News
ഡേവിഡ് വാർണർ അന്താരാഷ്ട്ര ക്രിക്കറ്റിൽ നിന്നും വിരമിച്ചു
അന്താരാഷ്ട്ര ക്രിക്കറ്റില്‍ നിന്ന് വിരമിച്ച് ഡേവിഡ് വാര്‍ണര്‍. ട്വന്‍റി-20 ലോകകപ്പില്‍ നിന്ന് ഓസ്‌ട്രേലിയ പുറത്തായതോടെയാണ് വാർണർ വിരമിക്കൽ പ്രഖ്യാപിച്ചത്. കഴിഞ്ഞ ദിവസം ഇന്ത്യയ്‌ക്കെതിരെ നടന്ന മത്സരമാണ് വാര്‍ണറിന്‍റെ അവസാന അന്താരാഷ്ട്ര മത്സരവും. ആ മത്സരത്തില്‍ ആറ് റണ്‍സ് മാത്രമാണ് വാര്‍ണറിന് നേടാനായത്.
ഓസ്‌ട്രേലിയയ്ക്കായി സീനിയര്‍ കരിയറില്‍ മൂന്ന് ഫോര്‍മാറ്റിലുമായി 383 മത്സരങ്ങളാണ് വാര്‍ണര്‍ കളിച്ചത്. 112 ടെസ്റ്റുകളിലും 161 ഏകദിനങ്ങളിലും 110 ടി20 മത്സരങ്ങളിലുമാണ് ഓസീസ് താരം കളത്തിലിറങ്ങിയത്.ടെസ്റ്റില്‍ 8786 റണ്‍സും ഏകദിനത്തില്‍ 6932 റണ്‍സും ടി20യില്‍ 3277 റണ്‍സുമെടുത്തിട്ടുണ്ട് വാര്‍ണര്‍. 2015ലും 2023ലും ഏകദിന ലോകകപ്പ് സ്വന്തമാക്കിയ ഓസ്‌ട്രേലിയന്‍ ടീമിലും അംഗമായിരുന്നു വാര്‍ണര്‍.
2021 ടി20 ലോകകപ്പ് കിരീടം നേടിയ ടീമിലും കഴിഞ്ഞ തവണ ലോകടെസ്റ്റ് ചാമ്ബ്യന്‍ഷിപ്പ് കിരീടം വിജയിച്ച ടീമിലും അംഗമായിരുന്നു.ടെസ്റ്റില്‍ നിന്നും ഏകദിനത്തില്‍ നിന്നും നേരത്തെ തന്നെ വിരമിച്ച വാര്‍ണര്‍ ഈ ലോകകപ്പായിരിക്കും തന്‍റെ അവസാന അന്താരാഷ്ട്ര ടൂര്‍ണമെന്‍റ് എന്ന് നേരത്തെ പ്രഖ്യാപിച്ചിരുന്നു.
അൽ ഖോബാർ: രാജ്യത്തിൻറെ നാളെയുടെ വാഗ്ദാനങ്ങളായ വിദ്യാർത്ഥികൾ മുതൽ യുവാക്കളെ വരെ ലാഭ കൊതിയാന്മ്മാരായ മയക്ക് മരുന്ന് മാഫിയ കവർന്നെടുത്ത് നശിപ്പിക്കുന്ന കാഴ്ച്ച കേരളത്തിൽ പതിവായിരിക്കുന്നു. സർക്കാരിന്റെ ഫലവത്തായ ഇടപെടൽ ഉണ്ടായില്ലെങ്കിൽ കുടുംബങ്ങളെ മാത്രമല്ല നാടിനെ തന്നെ ഇകൂട്ടർ തകർക്കുമെന്ന് ഒഐസിസി അൽ ഖോബാർ ഏരിയ കമ്മിറ്റി വാർത്താകുറിപ്പിൽ അറിയിച്ചു.
അൽ ഖോബാർ ക്ലാസ്സിക്‌ ഹാളിൽ ചേർന്ന വിസ്മയ സന്ധ്യയുടെ വിജയഘോഷഭാഗമായി സംഘടിപ്പിച്ച ഇഫ്താർ വിരുന്നിന് ശേഷം ലഹരി വിരുദ്ധ പ്രതിജ്ഞ നടത്തി. പ്രതിജ്ഞ ഒഐസിസി ഖോബാർ കമ്മിറ്റി സെക്രട്ടറി ഷിബിൻ ആറ്റുവ ചൊല്ലികൊടുത്തു.
