Ernakulam
ഗുഡ്സിനായി പാലരുവി എക്സ്പ്രസ് പിടിച്ചിട്ടത് ഒരു മണിക്കൂറോളം
ഗുഡ്സിനായി പാലരുവി എക്സ്പ്രസ് പിടിച്ചിട്ടത് ഒരു മണിക്കൂറോളം. കണ്ട്രോളിംഗിലെ പിഴവില് പകുതി സാലറി നഷ്ടമായത് നൂറുകണക്കിന് ജീവനക്കാര്ക്ക്.കൊല്ലം എറണാകുളം പാതയില് ആയിരക്കണക്കിന് ജീവനക്കാര് ആശ്രയിക്കുന്ന പാലരുവി എക്സ്പ്രസ് ഇന്ന് എറണാകുളം ടൗണിലെ യാര്ഡില് പിടിച്ചിട്ടതോടെ യാത്രക്കാര് ദുരിതത്തിലായി.എറണാകുളം ഔട്ടര് ഭാഗത്ത് ഗുഡ്സ് യാര്ഡിന് സമീപമാണ് പാലരുവി പിടിച്ചിട്ടത്.
ഇതിന് ശേഷം ഗുഡ്സ് ട്രെയിന് ടൗണ് സ്റ്റേഷനിലേയ്ക്ക് സിഗ്നല് നല്കുകയായിരുന്നു.പിന്നീട് 40 മിനിറ്റുകള്ക്ക് ശേഷമാണ് പാലരുവിയ്ക്ക് സിഗ്നല് നല്കിയത്.എന്നാല് പാലരുവി ടൗണിലെ പ്ലാറ്റ് ഫോമില് പ്രവേശിച്ചപ്പോളും സ്റ്റേബിള് ലൈനില് ഗുഡ്സ് വിശ്രമിക്കുകയായിരുന്നു. പാലരുവി കടന്നുപോയി അരമണിക്കൂറിന് ശേഷമുള്ള 12076 കോഴിക്കോട് ശതാബ്ദിയിലെത്തുന്ന ജീവനക്കാരാണ് ഗുഡ്സ് ട്രെയിന് ഓപറേറ്റ് ചെയ്യേണ്ടിയിരുന്നത്. കണ്ട്രോളിംഗ് വിഭാഗത്തിലുണ്ടായ ആശയക്കുഴപ്പമാണ് ഗുഡ്സിന് ആദ്യം സിഗ്നല് നല്കാന് കാരണമായത്. ഇത് യാത്രക്കാരായ നൂറുകണക്കിന് ജീവനക്കാര്ക്ക് ബുദ്ധിമുട്ട് സൃഷ്ടിച്ചു.
വന്ദേഭാരത് സര്വീസ് നടത്താത്ത വ്യാഴാഴ് ദിവസങ്ങളില് പാലരുവി കൃത്യസമയം പാലിക്കുമെന്ന് പ്രതീക്ഷിച്ച് പുലര്ച്ചെയുള്ള മെമു ഉപേക്ഷിച്ച് പാലരുവിയെ ആശ്രയിച്ചവര്ക്കും പാലരുവി ക്ഷീണം ചെയ്തു.15 മിനിറ്റോളം പാലരുവി വൈകിയതോടെ 9 മണി മുമ്പ് പഞ്ച് ചെയ്യേണ്ട നൂറുകണക്കിന് ആളുകള്ക്ക് പകുതി സാലറി നഷ്ടമായതായും യാത്രക്കാര് ആരോപിച്ചു.
തിരുവനന്തപുരം: നടി ഹണി റോസിനെതിരായ അധിക്ഷേപ കേസിൽ ജയിലിൽ റിമാൻഡിൽ കഴിയുന്നതിനിടെ ബോബി ചെമ്മണൂരിന് വഴിവിട്ട സഹായം ചെയ്ത സംഭവത്തിൽ മധ്യമേഖല ജയിൽ ഡിഐജിയെയും കാക്കനാട് ജില്ലാ ജയിൽ സൂപ്രണ്ടിനെയും സസ്പെൻഡ് ചെയ്യാൻ ശുപാർശ.
ജയിൽ ആസ്ഥാന ഡിഐജി സമർപ്പിച്ച അന്വേഷണ റിപ്പോർട്ടിലാണ് രണ്ടു ഉദ്യോഗസ്ഥർക്കെതിരെയും കർശന നടപടിക്ക് ശുപാർശ ചെയ്ത്. റിപ്പോർട്ടിന്മേൽ ആഭ്യന്തര സെക്രട്ടറിയാകും നടപടി സ്വീകരി ക്കുക.
