Connect with us
48 birthday
top banner (1)

Idukki

ചക്കക്കൊമ്പനെ കാറിടിച്ചു, പാസ്റ്റർക്ക് ​ഗുരുതര പരുക്ക്

Avatar

Published

on

ഇടുക്കി: അരിക്കൊമ്പൻ കാടു വിട്ടപ്പോൾ ചക്കക്കൊമ്പൻ പരാക്രമം തുടങ്ങി. ഇന്നലെ കാറിനു നേരേ ആയിരുന്നു പരാക്രമം. കാറിലുണ്ടായിരുന്ന ആൾക്കു ​ഗുരുതരമായി പരുക്കേറ്റു. ചിന്നക്കനാലിലായിരുന്നു സംഭവം. കാർ ഓടിച്ചിരുന്ന പാസ്റ്റർ തങ്കരാജി(72)ൻ തലയ്ക്ക് ഗുരുതര പരുക്കേറ്റ്ത് ആശുപത്രിയിലായി. ഇദ്ദേഹത്തെ തേനി മെഡിക്കൽ കോളജിലേക്ക് കൊണ്ടുപോയി. ആക്രമണത്തിൽ കാറിലുണ്ടായിരുന്ന തങ്കരാജിന്റെ 3 കുടുംബാംഗങ്ങൾക്കും പരിക്കേറ്റു. കാറിനും കേടുപാടുകൾ സംഭവിച്ചു. കൊച്ചി ധനുഷ്കോടി ദേശീയപാതയിലാണ് സംഭവം. പരുക്കേറ്റെങ്കിലും ആന കാർ യാത്രക്കാരെ ആക്രമിച്ചില്ല. ഉച്ചത്തിൽ ചിന്നം വിളിച്ചു കാട്ടിലേക്കു കയറിപ്പോയി.

301 കോളനിക്ക് സമീപം വളവിൽനിന്ന ചക്കക്കൊമ്പനെ പാസ്റ്റർ സഞ്ചരിച്ചിരുന്ന കാർ ഇടിക്കുകയായിരുന്നു. പരുക്കേറ്റ കൊമ്പൻ പാസ്റ്റർ സഞ്ചരിച്ച കാറിനുമുകളിലേക്ക് ഇരുന്നു. കാറിനുള്ളിൽ ഞെരിഞ്ഞമർന്നാണ് പാസ്റ്റർക്ക് തലയ്ക്ക് പരുക്കേറ്റത്. ആന പെട്ടെന്ന് റോഡിലേക്ക് ഇറങ്ങിയതാണ് അപകടകാരണം. പരിക്കേറ്റതോടെയാണ് ചക്കക്കൊമ്പൻ അപകടകാരിയായത്.

Advertisement
inner ad

ആനയ്ക്ക് പരുക്കേറ്റ വാർത്ത‍ അറിഞ്ഞു വനംവകുപ്പും ജാഗ്രതയിലാണ്. പരിക്കേറ്റ കാട്ടാന ആക്രമണം അഴിച്ചുവിടാൻ സാധ്യതയുണ്ടെന്ന കണക്കുകൂട്ടലിലാണ് ഈ ജാഗ്രത. ഏതാനും ദിവസങ്ങളായി ചൂണ്ടൽ, തോണ്ടിമല മേഖലകളിൽ ചക്കകൊമ്പൻ തമ്പടിച്ചിരിയ്ക്കുകയാണ്. കഴിഞ്ഞ രാത്രിയിൽ പൂപ്പാറ ടൗണിൽ ആന എത്തിയിരുന്നു.

Advertisement
inner ad
Continue Reading
Advertisement
inner ad
Click to comment

You must be logged in to post a comment Login

Leave a Reply

Idukki

രണ്ട് വര്‍ഷമായി ഇ ഗ്രാന്റുകള്‍ ലഭിക്കുന്നില്ല: അവഗണനയില്‍ ആദിവാസി-ദളിത് വിദ്യാര്‍ഥികള്‍

