ആര്‍.എന്‍ രവി തമിഴ്നാട് ഗവര്‍ണറായി ചുമതലയേറ്റു

ചെന്നൈഃ തമിഴ്നാട് ഗവര്‍ണറായി കേരള കേഡര്‍ മുന്‍ ഐപിഎസ് ഉദ്യോഗസ്ഥന്‍ ആര്‍.എന്‍ രവി സത്യപ്രതിജ്ഞ ചെയ്ത് അധികാരമേറ്റു. മദ്രാസ് ഹൈക്കോടതി ചീഫ് ജസ്റ്റിസ് സജീബ് ബാനര്‍ജി സത്യവാചകം ചൊല്ലിക്കൊടുത്തു. സംസ്ഥാനത്തിന്‍റെ പതിനഞ്ചാമത്തെ ഗവര്‍ണറാണു ബിഹാര്‍ സ്വദേശിയായ രവി. ‌കേരളത്തില്‍ വിവിധ തലങ്ങളില്‍ സേവനമനുഷ്ഠിച്ച ശേഷം കേന്ദ്ര സര്‍വീസിലേക്കു പോയ രവി, പിന്നീട് ഇന്‍റലിജന്‍സ് ബ്യൂറോ മേധാവി, ദേശീയ സുരക്ഷാ ഉപ ഉപദേഷ്ടാവ്, വടക്കു കിഴക്കന്‍ സംസ്ഥാനങ്ങളുടെ പ്രത്യേക തലവന്‍, നാഗാലാന്‍ഡ് ഗവര്‍ണര്‍ തുടങ്ങിയ പദവികള്‍ വഹിച്ചിട്ടുണ്ട്. ഈ മാസം ഒന്‍പതിനാണ് നാഗാലാന്‍ഡ് ഗവര്‍ണര്‍ സ്ഥാനം ഒഴിഞ്ഞത്. ഗവര്‍ണ‌റെ പിന്‍വലിക്കണമെന്ന് നാഗാലാന്‍ഡ് സര്‍ക്കാര്‍ കേന്ദ്ര സര്‍ക്കാരിനോട് ആവശ്യപ്പെട്ടിരുന്നു. സംസ്ഥാന സര്‍ക്കാര്‍ ഒരുക്കിയ യാത്രയയപ്പ് ചടങ്ങില്‍ നിന്നു പല സീനിയര്‍ ഉദ്യോഗസ്ഥരും കൊഹിമ പ്രസ് ക്ലബും വിട്ടുനിന്നത് വലിയ വിവാദമായിരുന്നു. വടക്കു കഴിക്കന്‍ സംസ്ഥാനങ്ങളുടെ നാനാ വിഷയങ്ങളില്‍ അവഗാഹമുണ്ടായിരുന്ന രവിക്ക്…

Read More

പാന്‍ കാര്‍ഡ് ആധാറുമായി ബന്ധിപ്പിക്കുന്നതിനുള്ള തീയതി വീണ്ടും നീട്ടി

പാന്‍ കാര്‍ഡ് ആധാറുമായി ബന്ധിപ്പിക്കുന്നതിനുള്ള തീയതി വീണ്ടും നീട്ടി കേന്ദ്ര സര്‍ക്കാര്‍ .2022 മാര്‍ച്ച്‌ 31 വരെയാണ് സമയം അനുവദിച്ചിട്ടുള്ളത്. നേരത്തെ അവസാന തിയതി സെപ്റ്റംബര്‍ 30 ആയിരുന്നു.കോവിഡ് പ്രതിസന്ധി നിലനില്‍ക്കുന്ന സാഹചര്യത്തിലാണ് കൂടുതല്‍ സമയം അനവദിക്കുന്നതെന്ന് പ്രത്യക്ഷ നികുതി ബോര്‍ഡ്(സിബിഡിടി) അറിയിച്ചു. ബാങ്ക് അക്കൗണ്ട് തുടങ്ങല്‍, പണം നിക്ഷേപിക്കല്‍ തുടങ്ങിയവക്ക് നിലവില്‍ പാന്‍ നിര്‍ബന്ധമാണ്.ഡീമാറ്റ് അക്കൗണ്ട്, മ്യൂച്വല്‍ ഫണ്ട് നിക്ഷേപം എന്നിവക്കും പാന്‍ ഒഴിച്ച്‌ കൂടാനാവാത്തതാണ് .

