ന്യൂഡൽഹി: നരേന്ദ്ര മോദി സർക്കാരിന്റെ ജനാധിപത്യ ധ്വംസനങ്ങളിൽ പ്രതിഷേധിച്ച് കോൺഗ്രസ് എംപിമാർ പാർലമെന്റിനു മുന്നിൽ ധർണ നടത്തി. ലോക്സഭയിലെയും രാജ്യസഭയിലെയും എംപിമാർ പങ്കെടുത്തു. കോൺഗ്രസ് മുൻ അധ്യക്ഷൻ രാഹുൽ ഗാന്ധിയുടെ നേതൃത്വത്തിലാണ് ധർണ. കേരളത്തിൽ നിന്നുള്ളവരടക്കമുള്ള ഇടതുപക്ഷ എംഎൽഎമാരെ രാജ്യസഭയിൽ നിന്നു സസ്പെൻഡ് ചെയ്ത നടപടി പിൻവലിക്കണമെന്നാണ് പ്രധാന ആവശ്യം. സാധാരണക്കാരുടെ മാത്രമല്ല, പാർലമെന്റ് അംഗങ്ങളുടെ വരെ ജനാധിപത്യപരമായ അവകാശങ്ങളും പാർലമെന്ററി ജനാധിപത്യവും കേന്ദ്ര സർക്കാർ അട്ടിമറി‌ക്കുകയാണെന്ന് രാഹുൽ ഗാന്ധി ആരോപിച്ചു. പാർലമെന്റ് കോംപ്ലക്സിനു മുന്നിലെ ഗാന്ധി പ്രതിമിയ്ക്കു മുന്നിലാണ് പ്രതിഷേധം.
പാർലമെന്റിനു മുന്നിൽ കോൺഗ്രസ് എംപിമാരുടെ പ്രതിഷേധം
