Connect with us
top banner (3)

Featured

ഉണരാനൊരുങ്ങി ചന്ദ്രയാൻ, ഉറങ്ങാതെ ഇസ്രോ

Avatar

Published

on

ബെം​ഗളൂരു: ഇന്ത്യയുടെ അഭിമാന പദ്ധതിയായ ചന്ദ്രയാൻ 3 നിർണായക ഘട്ടത്തിലേക്ക്. 16 ഭൗമ ദിവസത്തെ ഉറക്കത്തിനു ശേഷം ചന്ദ്രോപരിതലത്തിലേക്കു മിഴി തുറക്കാനൊരുങ്ങി റോവറും ലാൻഡറും. മൈനസ് 200 ഡി​ഗ്രി സെൽഷ്യസ് അതിശൈത്യത്തിലായിരുന്നു ഇതുവരെ രണ്ടും. ഇന്നലെ ചന്ദ്രന്റെ ദക്ഷിണ ധ്രുവത്തിൽ സൂര്യ രശ്മികൾ വീണു തുടങ്ങി. ഇന്നത്തോടെ റോവറിലെയും ലാൻഡറിലെയും സോളാർ പാനലുകൾ പ്രവർത്തന സജ്ജമാക്കാനുള്ള സൂര്യ പ്രകാശം കിട്ടുമെന്നാണ് പ്രതീക്ഷ. അതുണ്ടായാൽ സോളാർ പാനലുകൾ സ്വയം ചാർജ് ചെയ്ത് റോവറിനെയും ലാൻഡറെയും സജീവമാക്കും. അതേ സമയം, 200 ഡി​ഗ്രി മൈനസ് താപ നില അതിജീവിക്കാനുള്ള സാധ്യത ഉണ്ടോ എന്നും ആശങ്കയുണ്ട്. 16 ദിവസം ഇത്രയും വലിയ തണുപ്പിൽ പിടിച്ചു നിൽക്കാൻ കഴിഞ്ഞിട്ടുണ്ടെങ്കിൽ അതു വൻ നേട്ടമാകും. തുടർ പരീക്ഷണങ്ങൾക്ക് അതു കരുത്താകും. മിക്കവാറും ഇന്ത്യൻ സമയം നാളെ രാവിലെയോടെ പുതിയ സി​ഗ്നലുകൾ കിട്ടുമെന്നാണ് ഇസ്രോ പ്രതീക്ഷിക്കുന്നത്. ഈ മാസം റോവറും നാലിന് ലാൻഡറും ഉറങ്ങാൻ തുടങ്ങിയതാണ്. ചന്ദ്രനിലെ ഒരു രാത്രിയാണ് ഇവയുടെ ഉറക്കം. പക്ഷേ, ചന്ദ്രനിലെ ഒരു രാത്രി ഭൂമിയിലെ 16 ദിവസങ്ങൾക്കു തുല്യമാണ്.
സോഫ്റ്റ് ലാന്ഡിം​ഗ് ആയിരുന്നു ചന്ദ്രയാൻ പദ്ധതിയുടെ പ്രധാന ലക്ഷ്യം. അതു വൻ വിജയമായി. ചന്ദ്രോപരിതലത്തിൽ ആദ്യം സോഫ്റ്റ് ലാൻഡ് ചെയ്ത ഉപ​ഗ്രഹത്തെ, പിന്നീ‌ട് 40 സെന്റീമീറ്റർ വരെ ഉയർത്തി വീണ്ടും സോഫ്റ്റ് ലാൻഡിം​ഗ് നടത്തി. ചന്ദ്രയാൻ 3 വിജയകരമായി ഉറക്കമുണർന്നാൽ അത് ഇന്ത്യക്കു വൻ നേട്ടമാകും. ആദ്യമായി ദക്ഷിണ ധ്രുവത്തിൽ ഉപ​ഗ്രഹം സോഫ്റ്റ് ലാൻഡിം​ഗ് നടത്തിയ രാജ്യമാണ് ഇന്ത്യ. റോവർ ഉറക്കമുണർന്നാൽ 200 ഡി​ഗ്രി മൈനസ് താപ നില അതിജീവിച്ച ആദ്യ ഉപ​ഗ്രഹമെന്ന ഖ്യാതിയാവും ചന്ദ്രയാൻ 3 നെ കാത്തിരിക്കുന്നത്.

