കല്ലുകൾ പിഴുതാലും അടയാളം ശേഷിക്കും, പിഴുതവരെ കാത്തിരിക്കുന്നത് അഴികൾ: കോടിയേരി

ഇടുക്കി: ആരൊക്കെ എതിർത്താലും കെ റെയിൽ സിൽവർ ലൈൻ പദ്ധതിയുമായി ഇടതുമുന്നണിയും സർക്കാരും മുന്നോട്ടു പോകുമെന്നു സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. സിപിഎം ഇടുക്കി ജില്ലാ സമ്മേളനത്തിന്റെ സമാപനചടങ്ങുകൾക്കു മുന്നോടിയായി മാധ്യമങ്ങളോടു സംസാരിക്കുകയായിരുന്നു കോടിയേരി. സംസ്ഥാനത്തിന്റെ പല ഭാ​ഗങ്ങളിലും പദ്ധതിയുടെ സർവേ കല്ലുകൾ പിഴുതു കളയുകയാണ്. എന്നാൽ കല്ലിളക്കി കളഞ്ഞതുകൊണ്ട് പദ്ധതി ഇല്ലാതാകുന്നില്ല. അതിന്റെ അടയാളങ്ങൾ അവശേഷിക്കും. കല്ലുകൾ പിഴുന്നവരെ കാത്തിരിക്കുന്നത് ജയിലായിരിക്കുമെന്നും കോടിയേരിയുടെ ഭീഷണി. ഏതു സാഹചര്യത്തിലും സിൽവർ ലൈൻ പദ്ധതിയുമായി സർക്കാർ മുന്നോട്ടു പോകുമെന്നും കേടിയേരി.പദ്ധതിക്കു വേണ്ടി സർവേ നടത്തി കല്ലിടുന്നത് ബന്ധപ്പെട്ട സർക്കാർ വകുപ്പുകളാണ്. ഈ കല്ലുകൾ പിഴിതെറിയുന്നവർ ശക്തമായ നിയമനടപടി സ്വീകരിക്കേണ്ടി വരും. നിയമനടപടികളുടെ തീവ്രത എന്തായിരിക്കുമെന്ന് പറയാനാവില്ലെന്നും കോടിയേരിയുടെ മുന്നറിയിപ്പ്. സമരത്തിൽ നിന്ന് പിന്തിരിയണമെന്ന് അദ്ദേഹം യുഡിഎഫിനോടും അഭ്യർഥിച്ചു.

Read More

അമ്മയുടെ മടിത്തട്ടിലേക്ക് പ്രിയ പി.ടി യാത്രയായി, വഴിനീളെ വരവേല്പ്

കൊച്ചി: അമ്മയുടെ മടിത്തട്ടിലേക്ക് പ്രിയ പി.ടിയുടെ ഭൗതികാവശിഷ്ടം യാത്രയായി. നിരവധി കോൺ​ഗ്രസ് പ്രവർത്തകരുടെയും നാട്ടുകാരുടെയും സാന്നിധ്യത്തിൽ പി.ടിയുടെ പാലാരിവട്ടത്തെ വീട്ടിൽ നടന്ന ചടങ്ങിൽ പ്രിയതമ ഉമയിൽ നിന്ന് കെ പി സി സി വൈസ് പ്രസിഡന്റ് വി.പി. സജീന്ദ്രൻ ചിതാഭസ്മം ഏറ്റുവാങ്ങി. ഉമ തെളിയിച്ച ഭദ്രദീപപ്രഭയിൽ ജന്മനാടായ ഇടുക്കി ഉപ്പുതോട്ടിലേക്കുള്ള യാത്രാവീഥിയിൽ നൂറുകണക്കിന് കോൺ​ഗ്രസ്-യുഡിഎഫ് പ്രവർത്തകരും പി.ടിയെ സ്നേഹിക്കുന്ന നാട്ടുകാരും പുഷ്പാർച്ച‌നയോടെ അനു​ഗമിക്കുന്നു. ഉപ്പുതോട് സെന്റ് തോമസ് പള്ളിയിലെ കല്ലറയിൽ അന്ത്യവിശ്രമം കൊള്ളുന്ന മാതാവ് പുതിയപറമ്പിൽ അന്നമ്മയുടെ മടിത്തട്ടിൽ ഇന്നു വൈകുന്നേരം പ്രിയപുത്രനും വിലയം പ്രാപിക്കും. പി.ടിയുടെ അന്ത്യാഭിലാഷ പ്രകാരം കെപിസിസിയുടെ നേതൃത്വത്തിലാണ് ചടങ്ങുകൾ.രാവിലെ ഏഴ് മണിക്ക് പാലാരിവട്ടത്തെ വീട്ടിലാണു ചടങ്ങുകൾ തുടങ്ങിയത്. പ്രതിപക്ഷ നേതാവ് വി.ഡി. സതീശൻ, ഹൈബി ഈഡൻ, ഡിസിസി പ്രസിഡന്റ് മുഹമ്മദ് ഷിയാസ് തുടങ്ങിയവർ സന്നിഹിതരായിരുന്നു.സ്മൃതിയാത്ര കടന്നു പോകുന്ന കേന്ദ്രങ്ങളിലെല്ലാം ചിതാഭസ്മത്തിൽ പുഷ്പാർച്ചന…

