Kerala
അരിക്കൊമ്പന് ദൗത്യം വിജയിച്ചുവോ…?
എം ജെ ബാബു
കാടിന്റെ മക്കളുടെ കാര്യം അങ്ങനെയാണ്. ചിലപ്പോഴൊക്കെ അവര് ജനിച്ചു വളര്ന്ന മണ്ണും പരിസരവും ഉപേക്ഷിച്ചു പോകേണ്ടി വരും. വനവുമായി ബന്ധപ്പെട്ട് ജീവിച്ചിരുന്ന ആദിവസികളുടെ കാര്യമെടുക്കാം. പുകയിലയും ചാരായവുമായി മല കയറി വന്ന ചിലര് അവരുടെ ഭൂമി സ്വന്തമാക്കി. ആദിവാസികള്ക്ക് അവരുടെ മണ്ണു ഉപേക്ഷിച്ചു പോകേണ്ടി വന്നു. ആദിവാസികളുടെ അന്യാധീനപ്പെട്ട ഭൂമി വീണ്ടെടുത്തു നല്കാന് ഇന്ദിരാഗാന്ധി പ്രധാനമന്ത്രിയായിരിക്കെ നിയമം കൊണ്ടു വന്നു. എന്നാല്, അരിക്കൊമ്പന് അവന് ജനിച്ചു വളര്ന്ന മണ്ണു തിരിച്ചു കിട്ടാന് നിയമമില്ലല്ലോ. അവന്റ കുടുംബാംഗങ്ങളെ ഉപേക്ഷിച്ചാണ് സൂര്യനെല്ലി വനത്തില് നിന്നും കാട് കടത്തപ്പെട്ടത്. അതും മയക്കു മരുന്ന് നല്കി അബോധാവസ്ഥിയിലാക്കിയ ശേഷവും. അവനെ കൊണ്ടു പോകാന്, അവന്റെ വര്ഗത്തില്പ്പെട്ട കുങ്കിയാനകളും ഉണ്ടായിരുന്നു. കുങ്കിയാനകളുടെ സഹായത്തോടെ ലോറിയില് കയറ്റി കടുവകളുടെ സാമ്രാജ്യത്തിലേക്ക്-െപരിയാര് കടുവാ സേങ്കതത്തിലേക്കാണ് കൊണ്ടു പോയത്.
അരിക്കൊമ്പന് വനം വകുപ്പിന്റെ നിയന്ത്രണത്തിലായതിന് ശേഷം രണ്ടു ഡോസ് മയക്കു മരുന്ന് നല്കിയതും വിവാദമായിട്ടുണ്ട്. എന്തിനായിരുന്നു അഞ്ചും ആറും ഡോസ് നല്കിയത്?മയക്കുവെടിയുടെ ഹാംഗ്ഓവര് ആഴ്ചകളോളം നിലനില്ക്കുമെന്നും പറയുന്നു. സാധാരണ ആംബുലന്സില് കയറ്റിയശേഷം മയക്കു മരുന്നു നല്കാറില്ല. വീണാല് പിന്നിട് എഴുന്നേല്ക്കില്ല എന്നതിനാലാണിത്.അരിക്കൊമ്പന് എത്ര ഡോസ് , ഏതൊക്കെ മരുന്നു നല്കി, തുടങ്ങി ആരോഗ്യ അവസ്ഥ വരെ പറയുന്ന മെഡിക്കല് ബുളറ്റിന് ഇതുവരെ പുറത്തു വിട്ടിട്ടുമില്ല.
ഏതാണ്ടു ഒരു മാസത്തിലേറെയായി കേരള സമൂഹം ചര്ച്ച ചെയ്യപ്പെട്ടത് അരിക്കൊമ്പനെ കുറിച്ചാണ്. രാജ്യത്തിനകത്തും പുറത്തും അരിക്കൊമ്പന് ചര്ച്ചയായി. വിദേശ രാജ്യങ്ങളില് നിന്നടക്കം അന്വേഷണം വന്നു. അരിക്കൊമ്പന്റെ പേരില് അവന്റെ ജന്മനാട്ടില് മാത്രമല്ല, അങ്ങകലെ പറമ്പിക്കുളത്തും ഹര്ത്താല് നടന്നു. അരിക്കൊമ്പനെ തല്ക്കാലം മാറ്റരുതെന്ന ഹൈക്കോടതി ഉത്തരവിന് എതിരെയാണ് ചിന്നക്കനാല്, ശാന്തമ്പാറ പഞ്ചായത്തുകളില് ഹര്ത്താല് നടന്നത്. എന്നാല്, പറമ്പിക്കുളത്തേക്ക് കൊണ്ടു വരരുതെന്ന് ആവശ്യപ്പെട്ടാണ് അവിടെ ഹര്ത്താല് നടന്നത്. എന്തായാലും ഹൈക്കോടതിയും സുപ്രിം കോടതിയിലും കയറിയാണ് അരിക്കൊമ്പന് വിഷയം അവസാനിച്ചത്. കേരളം വന്യജീവി സൗഹൃദ സംസ്ഥാനമല്ലെന്ന് ഹൈക്കോടതി തിരിച്ചറിഞ്ഞതും ഒരുപക്ഷെ ഈ ഹര്ത്താലുകളിലുടെയാണ്. അതിനാലാകാം അരിക്കൊമ്പനെ എവിടെക്കാണ് കൊണ്ടു പോകുന്നതെന്നത് പരസ്യപ്പെടുത്തരുതെന്ന് നിര്ദേശിച്ചതും നിരോധനാജ്ഞ പ്രഖ്യാപിക്കാന് അനുമതി നല്കിയതും.
