Kerala
നിയമം കൈയിലെടുക്കാൻ നിർബന്ധിക്കരുത്: വി.ഡി സതീശൻ
കോൺ. പൊലീസ് സ്റ്റേഷൻ മാർച്ച് തുടങ്ങി
തിരുവനന്തപുരം: നിയമം കൈയിലെടുക്കാൻ കോൺഗ്രസ് പ്രവർത്തകരെ വല്ലാതെ നിർബന്ധിതരാക്കരുതെന്ന് പ്രതിപക്ഷ നേതാവ് വി.ഡി. സതീശൻ. നിയമം സംരക്ഷിക്കേണ്ടവർ പൊലീസ് ആണ്. പൊലീസ് നിയമപാലനം നിർവഹിക്കാത്ത സാഹചര്യത്തിൽ ആ ചുമതല ഞങ്ങൾ ഏറ്റെടുത്താൽ കുറ്റപ്പെടുത്തരുതെന്ന് സതീശൻ മുന്നറിയിപ്പ് നൽകി.
പൊലീസിന്റെ സാന്നിധ്യത്തിലാണ് മുഖ്യമന്ത്രിയുടെ ഗൺമാൻ പരസ്യമായി യൂത്ത് കോൺഗ്രസ് പ്രവർത്തകരെ വളഞ്ഞിട്ട് ആക്രമിച്ചത്. ഇതിന് അദ്ദേഹത്തിന് ആരാണ് അധികാരം നൽകിയത്. ഈ ഗൺമാനെ മുഖ്യമന്ത്രി പുറത്താക്കണമെന്നും സതീശൻ ആവശ്യപ്പെട്ടു. നിയമം കൈയിലെടുക്കുന്ന എസ്എഫ്ഐ- ഡിവൈഎഫ്ഐ പ്രവർത്തകരെ സംരക്ഷിക്കുകയും ജനാധിപത്യപരമായ രീതിയിൽ സമരം ചെയ്യുന്ന യൂത്ത് കോൺഗ്രസ്- കെ.എസ്യു പ്രവർത്തകരെ വളഞ്ഞിട്ട് ആക്രമിക്കുകയും ചെയ്യുകയാണ്. ഇത് അംഗീകരിക്കല്ല. പൊലീസ് ഇരട്ട നീതിയാണ് കാണിക്കുന്നത്. അതിനെതിരേ അതിശക്തമായി പ്രതികരിക്കുമെന്നും അദ്ദേഹം മുന്നറിയിപ്പ് നൽകി.
കേരളത്തിൽ സർക്കാരും ഗവർണരും തമ്മിൽ നടത്തുന്ന ചക്കളത്തിപ്പോരാട്ടം മച്ചാൻ കളിയാണ്. നവകേരള സദസ് പൊളിഞ്ഞു പാളീസാവുകയും ജനരോഷം ശക്തമാവുകയും ചെയ്തപ്പോൾ പരസ്പരം സഹായിക്കാനാണ് ഗവർണർ തെരിവിലിറങ്ങിയതും എസ്എഫ്ഐ അദ്ദേഹത്തിനെതിരേ തിരിഞ്ഞതും. കേരളത്തിലെ ഉന്നത വിദ്യാഭ്യാസ മേഖല അപ്പാടെ താറുമാറായി. ഗവണ്മെന്റും രാജ്ഭവനും ഇക്കാര്യത്തിൽ രാഷ്ട്രീയം കളിക്കുകയാണ്. സിപിഎം നല്കിയ പട്ടികയും സംഘപരിവാർ നല്കിയ പട്ടികയും പരിശോധിച്ചാണ് സെനറ്റിലേക്കും സിൻഡിക്കറ്റലേക്കുമുള്ള നിയമനം. യോഗ്യതയോ മാനദണ്ഡങ്ങളോ പലിക്കപ്പെടുന്നില്ല. സർക്കാർ പ്രതിസന്ധിയിലാകുമ്പോൾ ഗവർണറും ഗവർണർ പ്രതിസന്ധിയിലാകുമ്പോൾ സർക്കാരും സഹായത്തിനെത്തുന്ന പ്രവണതയാണു കാണുന്നത്.