കാക്കനാട് ജില്ലാ ജയിലിൽ ബോബി ചെമ്മണൂർ റിമാൻഡിൽ കഴിയുമ്പോഴാണ് മധ്യമേഖല ജയിൽ ഡി ഐജി പി. അജയകുമാർ ബോബിയുടെ സുഹൃത്തുക്കളുമായി ജയിലിൽ എത്തിയത്. ജയിൽ ചട്ടങ്ങൾ പാലിക്കാതെ ബോബിക്ക് രണ്ടുമണിക്കൂറിലധികം സമയം ചെലവഴിക്കാൻ ഇവർക്ക് അവസരം നൽകിയിരുന്നു. സൂപ്രണ്ടിന്റെ മുറിയിൽ ബോബിയെ വിളിച്ചു വരുത്തുകയും ജയിലിലെ പ്രോപ്പർട്ടി രജിസ്റ്ററിൽ തിരുത്തൽ വരുത്തുകയും ചെയ്തുവെന്നും ഡിഐജിയു ടെ അന്വേഷണത്തിൽ കണ്ടെത്തിയിരുന്നു
കൊച്ചി: സിയാലില് അതിവേഗ ഇമിഗ്രേഷന് പദ്ധതിയ്ക്ക് തുടക്കമായി. ഉദ്യോഗസ്ഥ സഹായമില്ലാതെ ഇമിഗ്രേഷന് നടപടിക്രമങ്ങള് പൂര്ത്തിയാക്കാന് കഴിയുന്ന കേന്ദ്ര ആഭ്യന്തര മന്ത്രാലയത്തിന്റെ പദ്ധതി ഫാസ്റ്റ് ട്രാക്ക് ഇമിഗ്രേഷന് – ട്രസ്റ്റഡ് ട്രാവലര് പ്രോഗ്രാമിനാണ് തുടക്കമായത്.
ആഭ്യന്തര യാത്രക്കാര്ക്ക് ബോര്ഡിങ് പാസ് രഹിത പ്രവേശനമൊരുക്കുന്ന ഡിജി-യാത്ര സംവിധാനം നേരത്തെ തന്നെ സിയാലില് പ്രവര്ത്തനമാരംഭിച്ചിട്ടുണ്ട്. എഫ്.ടി.ഐ – ടി.ടി.പി സംവിധാനത്തിലൂടെ രാജ്യാന്തര യാത്രക്കാര്ക്ക് 20 സെക്കന്ഡുകള് കൊണ്ട് ഇമിഗ്രേഷന് നടപടികള് പൂര്ത്തിയാക്കാനാവും. അറൈവല്, ഡിപ്പാര്ച്ചര് മേഖലകളിലായി നാല് വീതം ബയോമെട്രിക് ഇ -ഗേറ്റുകള് ഫാസ്റ്റ് ട്രാക്ക് ഇമിഗ്രേഷനായി സജ്ജീകരിച്ചിട്ടുണ്ട്. ഇന്ത്യക്കാര്ക്കും ഓവര്സീസ് സിറ്റിസണ് ഓഫ് ഇന്ത്യ (ഒ.സി.ഐ.) കാര്ഡുടമകള്ക്കും ആഭ്യന്തര മന്ത്രാലയത്തിന്റെ പ്രത്യേക പോര്ട്ടല് വഴി അപേക്ഷ സമര്പ്പിക്കാം.
പാസ്പോര്ട്ട് ഉള്പ്പെടെയുള്ള രേഖകള് വിജയകരമായി അപ്ലോഡ് ചെയ്താല് അടുത്ത ഘട്ടമായ ബയോമെട്രിക് എന്റോള്മെന്റിലേയ്ക്ക് കടക്കാം. മുഖവും വിരലടയാളവും രേഖപ്പെടുത്താനുള്ള എന്റോള്മെന്റ് കൗണ്ടറുകള് കൊച്ചി വിമാനത്താവളത്തില് പ്രവര്ത്തിക്കുന്ന എഫ്.ആര്.ആര്.ഒ ഓഫീസിലും ഇമിഗ്രേഷന് കൗണ്ടറുകളിലും ഒരുക്കിയിട്ടുണ്ട്. ഒറ്റത്തവണ രജിസ്ട്രേഷന് പൂര്ത്തിയാക്കുന്നവര്ക്ക് പിന്നീടുള്ള എല്ലാ രാജ്യാന്തര യാത്രകള്ക്കും സ്മാര്ട് ഗേറ്റുകള് ഉപയോഗപ്പെടുത്താം. ഇതോടെ നടപടികള് പൂര്ത്തിയാക്കാന് വരി നിന്നുള്ള കാത്തുനില്പ്പും ഒഴിവാകും.