യോഗത്തിൽ പ്രസിഡന്റ്‌ എ കെ സജൂബ് അധ്യക്ഷത വഹിച്ചു. അൻസാർ അസ്ഹരി റമദാൻ പ്രഭാഷണം നടത്തി. ഗ്ലോബൽ കമ്മിറ്റി അംഗം ജോൺ കോഷി, ഈസ്റ്റൺ പ്രാവിശ്യാ കമ്മിറ്റി സംഘടനാ ചുമതലയുള്ള ജനറൽ സെക്രട്ടറി ശിഹാബ് കായംകുളം, വൈസ് പ്രസിഡന്റ്‌മ്മാരായ ഷംസ്‌ കൊല്ലം, ഷിജില ഹമീദ്, ജനറൽ സെക്രട്ടറി സക്കീർ പറമ്പിൽ, സെക്രട്ടറി ആസിഫ് താനൂർ, മലപ്പുറം ജില്ലാ സെക്രട്ടറി ഹമീദ് മരക്കാശ്ശേരി, സാമൂഹിക പ്രവർത്തകരായ മണിക്കുട്ടൻ, മഞ്ജു മണിക്കുട്ടൻ, മാധ്യമ പ്രവർത്തകൻ മുജീബ് കളത്തിൽ, റഫ ക്ലിനിക് മാനേജർ അസീസ്, വ്ലോഗർ നിതിൻ കണ്ടമ്പത്ത് എന്നിവർ സംസാരിച്ചു.
സുബൈർ പാറക്കൽ, രജീവ് നടുമങ്ങാട്, ഷാജിദ് പറമ്മേൽ, സുബൈർ അരൂർ, ഹുസ്ന ആസിഫ്, ആയിഷ സജൂബ്, ഇമ്മാനുവൽ ഡറി എന്നിവർ നേതൃത്വം നൽകി. സംഘടനാ ചുമതലയുള്ള ജനറൽ സെക്രട്ടറി രാജേഷ് ആറ്റുവ സ്വാഗതവും ട്രഷറർ ഷൈൻ കരുനാഗപ്പള്ളി നന്ദിയും പറഞ്ഞു.
News
സർക്കാരിനെതിരെ ഇടയലേഖനവുമായ് താമരശ്ശേരി രൂപത
* ക്രൈസ്തവ സമുദായത്തെ തകർക്കാൻ ശ്രമം
*കർഷകരുടെ ആനുകൂല്യവും നിഷേധിക്കുന്നു
കോഴിക്കോട്: സർക്കാരിനെതിരെ രൂക്ഷ വിമർശനമുള്ള ഇടയ ലേഖനവുമായി താമരശ്ശേരി രൂപത. ക്രൈസ്തവ സമുദായത്തിന്റെ വിവിധ അവകാശങ്ങളും കർഷകരുടെ ആനുകൂല്യങ്ങളും സർക്കാർ നിഷേധിക്കുന്നതായി ഇടയ ലേഖനത്തിൽ കുറ്റപ്പെടുത്തുന്നു.
ക്രൈസ്തവ സമുദായത്തെ തകർക്കാൻ സർക്കാർ ശ്രമിക്കുന്നുവെന്ന ഗുരുതര ആരോപണമാണ് ലേഖനത്തിലുള്ളത്.
താമരശ്ശേരി ബിഷപ്പ് മാർ റെമിഞ്ചിയോസ് ഇഞ്ചനാനിയേലാണ് ഇടയലേഖനം പുറത്തിറക്കിയത്.
സമുദായം അനുഭവിക്കുന്ന പ്രതിസന്ധികൾ ഇതെല്ലാമാണെന്ന് പറഞ്ഞുകൊണ്ടാണ് പത്തോളം കാര്യങ്ങൾ ഇടയലേഖനത്തിൽ പരാമർശിക്കുന്നത്. 2023-ൽ ക്രൈസ്തവ സമൂഹത്തിന്റെ പിന്നാക്കാവസ്ഥ പഠിക്കാനായി സർക്കാർ നിയോഗിച്ച ജെ.ബി കോശി കമ്മീഷൻ റിപ്പോർട്ടിൻ്റെ ഉള്ളടക്കം പരസ്യമാക്കാത്തത്തിൽ പ്രത്യേക താല്പര്യമുണ്ടെന്നും വിമർശനമുണ്ട്.