പശ്ചിമഘട്ട സംരക്ഷണവുമായി ബന്ധപ്പെട്ട് ഡോ.മാധവ് ഗാഡ്ഗില് റിപ്പോര്ട്ട് പുറത്തു വന്നതിനെ തുടര്ന്ന് അന്ന് പ്രതിപക്ഷത്തായിരുന്ന ഇടതു മുന്നണി നടത്തിയ രാഷ്ട്രിയ ഇടപ്പെടലുകളാണ് മലയോര ജില്ലകള് മൃഗ സൗഹൃദമല്ലാതാകാന് കാരണമായത്. അന്നത്തെ യുഡിഎഫ്., യുപിഎ സര്ക്കാരുകള്ക്ക് എതിരെയുള്ള രാഷ്ട്രിയ ആയുധമാക്കാന് ഗാഡ്ഗില് റിപ്പോര്ട്ടിനെ ഉപയോഗപ്പെടുത്തിയപ്പോള് അതില് വന്യജീവികളെയും കൂട്ടു പിടിച്ചു. ജനവാസ മേഖലകളില് നിന്നും കുടിയിറക്കുമെന്നും വന്യജീവി സങ്കേതങ്ങളായി പ്രഖ്യാപിക്കുമെന്നും പ്രചരണം നടത്തി.
വന്യജീവി-മനുഷ്യസംഘര്ഷം മലയോര ജില്ലകളിലെ കര്ഷകരെ വല്ലാതെ ബാധിക്കുന്നുവെന്നതില് തര്ക്കമില്ല. കാട്ടുപന്നികളും കുരുങ്ങുകളും ഇറങ്ങി കൃഷി നശിപ്പിക്കുന്നതും കടുവയും പുലിയും ആനയും ജനവാസ കേന്ദ്രങ്ങളില് ഇറങ്ങുന്നതും സംഘര്ഷം വര്ദ്ധിപ്പിക്കുന്നുണ്ട്. എന്നാല്, എന്തുകൊണ്ട് ഇങ്ങനെ സംഭവിക്കുന്നുവെന്നത് സംബന്ധിച്ച പഠനം നടക്കുന്നില്ല. ആനത്താരകള് കയ്യേറപ്പെട്ടതും വന്യജീവികള്ക്ക് വനത്തില് വെള്ളവും തീറ്റയും ലഭിക്കാത്തതും കാണാതെ പോകുന്നു. അരിക്കൊമ്പനും ചക്കക്കൊമ്പനും പടയപ്പയും റാണി മങ്കമ്മയും തുടങ്ങി മുന്നാറിലെയും ആനയിറങ്കലിലെയും കാട്ടാനകള് ഇടക്കിടെ തീറ്റ തേടി ജനവാസ മേഖലകളില് ഇറങ്ങുന്നതും ഇതുകൊണ്ടാകാം.
