തിരുവനന്തപുരം: കോൺഗ്രസിൻ്റെ സാംസ്കാരിക സംഘടനയായ കെപിസിസി സംസ്കാരസാഹിതിയുടെ സംസ്ഥാന വർക്കിംഗ് ചെയർമാനായി എൻ .വി. പ്രദീപ്കുമാറിനെ കെപിസിസി പ്രസിഡൻറ് കെ സുധാകരൻ നിയമിച്ചതായി സംസ്ഥാന ചെയർമാൻ സി ആർ മഹേഷ് എംഎൽഎ അറിയിച്ചു. സംസ്കാരസാഹിതിയുടെ സംസ്ഥാന ചെയർമാനായി സി ആർ മഹേഷ് എംഎൽഎയും ജനറൽ കൺവീനറായി ആലപ്പി അഷ്റഫും സ്ഥാനം ഏറ്റെടുത്തു കൊണ്ട് കെ പി സി സി യിൽ നടന്ന സംസ്ഥാന കമ്മിറ്റിയിലായിരുന്നു എൻ വി പ്രദീപ്കുമാറിന്റെ നിയമനം പ്രഖ്യാപിക്കപ്പെട്ടത്.

കെപിസിസി നിർവാഹ സമിതി അംഗമായും സംസ്കാര സാഹിതി സംസ്ഥാന ജനറൽ കൺവീനറായും പ്രവർത്തിച്ച വരികയായിരുന്നു. കോൺഗ്രസ് വർക്കിംഗ് കമ്മിറ്റി അംഗം രമേശ് ചെന്നിത്തല യോഗം ഉദ്ഘാടനം ചെയ്തു മുൻ ചെയർമാൻ ആര്യാടൻ ഷൗക്കത്ത് അധ്യക്ഷത വഹിച്ചു മാത്യു കുഴൽനാടൻ എംഎൽഎ, പാലോട് രവി, ഡോ.എം ആർ തമ്പാൻ, കാട്ടൂർ നാരായണൻ, ഉണ്ണികൃഷ്ണൻ എന്നിവർ പ്രസംഗിച്ചു

Advertisement

inner ad

ജനുവരി 22 ന് സർക്കാർ ജീവനക്കാരും അദ്ധ്യാപകരും നടത്തുന്ന പണിമുടക്കിന് മുന്നോടിയായി സ്‌റ്റേറ്റ് എംപ്ലോയീസ് ആൻഡ് ടീച്ചേഴ്സ് ഓർഗനൈസേഷൻ്റെ നേതൃത്വത്തിൽ നെയ്യാറ്റിൻകര തഹസീൽദാർക്ക് പണിമുടക്ക് നോട്ടീസ് നൽകി. പണിമുടക്ക് വിശദീകരണ യോഗം കേരള എൻ ജി ഒ അസോസിയേഷൻ ജില്ലാ പ്രസിഡൻ്റ് വി.എസ്. രാഘേഷ് ഉദ്ഘാടനം ചെയ്തു. സ്‌റ്റേറ്റ് എംപ്ലോയീസ് ആൻഡ് ടീച്ചേഴ്സ് ഓർഗനൈസേഷൻ നെയ്യാറ്റിൻകര താലൂക്ക് ചെയർമാൻ എസ്. ഷാജി അധ്യക്ഷത വഹിച്ച യോഗത്തിൽ നേതാക്കളായ വി.സി. ഷൈജി ഷൈൻ, ഷമ്മി എസ്. രാജ്, എസ്. എസ്. സജി, എസ്.വി. ബിജു, എസ്. ബിജു, എസ്.ആർ. ബിജുകുമാർ, സുരേഷ് കുമാർ, അജയാക്ഷൻ പി.എസ്, അജിത് കുമാർ , ആറാലുംമൂട് ശബരിനാഥ് എന്നിവർ പങ്കെടുത്തു

നെയ്യാറ്റിൻകര: ഷാരോണ്‍ വധകേസില്‍ ശിക്ഷാ വിധി ഇന്ന്. നെയ്യാറ്റിന്‍കര അഡീഷണല്‍ സെഷന്‍സ് കോടതി 11 മണിക്ക്‌ വിധി പറയും. ഒന്നാം പ്രതി ഗ്രീഷ്മയെ രാവിലെ 9.30 ന് തിരുവനന്തപുരം വനിതാ ജയിലില്‍ നിന്ന് നെയ്യാറ്റിന്‍കര കോടതിയിലേക്ക് കൊണ്ട് വരും. മൂന്നാം പ്രതിയായ ഗ്രീഷ്മയുടെ അമ്മാവന്‍ നിര്‍മ്മല്‍ കുമാറും കുറ്റക്കാരനാണെന്ന് കഴിഞ്ഞ ദിവസം കോടതി കണ്ടെത്തിയിരുന്നു. പ്രതികള്‍ക്ക് പരമാവധി ശിക്ഷ നല്‍കണമെന്ന് പ്രോസിക്യൂഷന്‍ ആവശ്യപ്പെടും. വിധി കേള്‍ക്കാന്‍ ഷാരോണിന്റെ മാതാപിതാക്കള്‍ ശിക്ഷാവിധി കേള്‍ക്കാര്‍ കോടതിയിലെത്തും.