Education
റാങ്കുകളുടെ വജ്രശോഭയിൽ ദേവമാതാ കോളേജ് മലയാളവിഭാഗവും
കുറവിലങ്ങാട്: ദേവമാതാ കോളേജിൻ്റെ വജ്രജൂബിലിത്തി ളക്കത്തിന് റാങ്കുകളുടെ ദീപ്തിയാൽ മാറ്റുകൂട്ടുകയാണ് മലയാളവിഭാഗവും. മഹാത്മാഗാന്ധി യൂണിവേഴ്സിറ്റിയുടെ 2022-23 അദ്ധ്യയന വർഷത്തിലെ എം. എ. മലയാളം പരീക്ഷയിൽ ദേവമാതായിലെ കുമാരി ശ്രീലക്ഷ്മി ടി.ആർ,ഒന്നാം റാങ്ക് നേടി. വെച്ചൂർ ഇടയാഴം,
തെക്കുംമുറിവീട്ടിൽ എം.രഘുവിൻ്റെയും (റിട്ട .ജോ. ബി. ഡി. ഒ.) യമുന വി. എൽ -ൻ്റെയും (കുടവെച്ചൂർ ഗവ.ദേവിവിലാസം എച്ച്.എസ്.എസ് അധ്യാപിക) മകളാണ് ശ്രീലക്ഷ്മി.
മലയാളം ബിരുദത്തിന് രണ്ടാംറാങ്ക് നേടിയിരുന്ന സമർത്ഥയായ ഈ വിദ്യാർത്ഥിനി എം. എ. പഠനകാലയളവിൽത്തന്നെ
യു. ജി. സി പരീക്ഷയിൽ വിജയിച്ച് ജെ ആർ എഫ് – ന് അർഹയായി.
2022-23 അധ്യയനവർഷത്തിൽ മലയാളം ബിരുദതലത്തിലും വളരെ മികച്ച വിജയമാണ് ദേവമാതായിലെ കുട്ടികൾ നേടിയത്. കുമാരി അനുപ്രിയ ജോജോ ഒന്നാം റാങ്ക്, സിസ്റ്റർ ജിൻ്റു ജയസ് മൂന്നാം റാങ്ക്, കുമാരി മെറിൻ ഷാജി ഏഴാം റാങ്ക്, കുമാരി നിത്യ വി. ഒൻപതാം റാങ്ക് എന്നിങ്ങനെയാണ് ബിരുദതലത്തിലെ നേട്ടം. റാങ്ക് ജേതാക്കളെ പ്രിൻസിപ്പൽ ഡോ. സുനിൽ സി.മാത്യു, വൈസ് പ്രിൻസിപ്പൽ ഫാ. ഡിനോയി കവളമാക്കൽ,മലയാളവിഭാഗം മേധാവി ഡോ സിബി കുര്യൻ എന്നിവർ അഭിനന്ദിച്ചു.
ന്യൂഡൽഹി: ജനുവരി 15ന് നടക്കാനിരുന്ന യു ജി സി നെറ്റ് പരീക്ഷ മാറ്റി. മകരസംക്രാന്തി, പൊങ്കൽ ഉത്സവങ്ങളോട് അനുബന്ധിച്ചാണ് പരീക്ഷ തിയതി മാറ്റിയത്. ജനുവരി 15-ന് പൊങ്കലും മകസസംക്രാന്തിയും തുടങ്ങിയ ഉത്സവങ്ങള് കണക്കിലെടുത്താണ് യു.ജി.സി. നെറ്റ് പരീക്ഷ മാറ്റി വെയ്ക്കാന് തീരുമാനമുണ്ടായതെന്ന് എന്.ടി.എ.(എക്സാംസ്) ഡയറക്ടര് രാജേഷ് കുമാര് ഔദ്യോഗിക പ്രസ്താവനയില് അറിയിച്ചു. പുതിയ തീയതി പിന്നീട് അറിയിക്കും. എന്നാൽ ജനുവരി 16ന് നടക്കാനിരുന്ന പരീക്ഷയിൽ മാറ്റമില്ലെന്ന് നാഷണൽ ടെസ്റ്റിങ് ഏജൻസി അറിയിച്ചു.
