പോക്സോ കേസിൽ അറസ്റ്റിലായ സിപിഎം നേതാവ് ശശികുമാറിനെ റിമാൻഡ് ചെയ്തു

മലപ്പുറം : പോക്സോ കേസില്‍ വീണ്ടും അറസ്റ്റിലായ സിപിഎം നേതാവായ മുന്‍ അധ്യാപകന്‍ കെ വി ശശികുമാര്‍ റിമാന്‍ഡില്‍. ജാമ്യത്തിലിറങ്ങി ദിവസങ്ങള്‍ക്കുള്ളിലാണ് മറ്റൊരു പോക്സോ കേസില്‍ നഗരസഭ മുന്‍ കൗണ്‍സിലര്‍ കൂടിയായ ശശികുമാര്‍ പിടിയിലായത്. മൂന്ന് പോക്സോ ഉള്‍പ്പെടെ പത്തു കേസുകളാണ് നിലവിലുള്ളത്.പൂര്‍വവിദ്യാര്‍ഥിനിയുടെ പരാതിയിലാണ് ശശികുമാറിനെതിരെ വീണ്ടും പോക്സോ കേസ് മലപ്പുറം വനിതാ പൊലീസ് രജിസ്റ്റര്‍ ചെയ്തത്. 2012-13 കാലയളവിലാണ് കേസിനാസ്‍പദമായ സംഭവം നടന്നത്. കഴിഞ്ഞ ദിവസം പൂര്‍വ വിദ്യാര്‍ത്ഥിനി സ്റ്റേഷനില്‍ നേരിട്ടെത്തി പരാതി നല്‍കുകയായിരുന്നു. അടുത്ത ദിവസം തന്നെ  ജാമ്യത്തിന് ശ്രമിക്കുമെന്ന് ശശികുമാറിന്‍റെ അഭിഭാഷകന്‍ പ്രതികരിച്ചു. നേരത്തെ രജ്സിസ്റ്റര്‍ ചെയ്ത രണ്ട് പോക്സോ കേസുകളില്‍ ജാമ്യം ലഭിച്ച് ശശികുമാര്‍ കഴിഞ്ഞ ആഴ്ചയാണ് പുറത്തിറങ്ങിയത്.  പാർട്ടി സ്വാധീനത്തിൽ അന്വേഷണത്തിലെ പഴുതുകൾ ഉപയോഗിച്ച് പോക്സോ കേസുകളിൽ ശശികുമാർ ജാമ്യം നേടുന്നുവെന്ന ആരോപണവുമായി പൂർവ്വ വിദ്യാർത്ഥികളും രംഗത്തെത്തിയിട്ടുണ്ട്.

Related posts

Leave a Comment