Kerala
നേതാക്കളെ ആക്രമിച്ചതിൽ കോൺഗ്രസ്സ് പ്രതിഷേധിച്ചു
ശാസ്താംകോട്ട: യൂത്ത് കോൺഗ്രസ്സ്, കെ.എസ്.യു പ്രവർത്തകരെ ആക്രമിക്കുന്ന പോലീസ്- ഡി.വൈ.എഫ്.ഐ നടപടിയിൽ പ്രതിഷേധിച്ച് കെ.പി.സി.സി നടത്തിയ ഡി.ജി.പി ആഫീസ് മാർച്ചിനിടെ കെ.പി.സി.സി പ്രസിഡന്റ് കെ.സുധാകരൻ, പ്രതിപക്ഷനേതാവ് വി.ഡി.സതീശൻ അടക്കമുള്ള കോൺഗ്രസ്സ് നേതാക്കള ആക്രമിച്ച പോലീസ് നടപടിയിൽ പ്രതിഷേധിച്ച് കോൺഗ്രസ്സ് ശാസ്താംകോട്ട ബ്ലോക്ക് കമ്മിറ്റി ശാസ്താംകോട്ടയിൽ പ്രതിഷേധ പ്രകടനവും യോഗവും നടത്തി. ബ്ലോക്ക് പ്രസിഡന്റ് വൈ. ഷാജഹാൻ അദ്ധ്യക്ഷതവഹിച്ചു.കെ.പി.സി.സി അംഗം എം.വി.ശശികുമാരൻ നായർ ഉദ്ഘാടനം ചെയ്തു. തോമസ് വൈദ്യൻ, പി. നൂർ ദീൻ കുട്ടി , രവി മൈനാഗപ്പള്ളി,ഗോകുലം അനിൽ,ജയശ്രീരമണൻ , എൻ.സോമൻ പിള്ള , ഗോപൻ പെരുവേലിക്കര, വിദ്യാരംഭം ജയകുമാർ , വർഗ്ഗീസ് തരകൻ, ആർ. അരവിന്ദാക്ഷൻപിള്ള ,രാജു ലോറൻസ് , സുരേഷ് ചന്ദ്രൻ ,ശാന്തകുമാരി ,ബിജു ശാസ്താംകോട്ട, തടത്തിൽ സലിം, ലോ ജു ലോറൻസ് , രാജി രാമ ചന്ദ്രൻ ,സനുലാൽ തുടങ്ങിയവർ പ്രസംഗിച്ചു. പ്രകടനത്തിന് ടി.ജി.എസ്. തരകൻ , പി.അബ്ലാസ് , എം.എ. സമീർ, ജോൺസൻ വൈദ്യൻ, റോയി മുതുപിലാക്കാട്, കുറ്റിയിൽ .എം.ഷാനവാസ്, സുരീന്ദ്രൻ,ഷീജഭാസ്ക്കർ, എം.സാവിത്രി, ബിജി സോമരാജൻ തുടങ്ങിയവർ നേതൃത്വം നൽകി
Kerala
മണിക്കൂറുകൾ മാത്രം ബാക്കി; പൂര ആവേശത്തിൽ തൃശ്ശൂർ
പൂരങ്ങളുടെ പൂരമായ തൃശൂർ പൂരത്തിന് പ്രൗഢോജ്വലമായ തുടക്കം കുറിച്ച് നൈതലക്കാവ് ഭഗവതി തട്ടകത്തേയ്ക്കു മടങ്ങി. കൊച്ചിൻ ദേവസ്വം ബോർഡിൻ്റെ കൊമ്പൻ എറണാകുളം ശിവകുമാർ നെയ്തലക്കാവ് ഭഗവതിയുടെ തിടമ്പേറ്റി.
പ്രദക്ഷിണ വഴിയിലൂടെ വടക്കും നാഥനെ വലം വെച്ച് 12 മണിയോടെ തെക്കേ ഗോപുരനട തുറന്ന് പുറത്തിറങ്ങി.
നാദ, മേള വർണ്ണ വിസ്മയ കാഴ്ചകളുടെ മണിക്കൂറുകളാണ് ഇനിയുള്ളത്.
നാളെയാണ് പ്രസിദ്ധമായ തൃശൂര് പൂരം. നാളെ കണിമംഗലം ശാസ്താവ് തെക്കേഗോപുര നടയിലൂടെ പ്രവേശിക്കും. പൂരത്തിനെത്തുന്ന 90 ആനകളുടെ ഫിറ്റ്നസ് നാളെ ഉച്ചതിരിഞ്ഞ് പരിശോധിക്കും. രണ്ട് മണിയോടെ തേക്കിൻകാട് മൈതാനിയും പാറമേക്കാവും ഗജവീരന്മാരെ കൊണ്ട് നിറയും. പാറമേക്കാവ്, തിരുവമ്പാടി എഴുന്നള്ളിപ്പുകള്ക്ക് 15 വീതവും മറ്റു ഘടക പൂരങ്ങള്ക്കായി അറുപതിലധികം ഗജവീരന്മാരാണ് അണിനിരക്കുന്നത്.
