Featured
കേന്ദ്ര സംസ്ഥാന സർക്കാരുകൾക്കെതിരായ ജനവികാരം മുതലാക്കണം: കൊടിക്കുന്നിൽ
കൊല്ലം: വരാനിരിക്കുന്നതു തെരഞ്ഞെടുപ്പുകളുടെ വർഷങ്ങളാണെന്നും അതിലെല്ലാം കോൺഗ്രസും യുഡിഎഫും ഉജ്വല വിജയം നേടണമെന്നും കോൺഗ്രസ് പ്രവർത്തക സമിതി ക്ഷണിതാവും കെപിസിസി വർക്കിംഗ് പ്രസിഡന്റുമായ കൊടിക്കുന്നിൽ സുരേഷ് എംപി. അടുത്ത വർഷമാണ് ലോക്സഭാ തെരഞ്ഞെടുപ്പ്. മൂന്നു മണ്ഡലങ്ങളാണ് ജില്ലയിലുള്ളത്. കഴിഞ്ഞ തെരഞ്ഞെടുപ്പിൽ ജില്ലയിലെ മുഴുവൻ നിയോജക മണ്ഡലങ്ങളിലും യുഡിഎഫ് ഉജ്വല വിജയം കുറിച്ചു. ആലപ്പുഴ നിയോജകമണ്ഡലത്തിന്റെ ഭാഗമായ കരുനാഗപ്പള്ളിയിലും യുഡിഎഫ് ഏറെ മുന്നിലെത്തി. ഇക്കുറി സാഹചര്യങ്ങൾ അതിനെക്കാൾ അനുകൂലമാണെന്നും കൊടിക്കുന്നിൽ സുരേഷ് പറഞ്ഞു.
പിന്നാലെ വരുന്ന തദ്ദേശ തെരഞ്ഞെടുപ്പിലും 2026ലെ നിയമസഭാ തെരഞ്ഞെടുപ്പിലും കോൺഗ്രസിനെയും യുഡിഎഫിനെയും മുന്നിലെത്തിക്കാൻ കോൺഗ്രസ് പ്രാദേശിക നേതാക്കൾക്ക് കഴിയണം. ഇപ്പോൾ ജില്ലകൾ തോറും നടക്കുന്ന നേതൃസംഗമത്തോടെ പാർട്ടി കൂടുതൽ കരുത്തുറ്റതാകുമെന്നും സുരേഷ് ചൂണ്ടിക്കാട്ടി.
സമസ്ത മേഖലകളിലും പരാജയപ്പെട്ട സർക്കാരിനോടു ജനങ്ങൾ കണക്കു തീർക്കാൻ തയാറെടുക്കുകയാണെന്ന് . ഈ സുവർണാവസരം യുഡിഎഫ് സമർഥമായി ഉപയോഗിക്കണം. അതിനു നേതൃത്വം നൽകാൻ മുഴുവൻ കോൺഗ്രസ് നേതാക്കളും മുന്നോട്ടു വരണമെന്ന് അദ്ദേഹം ആഹ്വാനം ചെയ്തു. ലോക്സഭാ തെരഞ്ഞെടുപ്പിൽ ആകെയുള്ള 20 സീറ്റകളിലും വെന്നിക്കൊടി പാറിക്കാൻ യുഡിഎഫിനു കഴിയണമെന്നും സുരേഷ് ആവശ്യപ്പെട്ടു. ഭരണഘടനാ സ്ഥാപനങ്ങളെയും ഭരണഘടനയെത്തന്നെയും കേന്ദ്ര സർക്കാർ ചവിട്ടി മെതിച്ചു. ഇന്നു കാണുന്ന മതേതര ഇന്ത്യ ഇതുപോലെ നിലനിൽക്കണമെങ്കിൽ രാഹുൽ ഗാന്ധിയുടെ നേതൃത്വത്തിൽ കേന്ദ്രത്തിൽ കോൺഗ്രസ് സർക്കാരുണ്ടാകണമന്നും കൊടിക്കുന്നിൽ സുരേഷ്.
കെപിസിസി പ്രസിഡന്റ് കെ. സുധാകരൻ, പ്രതിപക്ഷ നേതാവ് വി.ഡി. സതീശൻ എന്നിവർ നയിക്കുന്ന ജില്ലാ കോൺഗ്രസ് നേതൃത്വ കൺവെൻഷനും ഇന്ദിരാ ഗാന്ധി സ്മൃതി സംഗമവും പരിപാടികളിൽ പങ്കെടുത്ത് അധ്യക്ഷ പ്രസംഗം നടത്തുകയായിരുന്നു കൊടിക്കുന്നിൽ.
കഴിഞ്ഞ ലോക്സഭാതെരഞ്ഞെടുപ്പിൽ പല പ്തരികൂല സാഹചര്യങ്ങളുമുണ്ടായിരുന്നിട്ടും യുഡിഎഫിന 20ൽ 19 സീറ്റും നേടാനായി. എന്നാൽ ഇത്തവണ ഇടതു ദുർഭരണം തൂത്തെറിയാൻ ജനങ്ങൾ മുന്നിട്ടു നിൽക്കുകയാണ്. ഈ ജനവികാരം മുതലാക്കാൻ യുഡിഎഫിനും കോൺഗ്രസിനും കഴിയണമെന്ന് കൊടിക്കുന്നിൽ പറഞ്ഞു.
