്രകാശനം പ്രശസ്ത കരാട്ടേ കായിക താരം സുരേഷ്‌ കാർത്തിക്‌ നിർവ്വഹിച്ചു. ടഗ്‌ ഓഫ് വാർ ഫേഡറേഷൻ ഓഫ് ഇന്ത്യ – പ്രസിഡന്റ് ഹരി ശങ്കർ ഗുപ്ത ഓൺലൈനിൽ ആശംസകൾ അറിയിച്ചു. ശിവാണി ചൗഹാൻ (ഇന്ത്യൻ ഇന്റർനാഷണൽ വോളിബോൾ താരം) പതാക സ്പോട്സ്‌ കൺവീനർ ജിൻസ്‌ മാത്യുവിനു കൈമാറി, വടംവലി മത്സരം ഫ്ലാഗ്‌ ഓഫ് ചെയ്തു. തനിമ ഡയരക്ടറി കൺവീനർ ഷാമോൻ ജേകബിൽ നിന്ന് ബിഇസി മാത്യു വർഗ്ഗീസും ഗൾഫ്‌ അഡ്വാൻസ്‌ഡ്‌ ടെക്നോളജി എം.ഡി കെ.എസ്‌ വർഗ്ഗീസും ഏറ്റുവാങ്ങി റിലീസ്‌ ചെയ്തു. മെട്രോ മെഡികൽ ഗ്രൂപ്പിന്റെ 10ആം വാർഷിക ലോഗോ പ്രകാശനവും പ്രൊഫെയിൽ അവതരണവും സംഘടിപ്പിച്ചു. മെട്രോ മെഡിക്കൽ ഗ്രൂപ്പിന്റെ വരുംകാല പദ്ധതികളും ജനക്ഷേമസേവനങ്ങളും ചെയർമാൻ മുസ്തഫ ഹംസ വിവരിച്ചു. നൃത്തകലാകാരൻ കൃഷ്ണപ്രസാദിനും സിവി എൻ കളരിയുടെ ഷെബിക്കും അവരുടെ ദൃശ്യാഅവതരണങ്ങൾക്ക്‌ തനിമയുടെ ആദരവ് നൽകി. ഇന്ത്യൻ സ്കൂളുകളിൽ നിന്നും തിരഞ്ഞെടുക്കപ്പെട്ട 27 വിദ്യാർത്ഥികൾക്ക്‌ ഉള്ള എ.പി.ജെ. അബ്ദുൽ കലാം പേൾ ഓഫ് ദി സ്കൂൾ അവാർഡ്‌ ദാനം നടന്നു. തുടർന്ന് 20തോളം ടീമുകൾ പങ്കെടുത്ത 18ആം ദേശീയ വടംവലി മത്സരം നടന്നു. ജോയിന്റ്‌ കൺവീനർ കുമാർ തൃത്താല നന്ദി അറിയിചു. ബാബുജി ബത്തേരി & പൗർണമി സംഗീത്‌ എന്നിവർ പ്രൊഗ്രാമുകൾ ഏകോപിപ്പിച്ചു.
കുവൈറ്റ് സിറ്റി: പാലക്കാട് പനയംപാടത്ത് വിദ്യാർത്ഥികൾക്കുമേൽ ലോറി മറിഞ്ഞുണ്ടായ അപകടത്തിൽ ഇർഫാന ഷെറിൻ, റിദ ഫാത്തിമ, നിദ ഫാത്തിമ, ആയിഷ എന്നെ കുട്ടികളുടെ ജീവൻ നഷ്ട്ടമായതിൽ കുവൈറ്റ് ഒഐസിസി നാഷണൽ കമ്മറ്റി അനുശോചനം രേഖപ്പെടുത്തി. അപകടത്തിൽ പരിക്കേറ്റ മറ്റ് കുട്ടികൾക്ക് എത്രയും പെട്ടെന്ന് പൂർണ ആരോഗ്യം വീണ്ടെടുക്കട്ടെ എന്നും പ്രസിഡന്റ് വർഗീസ് പുതുക്കുളങ്ങര ജനറൽ സെക്രട്ടറി ബി.സ്. പിള്ള എന്നിവർ ചേർന്ന് അനുശോചന കുറിപ്പിൽ അറിയിച്ചു.
-
Kerala2 weeks agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News2 days agoക്ഷാമബത്ത കേസില് ഇടക്കാല ഉത്തരവ്
-
News1 month agoക്ഷാമ ബത്ത കേസിൽ ഇടക്കാല ഉത്തരവ്
-
Featured2 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala2 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News1 month ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News2 days agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Education3 months agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
You must be logged in to post a comment Login