News
വി-ഗാര്ഡ് ഇന്സൈറ്റ്-ജി ഫാനിന് സിഐഐ ഡിസൈന് അവാര്ഡ്

കൊച്ചി: വി-ഗാര്ഡ് ഇന്ഡസ്ട്രീസ് ഏറ്റവും പുതുതായി അവതരിപ്പിച്ച ഇന്സൈറ്റ്-ജി ബിഎല്ഡിസി ഫാനിന് ഇന്ത്യയിലെ മുന്നിര ഡിസൈന് പുരസ്കാരമായ സിഐഐ ഡിസൈന് അവാര്ഡ് 2023 ലഭിച്ചു. പ്രൊഡക്ട് ഡിസൈന് വിഭാഗത്തിലാണ് ഇന്സൈറ്റ്-ജി അവാര്ഡിന് അര്ഹമായത്. ഏറ്റവും നൂതനവും മികച്ചതുമായ ഡിസൈന് സമീപനമാണ് ഇന്സൈറ്റ്-ജി യുടെ രൂപകല്പ്പനയെ വേറിട്ട് നിര്ത്തുന്നതെന്ന് ഇന്ത്യയിലെയും വിദേശത്തെയും വിദഗ്ധരടങ്ങിയ ജൂറി വിലയിരുത്തി. അവാര്ഡ് നേട്ടത്തോടൊപ്പം ഈ പുരസ്കാര മുദ്രയും ഇനി ഫാനില് പതിപ്പിക്കാനും പരസ്യങ്ങളിലും ഉള്പ്പെടുത്താനും കഴിയും.
നൂതന സമീപനത്തിലും രൂപകല്പ്പനാ മികവിലും വി-ഗാര്ഡ് പുലര്ത്തിപ്പോരുന്ന സമര്പ്പണത്തിനുള്ള അംഗീകാരമാണ് സിഐഐ ഡിസൈന് അവാര്ഡെന്ന് വി-ഗാര്ഡ് മാനേജിങ് ഡയറക്ടര് മിഥുന് കെ. ചിറ്റിലപ്പിള്ളി പറഞ്ഞു. പ്രൊഡക്ട് ഡിസൈന് രംഗത്ത് വി-ഗാര്ഡിനുള്ള ക്രിയാത്മകമായ സമീപനത്തിന്റെ തെളിവാണ് ഈ നേട്ടമെന്നും, അദ്ദേഹം പറഞ്ഞു.
അകത്തള അലങ്കാരങ്ങളില് മാറിമാറി വരുന്ന അഭിരുചികളുമായി ചേരുന്ന വിധത്തിലാണ് ഇന്സൈറ്റ്-ജി ഫാനിന്റെ രൂപകല്പ്പന. 12 നിറങ്ങളില് ലഭ്യമാണ്. ഫൈവ് സ്റ്റാര് റേറ്റിംഗോടെ അഞ്ചു വര്ഷത്തെ വാറണ്ടിയുമുണ്ട്. വെറും 35 വാട്ട് വൈദ്യുതി മാത്രം ഉപയോഗിക്കുന്ന ഇന്സൈറ്റ്- ഫാനുകള് വൈദ്യുതി ബില് കുറയ്ക്കാനും, പ്രതിവര്ഷം 1518 രൂപയോളം ലാഭിക്കാനും സഹായിക്കും. വി-ഗാര്ഡിന്റെ റൂര്ക്കിയിലെ അത്യാധുനിക ഉല്പ്പാദന കേന്ദ്രത്തിലാണ് ഈ ഫാനുകളുടെ നിര്മാണം. ഹൈ- സ്പീഡ് മോട്ടര്, എളുപ്പത്തില് വൃത്തിയാക്കാന് സഹായിക്കുന്ന ഡസ്റ്റ് റിപ്പലെന്റ് കോട്ടിംഗ്, അതിശൈത്യകാലങ്ങളില് ഉപയോഗിക്കാവുന്ന റിവേഴ്സ് മോഡ് ഓപ്പറേഷന്, ഇന്റ്യൂറ്റീവ് യൂസര് ഇന്റര്ഫേസ്, ടൈമര് സംവിധാനത്തോട് കൂടിയ യൂസര്-ഫ്രണ്ട്ലി റിമോര്ട്ട് തുടങ്ങിയ പ്രധാന സവിശേഷതകളോട് കൂടിയതാണ് ഇന്സൈറ്റ്-ജി ഫാന്. ബൂസ്റ്റ്, ബ്രീസ്, സ്റ്റാന്ഡേര്ഡ്, കസ്റ്റം തുടങ്ങിയ മോഡുകളില് ഫാന് പ്രവര്ത്തിക്കും.