Read More

ലോകത്ത് ഏറ്റവുമധികം കോവിഡ് വാക്സിന്‍ ഇന്ത്യയില്‍, ഇന്നലെ മാത്രം രണ്ടര കോടി

ന്യൂഡല്‍ഹി: കോവിഡ് പ്രതിരോധത്തില്‍ ഇന്ത്യക്ക് രാജ്യാന്തര നേട്ടം. ഏറ്റവും കൂടുതല്‍ കോവിഡ് പ്രതിരോധ വാക്സിന്‍ വിതരണം ചെയ്ത രാജ്യമെന്ന പദവി ഇന്ത്യക്ക്. ഇന്നലെ മാത്രം രണ്ടര കോടി ഡോസ് വാക്സിന്‍ കൂടി നല്‍കിയതോടെ ഇതുവരെ 79 കോടി ആളുകള്‍ക്കാണ് ഇന്ത്യയില്‍ കോവിഡ് പ്രതിരോധ വാക്സിന്‍ നല‍്കിയത്. ചൈനയാണ് ഇത്രയും കൂടുതല്‍ വാക്സിന്‍ നല്‍കിയത്. അതേ സമയം, മൂന്നാം തരംഗത്തിനുള്ള സൂചനകള്‍ ഇപ്പോഴുമില്ലെന്ന് ആരോഗ്യമന്ത്രാലയം. കേരളത്തിലാണു കൂടുതല്‍ കേസുകള്‍ റിപ്പോര്‍ട്ട് ചെയ്യുന്നത്. എന്നാല്‍ വരും ദിവസങ്ങളില്‍ ഇതും നിയന്ത്രണ വിധേയമാകുമെന്ന് മന്ത്രാലയത്തിന്‍റെ പത്രക്കുറിപ്പില്‍ പറയുന്നു. രാജ്യത്ത് കഴിഞ്ഞ 24 മണിക്കൂറിനിടെ 35,662 പേരാണ് രോ​ഗബാധിതരായത്. 33,798 പേര് രോഗമുക്തരായി. ചികിത്സയിൽ കഴിയുന്നവരുടെ എണ്ണം 3,40,639 ആണ്. അതേസമയം 55 കോ‌ടിയിലധികം പേര്‍ക്ക് ഇതു വരെ കോവിഡ് പരിശോധന നടത്തി. ഇന്നലെ മാത്രം 14,48,833 പരിശോധനകള്‍ നടത്തി. അതോടെ പരിശോധനയ്ക്കു…