Read More

പി.ടി. സ്‌മൃതിയാത്ര നാളെ, അന്തിമോപചാരമർപ്പിക്കാൻ വഴിനീളെ ഒരുക്കങ്ങൾ

കൊച്ചി: കെ പി സി സി വർക്കിങ്ങ് പ്രസിഡന്റും എം.എൽ.എയുമായിരുന്ന പി.ടി. തോമസിന്റെ ചിതാഭസ്മം വഹിച്ചു കൊണ്ടുള്ള സ്‌മൃതിയാത്ര ജനുവരി 3 ന് രാവിലെ ഏഴ് മണിക്ക് പാലാരിവട്ടത്തെ വീട്ടിൽ നിന്നാരംഭിക്കും. പ്രതിപക്ഷ നേതാവ് വി.ഡി. സതീശന്റെ സാന്നിധ്യത്തിൽ കെ പി സി സി വൈസ് പ്രസിഡന്റ് വി.പി. സജീന്ദ്രൻ കുടുംബാംഗങ്ങളിൽ നിന്ന് ചിതാഭസ്മം ഏറ്റുവാങ്ങും. തുറന്ന വാഹനത്തിൽ കൊണ്ടുപോകുന്ന ചിതാഭസ്മ സ്മൃതിയാത്രയ്ക്ക് വിവിധ സ്‌ഥലങ്ങളിൽ ആദരവ് അർപ്പിക്കാനുള്ള ക്രമീകരണങ്ങൾ ഒരുക്കിയിട്ടുണ്ട്. സ്മൃതിയാത്ര കടന്നു പോകുന്ന കേന്ദ്രങ്ങളിലെല്ലാം ചിതാഭസ്മത്തിൽ പുഷ്പാർച്ചന നടത്താൻ പ്രവർത്തകരെ അനുവദിക്കും. ഇനി പറയുന്ന കേന്ദ്രങ്ങളിലാവും പ്രധാന വരവേല്പ്. പ്രവർത്ത‌കർ ആവശ്യപ്പെടുന്നപക്ഷം സ്മൃതിയാത്ര കടന്നു പോകുന്ന വഴിയിൽ എവിടെയും അതിനുള്ള സൗകര്യം ഉണ്ടായിരിക്കുമെന്ന് ഡിസിസി ഭാരവാഹികൾ അറിയിച്ചു. കളമശേരി പ്രീമിയർ ജംഗ്‌ഷൻ : 7.30ആലുവ റയിൽവേ സ്റ്റേഷൻ : 8.00തടിയിട്ടപറമ്പ് ജംഗ്‌ഷൻ : 8.30പെരുമ്പാവൂർ…