നവ കേരള സദസ് കഴിയുന്നതോടെ സർക്കാരും രാജ്ഭവനും തമ്മിൽ ഭായിഭായി ആകുമെന്നും ബജറ്റിനു മുന്നോടിയായുള്ള നയ പ്രഖ്യാപന പ്രസംഗവുമായി ഗവർണർ സർക്കാരിനെ പിന്തുണച്ച് ഊർജസ്വലമായി രംഗത്തു വരുമെന്നും വി.ഡി. സതീശൻ മാധ്യമങ്ങളോടു പറഞ്ഞു.
സംസ്ഥാന വ്യാപകമായി കോൺഗ്രസ്- യൂത്ത് കോൺഗ്രസ്- കെ.എസ്.യു പ്രവർത്തകർക്കു നേരേ നടക്കുന്ന അതിക്രമങ്ങളിൽ പ്രതിഷേധിച്ചു സംസ്ഥാന വ്യാപകമായി കോൺഗ്രസ് പ്രവർത്തകർ പൊലീസ് സ്റ്റേഷനുകൾ ഉപരോധിക്കുകയാണ്. തിരുവനന്തപുരത്ത് പ്രതിപക്ഷ നേതാവ് വി.ഡി. സതീശനും കോഴിക്കോട്ട് യുഡിഎഫ് കൺവീനർ എം.എം. ഹസനും ഉപരോധം ഉദ്ഘാടനം ചെയ്തു. എറണാകുളത്ത് മുൻമന്ത്രി കെ. ബാബു മാർച്ച് ഉദ്ഘാടനം ചെയ്തു. കുണ്ടറ ബ്ലോക്കിലെ മണ്ഡലം കമ്മറ്റികളുടെ നേതൃത്വത്തിൽ നടന്ന പോലീസ് സ്റ്റേഷൻ ഉപരോധം പി.സി വിഷ്ണുനാഥ് എംഎൽഎ ഉത്ഘാടനം ചെയ്തു.
Featured
ആരോപണങ്ങള്ക്ക് മറുപടി പറയുന്നതിന് പകരം സ്റ്റഡി ക്ലാസ് എടുക്കുകയാണ് മുഖ്യമന്ത്രി: വി ഡി സതീശന്
തിരുവനന്തപുരം: മുഖ്യമന്ത്രിയുടെ പൊളിറ്റിക്കല് സെക്രട്ടറിക്കും കേരളത്തിലെ ക്രമസമാധാന ചുമതലയുള്ള എ.ഡി.ജി.പിക്കെതിരെ ഉയര്ന്ന ഗുരുതര ആരോപണങ്ങള്ക്ക് മറുപടി പറയുന്നതിന് പകരം ചരിത്രത്തെ വളച്ചൊടിച്ച് സ്റ്റഡി ക്ലാസ് എടുക്കുകയാണ് മുഖ്യമന്ത്രി ചെയ്യുന്നതെന്ന് പ്രതിപക്ഷ നേതാവ് വി.ഡി. സതീശന്. ഉയരുന്ന ആരോപണങ്ങള്ക്ക് കൃത്യമായ മറുപടിയാണ് വേണ്ടത്. സംഘ്പരിവാറിന് എതിരായ കോണ്ഗ്രസിന്റെ പോരാട്ടത്തിന് പിണറായി വിജയന്റെ സ്റ്റഡി ക്ലാസ് വേണ്ടെന്നും വി.ഡി സതീശന് വാര്ത്താക്കുറിപ്പില് വ്യക്തമാക്കി.