Choonduviral
ആലുവയുടെ ആദരമേറ്റുവാങ്ങി ബെന്നി ബഹനാന്റെ പ്രചാരണം
ആലുവ : ആലുവയുടെ ആദരവ് ഏറ്റുവാങ്ങിയായിരുന്നു യുഡിഫ് സ്ഥാനാർഥി ബെന്നി ബഹനാന്റെ പ്രചാരണ പരിപാടികൾ മുന്നോട്ട് പോയത്. ഷാളണിഞ്ഞും പൂക്കൾ സമ്മാനിച്ചും സ്ഥാനാർഥിയെ ജനം സ്വീകരിച്ചു. പര്യടനം രാവിലെ ആലുവയിലെ ചൂണ്ടിയിൽ കെ പി സി സി വൈസ് പ്രസിഡന്റ് വി പി സജീന്ദ്രൻ ഉത്ഘാടനം ചെയ്തു.
നിയോജക മണ്ഡലം ഇലക്ഷൻ കമ്മറ്റി ചെയർമാൻ ലത്തീഫ് തുഴിത്തറ അധ്യക്ഷനായ ചടങ്ങിൽ
രാജ്യസഭാ എം പി ജെബി മേത്തർ,ആലുവ എം എൽ എ അൻവർ സാദത്, ഡിസിസി പ്രസിഡന്റ് മുഹമ്മദ് ഷിയാസ്, യുഡിഫ് നിയോജക മണ്ഡലം കൺവീനർ എം കെ ലത്തീഫ്,കേരള കോൺഗ്രസ് ജേക്കബ് ഗ്രൂപ്പ് നിയോജക മണ്ഡലം പ്രസിഡണ്ട് പ്രിൻസ് വെള്ളറിക്കൽ, ആർ എസ് പി ജില്ലാ കമ്മറ്റി അംഗം ജി വിജയൻ, ജോസഫ് ഗ്രുപ്പ് നിയോജക മണ്ഡലം പ്രസിഡണ്ട് ആന്റണി മാഞ്ഞൂരാൻ, ഐ എൻ ടി യു സി വർക്കിങ് കമ്മറ്റി അംഗം വി ടി ജോർജ്,മുൻസിപ്പൽ ചെയർമാൻ എം.ഒ ജോൺ, മുൻ എം എൽ എ എം എ ചന്ദ്രശേഖർ, യുഡിഫ് മണ്ഡലം ചെയർമാൻമാരായ അഷ്റഫ്,മാഹിൻ തുടങ്ങിയവർ പങ്കെടുത്തു.
പിന്നീട് ഇവർ സ്ഥാനാർഥിക്കൊപ്പം വാഹന പര്യടനത്തിന്റെ ഭാഗമായി. ശേഷം കീഴ്മാട് മണ്ഡലത്തിലേക്ക് കടന്ന പര്യടനം കെപിസിസി ജനറൽ സെക്രട്ടറി അഡ്വ. ബി എ അബ്ദുൽ മുത്തലിബ് ഉത്ഘാടനം ചെയ്തു. പിന്നീട് തോട്ടകാട്ടുകര, ആലുവ ടൗൺ, ചൂർണിക്കര തുടങ്ങിയ മണ്ഡലങ്ങളിലും ബെന്നി ബഹനാന്റെ പര്യടനം നടന്നു. നാളെ പട്ടിമറ്റം ബ്ലോക്കിലൂടെ സ്ഥാനാർഥി പര്യടനം നടത്തും. ബ്ലോക്കിലെ മുണേലിമുകളിൽ നിന്നും തുടങ്ങുന്ന പ്രചാരണം ഐരാപുരം, മുഴവന്നൂർ,കിഴക്കമ്പലം,സൗത്ത് വാഴക്കുളം പിന്നിട്ട് നോർത്ത് വാഴക്കുളത്തെ പള്ളിക്കവലയിൽ സമാപിക്കും.
Kerala
മുഖ്യമന്ത്രിയ്ക്കും ബിജെപിയ്ക്കുമെതിരെ രൂക്ഷവിമർശനവുമായി രാഹുൽ ഗാന്ധി
മുഖ്യമന്ത്രി പിണറായി വിജയനെതിരെയും ബിജെപിയ്ക്കെതിരെയും രൂക്ഷ വിമർശനവുമായി രാഹുൽ ഗാന്ധി. ബിജെപിയ്ക്ക് എതിരെ സംസാരിക്കുന്ന തനിക്കെതിരെ നിരന്തരം ആരോപണങ്ങളും അധിക്ഷേപങ്ങളും ഉയർത്തുകയാണ് എൽഡിഎഫ് സർക്കാർ ചെയ്യുന്നതെന്ന് രാഹുൽ ഗാന്ധി പറഞ്ഞു.