ന്യൂനപക്ഷ സ്കോളർഷിപ്പുകളിൽ സമുദായത്തോട് അനീതിയുണ്ടെന്നും കിട്ടേണ്ടവർക്ക് ഇത് കൃത്യമായി കിട്ടുന്നില്ലെന്നും ഇടയലേഖനത്തിൽ പറയുന്നു. വന്യജീവി ആക്രമണങ്ങളെ സർക്കാർ ശാസ്ത്രീയമായി പരിഹരിക്കുന്നില്ലെന്നും കർഷകരുടെ ആനുകൂല്യങ്ങൾ നിഷേധിക്കുന്നതായും താമരശ്ശേരി രൂപത വിമർശിക്കുന്നു.
എയ്ഡഡ് നിയമനങ്ങൾ അട്ടിമറിക്കുന്നതുൾപ്പെടെയുള്ള വിഷയങ്ങളെക്കുറിച്ചും ലേഖനത്തിൽ പരാമർശമുണ്ട്. ഏപ്രിൽ അഞ്ചിന് മുതലക്കുളത്ത് ക്രൈസ്തവ സമുദായ അവകാശ പ്രഖ്യാപന റാലി നടത്താൻ തീരുമാനിച്ചതായി ലേഖനത്തില്‍ വ്യക്തമാക്കുന്നു.
News
സ്ഥാനാർഥിയെ പാർട്ടി തീരുമാനിക്കും. ആരായാലും യു ഡി എഫിനെ വിജയിപ്പിക്കാൻ ഒരുങ്ങുക – ആര്യാടൻ ഷൗക്കത്ത്
റിയാദ് : നിലമ്പൂർ ഉപതെരഞ്ഞെടുപ്പ് വരാനിരിക്കുന്ന നിയമസഭ തിരഞ്ഞെടുപ്പിന്റെ സെമി ഫൈനലാണെന്നും പാർട്ടി തീരുമാനിക്കുന്ന സ്ഥാനാർഥി ആരായാലും യു ഡി എഫ് സ്ഥാനാർത്ഥിയെ വിജയിപ്പിക്കാൻ സജീവ ഇടപെടൽ ഉണ്ടാകണമെന്നും ഒഐസിസി പ്രവർത്തകരോട് ആവശ്യപ്പെട്ട് കെപിസിസി ജനറൽ സെക്രട്ടറി ആര്യാടൻ ഷൗക്കത്ത്.
ഹൃസ്വ സന്ദർശനാർഥം സൗദിയിലെത്തിയ ആര്യാടൻ ഷൗത്തിന് ഒഐസിസി റിയാദ് മലപ്പുറം ജില്ല കമ്മറ്റി ഒരുക്കിയ സ്വീകരണ പരിപാടിയിൽ സംസാരിക്കുകയായിരുന്നു.
നാട് രാസലഹരിയുടെ പിടിയിലാണ്, തടയാൻ സർക്കാരിന് കഴിയുന്നില്ല. ഒരു കാലത്ത് ഇന്ത്യ രാജ്യത്ത് ഏറ്റവും കുറവ് ലഹരി ഉപയോഗിച്ചിരുന്ന സംസ്ഥാനമായിരുന്നു കേരളം, എന്നാൽ ഇന്ന് മയക്ക് മരുന്നുമായി ബന്ധപ്പെട്ട കേസുകൾ ഏറ്റവും കൂടുതൽ റെജിസ്റ്റർ ചെയ്യുന്നതും ഉപഭോഗം ചെയ്യുന്ന സംസ്ഥാനമായി കേരളം മാറി.