പ്രതിപക്ഷത്തിന്റെ ചോദ്യങ്ങള് വളരെ കൃത്യമാണ്:
- ആര്.എസ്.എസ് ജനറല് സെക്രട്ടറി ദത്തത്രേയ ഹൊസബലയേയും റാം മാധവിനേയും പത്ത് ദിവസത്തെ ഇടവേളയില് എ.ഡി.ജി.പി കണ്ടത് എന്തിന്
- ആര്.എസ്.എസ് നേതാക്കളുമായി മണിക്കൂറുകള് ചര്ച്ച നടത്തിയത് എന്തിന്
- മുഖ്യമന്ത്രിയുടെ രാഷ്ട്രീയ ദൂതനായല്ലേ എഡി.ജി.പി ആര്.എസ്.എസ് നേതാക്കളെ സന്ദര്ശിച്ചത്
- ഇതേ എ.ഡി.ജി.പിയെ ഉപയോഗിച്ച് ബി.ജെ.പിയെ സഹായിക്കാന് മുഖ്യമന്ത്രി തന്നെയല്ലേ തൃശൂര് പൂരം കലക്കിയത്
- പ്രതിപക്ഷത്തിനൊപ്പം എല്.ഡി.എഫിലെ ഘടകകക്ഷികളും എ.ഡി.ജി.പിക്കെതിരെ നടപടി വേണമെന്ന് പരസ്യമായി ആവശ്യപ്പെട്ടിട്ടും മുഖ്യമന്ത്രി സംരക്ഷിക്കുന്നത് എന്തിന്
- കോവളത്ത് റാം മാധവ് – എ.ഡി.ജി.പി കൂടിക്കാഴ്ച നടന്നപ്പോള് ഒപ്പമുണ്ടായിരുന്നവര് ആരൊക്കെ
- പത്ത് ദിവസമായി ഒരു സി.പി.എം എം.എല്.എ പരസ്യമായി മുഖ്യമന്ത്രിക്കും മുഖ്യമന്ത്രിയുടെ ഓഫീസിനും എതിരെ ഉന്നയിക്കുന്ന ആരോപണങ്ങള് ശരിയോ തെറ്റോ
പാര്ട്ടി സഖാക്കള് ഉള്പ്പെടെ ചോദിക്കുന്ന കാതലായ ഈ ചോദ്യങ്ങള്ക്കൊന്നും മറുപടി പറയാതെ ഒളിച്ചു കളിക്കുകയാണ് മുഖ്യമന്ത്രീ നിങ്ങള്.
പിണറായി വിജയനും സി.പി.എമ്മിനും ആര്.എസ്.എസുമായുള്ള ബന്ധം പരസ്യമായ രഹസ്യമാണ്. പ്രകാശ് ജാവദേദ്ക്കറെ കണ്ടതിന്റെ പേരിലല്ലേ ഇ.പി ജയരാജനെ മുന്നണി കണ്വീനര് സ്ഥാനത്ത് നിന്നും ഒഴിവാക്കിയത് അങ്ങനെയെങ്കില് കേരളത്തിലെ ബി.ജെ.പി ചുമതലയുള്ള പ്രഭാരിയായ ജാവദേദ്ക്കറെ നാലും അഞ്ചും തവണ കണ്ടെന്നു പരസ്യമായി സമ്മതിച്ച മുഖ്യമന്ത്രി പിണറായി വിജയനെയല്ലേ ആദ്യം പുറത്താക്കേണ്ടിയിരുന്നത് ആര്.എസ്.എസ് നേതാക്കളെ നിരന്തരം സന്ദര്ശിച്ച് ചര്ച്ച നടത്തുന്ന ക്രമസമാധാന ചുമതലയുള്ള എ.ഡി.ജി.പിയെ സംരക്ഷിക്കുന്നതിലൂടെ എന്ത് സന്ദേശമാണ് പൊതുസമൂഹത്തിന് നല്കുന്നത്
ആര്.എസ്.എസിനെ പ്രതിരോധിച്ചത് സി.പി.എമ്മാണെന്നും അതില് കോണ്ഗ്രസിന് ഒരു പങ്കുമില്ലെന്നുമുള്ള പിണറായി വിജയന്റെ പ്രസ്താവന ചരിത്രം അറിയുന്ന കേരള ജനത അവജ്ഞയോടെ തള്ളിക്കളയും.