Read More

കേന്ദ്ര വൈദ്യുതിഃ ജില്ലയിലെ മുതിര്‍ന്ന എംപി ചെയര്‍മാന്‍

ന്യൂഡല്‍ഹി കേന്ദ്ര സർക്കാരിന്‍റെ വൈദ്യതി സംബന്ധമായ എല്ലാ പദ്ധതികൾക്കും മേൽനോട്ടം വഹിക്കാൻ ജില്ലാതല സമിതികൾ രൂപീകരിക്കാൻ വൈദ്യുതി മന്ത്രാലയം ഉത്തരവിറക്കി. ഓരോ ജില്ലയിലെയും മുതിര്‍ന്ന എംപി ആയിരിക്കും അതാതു ജില്ലയിലെ സമതിയുടെ അധ്യക്ഷന്‍. മറ്റ് എംപിമാര്‍ ഉപാധ്യക്ഷന്മാരുമായിരിക്കും. വിപുലമായ അധികാരങ്ങളോടെയാണ് ഈ സമതികള്‍ക്കു രൂപം നല്‍കിയിരിക്കുന്നത്. സമിതിയുടെ ഘടന ഇനിപ്പറയുന്നു. (എ) അധ്യക്ഷൻ: ജില്ലയിലെ ഏറ്റവും മുതിർന്ന എംപി (ബി) ഉപാധ്യക്ഷന്മാർ: ജില്ലയിലെ മറ്റ് എംപിമാർ (സി) മെമ്പർ സെക്രട്ടറി: ജില്ലാ കളക്ടർ (ഡി) അംഗം : ജില്ലാ പഞ്ചായത്ത് ചെയർപേഴ്സൺ / പ്രസിഡന്റ് (ഇ) അംഗങ്ങൾ: ജില്ലയിലെ എംഎൽഎമാർ (എഫ്) ബന്ധപ്പെട്ട ജില്ലയിൽ സ്ഥിതി ചെയ്യുന്ന വൈദ്യതി, പാരമ്പര്യേതര ഊർജ്ജ, ഊർജ്ജ മന്ത്രാലയത്തിന്റെ കീഴിലുള്ള കേന്ദ്ര പൊതുമേഖലാ സ്ഥാപനങ്ങളിലെ മുതിർന്ന പ്രതിനിധികൾ അല്ലെങ്കിൽ അവർ നാമനിർദ്ദേശം ചെയ്ത ഉദ്യോഗസ്ഥർ (ജി) ബന്ധപ്പെട്ട കൺവീനർ, DISCOM /…

Read More

ബംഗളൂരുവില്‍ വിദ്യാര്‍ത്ഥി വെടിയേറ്റ് മരിച്ചു

ബംഗളുരു : ബംഗളൂരുവില്‍ വിദ്യാര്‍ത്ഥിയെ വെടിയേറ്റ് മരിച്ച നിലയില്‍ കണ്ടെത്തി. മിലിറ്ററി കോളജിലെ പ്ലസ് വണ്‍ വിദ്യാര്‍ത്ഥി രാഹുല്‍ ഭണ്ടാരി(17)യാണ് കൊല്ലപ്പെട്ടത്.വീടിനു സമീപത്തെ സഞ്ജയ് നഗര്‍ ബസ് സ്റ്റോപ്പിന് സമീപം രാവിലെ 5 മണിയോടെയാണ് മൃതദേഹം കണ്ടത്. പുലര്‍ച്ചെ മൂന്ന് മണിക്ക് ഉറക്കമുണര്‍ന്ന രാഹുലിനെ പിന്നീട് കാണാതാകുകയായിരുന്നു. പുലര്‍ച്ചെ നടക്കാനിറങ്ങിയവരാണ് മൃതദേഹം കണ്ടെത്തിയത്.സംഭവത്തില്‍ പൊലീസ് അന്വേഷണം ആരംഭിച്ചു. പഠനവുമായി ബന്ധപ്പെട്ട് രാഹുല്‍ മാനസിക സമ്മര്‍ദം നേരിട്ടിരുന്നതായി പൊലീസ് പറയുന്നു. റിട്ടയേര്‍ഡ് ആര്‍മി ഉദ്യോഗസ്ഥനായ പിതാവിന്റെ പിസ്റ്റോള്‍ ഉപയോഗിച്ച് രാഹുല്‍ സ്വയം വെടിയുതിര്‍ത്തതാകാമെന്നാണ്പൊ ലീസിന്റെ പ്രാഥമിക നിഗമനം. മൃതദേഹത്തിന് സമീപത്തു നിന്ന് പിസ്റ്റോള്‍, ഇത് സൂക്ഷിക്കാന്‍ ഉപയോഗിക്കുന്ന ബാഗ്, മൊബൈല്‍ ഫോണ്‍ എന്നിവ കണ്ടെത്തി