ഷാർജ: ഇന്ത്യാ രാജ്യത്തിൻ്റെ ജനാധിപത്യവും, മതേതരത്വവും സംരക്ഷിക്കാൻ രാഹുൽ ഗാന്ധിയുടെ നേതൃത്വത്തിലുള്ള പ്രതിപക്ഷം സജ്ജമാണെന്ന് കെ.പി.സി.സി വക്താവ് അഡ്വ.അനിൽ ബോസ് പറഞ്ഞു. ഇൻകാസ് ഷാർജയുടെ പുതുതായി തെരെഞ്ഞടുക്കപ്പെട്ട കമ്മിറ്റിയുടെ സ്ഥാനാരോഹണ ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.കോൺഗ്രസും ഇന്ത്യ സഖ്യവും വലിയ രീതിയിലുള്ള തിരിച്ചു വരവിൻ്റെ പാതയിലാണ്, വരാനിരിക്കുന്ന ഹരിയാണ,ജാർഖണ്ഡ്, മഹാരാഷ്ട്ര നിയമസഭ തെരെഞ്ഞെടുപ്പ് ഫലം അത് തെളിയിക്കുമെന്നും അദ്ദേഹം പറഞ്ഞു. കേരളത്തിൽ പ്രത്യയ ശാസ്ത്രച്യുതി സംഭവിച്ച അഴിമതിക്കാരുടെ കൂടാരമായി സി.പി.എമ്മും, അവർ നേതൃത്വം നൽകുന്ന സർക്കാറും മാറിയിരിക്കുകയാണെന്ന് അദ്ദേഹം കുറ്റപ്പെടുത്തി. ഇൻകാസ് നമ്മുടെ നാടിനായി നടത്തുന്ന സേവന പ്രവർത്തനങ്ങൾ മാതൃകാപരമാണെന്ന് അദ്ദേഹം പറഞ്ഞു.ഇൻകാസ് ഷാർജ പ്രസിഡണ്ട് കെ.എം അബ്ദുൽ മനാഫ് അദ്ധ്യക്ഷത വഹിച്ചു. ഇൻകാസ് ഷാർജ മുൻ പ്രസിഡണ്ട് അഡ്വ.വൈ.എ റഹീം, യു.എ.ഇ കമ്മിറ്റി വർക്കിംഗ് പ്രസിഡണ്ട് ടി.എ രവീന്ദ്രൻ, ജന. സെകട്ടറി എസ്.എം ജാബിൽ, ട്രഷറർ ബിജു എബ്രഹാം, മുൻ ജന.സെക്രട്ടറി വി.നാരായണൻ നായർ, ഇന്ത്യൻ അസോസിയേഷൻ ഷാർജ വൈ.പ്രസിഡണ്ട് പ്രദീപ് നെന്മാറ,ഷാർജ കമ്മിറ്റി വർക്കിംഗ് പ്രസിഡണ്ട് രജ്ഞൻ ജേക്കബ് , ജന.സെക്രട്ടറിമാരായ നവാസ് തേക്കട, പി.ഷാജി ലാൽ, ട്രഷറർ റോയി മാത്യു എന്നിവർ സംസാരിച്ചു. ഇൻകാസിൻ്റെ ഷാർജയിൽ നിന്നുള്ള മറ്റു കേന്ദ്ര-സംസ്ഥാന ഭാരവാഹികളും ചടങ്ങിൽ പങ്കെടുത്തു.
Featured
ആര്എസ്എസ് നേതാവുമായുള്ള എഡിജിപിയുടെ കൂടിക്കാഴ്ച ദുരൂഹമെന്ന് ബിനോയ് വിശ്വം; കൂടിക്കാഴ്ച നടത്തിയതിനെന്തെന്ന് എം.വി ഗോവിന്ദൻ
തിരുവനന്തപുരം: എഡിജിപി എം ആര് അജിത്കുമാര് ആര്എസ്എസ് നേതാവ് ദത്താത്രേയ ഹൊസബലയുമായി കൂടിക്കാഴ്ച നടത്തിയെന്നതു അംഗീകരിച്ചതിന് പിന്നാലെ, ശക്തമായ പ്രതികരണവുമായി സിപിഐ. ഇരുവരും തമ്മിലുള്ള കൂടിക്കാഴ്ച ദുരൂഹമാണെന്ന് സിപിഐ സംസ്ഥാന സെക്രട്ടറി ബിനോയ് വിശ്വം അഭിപ്രായപ്പെട്ടു. ആര്എസ്എസിനും എല്ഡിഎഫിനും ഇടയില് പൊതുവില് ഒന്നുമില്ല. അങ്ങനെയിരിക്കെ എല്ഡിഎഫിന്റെ ചിലവില് ഒരു ഉദ്യോഗസ്ഥനും അങ്ങനെ ചര്ച്ച നടത്തേണ്ട. കൂടിക്കാഴ്ചയുടെ വിവരങ്ങള് ജനങ്ങള്ക്ക് മുമ്പില് വിശദീകരിക്കണമെന്നും അദ്ദേഹം ആവശ്യപെട്ടു.
