Connect with us
48 birthday
top banner (1)

Kerala

സിവിൽ സർവീസിനെ തകർക്കുന്നത് സാധാരണക്കാർക്കുള്ള സേവനങ്ങൾ നിഷേധിക്കാൻ; 24ലെ പണിമുടക്ക് അനിവാര്യം; ശശി തരൂർ എം.പി

Avatar

Published

on

തിരുവനന്തപുരം: കേരളത്തിൽ ഭരിക്കുന്ന സർക്കാർ തന്നെ സിവിൽ സർവീസിനെ തകർക്കാൻ ശ്രമിക്കുന്നത് സേവനമേഖലയിൽ സാധാരണക്കാർക്ക് നൽകുന്ന ആനുകൂല്യങ്ങൾ നിഷേധിക്കാനുള്ള ശ്രമത്തിന്റെ ഭാഗമായാണെന്നും
അതിനാൽ ജനുവരി 24ലന് സെറ്റോ സംഘടനകൾ ആഹ്വാനം ചെയ്ത പണിമുടക്ക് അനിവാര്യമാണെന്നും പൊതുസമൂഹത്തിലെ എല്ലാ മേഖലയിൽ നിന്നും അതിന് പിന്തുണ ലഭിക്കുമെന്നും ഡോ.ശശി തരൂർ എംപി പറഞ്ഞു.

സ്റ്റേറ്റ് എംപ്ലോയീസ് ആൻ്റ് ടീച്ചേഴ്സ് ഓർഗനൈസേഷൻ്റെ ആഭിമുഖ്യത്തിൽ ജനുവരി 24ന് നടത്തുന്ന പണിമുടക്കിന് നോട്ടീസ് നൽകുന്നതിലേക്കുള്ള സെക്രട്ടറിയേറ്റ് മാർച്ച് ഉദ്ഘാടനം ചെയ്യുകയായിരുന്നു അദ്ദേഹം. വിലക്കയറ്റം കൊടികുത്തി വാഴുന്ന കേരളത്തിൽ സർക്കാർ ജീവനക്കാരുടെ ക്ഷാമബത്ത 2021 ജനുവരി മുതൽ കുടിശികയാണ്. ആറ് ഗഡുക്കളിലായി 18% ക്ഷാമബത്തയാണ് കിട്ടാനുള്ളത്. 2024 ജനുവരിയിൽ അത് ഏഴ് ഗഡു ആയി മാറി കഴിഞ്ഞു. കേന്ദ്രസർക്കാർ ജീവനക്കാർക്ക് 42% ക്ഷാമബത്ത കിട്ടുമ്പോഴും സംസ്ഥാന ജീവനക്കാർക്ക് വെറും ഏഴ് ശതമാനം ആണ് കിട്ടുന്നത്.

Advertisement
inner ad

ഇലക്ട്രിസിറ്റി ചാർജും വാട്ടർ ചാർജ് ഉൾപ്പെടെയുള്ളവ വർദ്ധിപ്പിച്ചു കഴിഞ്ഞു. നിത്യോപയോഗ സാധനങ്ങളുടെ വില സാധാരണക്കാരന് താങ്ങാൻ കഴിയുന്നതിനും അപ്പുറമാണ്. നിശ്ചിത വരുമാനക്കാരായ സർക്കാർ ജീവനക്കാർക്ക് ജീവിത ചെലവുകൾ കണ്ടെത്തുന്നതിന് മറ്റൊരു മാർഗ്ഗവും ഇല്ലാത്ത അവസ്ഥയാണ്. കാലാകാലങ്ങളായി ലഭിച്ചുകൊണ്ടിരുന്ന ലീവ് സറണ്ടർ ആനുകൂല്യം നിഷേധിക്കപ്പെട്ടിട്ട് 5 വർഷമായി.
2019ലെ ശമ്പള പരിഷ്കരണത്തിന്റെ അരിയർ തുക ഇതേവരെ പിഎഫിൽ പോലും ലയിപ്പിച്ചിട്ടില്ല. പങ്കാളിത്ത പെൻഷൻ പിൻവലിച്ചില്ല എന്ന് മാത്രമല്ല അത് പുനഃ പരിശോധിക്കുവാനുള്ള കമ്മിറ്റിയുടെ റിപ്പോർട്ട് പോലും വെളിച്ചം കാണാതെ വയ്ക്കുകയാണ് സർക്കാർ ചെയ്തത്. ആനുകൂല്യങ്ങൾ ഒന്നും ലഭിക്കാതെ 90000 ത്തോളം പെൻഷൻകാരാണ് മരണമടഞ്ഞത് സർക്കാർ ജീവനക്കാരുടെയും പെൻഷൻകാരുടെയും ആരോഗ്യ സുരക്ഷയ്ക്കായി കൊണ്ടുവന്ന മെഡിസെപ്പ് പദ്ധതിയാകട്ടെ ആശുപത്രിയിൽ ചികിത്സയും ഇല്ല എന്ന ദുരവസ്ഥയിലാണ്.

