ന്യൂ യോർക്ക്: യുഎസിൽ വീണ്ടും വംശഹത്യ. സൂപ്പർമാർക്കറ്റിലുണ്ടായ വെടിവയ്പിൽ കറുത്ത വർഗക്കാരായ പത്ത് പേർ കൊല്ലപ്പെട്ടു. ന്യൂ യോർക്കിലെ ബഫലോയിലെ സൂപ്പർ മാർക്കറ്റിലായിരുന്നു വെടിവയ്പ്പ്. പ്രാദേശിക സമയം ശനിയാഴ്ച്ച ഉച്ചക്കാണ് സംഭവം നടന്നത്. പേയ്റ്റൻ ഗ്രെൻഡൻ എന്ന 18 കാരനാണ് അക്രമി. ഇയാൾ പൊലീസിൽ കീഴടങ്ങി. വെടിവയ്പ്പിൻറെ ലൈവ് സ്ട്രീമിങ്ങിനായി ക്യാമറ ഘടിപ്പിച്ച ഹെൽമറ്റ് ധരിച്ചാണ് അക്രമി എത്തിയതെന്ന് സിറ്റി പൊലീസ് കമ്മീഷണർ ജോസഫ് ഗ്രമാഗ്‌‍ലിയ മാധ്യമങ്ങളോട് പറഞ്ഞു. ആക്രമണത്തിൻറെ ദൃശ്യങ്ങൾ ഈ ക്യാമറയിലൂടെ അക്രമി തത്സമയം പുറത്തുവിടുകയും ചെയ്തു. സൂപ്പർമാർക്കറ്റിന് പുറത്തുള്ള നാല് പേരെയാണ് അക്രമി ആദ്യം വെടിവച്ചത്. മൂന്ന് പേർക്ക് പരുക്കേറ്റു. വംശവെറിയാണ് സംഭവത്തിന് കാരണമെന്ന് പൊലീസ് പറഞ്ഞു. മരിച്ചവരിൽ മിക്കവരും കറുത്ത വർഗക്കാരാണ്. കറുത്ത വർഗക്കാർ പാർക്കുന്ന പ്രദേശത്താണ് വെടിവെയ്പ്പ് നടന്ന സൂപ്പർ മാർക്കറ്റ്.
Read Moreയുഎസിൽ വീണ്ടും വർണവെറി, കറുത്ത വർഗത്തിലെ 10 പേർ വെടിയേറ്റു മരിച്ചു
