Connect with us
48 birthday
top banner (1)

crime

മദ്യപിക്കാന്‍ പണം നല്‍കിയില്ല; 54 കരനെ ഇഷ്ടികകൊണ്ട് തലയ്ക്ക് അടിച്ച് കൊന്നു

Avatar

Published

on

തൃശ്ശൂര്‍: മദ്യപിക്കാന്‍ പണം ചോദിച്ചപ്പോള്‍ നല്‍കാത്തതിന്റെ വൈരാഗ്യത്തില്‍ കോണ്‍ക്രീറ്റ് ഇഷ്ടിക കൊണ്ട് തലയ്ക്കടിയേറ്റ ആള്‍ മരിച്ചു.തൃശൂര്‍ വിയ്യൂര്‍ സ്വദേശിയായ സ്വര്‍ണപണിക്കാരന്‍ മധുവാണ് മരിച്ചത്.സംഭവത്തില്‍ മധുവിന്റെ പരിചയക്കാരനും വിയ്യൂര്‍ സ്വദേശിയുമായ ഉണ്ണിക്കുട്ടനെ പൊലീസ് അറസ്റ്റ് ചെയ്തു.

Advertisement
inner ad

അമ്പത്തിനാലുകാരനായ മധുവിനെ ഉണ്ണിക്കുട്ടന്‍ ഇഷ്ടിക കൊണ്ട് ആക്രമിക്കുന്നതിന്റെ ദൃശ്യങ്ങള്‍ പൊലീസിന് ലഭിച്ചു. കഴിഞ്ഞ ഞായറാഴ്ച വൈകിട്ട് അഞ്ചരയോടെയാണ് വിയ്യൂരിഷ വെച്ച് മധുവിന് ഇഷ്ടിക കൊണ്ടുള്ള അടിയേക്കുന്നത്. പരിചയക്കാരനായ വിയ്യൂര്‍ സ്വദേശി ഉണ്ണിക്കുട്ടന്‍ മധുവിനോട് മദ്യപിക്കാന്‍ പണം ചോദിച്ചിരുന്നു. എന്നാല്‍ മധു പണം നല്‍കിയില്ല. ഇതിനെ ചൊല്ലി ഇരുവരും തമ്മില്‍ തര്‍ക്കമുണ്ടായി. മധുവിന്റെ കൈവശമുള്ള പണം മദ്യപിക്കാന്‍ തരണമെന്ന് ഉണ്ണിക്കുട്ടന്‍ ആവശ്യപ്പെട്ടു.

ഇതു നല്‍കാത്തതിന്റെ അരിശത്തില്‍ സമീപത്ത് നിന്നും ഇഷ്ടിക എടുത്ത് മധുവിന്റെ തലയ്ക്കടിക്കുകയായിരുന്നു.തൃശൂരിലെ സ്വകാര്യ ആശുപത്രിയില്‍ ചികില്‍സയിലിരിക്കെയാണ് മധു ഇന്നലെ മരണപ്പെട്ടത്.അടിയേറ്റ് മധുവിന്റെ തലയ്ക്കു ഗുരുതരമായി പരുക്കേറ്റിരുന്നുവെന്ന് പൊലീസ് പറഞ്ഞു.ഉണ്ണിക്കുട്ടനെ പിന്നീട് വിയ്യൂര്‍ പൊലീസ് അറസ്റ്റ് ചെയ്തു.കൊലക്കുറ്റം ചുമത്തിയാണ് അറസ്റ്റ്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

Advertisement
inner ad
Continue Reading
Advertisement
inner ad
Click to comment

You must be logged in to post a comment Login

Leave a Reply

Cinema

‘മഞ്ഞുമ്മൽ ബോയ്‌സ്’ നിർമ്മാതാക്കൾക്കെതിരായ ഇ.ഡി അന്വേഷണം; നടൻ സൗബിനെ ഇ. ഡി ചോദ്യം ചെയ്തു

Published

on

കൊച്ചി: ‘മഞ്ഞുമ്മൽ ബോയ്സ്’ സിനിമയുടെ നിർമാതാവും നടനുമായ സൗബിൻ ഷാഹിറിനെ എൻഫോഴ്സ്മെന്റ് ഡയറക്ടറേറ്റ് (ഇ. ഡി) ചോദ്യം ചെയ്തു. ഇ. ഡിയുടെ കൊച്ചിയിലെ ഓഫിസിൽ കഴിഞ്ഞ ദിവസമായിരുന്നു ചോദ്യം ചെയ്യൽ. വീണ്ടും ചോദ്യം ചെയ്യാൻ വിളിപ്പിക്കുമെന്ന് സൗബിനെ അറിയിച്ചെന്നാണ് വിവരം.