ഇച്ഛാശക്തിയോടെ പ്രവർത്തിക്കേണ്ട ഒരു ഭരണകൂടം ജീവനക്കാരെയും പൊതുസമൂഹത്തെയും ഒറ്റപ്പെടുത്തി ആക്രമിക്കാൻ ആണ് ശ്രമിക്കുന്നത്.
ക്ഷേമ പെൻഷനു വേണ്ടി വയോധികർ ഭിക്ഷ യാചിക്കേണ്ടി വരുന്നത് കേരള സമൂഹത്തിൻറെ കണ്ണ് തുറപ്പിക്കേണ്ടതാണ്.
സ്വകാര്യവൽക്കരണത്തിലേക്കും കുത്തകവൽക്കരണത്തിലേക്കും വ്യതിചലിക്കുന്ന നയങ്ങളുടെ ഭാഗമായാണ് ഭരണകൂടം ഇത്തരം നീക്കങ്ങൾ നടത്തുന്നത്. ആരോഗ്യ മേഖല ഉൾപ്പെടെയുള്ള സുപ്രധാന മേഖലകളെല്ലാം സ്വകാര്യ കമ്പനികൾക്ക് കൊള്ള ലാഭം ഉണ്ടാക്കാൻ ഉള്ള ഇടമായി മാറിക്കഴിഞ്ഞു. ഒരുകാലത്ത് സാധാരണക്കാരന് ചികിത്സ സൗജന്യമായി ലഭ്യമാക്കിയിരുന്ന ആശുപത്രികളിൽ ആവശ്യത്തിന് ചികിത്സയോ മരുന്നോ കിട്ടാത്ത സാഹചര്യമാണ്. അടിയന്തര സാഹചര്യങ്ങളിൽ പോലും സാധാരണക്കാർ മറ്റു മാർഗങ്ങൾ തേടി പോകേണ്ടിവരും.

