Education
രാജ്യത്തെ ഏറ്റവും മികച്ച കോളേജുകളുടെ പട്ടികയില് ഇടം പിടിച്ച് ദേവമാതാ കോളേജ്
കുറവിലങ്ങാട്: രാജ്യത്തെ ഏറ്റവും മികച്ച 150 കോളേജുകളുടെ പട്ടികയില് ഇടം പിടിച്ച് കുറവിലങ്ങാട് ദേവമാതാ കോളേജ്. ഈ വര്ഷത്തെ നാഷണല് ഇന്സ്റ്റിറ്റിയൂഷണല് റാങ്കിംഗ് ഫ്രെയിം വര്ക്കില് കോളേജ് വിഭാഗത്തില് ദേശീയതലത്തില് മികച്ച 150 സ്ഥാപനങ്ങളുടെ പട്ടികയില് ദേവമാതാ കോളേജും ഇടം പിടിച്ചു.
പഠന ബോധന സൗകര്യങ്ങള്, ഗവേഷണവും വൈദഗ്ധ്യ പരിശീലനവും, ബിരുദ ഫലങ്ങള്, സാമൂഹ്യ ക്ഷേമ പ്രവര്ത്തന പങ്കാളിത്തവും ഉള്ക്കൊള്ളലും, സഹസ്ഥാപനങ്ങളുടെ അഭിപ്രായം എന്നിവ കണക്കിലെടുത്താണ് ഈ പട്ടിക തയ്യാറാക്കുന്നത്.
രാജ്യമൊട്ടാകെയുള്ള 3371 കോളേജുകളാണ് ഇപ്രാവശ്യം റാങ്കിംഗിനായി അപേക്ഷിച്ചിരുന്നത്. അതിലാണ് ആദ്യ 150 സ്ഥാനങ്ങളിലൊന്നായി കുറവിലങ്ങാട് ദേവമാതാ കോളേജ് ഇടം കണ്ടെത്തിയത്. നൂറിനും നൂറ്റമ്പതിനുമിടയിലുള്ള മികവിന്റെ പട്ടികയിലാണ് ദേവമാതാ കോളേജ് ഇടം പിടിച്ചത്.
എം.ജി. യൂണിവേഴ്സിറ്റിയോട് അഫിലിയേറ്റ് ചെയ്തിട്ടുള്ളതും ഇപ്പോള് ഓട്ടോണമസ് പദവിയില്ലാത്തതുമായ എയ്ഡഡ് കോളേജുകളില് കോട്ടയം ജില്ലയില് ഏറ്റവും ഉയര്ന്ന എന്. ഐ. ആര്. എഫ്. റാങ്കിംഗ് ലഭിച്ചിരിക്കുന്നതു് ദേവമാതായ്ക്കാണ്.
നാക് ഗ്രേഡിംഗില് 3.67 എന്ന ഉയര്ന്ന സ്കോറോടെ എ പ്ലസ് പ്ലസ് കരസ്ഥമാക്കിയ ദേവമാതായ്ക്ക് വജ്രജൂബിലി വര്ഷത്തില് ലഭിച്ച മറ്റൊരു പൊന്തൂവലാണിത്. പാലാ രൂപതയുടെ കോളെജുകളില് ഏറ്റവും ഉയര്ന്ന നാക് ഗ്രേഡ് പോയിന്റുള്ള ദേവമാതായ്ക്ക് ആ സ്ഥാനം എന്.ഐ.ആര്.എഫ് റാങ്കിംഗിലും നിലനിര്ത്താന് സാധിച്ചു. എന്.ഐ.ആര്.എഫ് നോഡല് ഓഫീസര് ഡോ. ടീന സെബാസ്റ്റ്യനാണ് കോളെജ് തല പ്രവര്ത്തനങ്ങള് ഏകോപിപ്പിച്ചത്.
കോളെജ് മാനേജര് ആര്ച്ച് പ്രീസ്റ്റ് വെരി റവ.ഡോ. അഗസ്റ്റിന് കൂട്ടിയാനിയില്, പ്രിന്സിപ്പല് ഡോ. സുനില് സി. മാത്യു, വൈസ് പ്രിന്സിപ്പല് റവ.ഫാ. ഡിനോയി കവളമ്മാക്കല്, ബര്സാര് റവ. ഫാ.ജോസഫ് മണിയഞ്ചിറ എന്നിവരുടെ നേതൃത്വത്തിലുള്ള കൂട്ടായ പ്രവര്ത്തനമാണ് ദേവമാതായെ ഈ സുവര്ണ നേട്ടത്തിലേക്ക് നയിച്ചത്. കുറവിലങ്ങാട് ഇടവകക്കാരുടെ അകമഴിഞ്ഞ പിന്തുണയും വിദ്യാഭ്യാസ കാര്യങ്ങളിലുള്ള തല്പരതയും ദീര്ഘവീക്ഷണവുമാണ് ദേവമാതാ കോളേജിന്റെ മുതല്ക്കൂട്ട്.
തിരുവനന്തപുരം:സംസ്ഥാനത്തെ സ്കൂളുകളില് ഒന്നാം പാദവാർഷിക പരീക്ഷ (ഓണപ്പരീക്ഷ) ചൊവ്വാഴ്ച ആരംഭിക്കും. ഹൈസ്കൂള് വിഭാഗം പരീക്ഷകളാണ് ചൊവ്വാഴ്ച നടക്കുക.യുപി പരീക്ഷകള് ബുധനാഴ്ച തുടങ്ങും. പ്ലസ്ടു പരീക്ഷയും ആരംഭിക്കും. എല്പി വിഭാഗത്തിന് വെള്ളിയാഴ്ചയാണ് ആരംഭിക്കുക.
