Connect with us
48 birthday
top banner (1)

Featured

‘കേരളം’ വിൽക്കാനുണ്ട്;
പത്രപ്പരസ്യം നൽകി സർക്കാർ

Avatar

Published

on

തിരുവനന്തപുരം: കേരളത്തിന്റെ പൊതുമേഖലാ സ്ഥാപന ഭൂമി വിൽപ്പനയ്ക്കുണ്ടെന്ന് കാട്ടി വിദേശ പത്രങ്ങളിൽ സർക്കാരിന്റെ പരസ്യം. ട്രാവൻകൂർ സിമന്റ്സിന്റെ 113 ആർ ഭൂമി വിൽക്കാനുള്ള പരസ്യമാണ് ചൊവ്വാഴ്ച ഗൾഫ് ന്യൂസ് ഉൾപ്പെടെയുള്ള മാധ്യമങ്ങളിൽ പ്രസിദ്ധീകരിച്ചത്. കേന്ദ്രസർക്കാർ പൊതുമേഖലാ സ്ഥാപനങ്ങൾ വിറ്റുതുലയ്ക്കുന്നുവെന്ന് ആരോപിച്ച് തെരുവിൽ അക്രമ പ്രക്ഷോഭവും മനുഷ്യച്ചങ്ങലയും തീർക്കുന്ന ഇടതുപക്ഷം ഭരിക്കുമ്പോഴാണ് ഇത്തരമൊരു പത്രപ്പരസ്യം പ്രത്യക്ഷപ്പെട്ടതെന്നതാണ് ശ്രദ്ധേയം.
കേരള സർക്കാരിന്റെ കീഴിൽ കോട്ടയം ജില്ലയിലെ നാട്ടകത്ത് പ്രവർത്തിക്കുന്ന ട്രാവൻകൂർ സിമന്റ്സിന്റെ എറണാകുളത്തെ ഭൂമിയാണ് വിൽക്കുന്നതിനായി മാനേജിങ് ഡയറക്ടറുടെ പേരിലാണ് പരസ്യം. നൽകിയിരിക്കുന്നത്. സ്ഥാപനത്തിന്റെ കാക്കനാടുള്ള കണ്ണായ ഭൂമി വിൽക്കുന്നതിനായി ആഗോള ടെണ്ടറും ലേലവും ക്ഷണിച്ചുകൊണ്ടുള്ളതാണ് പരസ്യം. എറണാകുളം ജില്ലയിൽ ഭൂമിക്ക് ഏറ്റവും വിലപിടിപ്പുള്ള പ്രദേശമാണ് കാക്കനാട്. കൂടതൽ വിവരങ്ങൾക്കായി സർക്കാരിന്റെ ഇ ടെണ്ടർ വെബ്സൈറ്റ് സന്ദർശിക്കണമെന്നും ഈമാസം 29-നാണ് അപേക്ഷിക്കേണ്ട അവസാന തീയതിയെന്നും പരസ്യത്തിൽ വ്യക്തമാക്കിയിട്ടുണ്ട്. ചില മലയാളം പത്രങ്ങളിലും ഇതേ പരസ്യം കഴിഞ്ഞ ദിവസം പ്രസിദ്ധീകരിച്ചിട്ടുണ്ട്. അതേസമയം, ഈ ഭൂമി വിൽക്കുന്നതിന് ഹൈക്കോടതി അനുമതി നൽകിയിട്ടുണ്ടെന്നാണ് സർക്കാർ വൃത്തങ്ങളുടെ വിശദീകരണം.

Continue Reading
Advertisement
VKSHNM NWS KWT 1000 x 180 PX-01
Click to comment

You must be logged in to post a comment Login

Leave a Reply

Featured

പൊലീസ് കെട്ടുകഥകൾ പൊളിഞ്ഞു; മാത്യു കുഴൽനാടനും മുഹമ്മദ് ഷിയാസിനും ജാമ്യം

Published

on

കൊച്ചി: കോതമംഗലത്ത് കാട്ടാനയുടെ ആക്രമണത്തിൽ വയോധിക മരിച്ച സംഭവത്തിൽ പ്രതിഷേധവുമായി രംഗത്തെത്തിയ മാത്യു കുഴൽനാടൻ എംഎൽഎയേയും ഡിസിസി പ്രസിഡന്റ് മുഹമ്മദ് ഷിയാസിനെയും അന്യായമായി അറസ്റ്റ് ചെയ്ത പൊലീസിന് തിരിച്ചടി. രാത്രി വൈകി അറസ്റ്റ് ചെയ്ത ഇരുവരെയും പുലർച്ചെയാണ് മജിസ്ട്രേറ്റിന്റെ വസതിയിൽ ഹാജരാക്കിയത്. തുടർന്ന് ഇരുവർക്കും ജാമ്യം ലഭിച്ചു. അതേസമയം, അവർക്ക് എതിരായ പൊലീസ് നടപടിയിൽ സംസ്ഥാനത്താകെ പ്രതിഷേധം അരങ്ങേറി. ഇന്നും പ്രതിഷേധങ്ങൾ തുടരുവാനാണ് സാധ്യത. രാവിലെ എറണാകുളത്തും കോതമംഗലത്തും തിരുവനന്തപുരത്തും ഉൾപ്പെടെ ശക്തമായ സമരങ്ങൾക്ക് ആഹ്വാനമുണ്ട്.