Continue Reading
Advertisement
1000x200 PX MALAYALI DCTR MDX-02-02
Click to comment

You must be logged in to post a comment Login

Leave a Reply

Featured

കൊല്‍ക്കത്തയില്‍ കൊല്ലപ്പെട്ട ബംഗ്ലാദേശ് എംപി ഹണി ട്രാപ്പിനിരയായതായി പൊലീസ്

Published

on

ധാക്ക: കൊല്‍ക്കത്തയില്‍ കൊല്ലപ്പെട്ട ബംഗ്ലാദേശിലെ ഭരണകക്ഷിയായ അവാമി ലീഗ് എം.പി എം.ഡി. അൻവാറുല്‍ അസിം അനാർ ഹണി ട്രാപ്പിനിരയായതായി പൊലീസ്. സംഭവത്തില്‍ എം.പിയുടെ സുഹൃത്തായ സ്ത്രീയെ ധാക്കയില്‍ പൊലീസ് പിടികൂടി. ഷീലാന്തി റഹ്മാൻ എന്ന സ്ത്രീയെയാണ് പൊലീസ് കസ്റ്റഡിയിലെടുത്തത്. കേസിലെ മുഖ്യപ്രതി അക്തറുസ്സമാൻ ഷഹിൻറെ പെണ്‍സുഹൃത്താണ് ഷീലാന്തി റഹ്മാനെന്ന് പൊലീസ് പറഞ്ഞു.

അൻവാറുല്‍ അസിമിനെ കൊലപ്പെടുത്തിയ ശേഷം തൊലിയുരിച്ച് മാറ്റി കശാപ്പുകാരനെ ഉപയോഗിച്ച് മൃതദേഹം പല കഷണങ്ങളാക്കി മുറിക്കുകയായിരുന്നു. ശേഷം മൃതദേഹ ഭാഗങ്ങള്‍ കൊല്‍ക്കത്തയില്‍ പലയിടത്തായി ഉപേക്ഷിക്കുകയായിരുന്നു. സംഭവത്തില്‍ മുംബൈയില്‍ നിന്നുള്ള കശാപ്പുകാരന്‍ ജിഹാദ് ഹവലാദര്‍ എന്നയാളെ അറസ്റ്റുചെയ്തിരുന്നു.

Advertisement
1000x200 PX MALAYALI DCTR MDX-02-02

ബംഗ്ലാദേശിലെ ഭരണകക്ഷി എം.പിയായ അൻവാറുല്‍ അസിം അനാറിനെ കാണാനില്ലെന്നുകാണിച്ച്‌ കൊല്‍ക്കത്തയിലെ സുഹൃത്തായ ഗോപാല്‍ ബിശ്വാസ് ഈ മാസം 18ന് നല്‍കിയ പരാതിയെ തുടർന്ന് പ്രത്യേക അന്വേഷണ സംഘം രൂപവത്കരിച്ചിരുന്നു. ചികിത്സയ്ക്കായി മേയ് 12ന് കൊല്‍ക്കത്തയിലെത്തിയതായിരുന്നു എം.പി. തുടർന്ന് നടത്തിയ അന്വേഷണത്തിലാണ് കൊലപാതക വിവരങ്ങള്‍ പുറത്തുവന്നത്.

കൊല്ലപ്പെട്ട അൻവാറുല്‍ അസിമിന്‍റെ സുഹൃത്തായ അക്തറുസ്സമാൻ ഷഹിൻ യു.എസ് പൗരത്വമുള്ളയാളാണ്. കൊല്‍ക്കത്തയില്‍ അക്തറുസ്സമാൻ ഷഹിന്‍റെ ഉടമസ്ഥതയിലുള്ള വീട്ടില്‍വെച്ചാണ് എം.പി കൊല്ലപ്പെട്ടതെന്നാണ് കരുതുന്നത്. കൊലപാതകം നടക്കുമ്പോള്‍ ഷീലാന്തി കൊല്‍ക്കത്തയില്‍ ഉണ്ടായിരുന്നതായി വിവരം ലഭിച്ചിട്ടുണ്ട്. കൊലപാതകം നിർവഹിച്ച അമാനുല്ല അമാൻ എന്നയാളോടൊപ്പം ഇവർ സംഭവത്തിന് പിന്നാലെ ധാക്കയിലേക്ക് പോകുകയായിരുന്നു. അൻവാറുല്‍ അസിമിനെ കൊല്‍ക്കത്തയിലേക്ക് എത്തിക്കാൻ ഷീലാന്തിയെ ഉപയോഗിച്ച്‌ അക്തറുസ്സമാൻ ഷഹിൻ ഹണി ട്രാപ്പ് ഒരുക്കിയെന്ന് പൊലീസ് പറയുന്നു.അഞ്ച് കോടി രൂപ അക്തറുസ്സമാൻ പ്രതിഫലമായി നല്‍കിയെന്നാണ് സൂചന.