വികസനവുമായി ബന്ധപ്പെട്ട കാര്യങ്ങൾ എല്ലാം തീരുമാനിക്കുന്നത് കോർപ്പറേറ്റ് താൽപര്യങ്ങൾ മാത്രം മുൻനിർത്തിയാണ്. ഏതൊരു വികസനം ഉണ്ടാകുമ്പോഴും അത് ഈ നാട്ടിലെ സാധാരണക്കാരന് എന്ത് നേട്ടമാണ് ഉണ്ടാക്കുന്നതെന്ന് ചിന്തിക്കണം എന്ന് ഗാന്ധിയൻ ചിന്താധാര ചോദ്യം ചെയ്യപ്പെടുന്ന സാഹചര്യമാണ്. വിദ്യാഭ്യാസ മേഖലയിൽ പോലും സർക്കാർ സേവനങ്ങൾ പരിമിതപ്പെടുത്താനായി ശ്രമിക്കുന്നു.
സിവിൽ സർവീസിൽ വൻതോതിൽ തസ്തിക വെട്ടിക്കുറയ്ക്കുകയാണ്. ജീവനക്കാരുടെ ആനുകൂല്യങ്ങൾ കവർന്നെടുത്ത് സിവിൽ സർവീസിനെ അനാകർഷകമാക്കി മാറ്റി അത് കരാർ നിയമനങ്ങൾക്കും ബന്ധു നിയമനങ്ങൾക്കും ആയി മാറ്റിവയ്ക്കുകയാണ്. ബൗദ്ധികമായി ഉന്നത നിലവാരത്തിലുള്ള യുവ ജനത ഈ രാജ്യം ഉപേക്ഷിച്ച് മറ്റു രാജ്യങ്ങളിൽ തൊഴിൽ സുരക്ഷയും ഉയർന്ന ശമ്പളവും ഉറപ്പാക്കി കുടിയേറുകയാണ്. ഇത് കേരളത്തിൻറെ സാമൂഹിക ഘടനയിൽ പോലും ദൂരവ്യാപകമായ പ്രത്യാഘാതങ്ങൾ ഉളവാക്കും. സാമ്പത്തിക അച്ചടക്കം ഇല്ലാത്ത ചെലവുകൾ സംസ്ഥാനത്തെ കൂടുതൽ കടക്കെണിയിലേക്ക് നയിക്കും. ഉൽപാദന പരമല്ലാത്ത മേഖലകളിൽ കടം വാങ്ങി നിക്ഷേപിക്കുന്നത് ഭാവി തലമുറയോട് ഉള്ള വെല്ലുവിളിയാണ്. ദിശാബോധം ഇല്ലാത്ത ഒരു ഭരണകൂടം ജീവനക്കാർക്ക് നൽകുന്ന വേദനവും ക്ഷാമഭക്ത പോലെയുള്ള ആനുകൂല്യങ്ങളും ഒരു ബാധ്യതയായി ആണ് കണക്കാക്കുന്നത്. തൊഴിലിടങ്ങളിൽ പണിയെടുക്കുന്നവർക്ക് ലോകമെമ്പാടും ലഭിക്കുന്ന ആനുകൂല്യങ്ങളാണ് ഇത്തരത്തിൽ നിഷേധിക്കപ്പെടുന്നത്.

സിവിൽ സർവീസ് തകർക്കപ്പെടുന്നതോടെ കുത്തക സ്ഥാപനങ്ങൾ ആ സ്ഥാനം കയ്യടക്കുകയും അഴിമതി രഹിതമായ സമൂഹത്തിന് പകരം നിക്ഷിപ്ത താൽപര്യക്കാരുടെ ഒരു കൂട്ടം കടന്നുകയറുകയും ചെയ്യും.
അതിനാൽ സിവിൽ സർവീസ് സംരക്ഷണത്തിന് പണിമുടക്കത്തിന് തയ്യാറാകുന്ന സർവീസ് സംഘടനകൾ സംരക്ഷകരുടെ ദൗത്യമാണ് നിർവഹിക്കുന്നത്. അത് കാലഘട്ടത്തിൻറെ അനിവാര്യതയാണ് എന്നും അദ്ദേഹം അഭിപ്രായപ്പെട്ടു.

Advertisement
inner ad

സെറ്റോ ചെയർമാൻ ചവറ ജയകുമാർ അധ്യക്ഷത വഹിച്ചു. ജനറൽ കൺവീനർ കെ. അബ്ദുൽ മജീദ്, കെ.സി. സുബ്രഹ്മണ്യൻ, എ.എം. ജാഫർ ഖാൻ, പി.കെ. അരവിന്ദൻ ,എം.എസ് ഇർഷാദ്, ആർ. അരുൺകുമാർ, ഒ.റ്റി.പ്രകാശ്,അനിൽ എം.ജോർജ്ജ്, സന്തോഷ്, ബി.എസ്. രാജീവ്, എസ്. മനോജ്, അരുൺകുമാർ, പ്രദീപ് കുമാർ, വി.എം.ഷൈൻ എന്നിവർ സംസാരിച്ചു.