Read More

ഫണ്ട് വിഹിതം വേണ്ടെന്നു സിപിഐ, മനസു മാറാതെ കനയ്യ

ന്യൂഡല്‍ഹി: രാഷ്‌ട്രീയ നെറികേടുകളില്‍ മനം നൊന്ത് സിപിഐ യുമായുള്ള ബന്ധം വിടാനൊരുങ്ങുന്ന യുവ നേതാവ് കനയ്യ കുമാറിനെ മാനസാന്തരപ്പെടുത്താന്‍ സിപിഐ ദേശീയ നേതൃത്വം. കഴിഞ്ഞ ലോക്സഭാ തെരഞ്ഞെടുപ്പില്‍ രാജ്യത്തെ വിദ്യാര്‍ഥികളും യുവാക്കളും ചേര്‍ന്ന് കനയ്യ കുമാറിനു വേണ്ടി സ്വരൂപിച്ച ക്രൗഡ് ഫണ്ടിലെ വിഹിതം പാര്‍ട്ടിക്കു നല്‍കേണ്ടതില്ലെന്ന് ഇന്നലെ രാത്രി പാര്‍ട്ടി മുന്‍ ദേശീയ ജനറല്‍ സെക്രട്ടറി ഡി. രാജ വ്യക്തമാക്കി. പാര്‍ട്ടി ആസ്ഥാനത്തേക്കു വിളിച്ചുവരുത്തിയാണ് രാജ കനയയ്യകുമാറിനെ ഇക്കാര്യം അറിയിച്ചത്. എന്നാല്‍ കോണ്‍ഗ്രസിലേക്കെന്ന സന്ദേശത്തില്‍ മാറ്റിമില്ലാതെയാണ് കനയ്യ കുമാര്‍ ഇന്നലെ പാര്‍ട്ടി ആസ്ഥാനത്തു നിന്നു മടങ്ങിയത്. ക്രൗഡ് ഫണ്ടായി പിരിച്ചെടുത്ത 70 ലക്ഷം രൂപയില്‍ നിന്ന് ഒരു വിഹിതം പാര്‍ട്ടി ആവശ്യപ്പട്ടതു മുതലാണ് കനയ്യ കുമാര്‍ ഇടഞ്ഞത്. ആസാദി മുദ്രാവാക്യമുയര്‍ത്തി, ജെഎന്‍യു ക്യാംപസിനെ ജനകീയ പ്രക്ഷോഭത്തിലേക്കു നയിച്ച കനയ്യ കുമാര്‍ സിപിഐയോട് രാഷ്‌ട്രീയ അനുഭാവം പ്രകടിപ്പിച്ചിരുന്നു. എന്നാല്‍,…

Read More

58 രൂപയ്ക്കു പെട്രോള്‍, വേണ്ടെന്നു കേരളം

ന്യൂഡല്‍ഹി: ചരക്കു സേവന നികുതി പരിഷ്കരണം സംബന്ധിച്ച് സുപ്രധാനമ യോഗം ഇന്നു ലക്നോവില്‍ ചേരാനിരിക്കെ, പെട്രോളിയം ഉത്പന്നങ്ങളെ ജിഎസ്ടിയില്‍ ഉല്‍പ്പെടുത്തുന്ന കാര്യത്തില്‍ തീരുമാനമായില്ല. കേരളം അടക്കം ചില സംസ്ഥാനങ്ങള്‍ ശക്തമായ എതിര്‍പ്പ് അറിയിച്ച സാഹചര്യത്തിലാണിത്. പെട്രോളിയം ഉത്പന്നങ്ങളെ ജിഎസ്ടി പരിദിയില്‍ ഉള്‍പ്പെടുത്തിയാല്‍ കേരളത്തിലടക്കം ഒരു ലിറ്റര്‍ പെട്രോളിന് 58 രൂപയ്ക്കു വില്‍ക്കാന്‍ കഴിയും. സാധാരണക്കാരുടെ പോക്കറ്റിന് വലിയ ആശ്വാസമാകുന്ന ഈ നടപടിയെയാണു കേരളം എതിര്‍ക്കുന്നത്. പെട്രോളിന്‍റെയും ഡീസലിന്‍റെയും വില വര്‍ധന മൂലം നിത്യേപയോഗ സാധനങ്ങളുടെ വില വളരെ കൂടുതലാണെന്നാണ് ജിഎസ്‌ടി കൗണ്‍സില്‍ വിലയിരുത്തുന്നത്. ഡീസല്‍ വില ജിഎസ്‌ടി പരിധിയില്‍ ഉള്‍പ്പെടുത്തിയാല്‍ മാത്രം അവശ്യ വസ്തുക്കളുടെ വില 48 ശതമാനം വരെ കുറയ്ക്കാനാവും. എന്നാല്‍ സംസ്ഥാനത്തിന്‍റെ എതിര്‍പ്പ് മൂലം ഇതിനു കഴിയുന്നില്ല. ഇന്ധന വില്പനയിലൂടെ കേരളത്തില്‍ നാലായിരം കോടി യിലേറെ രൂപയുടെ വാര്‍ഷിക വരുമാനമുണ്ട്. 2019-20 സാമ്പത്തിക വര്‍ഷത്തില്‍…