News
കെഎസ്യു കലക്ട്രറ്റ് മാര്ച്ചില് സംഘര്ഷം
പത്തോളം പ്രവര്ത്തകര് അറസ്റ്റില്

മലപ്പുറം: ന്യൂനപക്ഷ സ്കോളര്ഷിപ്പ് വെട്ടിക്കുറച്ച നടപടി സര്ക്കാര് പിന്വലിക്കുക,വിദ്യാര്ത്ഥികളില് നിന്ന് പണം ഈടാക്കി പരീക്ഷ നടത്താനുള്ള തീരുമാനം പിന്വലിക്കുക, തുടങ്ങിയ ആവശ്യങ്ങളുന്നയിച്ച് കെ എസ് യു ജില്ലാ കമ്മറ്റിയുടെ ആഭിമുഖ്യത്തില് മലപ്പുറം കലക്രേറ്റിലേക്ക് നടത്തിയ മാര്ച്ചില് സംഘര്ഷം. പത്തോളം പ്രവര്ത്തകരെ പൊലീസ് കസ്റ്റഡിയിലെടുത്തു. കെ.എസ്.യു സംസ്ഥാന പ്രസിഡന്റ് അലോഷ്യസ് സേവിയര് മാര്ച്ച് ഉദ്ഘാടനം ചെയ്തതിനു ശേഷമാണ് സംഘര്ഷമുണ്ടായത്. പ്രവര്ത്തകരെ പൊലീസ് കഴുത്തിനു പിടിച്ചു തള്ളി ബലമായി ബസ്സില് കയറ്റാന് ശ്രമിച്ചത് നേതാക്കള് ചോദ്യം ചെയ്തു. ഇതോടെ പൊലീസുമാി ഉന്തും തള്ളുമുണ്ടായി. പ്രവര്ത്തകര് പൊലീസ് ബസ്സില് കെ എസ് യുവിന്റെ കൊടി നാട്ടുകയും ചെയ്തു. പൊലീസ് അതിക്രമത്തില് പ്രതിഷേധിച്ച് കെഎസ്യു പ്രവര്ത്തകര് റോഡ് ഉപരോധിച്ചു. ഇവരെയും പൊലീസ് ബലമായി നീക്കം ചെയ്തു.
Idukki
ഇടുക്കിയില് കാട്ടാനയാക്രമണത്തില് ഒരാള്ക്ക് ദാരുണാന്ത്യം

കാന്തല്ലൂര്: ഇടുക്കിയില് കാട്ടാന ആക്രമണത്തില് ഒരാള്ക്ക് ദാരുണാന്ത്യം. ചെമ്പക്കാട് സ്വദേശി ബിമല്(57) എന്നയാളാണ് മരിച്ചത്. ചിന്നാര് വന്യജീവി സങ്കേതത്തില് വ്യാഴാഴ്ച രാവിലെയാണ് സംഭവം. വനം വകുപ്പിന്റെ പാമ്പാര് ലോഗ് ഹൗസിലേക്കുള്ള വഴി വെട്ടിത്തെളിക്കുന്നതിനായി എത്തിയതായിരുന്നു ബിമൽ ഉൾപ്പെടെയുള്ള ഒമ്പതംഗ സംഘം. ഇക്കൂട്ടത്തിൽ രണ്ട സ്ത്രീകളും ഉണ്ടായിരുന്നു. സംഘം നടന്നുപോകുന്നതിനിടെയാണ് ആനയുടെ ആക്രമണമുണ്ടാകുന്നത്. ആനയുടെ മുന്നിൽ അകപ്പെട്ട ബിമലിന് രക്ഷപ്പെടാനായില്ലെന്നാണ് കൂടെയുണ്ടായവര് പറയുന്നത്. ഗുരുതരമായി പരിക്കേറ്റ ബിമലിനെ വനം വകുപ്പിന്റെ വാഹനത്തില് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
News