Read More

പി.ടി. ഉണ്ടായിരുന്നെങ്കിൽ… ഇന്ന് കേരളം കൊതിക്കുന്നു

കസ്തൂരിരംഗൻ കരട് വിജ്ഞാപനത്തിൻറെ കാലാവധി ഇന്ന് അവസാനിക്കും സി.പി. രാജശേഖരൻ കൊച്ചി: പശ്ചിമഘട്ട സംരക്ഷണം സംബന്ധിച്ച് കസ്തൂരിരംഗൻ റിപ്പോർട്ടിന്മേൽ കേന്ദ്ര പരിസ്ഥിതി മന്ത്രാലയം പ്രഖ്യാപിച്ച കരട് വിജ്ഞാപനത്തിൻറെ കാലാവധി ഇന്ന് അവസാനിക്കും. പശ്ചിമഘട്ട പ്രദേശത്തെ നോൺ കോർ ഏരിയയാക്കി അന്തിമ വിജ്ഞാപനം ഇറക്കാമെന്ന നിർദ്ദേശമായിരുന്നു കേന്ദ്ര വനംപരിസ്ഥിതി മന്ത്രാലയം മുന്നോട്ടുവെച്ചത്. ഇത് കേരളം അംഗീകരിച്ചിട്ടില്ല. ഒഴിവാക്കേണ്ട പ്രദേശത്തെ കുറിച്ച് കേരളത്തോട് വിശദമായ റിപ്പോർട്ട് കേന്ദ്രം തേടിയിരുന്നു. അതുകൂടി കണക്കിലെടുത്തായിരിക്കും അന്തിമ വിജ്ഞാപനം ഇറക്കുക. ഇക്കാര്യത്തിൽ സമവായത്തിലെത്താൻ സാധിച്ചില്ലെങ്കിൽ നിലവിലെ കരട് വിജാ‍ഞാപനം വീണ്ടും പുതുക്കി ഇറക്കാനാകും സാധ്യത. ഇക്കാര്യത്തിൽ വനംപരിസ്ഥിതി മന്ത്രാലയത്തിൻറെ നടപടി എന്തായിരിക്കും എന്ന് ഇന്നറിയാം. നിർണായകമായ ഈ ദിവസത്തിൽ ഹരിതകേരളം ആകാംക്ഷയോടെ കാത്തിരുന്ന ഒരു ശബ്​ദമുണ്ടായിരുന്നു, അന്തരിച്ച ഹരിത നേതാവ് പി.ടി. തോമസ് എംഎൽഎയുടേത്. കേരളത്തിന്റെ പാരിസ്ഥിതികാഘാതത്തെക്കുറിച്ച് പി.ടി പറഞ്ഞതെല്ലാം ശരിയായിരുന്നു എന്നു കേരളം…

Read More

ദേവികുളം മുൻ എംഎൽഎ എസ്. രാജേന്ദ്രൻ സിപിഎം വിട്ടു, ആരോപണങ്ങൾ അടിസ്ഥാനരഹിതമെന്നു വിശദീകരണം

ഇടുക്കി: പാർട്ടി നടപടിക്കു കാത്തുനിൽക്കാതെ ദേവികുളം മുൻ എം.എൽ.എ. എസ്. രാജേന്ദ്രൻ സിപിഎം വിട്ടു. സിപിഎമ്മുമായുള്ള എല്ലാ ബന്ധവും ഉപേക്ഷിക്കുന്നുവെന്ന് രാജേന്ദ്രൻ മാധ്യമങ്ങളെ അറിയിച്ചു. തന്നെ അപമാനിച്ച് പുറത്താക്കുകയാണ് സിപിഎം ചെയ്തത്. രാജേന്ദ്രനെ പാർട്ടിയിൽ നിന്നു പുറത്താക്കാൻ ജില്ലാ നേതൃത്വം ശുപാർശ ചെയ്തിരുന്നു. പാർട്ടി പുറത്താക്കുന്നതിനു മുൻപേ സിപിഎം വിട്ടു പോകാൻ അദ്ദേഹം തീരുമാനിക്കുകയായിരുന്നു. മുൻമന്ത്രി എം.എം. മണിയുമായുള്ള ഭിന്നതായാണ് രാജിയിലേക്കു നയിച്ചത്.ആരോണങ്ങളിൽ താൻ വിശദീകരണം നൽകിയിരുന്നതായി രാജേന്ദ്രൻ വിശദീകരിച്ചു. തന്റെ വിശദീകരണം അംഗീകരിച്ച് അംഗത്വത്തിൽ നിലനിർത്താമായിരുന്നു. നിലവിലെ ദേവികുളം എം.എൽ.എ. രാജയെ തോൽപിക്കാൻ ചായക്കടയിൽവെച്ച് ഗൂഢാലോചന നടത്തി എന്ന പാർട്ടി കമ്മിഷന്റെ കണ്ടെത്തൽ അടിസ്ഥാനരഹിതമാണെന്നും രാജേന്ദ്രൻ മാധ്യമങ്ങളോട് പ്രതികരിച്ചു. വിശദീകരണം ചോദിച്ചിട്ട് കൊടുത്തില്ല എന്ന ആരോപണം തെറ്റാണ്. മറുപടിക്കത്ത് കൊടുത്തു. അതിന്റെ അക്നോളജ്മെന്റ് രേഖ കൈവശമുണ്ട്. രജിസ്റ്റേർഡ് പോസ്റ്റ് ആയി ജില്ലാ കമ്മിറ്റിക്കാണ് അയച്ചത്. ചായക്കടയിൽവെച്ച്…