Advertisement
inner ad

Kerala

കേരളത്തിലെ മദ്യനയ അഴിമതി, സിപിഎമ്മിന്റെ ഇലക്ട്രൽ ബോണ്ടാണെന്ന്; കെപിസിസി പ്രസിഡന്റ് കെ. സുധാകരൻ എംപി

Published

on

കണ്ണൂർ: ഇലക്ട്രൽ ബോണ്ട് ഉപയോഗിച്ച് ബിജെപി സഹസ്രകോടികൾ പിരിച്ചെടുത്തതിനു സമാനമായി സിപിഎം കേരളത്തിൽ മദ്യനയം ഉപയോഗിച്ച് കോടികൾ പിരിച്ചെടുത്തെന്ന് കെപിസിസി പ്രസിഡന്റ് കെ. സുധാകരൻ എംപി. യാതൊരു മാനദണ്ഡവും പാലിക്കാതെ ടൂറിസം വകുപ്പ് ഹെറിറ്റേജ് ഹോട്ടലുകൾക്ക് ബാറുകൾ അനുവദിച്ചതിലും വലിയ അഴിമതി നടന്നിട്ടുണ്ട്. ഇവയെക്കുറിച്ച് അടിയന്തര അന്വേഷണത്തിനു സർക്കാർ തയാറാകണം.

തിരഞ്ഞെടുപ്പ് കാലത്ത് ബാർ ഉടമകളിൽനിന്ന് കോടികൾ ബലംപ്രയോഗിച്ച് പിരിച്ചെടുത്തെന്നും പണം നല്കാത്തവരെ കള്ളക്കേസിൽ കുടുക്കിയെന്നും ഏപ്രിൽ 12ന് മുഖ്യമന്ത്രിക്ക് ബാർ ഉടമകൾ പരാതി നല്കി. ഇതു തന്നെയാണ് ബിജെപി കേന്ദ്രത്തിൽ ചെയ്തത്. വൻകിട പദ്ധതികൾ വൻകിടക്കാർക്ക് ചുളുവിലയ്ക്ക് നൽകുകയും അതിന്റെ കമ്മീഷൻ ഇലക്ട്രൽ ബോണ്ടായി വാങ്ങുകയും വിസമ്മതിച്ചവർക്കെതിരെ കേന്ദ്ര ഏജൻസികളെ ഉപയോഗിച്ച്കേസെടുക്കുകയുമാണ് അവിടെ ചെയ്തത്. മോദിയിൽനിന്ന് ശിഷ്യത്വം സ്വീകരിച്ച് പിണറായി വിജയൻ ഇവിടെ മദ്യനയത്തിൽ അതു നടപ്പാക്കിയെന്ന് സുധാകരൻ പറഞ്ഞു.

Advertisement
inner ad

തിരഞ്ഞെടുപ്പുകാലത്ത് മുഖ്യമന്ത്രിയുടെ പേരു പറഞ്ഞാണ് കോടികൾ പിരിച്ചെടുത്തതെന്നു ബാറുടമകളുടെ പരാതിയിൽ പറയുന്നു. ഇതിന്മേൽ ഇതുവരെ അന്വേഷണമോ നടപടിയോ ഇല്ല. ബാർ ഉടമകളിൽനിന്ന് വീണ്ടും രണ്ടരലക്ഷം രൂപ വീതം പിരിക്കുന്നതു സംബന്ധിച്ചും അന്വേഷണമില്ല. ബാർ ഉടമകളുടെ യോഗത്തിൽനിന്ന് ശബ്ദസന്ദേശം എങ്ങനെ പുറത്തുപോയി എന്നതു മാത്രമാണ് അന്വേഷിക്കുന്നത്. ഇതൊന്നും അന്വേഷിക്കാത്തവരാണ് തിരുവഞ്ചൂർ രാധാകൃഷ്ണൻ എംഎൽഎയുടെ മകൻവാട്ട്സ്ആപ് ഗ്രൂപ്പിൽ അംഗമാണെന്ന് പറഞ്ഞ് അന്വേഷണത്തിന് നോട്ടീസ് അയച്ചത്.

