സംസ്ഥാനത്ത് കോളേജുകള്‍ തുറക്കുന്നു

തിരുവനന്തപുരം: സംസ്ഥാനത്ത് ഉന്നത വിദ്യാഭ്യാസ സ്ഥാപനങ്ങൾ ഒക്ടോബർ നാലു മുതൽ തുറന്ന് പ്രവർത്തിക്കും. മുഖ്യമന്ത്രി പിണറായി വിജയനാണ് ഇക്കാര്യം അറയിച്ചത്.ബിരുദ, ബിരുദാനന്തര കോഴ്‌സുകൾ പഠിക്കുന്ന വിദ്യാർഥികൾക്കാണ് ക്ലാസുകൾ ആരംഭിക്കുന്നത്. ഒരു ഡോസ് വാക്‌സിൻ എടുത്ത വിദ്യാർഥികൾക്കും അധ്യാപകർക്കുമാണ് കോളേജുകളിൽ പ്രവേശനം അനുവദിക്കുക. അധ്യാപകർ ഈ ആഴ്ച തന്നെ വാക്‌സിനേഷൻ പൂർത്തിയാക്കണമെന്ന് അദ്ദേഹം പറഞ്ഞു. അധ്യാപകർക്ക് വാക്‌സിനേഷന് മുൻഗണന നൽകും. കോവിഡ് വ്യാപനം കുറഞ്ഞ സാഹചര്യത്തിലാണ് സർക്കാർ തീരുമാനം.

Related posts

Leave a Comment