Read More

ദേവികുളം തിരഞ്ഞെടുപ്പ് വീഴ്ച; എസ് രാജേന്ദ്രനെ പുറത്താക്കാൻ ശുപാർശ

ദേവികുളം തിരഞ്ഞെടുപ്പ് വീഴ്ചയിൽ മുൻ എംഎൽഎ എസ് രാജേന്ദ്രനെ പുറത്താക്കാൻ ഇടുക്കി ജില്ലാ കമ്മിറ്റിയുടെ ശുപാർശ.പാർട്ടി നിയോഗിച്ച രണ്ടംഗ കമ്മീഷന്റെ അന്വേഷണത്തിൽ രാജേന്ദ്രൻ കുറ്റക്കാരനെന്ന് കണ്ടെത്തി.തെരഞ്ഞെടുപ്പ് പ്രവർത്തനങ്ങളിൽ ആത്മാർത്ഥത ഉണ്ടായില്ല, പ്രചാരണ പ്രവർത്തനങ്ങളിൽ നിന്ന് വിട്ടു നിന്നു, വോട്ട് ഭിന്നിപ്പിക്കാൻ ശ്രമിച്ചു തുടങ്ങിയവയാണ് അന്വേഷണ കമ്മീഷന്റെ കണ്ടെത്തൽ. ഒരുവർഷത്തേക്ക് രാജേന്ദ്രനെ പാർട്ടിയിൽ നിന്ന് പുറത്താക്കാൻ ആണ് ജില്ലാ കമ്മിറ്റി സംസ്ഥാന കമ്മിറ്റിയോട് ശുപാർശ ചെയ്തിരിക്കുന്നത്. അന്തിമ തീരുമാനം സി.പി.എം സംസ്ഥാനസമിതിയിലുണ്ടാകും.രാജേന്ദ്രനെ പുറത്താക്കണമെന്ന് സംസ്ഥാന സെക്രട്ടറിയേറ്റ് അംഗം എം.എം.മണി എം.എൽ.എ നേരത്തെ പരസ്യ പ്രസ്താവന നടത്തിയിരുന്നു. എന്നാൽ തന്റെ ഭാഗം കേൾക്കാതെയാണ് ജില്ല കമ്മിറ്റി നടപടി എടുത്തിരിക്കുന്നതെന്ന് രാജേന്ദ്രൻ പറഞ്ഞു.

Read More

അസ്തമന സൂര്യൻ സാക്ഷി, കർമ ധീരൻ എരിഞ്ഞടങ്ങി, ഇനിയൊരു ജന്മം കൂടി മോഹിച്ച്

കൊച്ചി: ആർത്തലയ്ക്കുന്ന ജനസാ​ഗരം സാക്ഷിയാക്കി രാഷ്‌ട്രീയ കേരളത്തിന്റെ കർമധീരനായ സാരഥി എരിഞ്ഞടങ്ങി. ആയിരങ്ങളുടെ ആവേശഭരിതമായ മുദ്രാവാക്യങ്ങളും അനശ്വര കവി വയലാർ രാമവർമയുടെ വിഖ്യാത വരികളും ആത്മാവിലേക്ക് ആവാഹിച്ച് പ്രിയങ്കരനായ പി.ടി. തോമസ് വിടവാങ്ങി. സായംസന്ധ്യയിലെ അസ്തമന സൂര്യനൊപ്പം, ഒരു ജനതയുടെ ആവേശഭരിതനായ പോരാളിയും മാഞ്ഞു. കരഞ്ഞുകലങ്ങിയ പതിനായിരങ്ങളെ സാക്ഷിയാക്കി അദ്ദേഹത്തിന്റെ ഭൗതിക ശരീരം രവിപുരം ശ്മശാനത്തിലൊരുക്കിയ ചിത ഏറ്റുവാങ്ങി.നേരത്തേ നിശ്ചയിച്ചതിലും ഒന്നര മണിക്കൂർ വൈകിയാണ് പി.ടിയുടെ മൃതദേഹം ചിതയിലേക്കെടുത്തത്. മൃതദേഹം കടന്നു വന്ന സ്ഥലങ്ങളിലെല്ലാം വൻജനാവലി കാത്തു നിന്നതിനാൽ എല്ലായിടത്തും വലിയ തിരക്കും കാലതാമസവുമുണ്ടായി. അന്തിമോപചാര ചടങ്ങുകൾ വെട്ടിച്ചുരിക്കിയാണ് പലേടത്തും ജനക്കൂട്ടത്തെ നിയന്ത്രിച്ചത്. വൈകുന്നേരം അഞ്ചരയോടെ മുഖ്യമന്ത്രി പിണറായി വിജയൻ തൃക്കാക്കരയിലെ കമ്യൂണിറ്റി ഹാളിലെത്തി പി.ടിക്ക് അന്തിമോപചാരമർപ്പിച്ചു. ഏതാനും നിമിഷങ്ങൾക്കു ശേഷം പൊതു ദർശനം അവസാനിപ്പിച്ചു അന്തിമ വിലാപ യാത്ര തുടങ്ങി. പൊലീസ് ഒരുക്കിയ ലാസ്റ്റ് സല്യൂട്ടിനു…