അരിക്കൊമ്പനെ തേക്കടി വനത്തില് തുറന്നുവിട്ടു. എന്നാല്, ഇനിയുള്ള ഒരാഴ്ച നിര്ണായകമാണെന്നാണ് വന്യജീവി മേഖലയില് പ്രവര്ത്തിക്കുന്നവര് പറയുന്നത്. മയക്കു മരുന്ന് വെടിയേറ്റതിന്റെ ക്ഷീണം മാറിവരണം. അതിന് ആഴ്ചകള് വേണ്ടി വന്നേക്കും. ഓവര് ഡോസായിരുന്നുവെങ്കില് ആന്തരികാവയവങ്ങളെ എത്രത്തോളം ബാധിച്ചിട്ടുണ്ടെന്ന് അറിയില്ലല്ലോ. അതിനും പുറമെ പുതിയ അന്തരീക്ഷവുമായി പൊരുത്തപ്പെടണം. ഇഷ്ട ഭക്ഷണമായ അരി ലഭ്യമാകാത്ത സാഹചര്യത്തില് വിശക്കുമ്പോള് ഈറ്റ ഭക്ഷിക്കുമെന്ന് കരുതാം. എന്നാല്, അവിടെയുള്ള മറ്റു ആനകള് പുതിയ അതിഥിയെ ഒപ്പം കൂട്ടുമോ എന്നതാണ് പ്രശ്നം. സാധാരണ ഗതിയില് ഇതിനുള്ള സാധ്യതിയില്ലെന്ന് പറയുന്നു. ആവാസ വ്യവസ്ഥ മാറിയത് മൂലമുള്ള മാനസിക സംഘര്ഷവും ഒറ്റപ്പെടലും കുടുംബാംഗങ്ങളെ വിട്ടു പോയതിന്റെ വിഷമവും ഒക്കെ ചേരുമ്പോള് എതു രീതിയലാകും പ്രതികരിക്കുകയെന്നും അറിയില്ല. ജനിച്ചു വളര്ന്ന മണ്ണിലേക്ക് മടങ്ങി പോകാനുള്ള ശ്രമമായിരിക്കും നടത്തുക. വളര്ന്നു വന്ന ആവാസ വ്യവസ്ഥ തിരിച്ചറിയാനുള്ള കഴിവുകള് ആനക്കുള്ളതായി പറയുന്നു.
ഇനി മറ്റൊന്ന് റേഷന് കടകള് തകര്ത്തു അരി ഭക്ഷിക്കുകയും ആളുകളെ ആക്രമിക്കുകയും ചെയ്യുന്ന അരിക്കൊമ്പനെ കാടു കടത്തുന്നതിലുടെ ആനയിറങ്കല് ജനവാസ മേഖല ശാന്തമാകുമെന്നാണ് പറഞ്ഞിരുന്നത്. എന്നാല്, അവിടെ ചക്കക്കൊമ്പനും മറ്റു പിടിയാനകളുമുണ്ട്. ഒരു കൊമ്പന് സ്ഥാനമൊഴിഞ്ഞതോടെ അടുത്തയാള് നേതൃസ്ഥാനത്തേക്ക് എത്തും. സ്വഭാവികമായി പിടിയാനകളുടെയും കുട്ടിയാനകളുടെയും സംരക്ഷകനായി ചക്ക കൊമ്പന് മാറും. മതികെട്ടാന് മലയില് നിന്നും വേറെ കൊമ്പനും വന്നേക്കാം. അരികൊമ്പനെ ഭയന്നു മാറി നിന്ന കൊമ്പന് ഉണ്ടോയെന്നറിയില്ല. അങ്ങനെയെങ്കില് വീണ്ടും സംഘര്ഷത്തിലേക്ക് നീങ്ങും. അപ്പോള് അവയെ പിടിക്കണമെന്നും ആവശ്യം ഉയരില്ലേ.
ഇതിനൊക്കെ ഉത്തരം കിട്ടിയാല് മാത്രമായിരിക്കും അരിക്കൊമ്പന് ദൗത്യം വിജയിച്ചുവെന്ന് പറയാന് കഴിയൂ. ഈ ദൗത്യം കഴിഞ്ഞപ്പോള് വനം-റവന്യു വകുപ്പിന് മറ്റൊരു വലിയ ദൗത്യം കൂടിയുണ്ട്. ആ വനമേഖല കയ്യേറ്റക്കാരില് നിന്നും സംരക്ഷിക്കാനുള്ള ദൗത്യം. അരിക്കൊമ്പന് വേട്ടയുടെ ഭാഗമായി ആ വനമാകെ വാഹനങ്ങള് കയറിയിറങ്ങി. അവിടെ റോഡുകള് രൂപപ്പെട്ടു. അതു കയ്യേറ്റക്കാര്ക്ക് സൗകര്യമായി. കയ്യേറ്റത്തിന് കുപ്രസിദ്ധി നേടിയ പ്രദേശമാണ് ചിന്നക്കനാലും ആനയിറങ്കലും ബിയല്റാമും. അമ്മാ പട്ടയമെന്ന വ്യാജ പട്ടയത്തിന്റെ മറവിലാണ് ഇവിടെ കയ്യേറ്റ ഭൂമിയുടെ കച്ചവടം തന്നെ.