ഹയർ സെക്കൻഡറി ഒന്നാം വർഷ വിദ്യാർഥികള്ക്ക് ഓണപ്പരീക്ഷയില്ല. പരീക്ഷാ ദിവസങ്ങളില് രാവിലെ 10 മുതല് 10.15 വരെയും പകല് 1.30 മുതല് 1.45 വരെയും കൂള് ഓഫ് ടൈം അനുവദിക്കും. വെള്ളിയാഴ്ച ഉച്ചയ്ക്കുള്ള പരീക്ഷ രണ്ട് മുതല് 4.15 വരെയായിരിക്കും. ഒന്ന്, രണ്ട് ക്ലാസുകളില് സമയദൈർഘ്യമില്ല. പ്രവർത്തനങ്ങള് പൂർത്തിയാകുന്ന മുറയ്ക്ക് പരീക്ഷ അവസാനിപ്പിക്കാം. 12ന് പരീക്ഷകള് അവസാനിക്കും. ഓണാവധിക്കായി 13ന് സ്കൂള് അടയ്ക്കും.
ഗ്രാജ്വേറ്റ് ആപ്റ്റിറ്റ്യൂഡ് ടെസ്റ്റ് ഇന് എന്ജിനീയറിങ് (GATE) പരീക്ഷയുടെ രജിസ്ട്രേഷന് ആരംഭിച്ചു. താത്പര്യമുള്ള വിദ്യാര്ഥികള്ക്ക് ഔദ്യോഗിക വെബ്സൈറ്റ് വഴി അപേക്ഷ സമർപ്പികാം. 2025 ഫെബ്രുവരി 1,2,15,16 എന്നീ തീയതികളായിട്ടാണ് പരീക്ഷ. ബിരുദാനന്തര എന്ജിനീയറിങ് പ്രോഗ്രാമുകളിലേക്കുള്ള പ്രവേശന പരീക്ഷയാണിത്.
എന്ജിനീയറിങ്, ആര്ക്കിടെക്ച്ചര്, ടെക്നോളജി, സയന്സ്. കൊമേഴ്സ്, ആര്ട്സ്, ഹ്യുമാനിറ്റിക്സ് എന്നീ വിഷയങ്ങളില് സര്ക്കാര് അംഗീകൃത ബിരുദമുള്ളവര്ക്ക് അപേക്ഷിക്കാം. അപ്ലിക്കേഷന് സമര്പ്പണത്തിന് മുന്പ് യോഗ്യത പൂര്ത്തിയാക്കിയാല് മതിയാവും. എട്ട് സോണുകളിലായിട്ടാണ് പരീക്ഷ സെന്ററുകള് തിരിച്ചിട്ടുള്ളത്. മാര്ച്ച് 19 2025ന് പരീക്ഷ ഫലം പ്രസിദ്ധീകരിക്കും.
ഹരിപ്പാട്: എസ്.എസ്.എൽ.സി പരീക്ഷ ജയിച്ചവരിൽ 85 ശതമാനവും സംസ്ഥാനത്തെ സർക്കാർ, എയ്ഡഡ്, അൺ എയ്ഡഡ് സ്കൂളുകളിൽ പ്ലസ്വണ്ണിന് ചേർന്നപ്പോൾ കേന്ദ്രസിലബസിൽ നിന്നുള്ള വിദ്യാർഥികളുടെ എണ്ണം കുറഞ്ഞു.
സി.ബി.എസ്.ഇ. പത്താംക്ലാസ് ജയിച്ചവരിൽ 19,382 പേരും ഐ.സി.എസ്.ഇ.യിൽ നിന്നുള്ള 2,385 പേരുമാണ് ഇത്തവണ സംസ്ഥാനത്തെ ഹയർസെക്കൻഡറി സ്കൂളുകളിൽ ചേർന്നത്. അതേസമയം, 2023 -ൽ സി.ബി.എസ്.ഇ. പത്താംക്ലാസ് ജയിച്ച 23,775 കുട്ടികൾ പ്രവേശനം നേടിയിരുന്നു. ഇത്തവണ 4,393 കുട്ടികളുടെ കുറവ്. ഐ.സി.എസ്.ഇ.യിൽനിന്ന് കഴിഞ്ഞവർഷം ചേർന്നത് 2,486 പേരാണെങ്കിൽ ഇത്തവണ 101 പേരുടെ കുറവുണ്ടായി.
ഇത്തവണ എസ്.എസ്.എൽ.സി. പരീക്ഷ ജയിച്ചത് 4,25,565 കുട്ടികളാണ്. ഇവരിൽ 3,61,338 പേർ സർക്കാർ നിയന്ത്രിത സ്കൂളുകളിൽത്തന്നെ ചേർന്നിട്ടുണ്ട്. മലപ്പുറം ജില്ലയിലാണ് ഏറ്റവുമധികം കുട്ടികൾ പ്ലസ്വണിനു ചേർന്നത്. 68,026 പേർ. അവിടെ ഇത്തവണ എസ്.എസ്.എൽ.സി. ജയിച്ചവർ 79,730 ആണ്.
-
Featured4 weeks agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News3 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business1 month agoസംസ്ഥാനത്ത് കോഴി വില കുത്തനെ കുറഞ്ഞു
-
Business2 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
News4 weeks agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
You must be logged in to post a comment Login