1977 ല് ആര്.എസ്.എസിന്റെ പിന്തുണയില് മത്സരിച്ച് നിയമസഭയില് എത്തിയ എം.എല്.എയായിരുന്നു പിണറായി വിജയന്. അന്ന് ഉദുമയിലെ സി.പി.എം- ആര്.എസ്.എസ് സംയുക്ത സ്ഥാനാര്ഥിയായിരുന്നില്ലേ ആര്.എസ്.എസ് നേതാവ് കെ.ജി മാരാര്. അതേ കെ.ജി മാരാര് ഇ.എം.എസിന് ബാഡ്ജ് കുത്തിക്കൊടുക്കുന്ന ചിത്രം ഇപ്പോഴും ലഭ്യമാണെന്നതും മറക്കരുത്. പാലക്കാട് മത്സരിച്ച സി.പി.എം സ്ഥാനാര്ത്ഥി ശിവദാസമേനോന്റെ പ്രചരണ പരിപാടിയില് മുതിര്ന്ന ബി.ജെ.പി നേതാവ് എല്.കെ അദ്വാനി പങ്കെടുത്തതും പിണറായി വിജയന് നിഷേധിക്കുമോ 1989 ല് കോണ്ഗ്രസിനെ അട്ടിമറിക്കാന് വി.പി സിംഗിന് പിന്തുണ നല്കിക്കൊണ്ട് സി.പി.എം നേതാക്കളായ ഇ.എം.എസും ജ്യോതിബസുവും അദ്വാനിക്കും വാജ്പേയിക്കും ഒപ്പം നില്ക്കുന്ന ചിത്രങ്ങളും ഗൂഗിളില് പരതിയാല് കിട്ടും. ഈ വിപ്ലവ പാരമ്പര്യങ്ങളൊക്കെ മറച്ചുവച്ചു കൊണ്ടാണ് പിണറായി വിജയന് ആര്.എസ്.എസിനോട് ഒരു ഘട്ടത്തിലും സന്ധി ചെയ്തിട്ടില്ലെന്നും സി.പി.എം വര്ഗീയതയെ ഒറ്റപ്പെടുത്താന് ശ്രമിച്ചെന്നും പറയുന്നത്.
കഴിഞ്ഞ നിയമസഭ തിരഞ്ഞെടുപ്പില് സി.പി.എം- ബി.ജെ.പി സഖ്യം കേരളത്തില് ഉണ്ടായിരുന്നെന്ന വെളിപ്പെടുത്തല് നടത്തിയത് ആര്.എസ്.എസ് മുഖപത്രമായ ഓര്ഗനൈസറിന്റെ മുന് എഡിറ്റര് ബാലശങ്കറാണ്. സ്വര്ണക്കടത്ത് ഉള്പ്പെടെയുള്ള ആരോപണങ്ങളില് കേന്ദ്ര ഏജന്സികളുടെ അന്വേഷണം അട്ടിമറിക്കുന്നതിന് വേണ്ടിയാണ് ബി.ജെ.പിയുമായി സി.പി.എം സഖ്യമുണ്ടാക്കിയത്. മുഖ്യമന്ത്രി ഉള്പ്പെടെയുള്ളവര്ക്കെതിരായ കേന്ദ്ര ഏജന്സികളുടെ അന്വേഷണങ്ങള് ഒഴിവാക്കിയതിനു പകരമായല്ലേ ബി.ജെ.പി സംസ്ഥാന അധ്യക്ഷന് പ്രതിയാകേണ്ടിയിരുന്ന കൊടകര കുഴല്പ്പണ കേസ് അട്ടിമറിച്ചത്
ഔദ്യോഗിക വാഹനം ഉപേക്ഷിച്ച് സ്വകാര്യ വാഹനത്തിലെത്തി തിരുവനന്തപുരം മാസ്കറ്റ് ഹോട്ടലില് ആര്.എസ്.എസ് നേതാക്കളുമായി ശ്രീ എമ്മിന്റെ മധ്യസ്ഥതയില് ചര്ച്ച നടത്തിയതും മുഖ്യമന്ത്രി പിണറായി വിജയനാണ്. സി.പി.എം- ആര്.എസ്.എസ് ചര്ച്ചയ്ക്ക് മധ്യസ്ഥത വഹിച്ച ശ്രീ എമ്മിന് പിണറായി വിജയന് തന്നെയല്ലേ സര്ക്കാര് ഭൂമി പതിച്ചു നല്കിയത്. ഇതേക്കുറിച്ച് മുഖ്യമന്ത്രിയുടെ മുഖത്തു നോക്കി നിയമസഭയില് ചോദിച്ചിട്ടും മറുപടി ഇല്ലാതെ കുനിഞ്ഞ് ഇരിക്കുകയായിരുന്നില്ലേ
തൃശൂര് പൂരം കലക്കി ബി.ജെ.പിയെ തൃശൂരില് ജയിപ്പിച്ച് പിണറായി വിജയന് വാക്ക് പാലിച്ചതോടെ കരുവന്നൂരിലെ ഇ.ഡി അന്വേഷണവും മുഖ്യമന്ത്രിയുടെ മകളുടെ കമ്പനിക്കെതിരായ എസ്.എഫ്.ഐ.ഒ അന്വേഷണവുമൊക്കെ മരവിച്ചില്ലേ ഇതൊക്കെ പൊതുമധ്യത്തിലുള്ള വസ്തുതകളാണ് മുഖ്യമന്ത്രീ.