Advertisement
1000x200 PX MALAYALI DCTR MDX-02-02
Continue Reading

Featured

ബാർകോഴ: എം ബി രാജേഷിന്റെ ഓഫീസിലേക്ക് നാളെ യൂത്ത്കോൺഗ്രസ് മാർച്ച്

Published

on

പാലക്കാട്‌: ബാർ ഉടമസ്ഥരുടെ പക്കൽ നിന്നും കോഴ വാങ്ങിയെന്ന വെളിപ്പെടുത്തലിൽ മന്ത്രി എംബി രാജേഷിന്റെ രാജി ആവശ്യപ്പെട്ട് തൃത്താലയിലെ കൂറ്റനാട്ടെ മന്ത്രിയുടെ ഓഫീസിലേക്ക് പ്രതിഷേധ മാർച്ച്‌ നടത്തുമെന്ന് യൂത്ത്കോൺഗ്രസ്‌ ജില്ലാ പ്രസിഡന്റ്‌ കെ എസ് ജയഘോഷ് പറഞ്ഞു.

Continue Reading

Featured

യുവാവ് ഷോക്കേറ്റ് മരിച്ച സംഭവം; 25 ലക്ഷം നഷ്ടപരിഹാരം നൽകണമെന്ന് രമേശ് ചെന്നിത്തല

Published

on

കുറ്റിക്കാട്ടൂർ: കെഎസ്ഇബിയുടെ അനാസ്ഥ മൂലം ജീവൻ നഷ്ടമായ മുഹമ്മദ് റിജാസിൻ്റെ കുടുംബത്തിന് 25 ലക്ഷം രൂപ നഷ്ടപരിഹാരം നൽകണമെന്ന് കോൺഗ്രസ് നേതാവ് രമേശ് ചെന്നിത്തല. സർക്കാർ അ‍ഞ്ച് ലക്ഷം രൂപ ധനസഹായം നൽകാൻ തീരുമാനിച്ചിരുന്നു.

ഷോക്കേറ്റതിനെ തുടർന്നാണ് ആലി മുസ്‌ലിയാരുടെ മകനും യൂത്ത് കോൺഗ്രസ് കുന്നമംഗലം നിയോജക മണ്ഡലം വൈസ് പ്രസിഡന്റ്‌ റാഫിയുടെ സഹോദരനുമായ മുഹമ്മദ്‌ റിജാസ് (18) മരിച്ചത്. കെഎസ്ഇബി ഉദ്യോഗസ്ഥരുടെ അനാസ്ഥ മൂലമെന്ന ഇലക്ടിക്കൽ ഇൻസ്പകറ്ററേറ്റിൻ്റെ റിപ്പോർട്ട് പുറത്ത് വന്നിരുന്നു.

Advertisement
1000x200 PX MALAYALI DCTR MDX-02-02

‘ഉദ്യോഗസ്ഥർക്ക് ഗുരുതര വീഴ്ച ഉണ്ടായി. കെഎസ്ഇബിയുടെ അനാസ്ഥ മൂലമാണ് യുവാവിന്റെ ജീവൻ നഷ്ടമായത്. ഇക്കാര്യത്തിൽ കുറ്റക്കാർക്കെതിരെ ശക്തമായ നടപടി സ്വീകരിക്കുന്നതിനോടപ്പം കുടുംബത്തിന് മതിയായ നഷ്ട പരിഹാരം നൽകണമെന്നും’ രമേശ് ചെന്നിത്തല പറഞ്ഞു.

Advertisement
1000x200 PX MALAYALI DCTR MDX-02-02
Continue Reading

Featured