Category: Entertainment

ഒട്ടേറെ പ്രേക്ഷക പ്രശംസയും നിരൂപണങ്ങളും നേടിയ ദ ഗ്രേറ്റ് ഇന്ത്യന്‍ കിച്ചണ്‍, ഫ്രീഡം ഫൈറ്റ് എന്നീ ചിത്രങ്ങള്‍ക്കു ശേഷം ജിയോ ബേബി ഒരുക്കുന്ന ‘ശ്രീധന്യ കാറ്ററിംഗ് സര്‍വ്വീസ്’ എന്ന ചിത്രത്തിന്റെ ടീസർ പുറത്ത് വിട്ടൂ.’മദ്യ ജനങ്ങളുടെ പ്രത്യേക ശ്രദ്ധക്ക്’ എന്ന തലകെട്ടോടെ സംവിധായകൻ ജിയോ ബേബി തന്റെ ഫേസ്ബുക്ക് പേജിലൂടെയാണ് ടീസർ പങ്കുവെച്ചത്.സമൂഹമാധ്യമങ്ങളിൽ ഒട്ടേറെ പേർ പങ്കുവെച്ച ടീസർ ഇതിനോടകം തന്നെ ശ്രദ്ധേയമായരിക്കുകയാണ്. ചിത്രത്തില്‍ സംവിധായകൻ ജിയോ ബേബിയും ഒരു പ്രധാന വേഷത്തിൽ എത്തുന്നുണ്ട്. കൂടാതെ മൂർ, പ്രശാന്ത് മുരളി, ജിലു ജോസഫ് തുടങ്ങിയവരാണ് മറ്റ് പ്രധാന വേഷങ്ങളിൽ എത്തുന്നത്.ജിയോ ബേബി തന്നെ രചന നിർവ്വഹിക്കുന്ന ചിത്രം ജോമോന്‍ ജേക്കബ്, ഡിജോ അഗസ്റ്റിന്‍, സജിന്‍ എസ് രാജ്, വിഷ്ണു രാജന്‍ എന്നിവർ ചേർന്നാണ് നിർമ്മിക്കുന്നത്. ഛായാഗ്രഹണം സാലു കെ തോമസ്. എഡിറ്റര്‍ ഫ്രാന്‍സിസ് ലൂയിസ്. ബേസില്‍ സിജെ,…

തിരുവനന്തപുരം :ഉള്‍ക്കനല്‍ എന്ന ചിത്രത്തെ വിനോദനികുതിയില്‍ നിന്ന് ഒഴിവാക്കി.ദേവി ത്രിപുരാംബികയുടെ ബാനറില്‍ ഒരുക്കിയ ചിത്രം ഗോത്രജീവിതത്തിന്‍റെ കഥയാണ് പറയുന്നത്. അട്ടപ്പാടിയില്‍ മാത്രം ചിത്രീകരിച്ച് ആദിവാസി വിഭാഗത്തില്‍പ്പെട്ടവര്‍ അഭിനയിച്ച ചിത്രമാണ് ഉള്‍ക്കനല്‍. കേരളാ ഫിലിം ഡവലപ്മെന്‍റ് കോര്‍പറേഷൻ എംഡിയുടെ ശുപാര്‍ശ പരിഗണിച്ചാണ് ടിക്കറ്റിന്‍റെ വിനോദനികുതി ഒഴിവാക്കിയത്. ചിത്രത്തിന്‍റെ മേന്മ, സാമൂഹിക പ്രസക്തി, കൈകാര്യം ചെയ്യുന്ന വിഷയം എന്നിവയും പരിഗണിച്ചു.

കോഴിക്കോട്: കുഞ്ചാക്കോ ബോബൻ നായകനായ ഇന്ന് റിലീസ് ചെയ്ത ‘ന്നാ താൻ കേസ് കൊട്’ എന്ന ചിത്രത്തിനെത്തിരെ ബഹിഷ്കരണാഹ്വാനവുമായി സൈബർ സഖാക്കൾ രംഗത്ത് . ചിത്രത്തിലെ പോസ്റ്ററിൽ കൊടുത്തിരിക്കുന്ന ‘തിയറ്ററുകളിലേക്കുള്ള വഴിയിൽ കുഴിയുണ്ട്, എന്നാലും വന്നേക്കണേ’ എന്ന തല വാചകമാണ് ഇപ്പോൾ ഇടതുപക്ഷാനുകൂലികളെ ചൊടിപ്പിച്ചത് . സംസ്ഥാനത്തുടനീളം റോഡുകൾ തകർന്ന സംഭവത്തിൽ കോടതി പോലും സംസ്ഥാന സർക്കാറിനെ വിമർശിച്ച സാഹചര്യത്തിൽ, പരസ്യവാചകം സർക്കാർ വിരുദ്ധമാണെന്ന് ആരോപിച്ച് ചിലർ രംഗത്തെത്തുകയായിരുന്നു. ഇതോടെയാണ് ഇടത് സൈബർ ഇടങ്ങളിൽ സിനിമ ബഹിഷ്കരിക്കണമെന്ന ആഹ്വാനമുയർന്നത്. ഇടത് അനുകൂലിയായ പ്രേംകുമാർ സിനിമക്കെതിരെ വിമർശനവുമായി രംഗത്തെത്തി. ഇങ്ങനെയൊരു പരസ്യവാചകമെഴുതുന്നതിലൂടെ തങ്ങളും ആ ജനവിരുദ്ധമുന്നണിയിലാണെന്ന് ഉളുപ്പില്ലാതെ പറയുകയാണ് ഈ സിനിമാവിതരണക്കാരെന്ന് പ്രേംകുമാർ ഫേസ്ബുക് പോസ്റ്റിൽ പറയുന്നു.