Advertisement
inner ad

സിനിമയുടെ സാമ്പത്തിക വിജയത്തിന്റെ പിന്നിൽ കള്ളപ്പണം വെളുപ്പിച്ചെന്ന പരാതിയെ തുടർന്നാണ് പ്രാഥമിക തെളിവു ശേഖരണത്തിനു ശേഷം ഇ. ഡി കേസ് റജിസ്റ്റർ ചെയ്ത് അന്വേഷണം ആരംഭിച്ചിരിക്കുന്നത്. സിനിമയുടെ വിതരണക്കാരൻ കെ. സുജിത്തിനെയും മറ്റൊരു നിർമാതാവ് ഷോൺ ആന്റിണിയേയും കഴിഞ്ഞദിവസം ചോദ്യം ചെയ്തിരുന്നു.

പറവ ഫിലിംസിന്റെ ബാനറിൽ മഞ്ഞുമ്മൽ ബോയ്സ് നിർമിക്കാൻ ഏഴു കോടി രൂപ നൽകി വഞ്ചിതനായ അരൂർ സ്വദേശി സിറാജ് വലിയതറ ഹമീദ് രംഗത്തുവന്നതോടെ മലയാള ചലച്ചിത്ര നിർമാണരംഗത്തു പണം മുടക്കി വഞ്ചിതരായ മറ്റു ചില ‘സൈലന്റ് പ്രൊഡ്യൂസർമാരും’ ഇ.ഡി സമീപിച്ച് വിവരങ്ങൾ കൈമാറിയിട്ടുണ്ട്.

Advertisement
inner ad
Continue Reading

crime

ജയിലിൽ ലഹരി വസ്തു എത്തിക്കാൻ വിസമ്മതിച്ച കൂട്ടാളിയെ വീടുകയറി വെട്ടി ഗുണ്ടാസംഘം

Published

on

തിരുവനന്തപുരം: വിയ്യൂർ ജയിലിൽ ലഹരി വസ്തു എത്തിക്കാത്തതിൽതുടർന്ന് കൂട്ടാളിയെ ഗുണ്ടാ സംഘം വീട് കയറി വെട്ടി പരുക്കേൽപിച്ചു. പൂജപ്പുര തൃക്കണ്ണാപുരം ടഗോർ റോഡ് സിഎസ്ഐ പള്ളിക്ക് സമീപം ശ്രീവിനായകത്തിൽ ശരത്തിനെയാണു വെട്ടിപ്പരിക്കേൽപ്പിച്ചത്. സംഭവത്തിൽ മലയിൻകീഴ് പെരുകാവ് പിടാരം സ്വദേശികളായ ഷമീർ (24), വിനീഷ് (24) തൃക്കണ്ണാപുരം ഞാലിക്കോണം പുതുവൽ പുത്തൻവീട്ടിൽ ഗോകുൽ മഹേന്ദ്രൻ (25) എന്നിവരെ പൂജപ്പുര പൊലീസ് അറസ്റ്റ് ചെയ്തു. വെട്ടുകത്തി ഉപയോഗിച്ച് വെട്ടിയും ഹെൽമറ്റ് കൊണ്ട് അടിച്ച് കഴുത്തിലും പരുക്കേൽപിച്ചു.