Read More

വിടപറയുന്നത് കേരളത്തിന്റെ ഹരിത നേതാവ്

സി.പി. രാജശേഖരൻ എറണാകുളം ബിടിഎച്ച് ഹോട്ടലിന്റെ വിഐപി സ്യൂട്ട് റൂമിൽ അഭിമുഖത്തിനിരിക്കുന്നത് സാക്ഷാൽ മാധവ് ​ഗാഡ്​ഗിൽ. പശ്ചിമഘട്ട പരിസ്ഥിതി വി​ദ​ഗ്ധ പാനലിന്റെ അധ്യക്ഷൻ. വടക്ക് ​ഗുജറാത്ത് മുതൽ തെക്ക് തമിഴ്നാടിന്റെ കന്യാകുമാരി ജില്ല വരെ നീണ്ടു കിടക്കുന്ന പശ്ചിമഘട്ടത്തിന്റെ പ്രകൃതി സംരക്ഷണത്തെ കുറിച്ചു പഠനം നടത്തി സമ​ഗ്രമായ റിപ്പോർട്ട് തയാറാക്കി കേന്ദ്ര സർക്കാരിനു സമർപ്പിച്ച സമിതിയുടെ തലവൻ. റിപ്പോർട്ടിനെയും അതേത്തുടർന്ന് കേരളത്തിൽ നടന്ന വിവാദങ്ങളെയും കുറിച്ചായിരുന്നു അഭിമുഖത്തിലെ ചോദ്യാവലി. ​ഗാഡ്​ഗിൽ റിപ്പോർട്ട് എത്രയും വേ​ഗം നടപ്പാക്കണമെന്നാവശ്യപ്പെട്ടതിന്റെ പേരിൽ പ്രതീകാത്മക ശവസംസ്കാരം നേരിട്ട പി.ടി. തോമസിന്റെ തൃക്കാക്കരയിലെ തെരഞ്ഞെടുപ്പ് വിജയത്തിന്റെ പശ്ചാത്തലത്തിൽ നടത്തിയ ഈ അഭിമുഖത്തിന് ഹരിത രാഷ്‌ട്രീയത്തിന്റെ നിറം കിട്ടിയത് സ്വാഭാവികം. അദ്ദേഹം പറഞ്ഞ വാക്കുകളിങ്ങനെ: അത്യന്തം അപകടരമായ ഒരു ബോംബിനു മുകളിലാണു കേരളം സ്ഥിതിചെയ്യുന്നത്. സമിന്റും മണലുമില്ലാതെ, കുറേ ഇഷ്ടിക നിരത്തിവച്ച് നിർമിച്ചിരിക്കുന്ന കെട്ടിടം പോലെയാണത്.…