Read More

മുതിർന്ന കോൺ​ഗ്രസ് നേതാവ് ഓസ്കാർ ഫെർണാണ്ടസിന് രാഹുൽ ​ഗാന്ധി അന്ത്യോപചാരം അർപ്പിച്ചു

ബാം​ഗ്ലൂർ: മുതിർന്ന കോൺ​ഗ്രസ് നേതാവ് ഓസ്കാർ ഫെർണാണ്ടസിന് രാഹുൽ ​ഗാന്ധി അന്ത്യോപചാരം അർപ്പിച്ചു. അദ്ദേഹത്തിന്റെ അന്ത്യകർമ്മങ്ങളിൽ പങ്കെടുക്കയും അദ്ദേഹത്തിന്റെ കുടുംബത്തിന്റെ ദുഖത്തിൽ പങ്കുചേരുകയും ചെയ്തു. ബാം​ഗ്ലൂരിലെ അദ്ദേഹത്തിന്റെ വസതിയിൽ വച്ചായിരുന്നു അവസാനകർമ്മങ്ങൾ നടത്തിയത്.ശ്രീ ഓസ്കാർ ഫെർണാണ്ടസ് ജിയുടെ കുടുംബത്തോടൊപ്പം കുറച്ച് സമയം ചിലവഴിക്കുകയും അദ്ദേഹത്തിന് അന്ത്യോപചാരം അർപ്പിക്കുകയും ചെയ്തു, ഒരു സുഹൃത്ത്, ഒരു ഗൈഡ്, കോൺഗ്രസ് പാർട്ടിയുടെ ഒരു യഥാർത്ഥ സൈനികനുമായിരുന്നു അദ്ദേഹം- രാഹുൽ ​ഗാന്ധി ഫേസ്ബുക്കിൽ കുറിച്ചു. 1941 ൽ ഉഡുപ്പിയിലാണ് ജനനം. കോൺഗ്രസ് രാഷ്ട്രീയത്തിൽ സജീവമായി പ്രവർത്തിച്ചിരുന്ന ഓസ്കാർ ഫെർണാണ്ടസ് 1980 ൽ ലോക്സഭയിലേക്ക് ആദ്യമായി ഉഡുപ്പിയിൽ നിന്ന് വിജയിച്ചെത്തി. രണ്ടു യുപിഎ മന്ത്രിസഭകളിലും അംഗമായിരുന്നു. രാജീവ് ഗാന്ധിയുടെ പാർലമെൻററി സെക്രട്ടറിയായിരുന്നു. ദീർഘകാലം എഐസിസി ജനറൽ സെക്രട്ടറിയായും പ്രവർത്തിച്ചിട്ടുണ്ട്.