പിന്നെ, ഭാരതീയ വിചാര കേന്ദ്രത്തിന്റെ പരിപാടിയില് ഞാന് പങ്കെടുത്തതിനെ കുറിച്ച് എങ്ങും തൊടാതെ മുഖ്യമന്ത്രി പറഞ്ഞിട്ടുണ്ട്. ഭാരതീയ വിചാര കേന്ദ്രത്തിന്റെ പുസ്തക പ്രകാശന വേദിയില് മുന് മുഖ്യമന്ത്രി വി.എസ് അച്യുതാനന്ദനും പങ്കെടുത്തിട്ടുണ്ട്. അതിന്റെ ചിത്രങ്ങള് ഇപ്പോഴും ലഭ്യമാണ്. 2013ല് വിചാര കേന്ദ്രം ഡയറക്ടറായിരുന്ന പി. പരമേശ്വരന് എഴുതിയ ‘സ്വാമി വിവേകാനന്ദനും പ്രബുദ്ധ കേരളവും’ എന്ന പുസ്തക പ്രകാശന ചടങ്ങിലാണ് അച്യുതാനന്ദന് പങ്കെടുത്തത്. ചടങ്ങില് പി. പരമേശ്വരനും ഉണ്ടായിരുന്നു. ഇതേ പുസ്തകം പല ജില്ലകളില് പ്രകാശനം ചെയ്തിരുന്നു. അതിന്റെ ഭാഗമായി തൃശൂരില് സംഘടിപ്പിച്ച ചടങ്ങിലാണ്, മാതൃഭൂമി മാനേജിങ് ഡറക്ടറായിരുന്ന എം.പി വീരേന്ദ്രകുമാറിന്റെ ക്ഷണപ്രകാരം ഞാനും പങ്കെടുത്തത്. വിവേകാനന്ദന് ഹിന്ദുവിനെ കുറിച്ച് പറഞ്ഞതും സംഘ്പരിവാര് മുന്നോട്ട് വക്കുന്ന ഹിന്ദുത്വവും രണ്ടാണെന്നാണ് ഞാന് പ്രസംഗത്തില് പറഞ്ഞത്.
