മഞ്ചേശ്വരം: വിവാഹത്തില്‍നിന്ന് പിന്‍മാറിയ വിരോധത്തില്‍ യുവതിയുടെ വീടിന് തീവെച്ച കേസിലെ പ്രതിയെ മഞ്ചേശ്വരം പൊലീസ് കോഴിക്കോട്ട് അറസ്റ്റ് ചെയ്തു. വയനാട് വൈത്തിരി ചുണ്ടയിലെ ശിവകുമാറിനെ(43)യാണ് മഞ്ചേശ്വരം എസ്.ഐ. നിഖിലിന്റെ നേതൃത്വത്തിലുള്ള പൊലീസ് സംഘം അറസ്റ്റുചെയ്തത്.

മഞ്ചേശ്വരം ഉദ്യാവര്‍ സ്വദേശിനിയുടെ പരാതിയിലാണ് കേസ്. ശിവകുമാര്‍ യുവതിയോട് പല തവണ വിവാഹാഭ്യര്‍ഥന നടത്തിയിരുന്നു. ഇതിനെ യുവതിയും കുടുംബവും എതിര്‍ത്തിരുന്നു. 23ന് പുലര്‍ച്ചെ മൂന്നര മണിക്ക് ശിവകുമാര്‍ കുപ്പിയില്‍ നിറച്ച പെട്രോളുമായി യുവതിയുടെ വീടിന്റെ പിറകുവശത്തെ വാതില്‍ തള്ളിനീക്കി അകത്തുകയറി.

Advertisement

inner ad

യുവതിയും മറ്റു കുടുംബാംഗങ്ങളും ഉറങ്ങികിടക്കുകയായിരുന്ന മുറിയിലേക്ക് പെട്രോളൊഴിച്ച് തീ കൊടുക്കുകയായിരുന്നു. പായക്കും വിരിപ്പിനും തീ പടര്‍ന്ന് പിടിച്ചു. ബഹളം കേട്ട് അയല്‍ വാസികളെത്തിയാണ് തീയണച്ചത്. കൂലിതൊഴിലാളിയായ ശിവകുമാര്‍ ഹൊസങ്കടിയിലെ ഒരു ബന്ധുവീട്ടില്‍ എത്തിയതിന് ശേഷമാണ് യുവതിയുമായി അടുപ്പത്തിലായത്. പ്രതിയെ കോടതി റിമാന്റ് ചെയ്തു.

Advertisement

inner ad

മലപ്പുറം: പത്തനംതിട്ട മുന്‍ എസ്പി സുജിത് ദാസിനെതിരേ ബലാത്സംഗ ആരോപണവുമായി വീട്ടമ്മ. പരാതിയുമായി എസ്പി ഓഫീസിലെത്തി സുജിത് ദാസ് ബലാത്സംഗത്തിനിരയാക്കിയെന്ന് ഇവര്‍ ആരോപിച്ചു. കുടുംബപ്രശ്നത്തെപ്പറ്റിയുള്ള പരാതിയുമായി സമീപിച്ചപ്പോള്‍ രണ്ട് തണ ബലാത്സംഗം ചെയ്തുവെന്നാണ് ആരോപണം. മാത്രമല്ല രണ്ടാമത്തെ തവണ അതിക്രമം ഉണ്ടായപ്പോള്‍ മറ്റൊരു ഉദ്യോഗസ്ഥന്‍ കൂടെയുണ്ടായിരുന്നുവെന്നും പറയുന്നു. മുഖ്യമന്ത്രി തന്റെ അങ്കിളാണെന്ന് സുജിത് ദാസ് പറഞ്ഞെന്നും വീട്ടമ്മ ആരോപിച്ചു.

എസ്പിക്കെതിരേയുള്ള പി.വി.അന്‍വര്‍ എംഎല്‍എയുടെ വെളിപ്പെടുത്തലിന് ശേഷമാണ് ഇക്കാര്യം പുറത്തുപറയാന്‍ തീരുമാനിച്ചതെന്നും പരാതിക്കാരി പറഞ്ഞു. എന്നാൽ ആരോപണങ്ങളെല്ലാം നിഷേധിച്ചുകൊണ്ട് സുജിത് ദാസ് രംഗത്തെത്തി. 2022ല്‍ തന്റെ എസ്പി ഓഫീസില്‍ സഹോദരനും കുട്ടിക്കും ഒപ്പമാണ് സ്ത്രീ എത്തിയത്. റിസപ്ഷന്‍ രജിസ്റ്ററില്‍ ഇതിന്റെ വിശദാംശങ്ങള്‍ ഉണ്ടെന്നും സുജിത് ദാസ് അവകാശപ്പെട്ടു. പരാതിക്കാരി നിരന്തരമായി പോലീസിനെതിരേ കേസ് കൊടുക്കുന്നയാളാണ്. തനിക്കെതിരേയുള്ള ആരോപണത്തില്‍ ഇവര്‍ക്കെതിരേ നിയമനടപടി സ്വീകരിക്കുമെന്നും സുജിത് ദാസ് പ്രതികരിച്ചു.

Advertisement

inner ad

മലപ്പുറം: അധ്യാപക ദിനത്തിൽ ആശംസയർപ്പിച്ച് കെ.ടി.ജലീൽ എംഎൽഎ ഫേസ്ബുക്കിലിട്ട പോസ്റ്റിന് വിമർശനവുമായി ഇടത് അണികൾ. “രക്തസാക്ഷിയുടെ രക്തത്തേക്കാൾ വിശുദ്ധിയുണ്ട് പണ്ഡിതനായ ഗുരുവിൻ്റെ മഷിക്ക്’എന്ന ജലീലിന്റെ പ്രയോഗത്തെ വിമർശിച്ച് സിപിഎം പ്രവർത്തകർ രംഗത്തെത്തി. അധ്യാപകരുടെ വിശുദ്ധി പറയാൻ രക്തസാക്ഷികളുടെ രക്തത്തിൻ്റെ വിശുദ്ധി താഴ്ത്തിക്കെട്ടേണ്ടെന്നാണ് ഇടത് അണികളുടെ വിമർശനം. രക്തസാക്ഷികളെ അപമാനിക്കുന്നതും വിലകുറച്ച് കാണുന്നതുമാണ് ജലീലിൻ്റെ പോസ്റ്റ് എന്നും വിമർശനം ഉയർന്നു. എന്നാൽ അറിവു നേടുന്നതി ന്റെ പ്രാധാന്യം സൂചിപ്പിക്കുന്ന ഒരു ആലങ്കാരിക പ്രയോഗമാണിതെന്ന് പറഞ്ഞ് ജലീൽ രംഗത്തെത്തി.

വിജ്ഞാനത്തിൻ്റെ പ്രാധാന്യം സമൂഹത്തെ അറിയിക്കാൻ നബി വചനമാണ് താൻ ഉദ്ധരിച്ചത്. രക്തസാക്ഷികൾ സ്വർഗത്തിലാ ണെന്ന് പറഞ്ഞ അതേ മുഹമ്മദ് നബിയാണ് ഈ വചനവും പറഞ്ഞതെന്ന് ജലീൽ പറഞ്ഞു.

Advertisement

inner ad