രാജ്യത്ത് ബിജെപിയെ എതിർക്കുന്നവരെല്ലാം ജയിലിലാണ് എന്നിട്ടും പിണറായി വിജയന് മാത്രം ഒന്നും സംഭവിക്കുന്നില്ല. ബിജെപിയെ എതിർത്താൽ 24 മണിക്കൂറിനകം ഏതെങ്കിലും തരത്തിൽ പ്രത്യാക്രമണങ്ങൾ നടത്തുന്ന ബിജെപി പിണറായി വിജയന് നേരേ കണ്ണടക്കുന്നുണ്ടെങ്കിൽ അതിനർത്ഥം എന്താണെന്ന് മനസ്സിലാകും. സത്യസന്ധമായി എതിർക്കുന്നവരെ മാത്രമേ ബിജെപി പിന്തുടരുവെന്നും രാഹുൽ പറഞ്ഞു. തന്നെ ഇ ഡി ചോദ്യം ചെയ്തത് 55 മണിക്കൂർ ആണ്. താമസിച്ചിരുന്ന വീട്ടിൽ നിന്നും പുറത്താക്കി താക്കോൽ വാങ്ങി. തനിക്ക് താമസിക്കാൻ ഇന്ത്യയിലെ ലക്ഷക്കണക്കിന് ആളുകളുടെ വീടുകൾ ഉണ്ടെന്നും ഇത്തരത്തിൽ തന്നെ ആക്രമിച്ച ബിജെപി പിണറായിയെ ഒന്നും ചെയ്യുന്നില്ലായെന്നും പിണറായിക്ക് എപ്പോഴും തന്നെ എതിർക്കുക മാത്രമാണ് പ്രധാനമെന്നും അദ്ദേഹം പറഞ്ഞു. ‘ ഞാൻ മുഴുവൻ സമയവും ബിജെപിയെ എതിർക്കുന്നു, കേരള മുഖ്യമന്ത്രി മുഴുവൻ സമയവും എന്നെയും എതിർക്കുന്നു’ രാഹുൽ ഗാന്ധി പറഞ്ഞു.
കേന്ദ്ര അന്വേഷണ ഏജൻസികളെ കൂട്ടുപിടിച്ച് ബിജെപി ജനാധിപത്യത്തെ അടിച്ചമർത്തുകയും തകർക്കാൻ ശ്രമിക്കുകയുമാണ്. ആർഎസ്എസ്-ബിജെപി എന്ത് ചെയ്താലും അവയ്ക്കെതിരെ പോരാടുമെന്നും രാഹുൽ ഗാന്ധി പറഞ്ഞു.
-
Kerala1 month ago
39 മാസത്തെ ഡിഎ കുടിശ്ശിക കവർന്നെടുത്തു, സർക്കാരിനെതിരെ പ്രതിഷേധവുമായി, സെക്രട്ടേറിയറ്റ് ആക്ഷൻ കൗൺസിൽ
-
Kerala1 month ago
ക്ഷാമബത്ത കുടിശ്ശിക നൽകാത്ത സർക്കാർ ഉത്തരവിൽ പ്രതിഷേധവുമായി കെജിഒയു
-
Kerala1 month ago
ഡിഎ കുടിശ്ശിക, ഇടതു സർക്കാർ ജീവനക്കാരെ വഞ്ചിച്ചിരിക്കുന്നു ; കെ പി എസ് ടി എ
-
Service news1 month ago
ലീവ് സറണ്ടർ സർക്കാർ വീണ്ടും കബളിപ്പിക്കുന്നുവെന്ന് സെക്രട്ടേറിയറ്റ് ആക്ഷൻ കൗൺസിൽ
-
Special1 month ago
ഊരൂട്ടമ്പലം സഹകരണ ബാങ്കില് വായ്പാ തട്ടിപ്പ്: പരാതി ഉയര്ന്നതോടെ പ്യൂണിനെ ബലിയാടാക്കി ഭരണസമിതി
-
Kerala3 weeks ago
സർക്കാർ ജീവനക്കാരുടെ ശമ്പളം ഔദാര്യമല്ല; തിരുവഞ്ചൂർ രാധാകൃഷ്ണൻ
-
Education2 months ago
എഞ്ചിനീയറിങ് വിദ്യാര്ത്ഥികള്ക്ക് സൗജന്യ ത്രിദിന ചിപ്പ് ഡിസൈന് ശില്പ്പശാല
-
Kuwait3 weeks ago
മൊയ്ദീൻ കോയ (കൊഡാക് ) കുവൈറ്റിൽ അന്തരിച്ചു
You must be logged in to post a comment Login