തിരുവനന്തപുരം: എഡിജിപി എം ആര് അജിത് കുമാര് ആര്എസ്എസ് നേതാവ് ദത്താത്രേയ ഹൊസബെലയുമായി കൂടിക്കാഴ്ച നടത്തിയെന്ന് സമ്മതിച്ചതിന് പിന്നാലെ രൂക്ഷ പ്രതികരണവുമായി കോണ്ഗ്രസ് നേതാവ് കെ.മുരളീധരന്. മുഖ്യമന്ത്രിയുടെ നിര്ദേശപ്രകാരം അജിത് കുമാര് ഹൊസബെലയുമായി കൂടിക്കാഴ്ച നടത്തിയെന്ന പ്രതിപക്ഷ നേതാവിന്റെ ആരോപണത്തിന് പിണറായി വിജയൻ മറുപടി പറയാതിരുന്നപ്പോൾ തന്നെ ഇത് നിദ്ദേശിക്കാൻ പറ്റാത്ത സാഹചര്യമാണ് ഉള്ളതെന്ന് അറിയാമായിരുന്നു, പ്രതിപക്ഷം ഉന്നയിച്ചത് ഇപ്പോൾ സത്യമാണെന്ന് പൂർണമായി തെളിഞ്ഞിരിക്കുകയാണ്.
രഹസ്യപദ്ധതിയുടെ ഫലമാണ് പിന്നീട് തൃശൂരില് ബിജെപിക്ക് ലഭിച്ചത്. ആര്എസ്എസ് നേതാവിനെ അജിത് കുമാര് സന്ദര്ശിച്ചപ്പോള് മുഖ്യമന്ത്രിയേയോ ഡിജിപിയെയോ അറിയിക്കണ്ടേയെന്നും മുരളീധരന് ചോദിച്ചു. തൃശ്ശൂര് പൂരം അട്ടിമറിക്കാൻ ഗൂഢാലോചന നടന്നതായി വ്യക്തമായിട്ടുണ്ട്. ആര്എസ്എസ് നേതാവിനെ കാണാന് അജിത്ത് കുമാറിനെ പറഞ്ഞുവിട്ടത് മുഖ്യമന്ത്രിയാണ്. തൃശ്ശൂരില് ബിജെപിയെ ജയിപ്പിക്കാനും മുഖ്യമന്ത്രി എതിരായ കേസുകളിൽ രക്ഷപെടാനുമാണ് അജിത്ത് കുമാറിനെ പറഞ്ഞയച്ചത്. കേരളം കിട്ടിയില്ലെങ്കിലും മോഡി സംരക്ഷിക്കുമെന്ന വിശ്വാസമാണ് അജിത്ത് കുമാറിനെന്നും കെ മുരളീധരന് പറഞ്ഞു.
Kerala
‘ശശിയായി പിവി അൻവർ’; പരാതിയിൽ പാർട്ടി അന്വേഷണമില്ലെന്ന്; എം.വി ഗോവിന്ദൻ
പി.ശശിക്ക് പാർട്ടിയുടെ സംരക്ഷണം
തിരുവനന്തപുരം: പരാതി പരസ്യമായി പറഞ്ഞതിൽ സിപിഎം സംസ്ഥാന സെക്രട്ടേറിയറ്റിലെ വിമർശനത്തിന് പിന്നാലെ പി.വി. അൻവറിനെ തള്ളി സിപിഎം സംസ്ഥാന സെക്രട്ടറി എംവി ഗോവിന്ദൻ. അന്വറിന്റെ പരാതി ഇന്നു ചേര്ന്ന സിപിഎം സംസ്ഥാന സെക്രട്ടേറിയറ്റ് ചര്ച്ച ചെയ്തെങ്കിലും വിഷയത്തില് പാര്ട്ടിതല അന്വേഷണം വേണ്ടെന്നാണ് തീരുമാനമെന്ന് യോഗതീരുമാനങ്ങള് വിവരിക്കവെ പാര്ട്ടി സംസ്ഥാന സെക്രട്ടറി എം വി ഗോവിന്ദന് പറഞ്ഞു. വിഷയം ഭരണതലത്തില് അന്വേഷിക്കേണ്ടതാണെന്നും സര്ക്കാര് ഇതിനകം തന്നെ ഡിജിപിയുടെ നേതൃത്വത്തിലുള്ള സംഘത്തെ നിയോഗിച്ചിട്ടുണ്ട്. സംസ്ഥാനത്തെ ഏറ്റവും ഉയര്ന്ന പോലീസ് ഉദ്യോഗസ്ഥവന്റെ നേതൃത്വത്തില് മികച്ച അന്വേഷണം നടത്തി ഒരുമാസത്തിനകം റിപ്പോര്ട്ട് സമര്പ്പിക്കുമെന്നും ഗോവിന്ദന്. മുഖ്യമന്ത്രിയുടെ പൊളിറ്റിക്കല് സെക്രട്ടറി പി ശശിയെ കുറിച്ച് പി വി അൻവർ മാധ്യമങ്ങളിലൂടെയല്ലാതെ പരാതിയൊന്നും പാർട്ടിക്ക് മുൻപാകെ ഉന്നയടിച്ചിട്ടില്ല. എഴുതി തന്നിട്ടുള്ള പരാതിയില് പരാമർശങ്ങളൊന്നുമില്ല. അതുകൊണ്ടുതന്നെ ശശിയെ കുറിച്ചുള്ള ചർച്ചകളിലേക്ക് സിപിഎം കടക്കേണ്ടതില്ല എന്നതാണ് പാർട്ടി നിലപാട്. അൻവർ പരസ്യമായല്ല പരാതി ഉന്നയിക്കേണ്ടിയിരുന്നതെന്നും ഗോവിന്ദൻ വ്യക്തമാക്കി.