സ്മാര്ട് ഗേറ്റില് ആദ്യം പാസ്പോര്ട്ട് സ്കാന് ചെയ്യണം. രജിസ്റ്ററേഷന് നടത്തിയിട്ടുണ്ടെങ്കില് ഗേറ്റുകള് താനെ തുറക്കും. തുടര്ന്ന് രണ്ടാം ഗേറ്റിലെ ക്യാമറയില് മുഖം കാണിക്കാം. സിസ്റ്റം നിങ്ങളുടെ മുഖം തിരിച്ചറിയുന്നതോടെ ഗേറ്റ് തുറക്കുകയും ഇമിഗ്രേഷന് നടപടി പൂര്ത്തിയാവുകയും ചെയ്യും.
കൊച്ചി: ചികിത്സയില് കഴിയുന്ന ഉമ തോമസ് എം.എല്.എയെ മുഖ്യമന്ത്രി പിണറായി വിജയന് കൊച്ചിയിലെ റിനൈ മെഡിസിറ്റി ആശുപത്രിയിലെത്തി സന്ദര്ശിച്ചു. ധനകാര്യ മന്ത്രി കെ.എന്. ബാലഗോപാല്, സി.എന്. മോഹനന്, സിറ്റി പൊലീസ് കമീഷണര് പുട്ട വിമലാദിത്യ തുടങ്ങിയവര് മുഖ്യമന്ത്രിക്കൊപ്പമുണ്ടായിരുന്നു.
സി.പി.എം. കേന്ദ്രകമ്മിറ്റി യോഗങ്ങള്ക്കായി കൊല്ക്കത്തയിലേക്ക് തിരിക്കുംമുമ്പാണ് ഉമാ തോമസിനെ കാണാനെത്തിയത്. കലൂര് അന്താരാഷ്ട്ര സ്റ്റേഡിയത്തിലെ നൃത്തപരിപാടിയുടെ ഉദ്ഘാടന വേദിയില് നിന്ന് വീണാണ് ഉമതോമസിന് ഗുരുതരമായി പരിക്കേറ്റത്. 15 അടി ഉയരമുള്ള വേദിയില്നിന്ന് വീണ ഉമ തോമസ് എം.എല്എക്ക് തലയ്ക്കും നട്ടെല്ലിനും ശ്വാസകോശത്തിനും വാരിയെല്ലുകള്ക്കുമാണ് പരിക്കേറ്റത്.
ആരോഗ്യനില മെച്ചപ്പെട്ടതിനെ തുടര്ന്ന് ഉമ തോമസിനെ കഴിഞ്ഞ ദിവസം വെന്റിലേറ്ററില് നിന്ന് മാറ്റിയിരുന്നു. ഒരാഴ്ച കൂടെ ചികിത്സയില് കഴിഞ്ഞശേഷം സാഹചര്യങ്ങള് വിലയിരുത്തി വീട്ടിലേക്ക് വിടുന്ന കാര്യം പരിശോധിക്കാമെന്നാണ് ഡോക്ടര്മാര് അഭിപ്രായപ്പെടുന്നത്.
മുറിയിലെത്തി ഉമ തോമസിനെ കണ്ട മുഖ്യമന്ത്രി ആരോഗ്യ വിവരങ്ങള് ചോദിച്ചറിഞ്ഞു. ഗിന്നസ് വേള്ഡ് റെക്കോര്ഡ് ലക്ഷ്യമിട്ട് ദിവ്യ ഉണ്ണിയുടെ നേതൃത്വത്തില് കലൂര് സ്റ്റേഡിയത്തില് മൃദംഗനാദമെന്ന പേരില് അവതരിപ്പിച്ച ഭരതനാട്യ പരിപാടിയില് പങ്കെടുക്കാനെത്തിയപ്പോഴാണ് വി.ഐ.പി ഗ്യാലറിയില് നിന്ന് വീണ് ഉമ തോമസ് എം.എല്.എക്ക് ഗുരുതര പരിക്കേറ്റത്.
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Featured6 days agoസംസ്ഥാനത്ത് നാളെ 6 ജില്ലകൾക്ക് അവധി
You must be logged in to post a comment Login