ചെന്നൈ: തമിഴ്നാട്ടിലെ സ്കൂളുകളിൽ കലയും കായികവിനോദങ്ങളും പ്രധാന പാഠ്യവിഷയങ്ങളാകും. അടുത്ത അധ്യയനവർഷം മുതലാണ് മാറ്റങ്ങൾ വരുത്തുക. പാഠ്യേതരപ്രവർത്തനങ്ങൾ എന്നതിലുപരി കലയും കായികവിനോദവും സിലബസുമായി സംയോജിപ്പിക്കും. കുട്ടികളുടെ വൈകാരികവും ശാരീരികവുമായ സന്തോഷത്തിലൂന്നിയുള്ള വളർച്ച ലക്ഷ്യമാക്കിയാണ് വിദ്യാഭ്യാസവകുപ്പിന്റെ പുതിയ നീക്കം.
പ്രൈമറിതലത്തിലെ സിലബസിൽ കലയും കായികവിനോദങ്ങളും ഉൾപ്പെടുത്തും. അപ്പർപ്രൈമറി മുതൽ ഹൈസ്കൂൾതലംവരെ ഇത് കൂടുതൽ വിപുലപ്പെടുത്തും. സർക്കാർ നിയോഗിച്ച അക്കാദമിക് വിദഗ്ധരുടെ പ്രത്യേകസമിതി ഓരോ കുട്ടികൾക്കും താത്പര്യമുള്ള കലകളും കായികവിനോദങ്ങളും കൃത്യമായി മനസ്സിലാക്കി അതിനനുസരിച്ച് പ്രവർത്തനങ്ങൾ ക്രമീകരിക്കും. സംഗീതം, നൃത്തം, ചിത്രരചന, സാഹിത്യരചന തുടങ്ങിയവയുണ്ടാകും.
ഇതിൽ ഏതെങ്കിലും കലകൾ തിരഞ്ഞെടുത്താൽ അതിൽ കൂടുതൽ സർഗാത്മകത വളർത്തിയെടുക്കാനുള്ള പിന്തുണ കുട്ടികൾക്കു നൽകും. മികച്ച കായികോപകരണങ്ങളും മൈതാനങ്ങളും നൽകുമെന്നും വിദ്യാഭ്യാസവകുപ്പ് അധികൃതർ അറിയിച്ചു. കൂടുതൽ ഫിസിക്കൽ എജുക്കേഷൻ അധ്യാപകരെ നിയമിക്കും. ഗ്രാമീണ, ആദിവാസി മേഖലകളിലെ കുട്ടികൾക്ക് കൂടുതൽസൗകര്യങ്ങൾ ഏർപ്പെടുത്തും.
308 തസ്തികയിൽ നിയമനത്തിനു പിഎസ്സി വിജ്ഞാപനം പുറത്തിറക്കി. 84 തസ്തികയിൽ നേരിട്ടും 29 എണ്ണത്തിൽ തസ്തികമാറ്റം വഴിയും 9 എണ്ണം സ്പെഷ്യൽ റിക്രൂട്മെന്റും 186 തസ്തികയിൽ എൻസിഎ നിയമനവുമാണ്. അപേക്ഷ സ്വീകരിക്കുന്ന അവസാന തീയതി ജനുവരി 29 രാത്രി 12 വരെയാണ്.
keralapsc.gov.in വെബ്സൈറ്റ് സന്ദര്ശിച്ച് ഉദ്യോഗാര്ത്ഥികള്ക്ക് അപേക്ഷ സമര്പ്പിക്കാവുന്നതാണ്.
സെക്രട്ടറിയറ്റ്/പിഎസ്സി/അഡ്വക്കറ്റ് ജനറൽ ഓഫിസ് തുടങ്ങിയ വയിൽ അസിസ്റ്റന്റ്/ഓഡിറ്റർ (സെക്രട്ടേറിയറ്റ് അസിസ്റ്റന്റ്), പൊലീസ് വകുപ്പിൽ സബ് ഇൻ സ്പെക്ടർ ഓഫ് പൊലീസ്, ആംഡ് പൊലീസ് സബ് ഇൻസ്പെക്ടർ, സിവിൽ പൊലീസ് ഓഫിസർ, വനിതാ സിവിൽ പൊലീസ് ഓഫിസർ, ഇന്ത്യ റിസർവ് ബറ്റാലിയൻ റഗുലർ വിങ്ങിൽ പൊലീസ് കോൺസ്റ്റബിൾ, എക്സൈസ് ആൻഡ് പ്രൊഹിബിഷൻ വകുപ്പിൽ സിവിൽ എക്സൈസ് ഓഫിസർ എന്നിവയാണ് പ്രധാന തസ്തികകൾ.
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
News4 days agoപണിമുടക്ക് നോട്ടീസ് നൽകി
You must be logged in to post a comment Login