Continue Reading

Featured

അന്താരാഷ്ട്ര സർഫിംഗ് ഫെസ്റ്റിവൽ മാർച്ച് 29 മുതൽ വർക്കലയിൽ

Published

on

തിരുവനന്തപുരം: അന്താരാഷ്ട്ര സർഫിംഗ് ഫെസ്റ്റിൽ മാർച്ച് 29,30,31 തീയതികളിൽ തിരുവനന്തപുരം വർക്കലയിൽ നടക്കും. സർഫിംഗ് ഫെസ്റ്റിവലിന്റെ ലോഗോയുടെ പ്രകാശനം ചെയ്തു. കേരള അഡ്വഞ്ചർ ടൂറിസം പ്രൊമോഷൻ സൊസൈറ്റി (കെ.എ.ടി.പി.എസ്) തിരുവനന്തപുരം ഡി.ടി.പി.സി.യുമായി സഹകരിച്ച്, സർഫിംഗ് ഫെഡറേഷൻ ഓഫ് ഇന്ത്യ, അന്താരാഷ്ട്ര സർഫിംഗ് അസോസിയേഷൻ (ഐ.എസ്.എ) എന്നിവരുടെ സാങ്കേതിക പിന്തുണയോടെയാണ് ഫെസ്റ്റിവൽ സംഘടിപ്പിക്കുന്നത്.
ഇന്ത്യയുടെ കിഴക്ക്, പടിഞ്ഞാറൻ തീരങ്ങളിലെ വിവിധ നഗരങ്ങളിൽ നിന്നുള്ള സർഫിംഗ് അത്‌ലറ്റുകൾ വിവിധ വിഭാഗങ്ങളിൽ പരസ്പരം മത്സരിക്കും. ഇന്ത്യയിൽ സർഫിംഗ് കായിക വിനോദത്തെ പ്രോത്സാഹിപ്പിക്കുകയും കേരളത്തെ ഇന്ത്യയിലെ ഒരു പ്രധാന സർഫ് ഡെസ്റ്റിനേഷനാക്കുകയുമാണ് ഫെസ്റ്റിവലിലൂടെ ലക്ഷ്യമിടുന്നതെന്ന് ടൂറിസം മന്ത്രി മുഹമ്മദ് റിയാസ് പറഞ്ഞു.
വാട്ടർ സ്‌പോർട്‌സ് പ്രേമികൾക്ക് സർഫിംഗ് എന്ന പുതിയ കായിക വിനോദവും അതിന്റെ ജീവിതരീതിയും ആസ്വദിക്കാനുള്ള അവസരവും ഈ ഫെസ്റ്റിവൽ നൽകും. തുടക്കക്കാർ മുതൽ വിദഗ്ദ്ധർ വരെയുള്ളവർക്ക് പരിശീലിക്കുന്നതിനും ആസ്വദിക്കുന്നതിനുമുള്ള നിരവധി ലെവലുകൾ വർക്കല ബീച്ചിലുണ്ട്. വിദേശികളും അന്യസംസ്ഥാന ടൂറിസ്റ്റുകളും ഉൾപ്പെടെ നിരവധി പേരാണ് സർഫിംഗ് ചെയ്യുവാൻ ഓരോ വർഷവും വർക്കലയിൽ എത്തിച്ചേരുന്നത്. അന്താരാഷ്ട്ര സർഫിംഗ് ഫെസ്റ്റിവലിലൂടെ വർക്കലയെ ഒരു അന്തർദേശീയ സർഫിംഗ് ഡെസ്റ്റിനേഷനാക്കാനാണ് ടൂറിസം വകുപ്പ് ലക്ഷ്യം വയ്ക്കുന്നതെന്നും മന്ത്രി പറഞ്ഞു.

Continue Reading

Featured

കെ.എസ്.യു വിദ്യാഭ്യാസ ബന്ദ് ; എസ്എസ്എൽസി, പ്ലസ്ടു പരീക്ഷകളെ ബാധിക്കില്ല

Published

on

തിരുവനന്തപുരം: സിദ്ധാർത്ഥിൻ്റെ മരണത്തെ തുടർന്ന് സർവ്വകലാശാല ആസ്ഥാനത്തേക്ക് കെ.എസ്.യു നടത്തിയ മാർച്ചിന് നേരെയുണ്ടായ പോലീസ് അതിക്രമത്തിൽ പ്രതിഷേധിച്ച് നാളെ സംസ്ഥാന വ്യാപകമായി പ്രൊഫഷണൽ കോളേജ് ഉൾപ്പടെയുള്ള വിദ്യാഭ്യാസ സ്ഥാപനങ്ങളിൽ വിദ്യാഭ്യാസ ബന്ദിന് പ്രസിഡൻ്റ് അലോഷ്യസ് സേവ്യർ ആഹ്വാനം ചെയ്തു.

അതേസമയം നാളെ നടക്കുന്ന എസ്.എസ്.എൽ.സി, ഹയർ സെക്കൻണ്ടറി, യൂണിവേഴ്സിറ്റി തല പരീക്ഷകളെ സമരത്തിൽ നിന്ന് ഒഴിവാക്കിയിട്ടുണ്ടെന്നും കെ.എസ്.യു സംസ്ഥാന പ്രസിഡൻ്റ് അറിയിച്ചു.

Advertisement
VKSHNM NWS KWT 1000 x 180 PX-01
Continue Reading

Featured