Published

on

ഇടുക്കി: രണ്ട് വര്‍ഷമായി ഇ ഗ്രാന്റുകള്‍ ലഭിക്കുന്നില്ല. ഇക്കുറി യൂണിഫോം തുണിത്തരങ്ങളും എത്തിയിട്ടില്ല. കോഴ്‌സ് കഴിഞ്ഞവര്‍ക്ക് പോലും കൃത്യസമയത്ത് ട്യൂഷന്‍ഫീസും ഹോസ്റ്റല്‍ഫീസും അടയ്ക്കാന്‍ കഴിയാത്തതിനാല്‍ അധികൃതര്‍ ടി.സി നല്‍കുന്നില്ല.പഠനം ഉപേക്ഷിക്കേണ്ട അവസ്ഥയിലാണ് പലയിടത്തും ആദിവാസി-ദലിത് വിദ്യാര്‍ഥികള്‍. ഹാള്‍ടിക്കറ്റും പരീക്ഷാഫലവും തടഞ്ഞുവെക്കുകയാണെന്നും ആദിവാസി സംഘടനാപ്രവര്‍ത്തകര്‍ പറയുന്നു. ഹോസ്റ്റല്‍ അലവന്‍സുകള്‍ ലഭിക്കാത്തതിനാല്‍ പഠനം ഉപേക്ഷിക്കേണ്ടിവരുന്നവര്‍ ഒട്ടേറെയാണ്. ഹോസ്റ്റല്‍ അലവന്‍സുകള്‍ കാലാനുസൃതമായി പുതുക്കിയിട്ടില്ലെന്നതും പ്രശ്‌നമാണ്.

സര്‍ക്കാര്‍ / കോളജ് ഹോസ്റ്റലില്‍ താമസിക്കുന്നവര്‍ക്ക് പ്രതിമാസം 3500 രൂപയും സ്വകാര്യഹോസ്റ്റലില്‍ താമസിക്കുന്ന പട്ടിക വര്‍ഗക്കാര്‍ക്ക് 3000 രൂപയും പട്ടികജാതി വിദ്യാര്‍ഥികള്‍ക്ക് 1500 രൂപയും മാത്രമാണ് സര്‍ക്കാര്‍ വാഗ്ദാനം. ഈ തുകയും നല്‍കുന്നില്ലെന്നതാണു പ്രതിസന്ധിക്കു കാരണം. ഹോസ്റ്റല്‍ അലവന്‍സുകള്‍ പ്രതിമാസം 6500 രൂപയാക്കി എല്ലാ വിഭാഗക്കാര്‍ക്കും വര്‍ധിപ്പിക്കണമെന്ന് എസ്.സി/എസ്.ടി വകുപ്പുകള്‍ ആവശ്യപ്പെട്ടിട്ടും ധനവകുപ്പ് തയാറാകുന്നില്ല.

Advertisement
inner ad

വിദ്യാര്‍ഥിയുടെ പ്രവേശനസമയത്തുതന്നെ ഫ്രീഷിപ്പ് കാര്‍ഡ് നല്‍കുമെന്ന് കേന്ദ്ര – സംസ്ഥാന സര്‍ക്കാരുകള്‍ വാഗ്ദാനം ചെയ്തിരുന്നു. ഇത് നല്‍കാത്തതിനാല്‍ സ്ഥാപനങ്ങള്‍ പ്രവേശന സമയത്ത് ഭീമമായ തുക വിദ്യാര്‍ഥികളോട് ആവശ്യപ്പെടുകയാണ്. സ്‌കൂളുകളില്‍ പഠിക്കുന്ന വിദ്യാര്‍ഥികള്‍ക്ക് സൗജന്യമായി യൂനിഫോം നല്‍കുന്ന പദ്ധതി ഈ വര്‍ഷം പ്രാവര്‍ത്തികമായിട്ടില്ല. ഒന്നു മുതല്‍ 10 വരെ പഠിക്കുന്ന വിദ്യാര്‍ഥികള്‍ക്കാണ് യൂണിഫോം നല്‍കുന്നത്. അതുപോലെ ദരിദ്ര ജനവിഭാഗങ്ങള്‍ക്കും യൂനിഫോം നല്‍കിയിരുന്നു. ഇതും മുടങ്ങി