തിരുവനന്തപുരം: സർക്കാർ ജീവനക്കാർക്ക് ഓണം പ്രമാണിച്ചുള്ള ബോണസ് -ഉത്സവബത്ത നിരക്ക് വർധിപ്പിക്കാത്ത ഇടത് സർക്കാരിൻ്റെ തീരുമാനം നിരാശാജനകവും വഞ്ചനാപരവുമാണെന്ന് കേരള സെക്രട്ടേറിയറ്റ് അസോസിയേഷൻ. ഒരുമാസത്തെ ശമ്പളം ബോണസ് എന്നത് ജീവനക്കാരുടെ അടിസ്ഥാന അവകാശവും മുൻ സർക്കാരുകളാൽ അംഗീകരിക്കപ്പെട്ടതുമാണ്. എന്നാൽ സർക്കാർ ജീവനക്കാരിൽ ഒരാൾക്കുപോലും ഇന്ന് ഒരു മാസത്തെ ശമ്പളം ബോണസായി ലഭിക്കുന്നില്ല. തൊഴിലാളി സ്നേഹം പ്രസംഗിക്കുന്ന സർക്കാർ, ബോണസ് ഉത്സവബത്ത തുകയിൽ നയാപൈസയുടെ വർധന പോലും വരുത്തിയിട്ടില്ല. കൊടിയ വിലക്കയറ്റത്തിൻ്റെയും കടുത്ത ആനുകൂല്യനിഷേധത്തിൻ്റെയും കാലത്ത് ബോണസ് ഉത്സവബത്തകളിൽ കുറവ് വരുത്തിയിട്ടില്ലെന്ന് അഭിമാനിക്കുന്നത് സർക്കാർ ഈ അവകാശങ്ങളെ ഔദാര്യമായി കാണുന്നു എന്ന മനോഭാവമാണ് വെളിപ്പെടുത്തുന്നത്. കേരളത്തിൽ കെ. കരുണാകരൻ്റെ നേതൃത്വത്തിലുള്ള യുഡിഎഫ് സർക്കാർ ഒരു മാസത്തെ പൂർണ ശമ്പളം ബോണസായി നൽകിയിരുന്നെങ്കിൽ ഇന്ന് അത് സർവീസിൽ പുതുതായി കയറുന്ന ഏറ്റവും താഴ്ന്ന വിഭാഗം ജീവനക്കാർക്കു പോലും നാല് ദിവസത്തെ ശമ്പളം പോലും കിട്ടുന്നില്ലെന്നും അവകാശങ്ങളെ കുറിച്ച് എല്ലാവരും മറക്കണമെന്നുമാണ് എട്ടുവർഷം പിന്നിട്ട ഇടതു ഭരണത്തിൻ്റെ ചിന്തയെന്നും
കേരള സെക്രട്ടേറിയറ്റ് അസോസിയേഷൻ പ്രസിഡൻ്റ് ഇർഷാദ് എം എസും ജനറൽ സെക്രട്ടറി പുരുഷോത്തമൻ കെ പി യും കുറ്റപ്പെടുത്തി.
-
Featured4 weeks agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News2 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business4 weeks agoസംസ്ഥാനത്ത് കോഴി വില കുത്തനെ കുറഞ്ഞു
-
Business2 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
-
News3 weeks agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
You must be logged in to post a comment Login