കൊച്ചി: കാക്കനാട് ഓക്സോണിയ ഫ്ളാറ്റിൽ നടന്ന കൊലപാതത്തെക്കുറിച്ചുള്ള കൂടുതൽ വിവരങ്ങൾ നാളെയോടെ മാത്രമേ ലഭ്യമാകൂ എന്നു സിറ്റി കമ്മിഷണർ സി.എച്ച് നാ​ഗരാജു മാധ്യമങ്ങളോടു പറഞ്ഞു. മയക്കുമരുന്ന് ഇടപാടുകളുമായി ബന്ധപ്പെട്ടതാണു കൊലപാതകം എന്നാണു സൂചന, കൊല്ലപ്പെട്ട സജീവ് കൃഷ്ണയും പ്രതിയെ്ന്നു സംശയിക്കുന്ന അർഷാദും തമ്മിൽ പരിചയപ്പെട്ടിട്ട് വളരെ കുറച്ചു ദിവസമേ ആയിട്ടുള്ളൂ. അതിനുള്ളിൽ ഇത്രയും ക്രൂരമായ കൊലപാതകം ആസൂത്രണം ചെയ്തത് എങ്ങനെയെന്നാണ് പൊലീസ് തെരയുന്നത്. കൊലപാതകം നടത്തുക, അതിനു ശേഷം സംഭവ സ്ഥലം വൃത്തിയാക്കുക, മൃതദേഹം പൊതിയുക, അവിടെ നിന്നു നീക്കുക, സ്വീവെജ് പൈപ്പിനുള്ളിൽ തിരുകുക തുടങ്ങിയ കൃത്യങ്ങളെല്ലാം അർഷാദ് ഒറ്റയ്ക്ക് ചെയ്താണോ എന്നാണ് ആദ്യം ഉറപ്പ് വരുത്തേണ്ടത്. കൊലപാതകത്തിനു ശേഷം മറ്റ് കാര്യങ്ങൾക്കു മാത്രം അഞ്ചാറു മണിക്കൂർ വേണ്ടി വരും. ഇത്രയും സമയം ഒരാൾക്ക് ഒറ്റയ്ക്ക് കൃത്യം ചെയ്യാൻ കഴിയുമോ എന്നാണ് സംശയിക്കുന്നത്. മയക്കുമരുന്നുമായി ബന്ധപ്പെട്ട് തർക്കങ്ങളിൽ സുഹൃത്തുക്കളായാലും വിട്ടുവീഴ്ചയില്ലെന്നതാണ് പൊതു രീതിയെന്നും നാ​ഗരാജു പറഞ്ഞു. അർഷാദിനെ സംഭവ സ്ഥലത്തു കൊണ്ടുവന്ന് തെളിവെടുപ്പ് തുടങ്ങിയിട്ടില്ല. അതിനു ശേഷം മാത്രമേ കൂടുതൽ വിവരങ്ങൾ പുറത്തു വരൂ എന്നും അദ്ദേഹം വ്യക്തമാക്കി.
കൊച്ചിയിൽ ഫ്ലാറ്റിൽ സജീവ് കൃഷ്ണ കൊല്ലപ്പെട്ടത് അതി ക്രൂരമായിട്ടാണെന്ന് അദ്ദേഹ വെളിപ്പെടുത്തി. സജീവ് കൃഷ്ണയുടെ ശരീരത്തിൽ 20 ലേറെ മുറിവുകൾ കണ്ടെത്തി. തലയിലും കഴുത്തിലും കത്തി ഉപയോഗിച്ച് കുത്തി പരിക്കേൽപിച്ചു. പോസ്റ്റ്മോർട്ടത്തിൻറെ ഭാഗമായുള്ള പരിശോധനയിലാണ് ഇത് കണ്ടെത്തിയത്. കൊലപാതകം നടന്നത് ഈ മാസം 12 നും 16 നും ഇടയിൽ ആണെന്നും എഫ് ഐ ആറിൽ പറയുന്നു. മരിച്ച് 48 മണിക്കൂറിനുള്ളിലാണു മൃതദേഹം കണ്ടെത്തിയത്.
മലപ്പുറം വണ്ടൂർ സ്വദേശി സജീവ് കൃഷ്ണയെയാണ് കാക്കനാട് ഇടച്ചിറയിലെ ഓക്സോണിയ ഫ്ലാറ്റിൽ കൊല്ലപ്പെട്ട നിലയിൽ കണ്ടെത്തിയത്. ശരീരമാസകലം കുത്തേറ്റ സജീവ് കൃഷ്ണയുടെ മൃതദേഹം പുതപ്പുകൊണ്ട് പൊതിഞ്ഞ് വരിഞ്ഞു കെട്ടിയ നിലയിലായിരുന്നു.
ഫ്ലാറ്റിലെ പൈപ്പ് ഡെക്റ്റിനിടയിൽ നിന്നാണ് മൃതദേഹം കണ്ടെത്തിയത്. സജീവിന്റെ കൂടെ താമസിച്ചിരുന്ന പയ്യോളി സ്വദേശി അർഷാദാണ് കൊലപാതകം ചെയ്തത് എന്നാണ് പൊലീസിന്റെ സംശയം. ഇയാൾക്കായി ഇന്നലെ രാത്രി തന്നെ പൊലീസ് തിരച്ചിൽ നടത്തിയെങ്കിലും കണ്ടെത്താനായിട്ടില്ല. രണ്ടുദിവസമായി സജീവിനെ ഫോണിൽ കിട്ടാതായതോടെ ഫ്ലാറ്റിലെ സഹതാമസക്കാർ വന്നുനോക്കിയപ്പോഴാണ് മൃതദേഹം കണ്ടെത്തിയത്.

ഫ്ലാറ്റ് പുറത്തേക്ക് പൂട്ടിയ നിലയിൽ കണ്ടതോടെ സെക്യൂരിറ്റിയെ വിവരം അറിയിക്കുകയും പൊലീസ് എത്തിയ ശേഷം മറ്റൊരു താക്കോൽ ഉണ്ടാക്കി ഫ്ലാറ്റ് തുറക്കുകയും ആയിരുന്നു. കൊലപാതകി എന്ന് സംശയിക്കുന്ന അർഷാദ് ഈ ഫ്ലാറ്റിലെ സ്ഥിരതാമസക്കാരൻ ആയിരുന്നില്ല. സ്ഥിരതാമസക്കാരൻ ആയിരുന്ന അംജാദ് എന്നയാളുടെ സുഹൃത്താണ് അർഷാദ്. ഈ ബന്ധത്തിന്റെ അടിസ്ഥാനത്തിലാണ് അർഷാദ് ഇവിടെ താമസിക്കാനെത്തിയത്. ഹോട്ടൽ മാനേജ്മെൻറ് കോഴ്സ് പഠിക്കാനായാണ് 22 കാരനായ സജീവ് കൃഷ്ണ കൊച്ചിയിലെത്തിയത്.

Advertisement

inner ad