ന്യൂഡൽഹി: സമഗ്ര വിവരങ്ങൾ അടങ്ങിയ 2025ലെ വീക്ഷണം കലണ്ടർ സംഘടനാ ചുമതലയുള്ള എഐസിസി ജനറൽ സെക്രട്ടറി കെ.സി വേണുഗോപാൽ എം.പി ഡൽഹിയിൽ പ്രകാശനം ചെയ്തു. വീക്ഷണം എംഡി ജെയ്സൺ ജോസഫ്, മഹിളാ കോൺഗ്രസ്സ് സംസ്ഥാന പ്രസിഡന്റ് ജെബി മേത്തർ എംപി എന്നിവർ എന്നിവരുടെ സാന്നിധ്യത്തിലായിരുന്നു പ്രകാശനം.

ന്യൂഡൽഹി: അപ്രതീക്ഷിതമായി എത്തിയ അതിഥിയെ സാമൂഹ്യ മാധ്യമത്തിൽ പരിചയപ്പെടുത്തി ശശി തരൂർ എംപി. ഡൽഹിയിലെ തന്റെ വസതിയിൽ എത്തിയ കുരങ്ങനുമൊത്ത് “ഒരു മങ്കി ബാത്ത്” എന്ന് അടിക്കുറിപ്പോടെ തരൂർ പങ്കുവെച്ച് ചിത്രങ്ങൾ സാമൂഹ്യ മാധ്യമങ്ങളിൽ വൈറൽ ആയിരിക്കുകയാണ്. രാവിലെ പൂന്തോട്ടത്തിൽ ഇരുന്നു പത്രവായനയ്ക്കിടെ അപ്രതീക്ഷിതമായി എത്തിയ കുരങ്ങൻ മടിയിൽ കയറിയിരുന്നും തരൂ നൽകിയ പഴം വാങ്ങി കഴിച്ചും നെഞ്ചിൽ തലചായ്ച്ച് കിടന്നും സൗഹൃദം പങ്കുവയ്ക്കുന്നതിന്റെ രസകരമായ ചിത്രങ്ങളാണ് തരൂർ പങ്കുവെച്ചിരിക്കുന്നത്.

ശശി തരൂരിന്റെ സാമൂഹ്യ മാധ്യമ കുറിപ്പ് പൂർണ്ണരൂപം

Advertisement

inner ad

“ഒരു മങ്കി ബാത്ത്”
ഇന്ന് അസാധാരണമായ ഒരു അനുഭവം ഉണ്ടായി. ഞാൻ പൂന്തോട്ടത്തിൽ ഇരുന്ന് പ്രഭാത പത്രങ്ങൾ വായിച്ചുകൊണ്ടിരിക്കുമ്പോൾ, ഒരു കുരങ്ങൻ അലഞ്ഞുതിരിഞ്ഞു എന്റെ അടുത്തേക്ക് വന്ന് എന്റെ മടിയിൽ ഇരുന്നു. ഞങ്ങൾ കൊടുത്ത രണ്ട് പഴങ്ങൾ അവൻ ആർത്തിയോടെ തിന്നു, എന്നെ കെട്ടിപ്പിടിച്ച് നെഞ്ചിൽ തല ചായ്ച്ചു കിടന്നുറങ്ങി. ഞാൻ പതുക്കെ എഴുന്നേൽക്കാൻ തുടങ്ങി, അവൻ ചാടി എണീറ്റു എങ്ങോട്ടോ ഓടിപ്പോയി

ഡൽഹി: പ്രതിപക്ഷനേതാവ് രാഹുൽ ഗാന്ധി
നാളെ സംഭൽ സന്ദർശിക്കും. പോലീസ് വെടിവെപ്പിൽ കൊല്ലപ്പെട്ടവരുടെ കുടുംബങ്ങളുമായി കൂടിക്കാഴ്‌ച നടത്താനാണ് തീരുമാനം. ഷാഹി മസ്‌ജിദിലെ സർവേയുമായി ബന്ധപ്പെട്ട് നവംബർ 24ന് സംഭലിലുണ്ടായ സംഘർഷത്തിൽ അഞ്ചുപേരെ പോലീസ് വെടിവെച്ചു കൊലപ്പെടുത്തിയിരുന്നു.
യുപി കോൺഗ്രസ് അധ്യക്ഷൻ അജയ്
റായിയുടെ നേതൃത്വത്തിലുള്ള സംഘം കഴിഞ്ഞ ദിവസം സംഭൽ സന്ദർശിച്ചിരുന്നു. എന്നാൽ പോലീസ് തടയുകയാണുണ്ടായത്. ഡിസംബർ 10 വരെ അധികാരികളുടെ അനുമതിയില്ലാതെ സംഘർഷബാധിത ജില്ലകളിൽ രാഷ്ട്രീയക്കാരോ സാമൂഹിക സംഘടന പ്രവർത്തകരോ അടക്കം പുറത്തുനിന്നു ആർക്കും തന്നെ പ്രവേശനം അനുവദിക്കരുതെന്നാണ് ജില്ലാ മജിസ്ട്രേറ്റിന്റെ ഉത്തരവ്.