കണ്ണൂര്‍ സര്‍വകാലശാലയിലെ വിവാദ സിലബസ്​ പിന്‍വലിക്കില്ലെന്ന്​ വി.സി പ്രൊഫ. ഗോപിനാഥ്​ രവീന്ദ്രന്‍

കണ്ണൂര്‍: കണ്ണൂര്‍ സര്‍വകാലശാലയിലെ വിവാദ സിലബസ്​ പിന്‍വലിക്കില്ലെന്ന്​ വി.സി പ്രൊഫ. ഗോപിനാഥ്​ രവീന്ദ്രന്‍. കാവിവത്​കരണമെന്ന ആരോപണം തെറ്റാണെന്നും അദ്ദേഹം വാര്‍ത്താ സമ്മേളനത്തില്‍ പറഞ്ഞു.

പഠിക്കേണ്ടത്​ തന്നെയാണ്​ സിലബസിലുള്ളത്​. ആരോപണം ഉയര്‍ന്ന പശ്ചാത്തലത്തില്‍ സിലബസിനെ കുറിച്ച്‌​ പഠിക്കാന്‍ രണ്ടംഗ സമിതിയെ നിയോഗിച്ചിട്ടുണ്ട്​. അവരുടെ റിപ്പോര്‍ട്ടിന്​ ശേഷമെ സിലബസ്​ പിന്‍വലിക്കുന്നതിനെ പറ്റി ആലോചിക്കുള്ളു. സര്‍വകലാശാലക്ക്​ പുറത്തുള്ള അധ്യാപകരെയാണ്​ പഠിക്കാന്‍ നിയമിച്ചിരിക്കുന്നതെന്നും അദ്ദേഹം കൂട്ടിച്ചേര്‍ത്തു.

പി.ജി കോഴ്​സില്‍ ആര്‍.എസ്​.എസ്​ സൈദ്ധാന്തികരുടെ പുസ്​തകങ്ങള്‍ ഉള്‍പ്പെടുത്താനുള്ള തീരുമാനം വലിയ വിവാദമായിരുന്നു. ഗോ​ള്‍​വാ​ള്‍​ക്ക​റു​ടെ ‘വീ ​ഓ​ര്‍ ഔ​ര്‍ നാ​ഷ​ന്‍​ഹു​ഡ് ഡി​ഫൈ​ന്‍​ഡ്’, ‘ബ​ഞ്ച് ഓ​ഫ് തോ​ട്ട്സ്’, സ​വ​ര്‍​ക്ക​റു​ടെ ‘ഹി​ന്ദു​ത്വ; ഹൂ ​ഇ​സ്​ എ ​ഹി​ന്ദു’ എ​ന്നീ പു​സ്​​ത​ക​ങ്ങ​ളി​െ​ല ചി​ല ഭാ​ഗ​ങ്ങ​ളാ​ണ്​​ സി​ല​ബ​സി​ല്‍ ഉ​ള്‍​പ്പെ​ടു​ത്തി​യി​രി​ക്കു​ന്ന​ത്.

എം.​എ ഗ​വേ​ണ​ന്‍​സ് ആ​ന്‍​ഡ് പൊ​ളി​റ്റി​ക്ക​ല്‍ സ​യ​ന്‍​സ് പി.​ജി മൂ​ന്നാം സെ​മ​സ്​​റ്റ​റി​ലാ​ണ് വി​വാ​ദ പാ​ഠ​ഭാ​ഗ​ങ്ങ​ള്‍ ഉ​ള്ള​ത്. തീം​സ് – ഇ​ന്ത്യ​ന്‍ പൊ​ളി​റ്റി​ക്ക​ല്‍ തോ​ട്ട് എ​ന്ന പേ​പ്പ​റി​ലാ​ണ്​ പു​സ്​​ത​ക​ങ്ങ​ള്‍ പാ​ഠ​ഭാ​ഗ​ങ്ങ​ളാ​യു​ള്ള​ത്. കൂ​ടാ​തെ, ഹി​ന്ദു​ത്വ​വാ​ദി​ക​ളാ​യ ദീ​ന​ദ​യാ​ല്‍ ഉ​പാ​ധ്യാ​യ, ബാ​ല്‍​രാ​ജ് മ​ധോ​ക് എ​ന്നി​വ​രു​ടെ പു​സ്​​ത​ക​ങ്ങ​ളി​ലെ ചി​ല ഭാ​ഗ​ങ്ങ​ളും സി​ല​ബ​സി​ലുണ്ട്.

അതെസമയം ബോ​ര്‍​ഡ് ഓ​ഫ് സ്​​റ്റ​ഡീ​സ് രൂ​പ​വ​ത്​​ക​രി​ക്കാ​തെ സി​ല​ബ​സ് ത​യാ​റാ​ക്കി എ​ന്ന​ ആ​ക്ഷേ​പം ഉയര്‍ന്നിട്ടുണ്ട്​. സി​ല​ബ​സ് പാ​ന​ലി​ലെ ഒ​രു വി​ഭാ​ഗം അ​ധ്യാ​പ​ക​രു​ടെ താ​ല്‍​പ​ര്യം മാ​ത്രം പ​രി​ഗ​ണി​ച്ചാ​ണ് പേ​പ്പ​റു​ക​ള്‍ തീ​രു​മാ​നി​ച്ച​ത്. സി​ല​ബ​സിനെക്കുറിച്ച്‌​ ച​ര്‍​ച്ച ന​ട​ന്നി​ട്ടി​ല്ല. മ​റ്റ് അ​ധ്യാ​പ​ക​ര്‍ നി​ര്‍​ദേ​ശി​ച്ച പേ​പ്പ​റു​ക​ളെ​ല്ലാം ഒ​രു വി​ഭാ​ഗം ത​ള്ളി​ക്ക​ള​ഞ്ഞ് സ്വ​ന്തം ഇ​ഷ്​​ട​പ്ര​കാ​ര​മാ​ണ്‌ ക​മ്മി​റ്റി പാ​ഠ്യ​പ​ദ്ധ​തി തീ​രു​മാ​നി​ച്ച​തെന്നും ആക്ഷേപം ഉണ്ട്​. എം.​എ പൊ​ളി​റ്റി​ക്ക​ല്‍ സ​യ​ന്‍​സ് ആ​യി​രു​ന്ന പി.​ജി കോ​ഴ്സ് ഈ ​വ​ര്‍​ഷം മു​ത​ലാ​ണ് എം.​എ ഗ​വേ​ണ​ന്‍​സ് ആ​ന്‍​ഡ്​ പൊ​ളി​റ്റി​ക്ക​ല്‍ സ​യ​ന്‍​സ് ആ​യ​ത്

ഇതിനെതിരെ വിവിധ വിദ്യാര്‍ഥി സംഘടനകള്‍ പ്രക്ഷോഭരംഗത്താണ്​.എന്നാല്‍ യൂനിവേഴ്​സിറ്റി നിലപാടിനെ പിന്തുണക്കുന്ന നിലപാടാണ് എസ്​.എഫ്​.ഐയുടെ നേതൃത്വത്തിലുള്ള​ യൂനിയന്‍ സ്വീകരിച്ചത്​.

Related posts

Leave a Comment