എന്നാൽ ഇതിനെ മറികടക്കുന്ന നിലപാടാണ് സിപിഎം സംസ്ഥാന സെക്രട്ടറി എം വി ഗോവിന്ദന് ഉയര്ത്തിയത്. ഈ വിഷയത്തില് സിപിഎമ്മിന് യാതൊരു ഉത്തരവാദിത്തവുമില്ലെന്നാണ് എം വി ഗോവിന്ദന് പറയുന്നത്. എഡിജിപി ആര്എസ്എസ് നേതാവുമായി കൂടിക്കാഴ്ച നടത്തിയതില് ഇപ്പോള് എന്താണ്? എഡിജിപി എവിടെയെങ്കിലും പോയാല് നമുക്ക് എന്ത് ഉത്തരവാദിത്തം എന്നും അദ്ദേഹം ചോദിച്ചു.
ആര്എസ്എസ് ദേശീയ നേതാവായ ദത്താത്രേയ ഹൊസബലയെ കാണാന് മുഖ്യമന്ത്രി എഡിജിപി അജിത് കുമാറിനെ അയച്ചെന്ന് പ്രതിപക്ഷ നേതാവ് വി.ഡി. സതീശന് ആരോപിച്ചിരുന്നു. പൂരം കലക്കാനായിരുന്നു കൂടിക്കാഴ്ച എന്നായിരുന്നു പ്രതിപക്ഷനേതാവിന്റെ ആരോപണം. ഇതിന് പിന്നാലെ ആര്എസ്എസ് നേതാവ് ദത്താത്രേയ ഹൊസബലയുമായി കൂടിക്കാഴ്ച നടത്തിയെന്ന് സമ്മതിച്ച് എഡിജിപി എം.ആര്. അജിത്കുമാര് മുഖ്യമന്ത്രിയുടെ ഓഫീസിന് വിശദീകരണം നല്കിയിരുന്നു.
തിരുവനന്തപുരം: എഡിജിപി എം ആര് അജിത് കുമാര് ആര്എസ്എസ് നേതാവ് ദത്താത്രേയ ഹൊസബെലയുമായി കൂടിക്കാഴ്ച നടത്തിയെന്ന് സമ്മതിച്ചതിന് പിന്നാലെ രൂക്ഷ പ്രതികരണവുമായി കോണ്ഗ്രസ് നേതാവ് കെ.മുരളീധരന്. മുഖ്യമന്ത്രിയുടെ നിര്ദേശപ്രകാരം അജിത് കുമാര് ഹൊസബെലയുമായി കൂടിക്കാഴ്ച നടത്തിയെന്ന പ്രതിപക്ഷ നേതാവിന്റെ ആരോപണത്തിന് പിണറായി വിജയൻ മറുപടി പറയാതിരുന്നപ്പോൾ തന്നെ ഇത് നിദ്ദേശിക്കാൻ പറ്റാത്ത സാഹചര്യമാണ് ഉള്ളതെന്ന് അറിയാമായിരുന്നു, പ്രതിപക്ഷം ഉന്നയിച്ചത് ഇപ്പോൾ സത്യമാണെന്ന് പൂർണമായി തെളിഞ്ഞിരിക്കുകയാണ്.
രഹസ്യപദ്ധതിയുടെ ഫലമാണ് പിന്നീട് തൃശൂരില് ബിജെപിക്ക് ലഭിച്ചത്. ആര്എസ്എസ് നേതാവിനെ അജിത് കുമാര് സന്ദര്ശിച്ചപ്പോള് മുഖ്യമന്ത്രിയേയോ ഡിജിപിയെയോ അറിയിക്കണ്ടേയെന്നും മുരളീധരന് ചോദിച്ചു. തൃശ്ശൂര് പൂരം അട്ടിമറിക്കാൻ ഗൂഢാലോചന നടന്നതായി വ്യക്തമായിട്ടുണ്ട്. ആര്എസ്എസ് നേതാവിനെ കാണാന് അജിത്ത് കുമാറിനെ പറഞ്ഞുവിട്ടത് മുഖ്യമന്ത്രിയാണ്. തൃശ്ശൂരില് ബിജെപിയെ ജയിപ്പിക്കാനും മുഖ്യമന്ത്രി എതിരായ കേസുകളിൽ രക്ഷപെടാനുമാണ് അജിത്ത് കുമാറിനെ പറഞ്ഞയച്ചത്. കേരളം കിട്ടിയില്ലെങ്കിലും മോഡി സംരക്ഷിക്കുമെന്ന വിശ്വാസമാണ് അജിത്ത് കുമാറിനെന്നും കെ മുരളീധരന് പറഞ്ഞു.
-
Featured4 weeks agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News2 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business4 weeks agoസംസ്ഥാനത്ത് കോഴി വില കുത്തനെ കുറഞ്ഞു
-
Business2 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
-
News3 weeks agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
You must be logged in to post a comment Login