കുടിക്കാൻ വെള്ളമില്ലാത്ത സമയത്ത് ലക്ഷക്കണക്കിന് ലിറ്റർ ഭൂഗർഭ ജലം ഉപയോഗിക്കേണ്ടി വരുന്നതിന്റെ പേരിൽ ഒരു ബഹുരാഷ്ട്ര കമ്പനിയെ ആട്ടിയോടിച്ച പാലക്കാട്, മദ്യ നിർമ്മാണ കമ്പനിക്ക് അനുമതി നൽകിയതും, അത് ഭരണനേട്ടമായി പറയുന്ന സർക്കാരിന് കാഴ്ചപ്പാടില്ലെന്നും രാസ ലഹരി പോലെ സർക്കാർ അഴിമതിയുടെ അടിമകളായി മാറിയിട്ടുണ്ടെന്നും അദ്ദേഹം കുറ്റപ്പെടുത്തി.
ഒഐസിസി മലപ്പുറം ജില്ലാ പ്രസിഡണ്ട് സിദ്ധിഖ് കല്ലുപറമ്പൻ അധ്യക്ഷനായ ചടങ്ങ് കെപിസിസി ജന:സെക്രട്ടറി പി എ സലിം ഉദ്‌ഘാടനം ചെയ്തു. ഒഐസിസി റിയാദ് സെൻട്രൽ കമ്മറ്റി പ്രസിഡണ്ട് സലിം കളക്കര ആശംസകൾ നേർന്നു.
ഗ്ലോബൽ സെക്രട്ടറി റസാഖ് പോക്കോട്ടുംപാടം,അബ്ദുള്ള വല്ലാഞ്ചിറ, നൗഫൽ പാലക്കാടൻ, സക്കീർ ദാനത്ത്, അമീർ പട്ടണത്ത്, വഹീദ് വാഴക്കാട് , ബഷീർ കോട്ടക്കൽ,അൻസാർ വാഴക്കാട്, ഉണികൃഷ്ണൻ, പ്രഭാകരൻ, ഭാസ്കരൻ, സൈനുദ്ധീൻ, ശിഹാബ് അരിപ്പൻ, മുത്തു പാണ്ടിക്കാട്,ബൈജു പാണ്ടികശാല, നജീബ് ആക്കോട്, ഫൈസൽ,ഷറഫ് ചിറ്റൻ, ഷൗക്കത്ത് ഷിഫാ ,ഷാജഹാൻ,ഷമീർ മാളിയേക്കൽ, ബനൂജ് പൂക്കോട്ടുംപാടം എന്നിവർ പരിപാടിക്ക് നേതൃത്വം നൽകി.
ഒഐസിസി മലപ്പുറം ജില്ല സംഘടന ചുമതലയുള്ള ജന: സെക്രട്ടറി ജംഷാദ് തുവ്വൂർ സ്വാഗതവും ട്രഷറർ സാദിഖ് വടപുറം നന്ദിയും പറഞ്ഞു.
-
News2 months agoസംസ്ഥാനത്ത് സാമ്പത്തിക പ്രതിസന്ധി: കേന്ദ്രത്തോട് 24,000 കോടി രൂപയുടെ പ്രത്യേക പാക്കേജ് ആവശ്യപ്പെട്ട് കേരളം
-
News2 months agoപണിമുടക്ക് നോട്ടീസ് നൽകി
-
Thiruvananthapuram2 months agoജീവനക്കാരെ പറ്റിച്ച ബജറ്റ്: സെ ക്രട്ടറിയേറ്റ് ആക്ഷൻ കൗൺസിൽ
-
Kerala2 months agoധനസമാഹരണത്തിന് ശമ്പളം ലക്ഷ്യമിട്ട്
ബഡ്ജറ്റ് അവതരിപ്പിക്കുന്ന സര്ക്കാര് കേരളത്തില് മാത്രം; ചവറ ജയകുമാര് -
Featured2 months agoസംസ്ഥാനത്ത് നാളെ 6 ജില്ലകൾക്ക് അവധി
-
Featured1 month agoകേരളം രഞ്ജിട്രോഫി സെമിയില്
-
Kuwait2 weeks agoഈദ് അൽ ഫിത്തർ അവധി ദിവസങ്ങൾ മുൻകൂട്ടി പ്രഖ്യാപിച്ചു
-
Featured2 months agoടി പി ചന്ദ്രശേഖരന്റെയും കെ കെ രമയുടെയും മകൻ അഭിനന്ദ് വിവാഹിതനായി
You must be logged in to post a comment Login