Connect with us
48 birthday
top banner (1)

National

ഹിജാബ് വിവാദം ആളിക്കത്തിക്കാന്‍ ബി ജെ പി നീക്കം

Avatar

Published

on

ജയ്പൂര്‍: കര്‍ണാടകക്ക് പിന്നാലെ രാജസ്ഥാനിലും ഹിജാബ് വിവാദം ആളിക്കത്തിക്കാന്‍ ബി.ജെ.പി നീക്കം. സര്‍ക്കാര്‍ സ്‌കൂളുകളില്‍ ഹിജാബ് നിരോധിക്കണമെന്ന ആവശ്യമുന്നയിച്ച് ബി.ജെ.പി എം.എല്‍.എ ബാലമുകുന്ദ് ആചാര്യയാണ് ഹിജാബ് വിഷയം വീണ്ടും ചര്‍ച്ചയാക്കിയിരിക്കുന്നത്. നേരത്തെ, കര്‍ണാടകയില്‍ മുന്‍ ബി.ജെ.പി സര്‍ക്കാര്‍ വിദ്യാഭ്യാസ സ്ഥാപനങ്ങളില്‍ ഹിജാബ് നിരോധിച്ചിരുന്നു. സമാനമായ നീക്കമാണ് രാജസ്ഥാനിലും ബി.ജെ.പി ലക്ഷ്യമിടുന്നത്.

ഹിജാബുമായി ബന്ധപ്പെട്ട് വീണ്ടും ചര്‍ച്ചകള്‍ ഉയര്‍ന്നതിന് പിന്നാലെ സ്‌കൂളുകളില്‍ ഡ്രസ്സ് കോഡ് നടപ്പാക്കുമെന്ന് പ്രഖ്യാപിച്ചിരിക്കുകയാണ് വിദ്യാഭ്യാസ മന്ത്രി മദന്‍ ദിലാവര്‍. കഴിഞ്ഞ ദിവസം ഇതുസംബന്ധിച്ച് മന്ത്രി പ്രസ്താവനയിറക്കിയിരുന്നു. ‘ഞാന്‍ ഹിജാബിന് അനുകൂലമോ പ്രതികൂലമോ അല്ല. എന്നാല്‍ സര്‍ക്കാറിന്റെ നിര്‍ദേശങ്ങള്‍ എല്ലാവരും കൃത്യമായി അനുസരിക്കണം’ -അദ്ദേഹം പറഞ്ഞു.

Advertisement
inner ad

മറ്റിടങ്ങളിലെ ഹിജാബ് നിരോധനത്തെക്കുറിച്ചും രാജസ്ഥാനില്‍ നടപ്പാക്കുന്നതിനെക്കുറിച്ചും പഠിച്ച് റിപ്പോര്‍ട്ട് തയാറാക്കാന്‍ മന്ത്രി ഉദ്യോഗസ്ഥര്‍ക്ക് നിര്‍ദേശം നല്‍കി. എല്ലാ സ്‌കൂളുകളിലും വിദ്യാഭ്യാസത്തിന്റെ ദേവതയായ സരസ്വതിയുടെ ചിത്രമുണ്ടായിരിക്കണം. ഇല്ലാത്തവര്‍ പ്രത്യാഘാതം നേരിടും. സര്‍ക്കാര്‍ അംഗീകരിച്ച പ്രാര്‍ഥനകളല്ലാതെ മറ്റ് പ്രാര്‍ഥനകള്‍ സ്‌കൂളുകളില്‍ പാടില്ല. സ്‌കൂളുകളില്‍ മതപരിവര്‍ത്തന പരിപാടികള്‍ ഒരു കാരണവശാലും അനുവദിക്കില്ല. അത്തരം രീതികള്‍ കണ്ടാല്‍ കര്‍ശന നടപടിയുണ്ടാകുമെന്നും വിദ്യാഭ്യാസ മന്ത്രി പറഞ്ഞു.

ഡ്രസ്സ് കോഡ് നടപ്പാക്കുന്നതിനെ ആഭ്യന്തരമന്ത്രി ജവഹര്‍ സിങ് ബെദാം അനുകൂലിച്ചു. സര്‍ക്കാര്‍ നിര്‍ദേശിക്കുന്ന യൂണിഫോം ധരിച്ചുമാത്രമേ വിദ്യാര്‍ഥികള്‍ സ്‌കൂളിലെത്താവൂവെന്ന് അദ്ദേഹം പറഞ്ഞു. എല്ലാവരും അച്ചടക്കം പാലിക്കണം. സ്‌കൂളുകള്‍ വിദ്യാക്ഷേത്രങ്ങളാണ്, യൂണിഫോം അവിടെ അച്ചടക്കം വളര്‍ത്താനാണ് -അദ്ദേഹം പറഞ്ഞു.