Advertisement
inner ad
Continue Reading

Idukki

ആവർത്തിക്കുന്ന അഭ്യാസങ്ങൾ! കാറിന്റെ ഡോറിലിരുന്ന് വീണ്ടും സാഹസിക യാത്ര

Published

on

ഇടുക്കി: കൊച്ചി – ധനുഷ്കോടി ദേശീയപാതയിലാണ് നിയമം കാറ്റിൽപ്പറത്തി വീണ്ടും കാറിൽ യുവാക്കളുടെ സാഹസിക യാത്ര! ഗ്യാപ് റോഡിൽ പെരിയ കനാൽ ഭാഗത്താണ് തമിഴ്നാട് രജിസ്ട്രേഷൻ വാഹനത്തിലെത്തിയ യുവാക്കൾ സാഹസിക പ്രകടനം നടത്തിയത്. ഇന്ന് രാവിലെ അപകടകരമായ രീതിയിൽ വാഹനമോടിക്കുന്നത് നാട്ടുകാ‍ർ ചിത്രീകരിച്ചുതുടങ്ങിയതോടെ ഇവർ അഭ്യാസം അവസാനിപ്പിക്കുകയായിരുന്നു. രണ്ടാഴ്ചക്കിടെ ഗ്യാപ് റോഡിൽ അഞ്ചാമത്തെ സംഭവമാണിത്. സാഹസിക പ്രകടനങ്ങൾക്കെതിരെ ഗ്യാപ് റോഡിൽ മോട്ടോർ വാഹന വകുപ്പ് പരിശോധന തുടരുന്നതിനിടെയാണ് ഈ രീതിയിൽ അഭ്യാസ പ്രകടനം.

Advertisement
inner ad
Continue Reading

Idukki

കാന്തല്ലൂരിൽ കാട്ടാനശല്യം; വനം വകുപ്പ് ഉദ്യോഗസ്ഥരെ ജനം തടഞ്ഞു

Published

on

മറയൂർ: കാന്തല്ലൂർ മേഖലയിൽ കാട്ടാനക്കൂട്ടം രൂക്ഷം. തുടർന്ന് ഗ്രാമത്തിലും കൃഷിത്തോട്ടത്തിലും കയറി നാശം വരുത്തുന്നതിൽ പ്രതിഷേധിച്ചു വനം വകുപ്പ് ഉദ്യോഗസ്ഥരെ നാട്ടുകാർ തടഞ്ഞു. കഴിഞ്ഞ ഒരു മാസമായി കാട്ടാനക്കൂട്ടങ്ങൾ കാന്തല്ലൂരിൽ വിവിധ പ്രദേശങ്ങളിൽ നാശം വരുത്തുകയാണ്. വനം വകുപ്പിന് പരാതിയിലൂടെയും ഫോണിലൂടെയും വിവരം അറിയിക്കുന്നുണ്ടെങ്കിലും കാട്ടാനയെ ഓടിക്കാൻ യാതൊരു നടപടിയും സ്വീകരിച്ചില്ല. തുടർന്നാണ് ഇന്നലെ പുത്തൂരിലെത്തിയ വനപാലകസംഘത്ത ജനം തടഞ്ഞത്.

Advertisement
inner ad

ശീതകാല പച്ചക്കറി കേന്ദ്രമായ പുത്തൂർ, പെരുമല, ഗുഹനാഥപുരം, കുളിച്ചവയൽ, കീഴാന്തൂർ മേഖലയിലാണ് കാട്ടാനകൾ കൂടുതലും നാശം വരുത്തുന്നത്. രണ്ടു മാസത്തിനു മുൻപ് കാട്ടാനകളെ ഓടിക്കാൻ നാട്ടുകാരും വനപാലകരും ശ്രമം നടത്തിയെങ്കിലും ശാശ്വത പരിഹാരം കാണാൻ കഴിഞ്ഞില്ല. അടിയന്തരമായി കാട്ടാനക്കൂട്ടത്തെ വനത്തിനുള്ളിലേക്ക് മാറ്റി സംരക്ഷണം നൽകാനുള്ള നടപടി സ്വീകരിച്ചില്ലെങ്കിൽ ശക്തമായ പ്രക്ഷോഭം നടത്തുമെന്ന് നാട്ടുകാർ മുന്നറിയിപ്പു നൽകി.

Advertisement
inner ad
Continue Reading

Featured