Read More

സിപിഎമ്മിന്റെ അരഡസനോളം നേതാക്കൾ ബിജെപിയിൽ ; ബംഗാളിയിൽ സിപിഎം നേതാക്കളുടെ ബിജെപിയിലേക്കുള്ള ഒഴുക്ക് തുടരുന്നു

കൊൽക്കത്ത : ബംഗാളിൽ ബിജെപി യിലേക്കുള്ള സിപിഎം നേതാക്കളുടെ ഒഴുക്ക് തുടരുന്നു.അര ഡസനോളം മുതിർന്ന നേതാക്കളാണ് പാർട്ടി വിട്ട് ബിജെപിയിലെത്തിയത്. സിപിഎമ്മിന്റെ മുൻ മന്ത്രി ബങ്കിം ഘോഷ്, എംഎൽഎമാരായിരുന്ന ദീപാലി ബിശ്വാസ് (ഗാജോൽ), തപസി മണ്ഡൽ (ഹൽദിയ), നേതാക്കളായ ശങ്കർ ഘോഷ്, അന്തര ഘോഷ് തുടങ്ങിയവർ ബിജെപിയിലെത്തിയ പ്രമുഖരാണ്. മറ്റ് ഇടതു പാർട്ടികളിൽ നിന്ന് കാഗൻ മുർമു, സുനിൽ മണ്ഡൽ, ദസ്രത് ടിർകി എന്നീ നേതാക്കളും ബിജെപിയിലെത്തി. കഴിഞ്ഞ നിയമസഭ തിരഞ്ഞെടുപ്പിൽ ബിജെപിയുടെ 6 സ്ഥാനാർഥികൾ മുൻ സിപിഎമ്മുകാരായിരുന്നു. ബംഗാൾ 34 വർഷം ഭരിച്ച സിപിഎമ്മിന്റെ ബഹുഭൂരിപക്ഷം അണികളും ചേക്കേറിയത് ബിജെപിയിലാണ്. ഇത്തവണ നിയമസഭാ തിരഞ്ഞെടുപ്പിൽ ഒരു സീറ്റിൽ പോലും പാർട്ടി ജയിച്ചില്ല. മത്സരിച്ച 177 സീറ്റിൽ 158ലും കെട്ടിവച്ച കാശുപോയതിനു പിന്നിൽ ഈ ഒഴുക്കാണ്. 2011 ൽ അധികാരത്തിൽ നിന്ന് പുറത്തായി 10 വർഷത്തിനുള്ളിലാണ് സിപിഎം…

Read More

കോൺഗ്രസ് കരുത്താർജ്ജിക്കുന്നു ; കനയ്യകുമാറിന് പുറമേ ജിഗ്നേഷ് മേവാനിയും കോൺഗ്രസിലേക്കെന്ന്‌ സൂചന

കൊച്ചി : ജെഎൻയു സർവ്വകലാശാല മുൻ വിദ്യാർത്ഥി യൂണിയൻ പ്രസിഡന്റും സിപിഐ നേതാവുമായ കനയ്യകുമാർ കോൺഗ്രസിലേക്ക് എന്ന വാർത്ത ദേശീയ മാധ്യമങ്ങൾ റിപ്പോർട്ട് ചെയ്തിരുന്നു.അതിന് പിന്നാലെ കനയ്യകുമാർ മുൻ എഐസിസി അധ്യക്ഷൻ രാഹുൽഗാന്ധിയെ നേരിട്ട് കണ്ടു സംസാരിക്കുകയും ചെയ്തിരുന്നു. ഇതിനുപിന്നാലെയാണ് ഗുജറാത്ത് എംഎൽഎയും പരിസ്ഥിതി പ്രവർത്തകനുമായ ജിഗ്നേഷ് മേവാനിയും കോൺഗ്രസിലേക്ക് എന്ന വാർത്ത ദേശീയ മാധ്യമങ്ങൾ റിപ്പോർട്ട് ചെയ്യുന്നത്.ഗുജറാത്തിൽ ബിജെപിക്ക് അടിതെറ്റുന്ന സാഹചര്യമാണുള്ളത്. ബിജെപിയിലെ ആഭ്യന്തര പ്രശ്നങ്ങളും കോൺഗ്രസിന് ഗുജറാത്തിൽ ലഭിക്കുന്ന സ്വീകാര്യതയും വരുന്ന തെരഞ്ഞെടുപ്പിൽ കോൺഗ്രസ് ക്യാമ്പിന് പ്രതീക്ഷ നൽകുന്നതാണ്.

Read More