Read More

ജന്മനാട് വിട ചൊല്ലി, ഇനി കർമകേന്ദ്രത്തിന്റെ സ്നേഹചുംബനം

കൊച്ചി: ഇന്നലെ രാവിലെ അന്തരിച്ച കോൺഗ്രസ് നേതാവ് പി ടി തോമസിന് ജന്മനാടായ ഇടുക്കി ജില്ലയിലെ ഉപ്പ്തോടിന്റെ സ്നേഹവായ്പിൽ പൊതിഞ്ഞ യാത്രാമൊഴി. കളിക്കൂട്ടുകാർ മുതൽ രാഷ്‌ട്രീയ മത സാമൂഹിക നേതാക്കൾ തുടങ്ങി നൂറ്കണക്കിന് പ്രിയപ്പെട്ടവരുടെ അന്ത്യാഭിവാദ്യങ്ങൾ സ്വീകരിച്ച് പ്രിയ നേതാവ് ജന്മനാട്ടിൽ നിന്നു മടങ്ങി. ഇനിയൊരു തിരിച്ചുവരവില്ലാതെ. ആദരാഞ്ജലികൾ അർപ്പിക്കാനുള്ളവരുടെ തിരക്ക് മൂലം കൊച്ചിയിലേക്കുള്ള വിലാപയാത്ര രണ്ടു മണിക്കൂറോളം വൈകിയാണ് നീങ്ങുന്നത്. പി.ടിയുടെ സംസ്കാരം ഇന്ന് വൈകുന്നേരം കൊച്ചി രവിപുരം ശ്മശാനത്തിൽ സംസ്ഥാന ബഹുമതികളോടെ.പി ടി തോമസിൻറെ മൃതദേഹം രാവിലെ നാലരയോടെ ഇടുക്കി ഉപ്പുതോട്ടിലെ വീട്ടിലെത്തിച്ചു. ഇടുക്കി ബിഷപ്പ് മാർ ജോൺ നെല്ലിക്കുന്നേൽ, പാലാ ബിഷപ്പ് മാർ ജോസഫ് കല്ലറങ്ങാട്ട് തുടങ്ങിയവരും ആദരാഞ്ജലികൾ അർപ്പിക്കാനെത്തി. വീട്ടിലെ പൊതുദർശനത്തിന് ശേഷം മൃതദേഹം ഇടുക്കി ഡിസിസി ഓഫീസ് വഴി തൊടുപുഴയിലേക്ക് കൊണ്ടുപോയി. കൊച്ചി പാലാരിവട്ടത്തെ വീട്ടിലെത്തിച്ച ശേഷം അവിടെഅടുത്ത ബന്ധുക്കൾ…

Read More

വിടപറയുന്നത് കോൺ​ഗ്രസിലെ കരുത്തുറ്റ പോരാളി, വിട്ടുവീഴ്ചയില്ലാത്ത നിലപാടുകൾ

കൊച്ചി: ഇന്ത്യൻ നാഷണൽ കോൺ​ഗ്രസിന്റെ എക്കാലത്തെയും മികച്ച പോരാളി. വിട്ടുവീഴ്ചയില്ലാത്ത നിലപാടുകൾ കൊണ്ട് എതിരാളികളെപ്പോലും കൊമ്പു കുത്തിച്ച വിപ്ലവ നേതാവ്. അഞ്ചു പതിറ്റാണ്ടിലേറെ നീണ്ട പൊതുപ്രവർ‌ത്തനങ്ങൾക്കിടയിൽ അഴിമതിയുടെ കറപുരളാത്ത സംശുദ്ധ രാഷ്‌ട്രീയ വ്യക്തിപ്രഭാവം. കേരളം മുഴുവൻ നിറഞ്ഞു നിന്ന രാഷ്‌ട്രീയ നേതൃപാടവം. ഇന്നു രാവിലെ അന്തരിച്ച പി.ടി. തോമസ് എന്ന രാഷ്‌ട്രീയ വടവൃക്ഷത്തിന്റെ അഭാവം രാഷ്‌ട്രീയ കേരളത്തിനു തീരാ നഷ്ടം.1950 ഡിസംബർ 12നാണ് തോമസിന്റെ ജനനം. ഇടുക്കി ജില്ലയിലെ പാറത്തോടാണു സ്വദേശം. പിതാവ് തോമസ് പതിയപറമ്പിൽ. അമ്മ അന്നമ്മ. ഭാര്യ ഉമ തോമസ്, രണ്ട് മക്കൾ.കെപിസിസി വർക്കിംഗ് പ്രസിഡൻ്റും തൃക്കാക്കര എംഎൽഎയുമാണു പിടി തോമസ് . അർബുദരോഗബാധിതനായി പിടി തോമസ് ദീർഘകാലമായി ചികിത്സയിലായിരുന്നു. ചികിത്സയുടെ ഭാഗമായി വെല്ലൂരിൽ തുടരുന്നതിനിടെയാണ് മരണം സംഭവിച്ചത്.പിടി തോമസിന് അർബുദമായിരുന്നുവെന്ന കാര്യം പാർട്ടിയിലെ സഹപ്രവർത്തകർക്കെല്ലാം അറിയാമായിരുന്നു. എന്നാൽ അദ്ദേഹം തിരിച്ചു വരും എന്നായിരുന്നു…

Read More