Advertisement
inner ad

സ്‌കൂളുകളില്‍ ഡ്രസ്സ് കോഡ് കൊണ്ടുവരാനുള്ള നീക്കത്തെ വിശ്വഹിന്ദു പരിഷത്ത് സ്വാഗതം ചെയ്തു. സാമൂഹിക, സാമ്പത്തിക, മതപരമായ വേര്‍തിരിവുകള്‍ ഇല്ലാതാക്കുന്നതിനാണ് സ്‌കൂളുകളില്‍ യൂണിഫോമെന്ന് സംഘടന പറഞ്ഞു.

ജനുവരി 29ന് എം.എല്‍.എ ബാലമുകുന്ദ് ആചാര്യ സര്‍ക്കാര്‍ സ്‌കൂളുകളില്‍ വിദ്യാര്‍ഥിനികള്‍ ഹിജാബ് ധരിക്കുന്നതിനെതിരെ രംഗത്തുവന്നതോടെയാണ് പുതിയ വിവാദങ്ങള്‍ക്ക് തുടക്കം. എം.എല്‍.എ ഹിജാബിനെതിരെ സ്‌കൂള്‍ അധികൃതരോട് സംസാരിക്കുന്ന വിഡിയോ പുറത്തുവന്നിരുന്നു. എം.എല്‍.എ വിദ്യാര്‍ഥികളോട് ‘ഭാരത് മാതാ കി ജയ്’, ‘സരസ്വതി മാതാ കി ജയ്’ എന്ന് വിളിക്കാന്‍ ആവശ്യപ്പെടുന്നതും അത് നിരാകരിച്ച പെണ്‍കുട്ടികളോട് കാരണം ചോദിക്കുന്നതും കാണാം. സംഭവത്തെ തുടര്‍ന്ന് എം.എല്‍.എക്ക് നേരെ പ്രതിഷേധമുണ്ടായി. ഏതാനും വിദ്യാര്‍ഥികളും രക്ഷിതാക്കളും എം.എല്‍.എക്കെതിരെ പൊലീസില്‍ പരാതിപ്പെടുകയും ചെയ്തിരുന്നു.

Advertisement
inner ad
Continue Reading
Advertisement
inner ad
Click to comment

You must be logged in to post a comment Login

Leave a Reply

National

ഭരണഘടന ഉയർത്തിക്കാട്ടി സത്യപ്രതിജ്ഞ ചെയ്ത് കോൺഗ്രസ് എംപിമാർ

Published

on

ന്യൂഡൽഹി: പതിനെട്ടാം ലോക്സഭയുടെ ആദ്യ സമ്മേളനത്തിന്റെ സത്യപ്രതിജ്ഞ ചടങ്ങിൽ ഭരണഘടന ഉയർത്തിക്കാട്ടി സത്യപ്രതിജ്ഞ ചെയ്ത് കോൺഗ്രസ് എംപിമാർ. കേരളത്തിൽ നിന്നുള്ള മുഴുവൻ എംപിമാരും ഇന്നായിരുന്നു സത്യപ്രതിഞ്ജ ചെയ്തത്. പ്രോടേം സ്പീക്കര്‍ ഭര്‍തൃഹരി മെഹ്താബ് സത്യവാചകം ചൊല്ലിക്കൊടുത്തു. വിദേശ സന്ദർശനം നടത്തുന്ന തിരുവനന്തപുരം എംപി ശശി തരൂർ ഈ ആഴ്ച അവസാനമാകും സത്യപ്രതിജ്ഞ ചെയ്യുക. ആദ്യ സമ്മേളനം ഇന്ന് ആരംഭിച്ചപ്പോള്‍ നീറ്റ് വിവാദവും ഓഹരി കുംഭകോണവും ഉള്‍പ്പെടെ നിരവധി വിഷയങ്ങള്‍ ചർച്ചയാക്കാനൊരുങ്ങിയിരിക്കുകയാണ് പ്രതിപക്ഷം. ശക്തമായ പ്രതിപക്ഷ പ്രതിഷേധത്തിന് ആദ്യ സമ്മേളനം സാക്ഷിയായേക്കും.

Continue Reading

Kerala

പതിനെട്ടാം ലോക്സഭയുടെ ആദ്യ സമ്മേളനത്തിന് ഇന്ന് തുടക്കം; എം.പിമാര്‍ ഇന്നും നാളെയുമായി സത്യപ്രതിജ്ഞ ചെയ്‌യും

Published

on

ന്യൂഡല്‍ഹി: പതിനെട്ടാം ലോക്സഭയുടെ ആദ്യ സമ്മേളനത്തിന് ഇന്ന് തുടക്കമാകും. പുതിയ എം.പിമാരുടെ സത്യപ്രതിജ്ഞാ ചടങ്ങോടെയാണ് ലോക്സഭാ സമ്മേളനത്തിന് തുടക്കമാകുന്നത്. എം.പിമാര്‍ ഇന്നും നാളെയുമായി സത്യപ്രതിജ്ഞ ചെയ്ത് ചുമതലയേല്‍ക്കും.