സത്യസന്ധമായ അന്വേഷണം നടന്നാൽ അതു കുടുംബത്തിലേക്കു നീളും എന്നതാണ് മുഖ്യമന്ത്രിയെ ഭയപ്പെടുത്തുന്നത്. എക്സൈസ് മന്ത്രിയെ നോക്കുകുത്തിയാക്കി ടൂറിസം മന്ത്രി നേരിട്ടാണ് മദ്യനയം തൂക്കിവിറ്റത്. ടൂറിസം മന്ത്രിയുടെ ഇടപെടലിൽ സഹികെട്ട് അവസാനം താനാണ് എക്സൈസ് മന്ത്രി എന്നുപോലും മന്ത്രി എം.ബി. രാജേഷിനു നിയമസഭയിൽ പറയേണ്ടി വന്നു. നിയമം അനുശാസിക്കുന്ന മാനദണ്ഡങ്ങൾ പാലിക്കാത്ത കെട്ടിടങ്ങൾക്ക് ടൂറിസം വകുപ്പ് ഹെറിറ്റേജ് പദവി നല്‌കി അവിടങ്ങളിൽ ബാറുകൾ അനുവദിക്കുന്നതാണ് മറ്റൊരു അഴിമതി. തമിഴ്‌നാട്ടിൽനിന്നും മറ്റും പുരാതന വീടുകൾ ഇളക്കികൊണ്ടുവന്നാണ് ഇവിടെ പല കെട്ടിടങ്ങളും ഹെറിറ്റേജ് പദവി നേടിയതെന്ന് സുധാകരൻ ചൂണ്ടിക്കാട്ടി.

Advertisement
inner ad
Continue Reading

Featured

കു​വൈ​ത്ത് ദുരന്തത്തിൽ ധ​ന​സ​ഹാ​യം പ്രഖ്യാ​പി​ച്ച് എം.​എ. യൂ​സ​ഫ​ലി​യും രവി പി​ള്ള​യും

Published

on

തി​രു​വ​ന​ന്ത​പു​രം: കു​വൈ​ത്തിലെ ദുരന്തത്തിൽ മ​രി​ച്ച മ​ല​യാ​ളി​ക​ളു​ടെ കു​ടു​ബ​ത്തി​ന് ധ​ന​സ​ഹാ​യം പ്ര​ഖ്യാ​പി​ച്ച് വ്യ​വ​സാ​യി​ക​ളാ​യ എം.​എ. യൂ​സ​ഫ​ലി​യും രവി പി​ള്ള​യും. അ​പ​ക​ട​ത്തി​ൽ മ​രി​ച്ച​വ​രു​ടെ കു​ടും​ബ​ങ്ങ​ള്‍​ക്ക് നോ​ർ​ക്ക വൈ​സ് ചെ​യ​ർ​മാ​നും ലു​ലു ഗ്രൂ​പ്പ് ചെ​യ​ർ​മാ​നു​മാ​യ എം.​എ. യൂ​സ​ഫ​ലി അ​ഞ്ചു​ല​ക്ഷം രൂ​പ വീ​ത​വും ര​വി പി​ള്ള ര​ണ്ട് ല​ക്ഷം രൂ​പ വീ​ത​വും ന​ല്‍​കും. ഇ​വ​ര്‍ ഇ​ക്കാ​ര്യം മു​ഖ്യ​മ​ന്ത്രി​യെ അ​റി​യി​ച്ചു. നോ​ര്‍​ക്ക മു​ഖേ​ന​യാ​ണ് ഈ ​സ​ഹാ​യം ല​ഭ്യ​മാ​ക്കു​ക.

തീ​പി​ടി​ത്ത​ത്തി​ൽ മ​രി​ച്ച മ​ല​യാ​ളി​ക​ളു​ടെ കു​ടും​ബാം​ഗ​ങ്ങ​ള്‍​ക്ക് സം​സ്ഥാ​ന സ​ര്‍​ക്കാ​ര്‍ അ​ഞ്ച് ല​ക്ഷം രൂ​പ വീ​തം ധ​ന​സ​ഹാ​യം പ്ര​ഖ്യാ​പി​ച്ചി​ട്ടു​ണ്ട്. പ​രി​ക്കേ​റ്റ മ​ല​യാ​ളി​ക​ള്‍​ക്ക് ഒ​രു ല​ക്ഷം രൂ​പ വീ​തം ന​ല്‍​കാ​നും വ്യാ​ഴാ​ഴ്ച ചേ​ര്‍​ന്ന പ്ര​ത്യേ​ക മ​ന്ത്രിസ​ഭാ​യോ​ഗം തീ​രു​മാ​നി​ച്ചു.