Advertisement
inner ad

ഇവർ ഒട്ടേറെ ക്രിമിനൽ കേസുകളിൽ പ്രതികളാണ്. വിയ്യൂർ സെൻട്രൽ ജയിലിൽ തടവിൽ കഴിയുന്ന ശ്രീജിത്ത് ഉണ്ണി എന്ന ഗുണ്ടയുടെ സംഘത്തിൽപെട്ടവരാണ് വെട്ടേറ്റയാളും പ്രതികളും. ഇവർ പലതവണ ശ്രീജിത്ത് ഉണ്ണിക്ക് ജയിലിൽ ലഹരി എത്തിച്ചെന്ന് പൊലീസ് പറയുന്നു. കഞ്ചാവ് നിറച്ച കുപ്പി മതിലിനു സമീപത്തു നിന്നു ജയിൽ വളപ്പിലേക്ക് എറിഞ്ഞു കൊടുക്കും. ശരത്ത് ആണ് കൃത്യസ്ഥാനത്ത് കുപ്പി എറിയുന്നത്. ഗോകുൽ ജയിലിൽ നിന്നും ഇറങ്ങി രണ്ടാം ദിവസമാണ് ആക്രമണം നടത്തിയത്. ബൈക്ക്, 40,000 രൂപ വിലവരുന്ന മൊബൈൽഫോൺ, 7000 രൂപ അടങ്ങിയ പഴ്സ് എന്നിവയും കവർന്നു.

Advertisement
inner ad
Continue Reading

crime

അമേരിക്കന്‍ പ്രസിഡന്റ് ജോ ബൈഡന്റെ മകന്‍ ഹണ്ടര്‍ ബൈഡന്‍ കുറ്റക്കാരനാണെന്ന് കോടതി

Published

on

വില്‍മിംഗ്ടണ്‍ (യുഎസ്): നിയമവിരുദ്ധമായി തോക്ക് വാങ്ങാന്‍ കള്ളം പറഞ്ഞതിന് അമേരിക്കന്‍ പ്രസിഡന്റ് ജോ ബൈഡന്റെ മകന്‍ ഹണ്ടര്‍ ബൈഡന്‍ കുറ്റക്കാരനാണെന്ന് കോടതി. തോക്ക് കൈവശം വെക്കാന്‍ മയക്കുമരുന്ന് ഉപയോഗത്തെക്കുറിച്ചുള്ള പ്രസ്താവനയില്‍ ഹണ്ടര്‍ ബൈഡന്‍ കള്ളം പറയുകയായിരുന്നെന്നാണ് കോടതി കണ്ടെത്തിയത്. ചൊവ്വാഴ്ചയാണ് ഡെലവെയറിലെ വില്‍മിംഗ്ടണ്‍ ഫെഡറല്‍ കോടതി ജൂറി അദ്ദേഹത്തിനെതിരായ മൂന്ന് കാര്യങ്ങളിലും കുറ്റക്കാരനാണെന്ന് കണ്ടെത്തിയത്.

2018ല്‍ അനധികൃതമായി റിവോള്‍വര്‍ വാങ്ങിയതുമായി ബന്ധപ്പെട്ട കേസില്‍ തോക്ക് വ്യാപാരിയോട് കള്ളം പറയുക, അപേക്ഷയില്‍ തെറ്റായ അവകാശവാദം ഉന്നയിക്കുക, 11 ദിവസത്തേക്ക് നിയമവിരുദ്ധമായി തോക്ക് കൈവശം വെക്കുക എന്നീ കുറ്റങ്ങളിലാണ് ഹണ്ടര്‍ ബൈഡന്‍ വിചാരണ നേരിട്ടത്. 25 വര്‍ഷം വരെ തടവുശിക്ഷ അനുഭവിക്കാവുന്ന കുറ്റമാണ് അദ്ദേഹത്തിനെതിരെ ചുമത്തിയിരിക്കുന്നത്.

Advertisement
inner ad

എല്ലാ ആരോപണങ്ങളും ഹണ്ടര്‍ ബൈഡന്‍ നിഷേധിച്ചിട്ടുണ്ട്. അടുത്ത വിചാരണ സെപ്റ്റംബര്‍ അഞ്ചിന് ലോസ് ആഞ്ജലസില്‍ നടക്കുമെന്ന് റോയിട്ടേഴ്സ് റിപ്പോര്‍ട്ട് ചെയ്യുന്നു.

Advertisement
inner ad
Continue Reading

Featured