280 എം.പിമാര്‍ ഇന്നും ബാക്കിയുള്ള 263 എം.പിമാര്‍ നാളെയുമാണ് സത്യപ്രതിജ്ഞ ചെയ്യുക. കേരളത്തില്‍ നിന്നുള്ള മുഴുവന്‍ എം.പിമാരും ഇന്ന് വൈകിട്ട് സത്യപ്രതിജ്ഞ ചെയ്യും.ഓരോ സംസ്ഥാനങ്ങളുടെയും അക്ഷരമാല ക്രമത്തിലാകും സത്യപ്രതിജ്ഞ നടക്കുക. കേന്ദ്രസഹമന്ത്രി സുരേഷ് ഗോപി കഴിഞ്ഞാല്‍ കേരളത്തിലെ എം.പിമാരില്‍ ആദ്യം രാജ്മോഹന്‍ ഉണ്ണിത്താനും അവസാനം ശശി തരൂരുമാണ് സത്യപ്രതിജ്ഞ ചെയ്യുക. ബുധനാഴ്ചയാണ് സ്പീക്കര്‍ തെരഞ്ഞെടുപ്പ്.

Advertisement
inner ad
Continue Reading

National

ബഹുനില കെട്ടിടത്തില്‍ അപകടകരമായി തൂങ്ങിക്കിടന്ന് റീല്‍ ചിത്രീകരണം: യുവതിയും സുഹൃത്തും അറസ്റ്റില്‍

Published

on

പൂനെ: മഹാരാഷ്ട്രയിലെ പൂനെയില്‍ ബഹുനില കെട്ടിടത്തില്‍ അപകടകരമായി തൂങ്ങിക്കിടന്ന് റീല്‍ ചിത്രീകരിച്ച യുവതിയും സുഹൃത്തും അറസ്റ്റില്‍. പുണെ സ്വദേശിനി മിനാക്ഷി സാലുങ്കെ (23), ആണ്‍ സുഹൃത്തായ മിഹിര്‍ ഗാന്ധി (27) എന്നിവരെ ഭാരതി വിദ്യാപീഠ് പൊലീസാണ് വെള്ളിയാഴ്ച അറസ്റ്റ് ചെയ്തത്. റീല്‍ ചിത്രീകരിച്ച മൂന്നാമനെ ഇതുവരെ കണ്ടെത്താനായിട്ടില്ല.

ഒരു ബഹുനില കെട്ടിടത്തിന്റെ മുകളില്‍നിന്ന് ആണ്‍ സുഹൃത്തിന്റെ കൈയില്‍ യുവതി അപകടകരമായി തൂങ്ങി നില്‍ക്കുന്നതാണ് റീല്‍. കൈയില്‍ പിടിച്ച് യുവതി ആടുന്നതും സുഹൃത്തായ മറ്റൊരാള്‍ ദൃശ്യങ്ങള്‍ മൊബൈല്‍ കാമറയില്‍ ചിത്രീകരിക്കുന്നതും കാണാം. വലിയ കല്ലുകള്‍ നിറഞ്ഞ സ്ഥലത്തെ ബഹുനില കെട്ടിടത്തിലാണ് സംഘം റീല്‍സ് ചിത്രീകരണത്തില്‍ ഏര്‍പ്പെട്ടത്. സുരക്ഷാ മുന്‍കരുതലില്ലാതെ അപകടകരമായ നിലയില്‍ റീല്‍ ചിത്രീകരിച്ചതിനെതിരെ രൂക്ഷ വിമര്‍ശനമാണ് സമൂഹമാധ്യമങ്ങളില്‍ ഉയര്‍ന്നത്.

Advertisement
inner ad

പിന്നാലെയാണ് പൊലീസ് കേസെടുത്ത് അന്വേഷണം തുടങ്ങിയത്. ജീവന് ഭീഷണിയായി അപകടകരമായ പ്രവൃത്തി ചെയ്‌തെന്ന വകുപ്പ് ചുമത്തിയാണ് കേസെടുത്തത്. ‘വിഡിയോ ശ്രദ്ധയില്‍പെട്ടതിനു പിന്നാലെ തന്നെ അന്വേഷണം ആരംഭിക്കുകയും അവരെ കണ്ടെത്തുകയും ചെയ്തു. സ്റ്റേഷനിലേക്ക് വിളിച്ചു വരുത്തിയാണ് അറസ്റ്റ് രേഖപ്പെടുത്തിയത്’ -സീനിയര്‍ ഇന്‍സ്‌പെക്ടര്‍ ദശരഥ് പാട്ടീല്‍ മാധ്യമങ്ങളോട് പറഞ്ഞു.

Advertisement
inner ad
Continue Reading

Featured