Advertisement
inner ad
Continue Reading

Featured

കുവൈറ്റ് ദുരന്തത്തിൽ മരിച്ച 24 മലയാളികളിൽ 22 പേരെ തിരിച്ചറിഞ്ഞു;12 പേർ ഗുരുതരാവസ്ഥയിൽ

Published

on

തിരുവനന്തപുരം: കുവൈറ്റിലെ ദുരന്തത്തിൽ മരിച്ച 24 മലയാളികളിൽ 22 പേരെ തിരിച്ചറിഞ്ഞതായി നോർക്ക. 12 പേർ ഐസിയുവിൽ ഗുരുതരാവസ്ഥയിൽ ചികിത്സയിലാണെന്നുമാണ് നോർക്കയ്ക്ക് ലഭിച്ച വിവരം. മൃതദേഹങ്ങൾ ഇന്ന് തന്നെ നാട്ടിൽ എത്തിച്ചേക്കും. തിരിച്ചറിഞ്ഞ മൃതദേഹങ്ങളുടെ പോസ്റ്റ്മോർട്ടം കഴിഞ്ഞതായും നോർക്ക അറിയിച്ചു. അതേസമയം, മരിച്ചവരിൽ 45 ഇന്ത്യക്കാർ ഉൾപ്പെട്ടതായി കുവൈത്ത് അധികൃതർ അറിയിച്ചു. 3 ഫിലിപ്പിനോ പൗരന്മാരും തിരിച്ചറിയാത്ത ഒരാളും അപകടത്തിൽ മരിച്ചതായി അധികൃതർ വ്യക്തമാക്കി.വിവിധ സംഘടനകൾ ചേർന്നുള്ള രക്ഷദൗത്യം പുരോഗമിച്ചു വരികയാണ്. പരിക്കേറ്റവർക്ക് പൂർണമായും ചികിത്സ സൗകര്യം ഒരുക്കിയിട്ടുണ്ട്. തീപിടുത്തം ഉണ്ടായപ്പോൾ തൊഴിലാളികൾക്ക് പുറത്തിറങ്ങാനായില്ല. പ്രവാസികളുടെ ജീവിത സാഹചര്യം മെച്ചപ്പെടണം. പ്രവാസികളുടെ താമസ സൗകര്യത്തിന് ദുരന്തം വലിയൊരു പാഠമാണെന്നും കെ.വി. അബ്ദുൽഖാദർ പറഞ്ഞു. അതിനിടെ, മൃതദേഹങ്ങൾ ഇന്ത്യയിൽ എത്തിക്കാൻ വിമാനങ്ങൾ തയാറാക്കാൻ കുവൈറ്റ് അമീർ നിർദ്ദേശം നൽകി. ഇതിനായി കുവൈറ്റും സഹായം നൽകും. മരിച്ചവരുടെ കുടുംബങ്ങൾക്ക് സാമ്പത്തിക സഹായം നൽകാനും കുവൈറ്റ് അമീർ ഉത്തരവിട്ടതായി കുവൈറ്റ് മാധ്യമങ്ങൾ അറിയിച്ചു. സാധ്യമായ എല്ലാ സഹായങ്ങളും അപകടത്തിൽപ്പെട്ടവർക്ക് ലഭ്യമാക്കാൻ നോർക്കയുടെ ആഭിമുഖ്യത്തിലും പ്രവാസികളുടെ മുൻകൈയിലും ശ്രമം നടക്കുന്നുണ്ട്. ഹെൽപ്പ് ഡെസ്ക്കും ഗ്ലോബൽ കോൺടാക്ട് സെൻ്ററും മുഴുവൻ സമയവും പ്രവർത്തിക്കുന്നുണ്ട്.

Continue Reading

Featured