പിന്നെ തലശേരി കലാപം! ആ കെട്ടുകഥ പി.ടി തോമസ് നിയമസഭയില് പൊളിച്ചടുക്കിയതല്ലേ. പി.ടിയുടെ പ്രസംഗം ഇപ്പോഴും സഭാ രേഖയിലുണ്ടല്ലോ കലാപത്തെ കുറിച്ച് അന്വേഷിച്ച ജസ്റ്റിസ് വിതയത്തിലിന്റെ റിപ്പോര്ട്ടിലോ 1972 ഫെബ്രുവരി 22ന് പിണറായി വിജയന് നിയമസഭയില് നടത്തിയ പ്രസംഗത്തിലോ കുഞ്ഞിരാമന്റെ പേരു പോലും ഉണ്ടായിരുന്നില്ലല്ലോ. സത്യം ഇതായിരിക്കെ ആരെ കബളിപ്പിക്കാനാണ് സി.പി.എം ഇപ്പോഴും തലശേരി കലാപത്തെ ഉപയോഗിക്കുന്നത്
ബി.ജെ.പിയെയും ആര്.എസ്.എസിനെയും ഇന്ത്യയില് പ്രതിരോധിക്കുന്നത് കോണ്ഗ്രസാണ്. അതിന്റെ നേതൃസ്ഥാനത്തുള്ള രാഹുല് ഗാന്ധിയെ, ബി.ജെ.പിയെ പ്രീതിപ്പെടുത്തുന്നതിന് വേണ്ടി നിരന്തരം അപമാനിച്ച ആളാണ് പിണറായി വിജയനും കേരളത്തിലെ സി.പി.എമ്മും. കോണ്ഗ്രസ് ഇല്ലാത്ത എന്ത് ഫാഷിസ്റ്റ് വിരുദ്ധ പോരാട്ടത്തെ കുറിച്ചാണ് കേരള മുഖ്യമന്ത്രി പറയുന്നത് സംഘ്പരിവാറിന് എതിരായ കോണ്ഗ്രസിന്റെ പോരാട്ടത്തിന് പിണറായി വിജയന്റെ സ്റ്റഡി ക്ലാസ് വേണ്ട. അത് ഇനി കേരളത്തിലെ സി.പി.എമ്മിനും വേണ്ടി വരുമെന്ന് തോന്നുന്നില്ല.
കൊച്ചി: ചലച്ചിത്ര നിര്മാതാക്കളുടെ സംഘടനയായ ഫിലിം പ്രൊഡ്യൂസേഴ്സ് അസോസിയേഷനെതിരെ വിമര്ശനവുമായി നിര്മാതാവ് സാന്ദ്ര തോമസ്. പ്രൊഡ്യൂസേഴ്സ് അസോസിയേഷന് പൊളിച്ച് പണിയണമെന്ന് സാന്ദ്ര തോമസ് ആവശ്യപ്പെട്ടു. ഇക്കാര്യം ചൂണ്ടിക്കാട്ടി നിര്മാതാക്കളായ സാന്ദ്ര തോമസും ഷീലു കുര്യനും സംഘടനക്ക് കത്ത് നല്കി.
നിലവിലെ കമ്മിറ്റിക്ക് നിക്ഷിപ്ത താല്പര്യമുണ്ട്. ചിലരുടെ താല്പര്യങ്ങള് സംരക്ഷിക്കപ്പെടുന്നു. ഹേമ കമ്മിറ്റി റിപ്പോര്ട്ടില് സംഘടന വലിയ മൗനം പാലിച്ചു. സംഘടനയുടെ യോഗത്തില് ഹേമ കമ്മിറ്റി റിപ്പോര്ട്ട് സംബന്ധിച്ച് മുഖ്യമന്ത്രിക്ക് നല്കിയ കത്ത് വായിക്കുകയുണ്ടായി.
കത്തിലെ ഉള്ളടക്കത്തെ കുറിച്ച് വിയോജിപ്പ് അറിയിച്ചപ്പോള് മുഖ്യമന്ത്രിക്ക് കത്ത് അയച്ചുകഴിഞ്ഞെന്നാണ് എക്സിക്യൂട്ടീവ് കമ്മിറ്റിയംഗമായ അനില് തോമസ് പറഞ്ഞത്. കത്ത് അയക്കുന്നതിന് മുമ്പ് കമ്മിറ്റിയില് ചര്ച്ച ചെയ്യണമായിരുന്നു. കത്തിനെ കുറിച്ച് എക്സിക്യൂട്ടീവിലെ ഭൂരിപക്ഷം അംഗങ്ങളും അറിഞ്ഞിരുന്നില്ല.സിനിമ മേഖലയിലെ സ്ത്രീകളെ കളിയാക്കുന്ന സമീപനമാണ് അസോസിയേഷനുള്ളത്. ഇത്തരം പ്രഹസനങ്ങളില് നിന്ന് സംഘടന മാറിനില്ക്കണം. വിഷയങ്ങളെ ഗൗരവത്തോടെ സമീപിക്കണമെന്നും സാന്ദ്ര തോമസ് കത്തില് ചൂണ്ടിക്കാട്ടി.
