കോണ്‍ഗ്രസ് നേതാവിനെ വീട്ടില്‍കയറി വെട്ടി

കാ​ഞ്ഞി​ര​പ്പ​ള്ളി: കോ​ൺ​ഗ്ര​സ്​ കാ​ഞ്ഞി​ര​പ്പ​ള്ളി ബ്ലോ​ക്ക് സെ​ക്ര​ട്ട​റി മാ​ത്യു കു​ള​ങ്ങ​ര​യെ നാ​ലം​ഗ​സം​ഘം രാ​ത്രി വീ​ട്ടി​ൽ ക​യ​റി വെ​ട്ടി. ഗു​രു​ത​ര പ​രി​ക്കേ​റ്റ മാ​ത്യു തെ​ള്ള​ക​ത്തെ സ്വ​കാ​ര്യ ആ​ശു​പ​ത്രി​യി​ൽ പ്രവേശിപ്പിച്ചു. മാ​ത്യു​വിന്റെ ഭാ​ര്യ​ക്കും പി​താ​വി​നും പ​രി​ക്കു​ണ്ട്.

ആ​ന​ക്ക​ല്ല് ഒ​ന്നാം​മൈ​ൽ ഭാ​ഗ​ത്ത് താ​മ​സി​ക്കു​ന്ന മാ​ത്യു​വിന്റെ വീ​ട്ടി​ൽ തി​രു​വോ​ണ​ദി​വ​സം രാ​ത്രി 11ഓ​ടെ നാ​ലു​പേ​ര​ട​ങ്ങു​ന്ന സം​ഘം എ​ത്തു​ക​യാ​യി​രു​ന്നു. ഇ​വ​ർ ജ​ന​ൽ​ചി​ല്ലു​ക​ൾ അ​ടി​ച്ചു​ത​ക​ർ​ക്കു​ക​യും ക​ത​ക് പൊ​ളി​ക്കു​വാ​ൻ ശ്ര​മി​ക്കു​ക​യും ചെ​യ്​​തു. ബ​ഹ​ളം​കേ​ട്ട് പു​റ​ത്തി​റ​ങ്ങി​യ മാ​ത്യു​വി​നെ സം​ഘം ബ​ല​മാ​യി പി​ടി​ച്ചു മു​റ്റ​ത്തി​ന്‌ പു​റ​ത്തേ​ക്ക് കൊ​ണ്ടു​പോ​വു​ക​യും ത​ല​ക്ക് ക​ല്ലി​ന് ഇ​ടി​ക്കു​ക​യും വെ​ട്ടി​പ്പ​രി​ക്കേ​ൽ​പ്പി​ക്കു​ക​യു​മാ​യി​രു​ന്നു.

പി​ടി​ച്ചു​മാ​റ്റു​വാ​ൻ ഓ​ടി​യെ​ത്തി​യ ഭാ​ര്യ​യെ​യും സം​ഘം ഉ​പ​ദ്ര​വി​ച്ചു. ബ​ഹ​ളം കേ​​ട്ടെ​ത്തി​യ മാ​ത്യു​വിന്റെ പി​താ​വി​നെ​യും സ​ഹോ​ദ​രി​യെ​യും ആ​ക്ര​മി​ച്ച്‌ ഭീ​ക​രാ​ന്ത​രീ​ക്ഷം സൃ​ഷി​ടി​ച്ച സം​ഘം, പി​ന്നീ​ട് ക​ട​ന്നു​ക​ള​ഞ്ഞു. പ്ര​തി​ക​ൾ ഒ​ളി​വി​ലാ​ണെ​ന്നും ഇ​വ​രെ ക​ണ്ടെ​ത്താ​നു​ള്ള അ​ന്വേ​ഷ​ണം പു​രോ​ഗ​മി​ക്കു​ക​യാ​ണെ​ന്നും പൊ​ലീ​സ്​ പ​റ​ഞ്ഞു.രാഷ്ടീയ വൈരാ​ഗ്യമായിരിക്കാം ആക്രമണത്തിന് പിന്നിൽ എന്നാണ് പ്രാഥമിക നി​ഗമനം.

Related posts

Leave a Comment