അഴിമതിക്കും ദുർഭരണവും; ഫോർട്ട്കൊച്ചി സൗത്ത് മണ്ഡലം കോൺഗ്രസ്സ് കമ്മിറ്റി പ്രതിഷേധ ധർണ്ണ നടത്തി

കൊച്ചി: കൊച്ചിൻ കോർപ്പറേഷന്റെ അഴിമതിക്കും ദുർഭരണത്തിനും കെടുകാര്യസ്ഥതയ്ക്കുമെതിരെ ഫോർട്ട്കൊച്ചി സൗത്ത് മണ്ഡലം കോൺഗ്രസ്സ് കമ്മിറ്റിയുടെ നേതൃത്വത്തിൽ ഫോർട്ട്കൊച്ചി കോർപ്പറേഷൻ ഓഫിസിനു മുന്നിൽ പ്രതിഷേധ ധർണ്ണ നടത്തപ്പെട്ടു. മണ്ഡലം പ്രസിഡന്റ് സോളി ജോസഫ് മാങ്ങാട്ട് അദ്ധ്യക്ഷത വഹിച്ചു കെപിസിസി സെക്രട്ടറി ശ്രീ.തമ്പി സുബ്രഹ്മണ്യം ധർണ്ണ ഉദ്ഘാടനം ചെയ്തു. ഡിസിസി ജനറൽ സെകട്ടറി കെ എം റഹിം മുഖ്യപ്രഭാഷണം നടത്തി. കൊച്ചി നോർത്ത് ബ്ലോക്ക് ജനറൽ സെക്രട്ടറിമാരായ ടി പി ജാനേഷ്കുമാർ, ഗോപാലകൃഷ്ണൻ, പി എസ് സമദ്, യൂത്ത് കോൺഗ്രസ്സ് മണ്ഡലം പ്രസിഡന്റ് പ്രശാന്ത് ബാബു എന്നിവർ പ്രസംഗിച്ചു. ബ്ലോക്ക് വൈസ് പ്രസിഡന്റുമാരായ പി ഡി വിൻസെന്റ്, പി ബി ഷംസു, ബ്ലോക്ക് ജനറൽ സെക്രട്ടറിമാരായ മുഹമ്മദ് ബി, പി എ ശശി, ബ്ലോക്ക് എക്സിക്യൂട്ടീവുമാരായ സി പി ആന്റണി, ടി എ ജോൺ, ഷിഹാബ് കെ എസ്, മഹിളാ കോൺഗ്രസ്സ് ഭാരവാഹികളായ ബീന പോൾ, സരിത ജോൺസൺ, സിന്ധു മോഹൻ എന്നിവരും സതീശൻ, ബെൻസൺ ആന്റണി (ബിജു),സുബ്രമണ്യൻ, അനിൽകുമാർ, വില്യംസ്, കെ എം ജെൻസൺ എന്നിവരും സംബന്ധിച്ചു.
-
Kerala2 months ago
ജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News2 months ago
ക്ഷാമബത്ത കേസില് ഇടക്കാല ഉത്തരവ്
-
News3 months ago
ക്ഷാമ ബത്ത കേസിൽ ഇടക്കാല ഉത്തരവ്
-
News1 week ago
സംസ്ഥാനത്ത് സാമ്പത്തിക പ്രതിസന്ധി: കേന്ദ്രത്തോട് 24,000 കോടി രൂപയുടെ പ്രത്യേക പാക്കേജ് ആവശ്യപ്പെട്ട് കേരളം
-
News3 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News3 weeks ago
പണിമുടക്ക് നോട്ടീസ് നൽകി
-
News2 months ago
സര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Featured4 weeks ago
സംസ്ഥാനത്ത് നാളെ 6 ജില്ലകൾക്ക് അവധി
You must be logged in to post a comment Login