നിര്മാതാക്കളുടെ സംഘടനയില് ഒരു വലിയ കോക്കസ് പ്രവര്ത്തിക്കുന്നുണ്ടെന്ന് സാന്ദ്ര തോമസ് ചാനല് അഭിമുഖത്തില് വ്യക്തമാക്കി. പ്രൊഡ്യൂസേഴ്സ് അസോസിയേഷന്റെ ഒരു പരിപാടിയിലും സ്ത്രീകളെ പങ്കെടുപ്പിക്കാറില്ല. സിനിമ ചെയ്ത് തന്നെയാണ് സിനിമ വ്യവസായത്തിലേക്ക് കടന്നുവന്നത്. തരംതിരിച്ച് കാണുന്നതിനോട് യോജിക്കുന്നില്ലെന്നും സാന്ദ്ര തോമസ് വ്യക്തമാക്കി.
Cinema
തനിക്കെതിരായ പീഡന പരാതിക്ക് പിന്നില് സിനിമയിലുള്ളവര് തന്നെയാണോയെന്ന് സംശയമുണ്ടെന്ന് നിവിന് പോളി
കൊച്ചി: തനിക്കെതിരായ പീഡന പരാതിക്ക് പിന്നില് സിനിമയിലുള്ളവര് തന്നെയാണോയെന്ന് സംശയമുണ്ടെന്ന് നിവിന് പോളി. പരാതി ഒരു ചതിയാണോയെന്ന് സംശയമുണ്ടെന്നും ക്രൈംബ്രാഞ്ച് എ.ഡി.ജി.പിക്ക് നല്കിയ പരാതിയില് നിവിന് പോളി പറയുന്നു. ക്രൈംബ്രാഞ്ച് ആസ്ഥാനത്ത് നേരിട്ടെത്തിയാണ് നിവിന് പോളി പരാതി നല്കിയത്.
ഹേമ കമ്മിറ്റി റിപ്പോര്ട്ടിന് പിന്നാലെ നിവിന് പോളി ലൈംഗികമായി പീഡിപ്പിച്ചുവെന്ന ആരോപണവുമായി യുവതി രംഗത്തെത്തിയിരുന്നു. ഹോട്ടല്മുറിയില്വെച്ച് ലൈംഗികമായ പീഡിപ്പിച്ചുവെന്നായിരുന്നു ആരോപണം. എന്നാല്, ഇത് നിഷേധിച്ച് അന്ന് തന്നെ നിവിന് പോളി വാര്ത്താസമ്മേളനം നടത്തിയിരുന്നു.
പിന്നീട് പരാതിക്കാരിക്കെതിരെ നിയമനടപടികളുമായി മുന്നോട്ട് പോകുമെന്നും അറിയിച്ചു. പിന്നാലെ പരാതിക്കാരിയുടെ വാദങ്ങള് തെറ്റാണെന്ന് പറഞ്ഞ തെളിവുമായി വിനീത് ശ്രീനിവാസന്, നടി പാര്വതി കൃഷ്ണ, ഭഗത് മാനുവല് തുടങ്ങിയവര് രംഗത്തെത്തിയിരുന്നു.
ആരോപണങ്ങള്ക്ക് മറുപടി പറയുന്നതിന് പകരം സ്റ്റഡി ക്ലാസ് എടുക്കുകയാണ് മുഖ്യമന്ത്രി: വി ഡി സതീശന്
ഫിലിം പ്രൊഡ്യൂസേഴ്സ് അസോസിയേഷനെതിരെ നിര്മാതാവ് സാന്ദ്ര തോമസ്
തനിക്കെതിരായ പീഡന പരാതിക്ക് പിന്നില് സിനിമയിലുള്ളവര് തന്നെയാണോയെന്ന് സംശയമുണ്ടെന്ന് നിവിന് പോളി
-
Featured4 weeks agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News3 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business4 weeks agoസംസ്ഥാനത്ത് കോഴി വില കുത്തനെ കുറഞ്ഞു
-
Business2 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
News4 weeks agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
You must be logged in to post a comment Login