രാ​ജ്യ​ത്തെ ട്രെ​യി​നു​ക​ളി​ലെ ടോ​യ്​​ല​റ്റു​ക​ളി​ൽ വാ​ക്വം ഫ്ല​ഷി​ങ്​ വരുന്നു

തൃ​ശൂ​ർ: രാ​ജ്യ​ത്തെ ട്രെ​യി​നു​ക​ളി​ലെ ടോ​യ്​​ല​റ്റു​ക​ളി​ൽ വാ​ക്വം ഫ്ല​ഷി​ങ്​ വരുന്നു. 1372 കോ​ച്ചു​ക​ളി​ൽ പ​രീ​ക്ഷ​ണാ​ടി​സ്ഥാ​ന​ത്തി​ൽ ഏ​ർ​​പ്പെ​ടു​ത്തി​യ സം​വി​ധാ​നം വി​ജ​യി​ച്ച സാ​ഹ​ച​ര്യ​ത്തി​ലാ​ണ് ​തീരുമാനം. എ.​സി കോ​ച്ചു​ക​ളി​ൽ ഈ ​സം​വി​ധാ​നം പെട്ടെന്ന് ഏ​ർ​പ്പെ​ടു​ത്താ​ൻ ദ​ക്ഷി​ണ റെ​യി​ൽ​വേ തീ​രു​മാ​നി​ച്ചു. ട്രെ​യി​ൻ ടോ​യ്​​ല​റ്റു​ക​ളി​ൽ​നി​ന്ന്​ വി​സ​ർ​ജ്യം പാ​ള​ങ്ങ​ളി​ലേ​ക്ക്​ ത​ള്ളു​ന്ന പ​ഴ​യ രീ​തി ഇ​ന്ത്യ​ൻ റെ​യി​ൽ​വേ പൂർണ്ണമായും അ​വ​സാ​നി​പ്പി​ച്ചി​ട്ടു​ണ്ട്.

ഇ​പ്പോ​ഴു​ള്ള​ത്​ ബ​യോ-​ടോ​യ്​​ല​റ്റു​ക​ളാ​ണ്. വി​സ​ർ​ജ്യം സം​ഭ​രി​ക്കു​ന്ന ടാ​ങ്കു​ക​ളി​ൽ ബാ​ക്​​ടീ​രി​യ ഉ​പ​യോ​ഗി​ച്ച്‌​ ഘ​ട​ക​ങ്ങ​ൾ വേ​ർ​പെ​ടു​ത്തി അ​തി​നെ ജൈ​വ​വ​ള​മാ​ക്കാ​ൻ ക​ഴി​യു​ന്ന​താ​ണ്പുതിയ ​സം​വി​ധാ​നം. ഫ്ല​ഷ്​ ചെ​യ്യാ​ൻ ധാ​രാ​ളം വെ​ള്ളം വേ​ണം എ​ന്ന​താ​ണ്​ ഇ​തിന്റെ പ്രധാന പോരായ്മ . വെ​ള്ളം കു​റ​ഞ്ഞ അ​ള​വി​ൽ മ​തി എ​ന്ന​താ​ണ്​ ബ​യോ-​വാ​ക്വം ടോ​യ്​​ല​റ്റു​ക​ളു​ടെ പ്ര​ത്യേ​ക​ത. വി​സ​ർ​ജ്യം ബ​യോ ഡീ​ഗ്രേ​ഡ​ബ്​​ൾ ടാ​ങ്കി​ലേ​ക്ക്​ ശേ​ഖ​രി​ച്ച്‌​ ക​മ്പോസ്റ്റ് ചെ​യ്യും. ഇ​തു​വ​ഴി ദു​ർ​ഗ​ന്ധ​വും വ​ലി​യ തോ​തി​ൽ ഇ​ല്ലാ​താക്കാം.

‘സ്വ​ച്ഛ്​ ഭാ​ര​ത്​ മി​ഷ​െൻറ’ ഭാ​ഗ​മാ​യി ത​മി​ഴ്​​നാ​ട്ടി​ലെ മാ​ന​മ​ദു​രൈ-​രാ​മേ​ശ്വ​രം പാ​ത രാ​ജ്യ​ത്തെ ആ​ദ്യ ‘​ഹ​രി​ത ട്രെ​യി​ൻ ഇ​ട​നാ​ഴി’​യാ​യി വി​ക​സി​പ്പി​ച്ച ദ​ക്ഷി​ണ റെ​യി​ൽ​വേ ട്രെ​യി​ൻ ടോ​യ്​​ല​റ്റു​ക​ളി​ൽ ബ​യോ-​വാ​ക്വം സം​വി​ധാ​നം ഏ​ർ​പ്പെ​ടു​ത്താ​നു​ള്ള നീ​ക്ക​ത്തി​ലു​മാ​ണ്. അ​തേ​സ​മ​യം, എ.​സി കോ​ച്ചു​ക​ളെ​ക്കാ​ൾ ആ​ദ്യ പ​രി​ഗ​ണ​ന ദീ​ർ​ഘ​ദൂ​ര ട്രെ​യി​നു​ക​ളി​ലെ കോ​ച്ചു​ക​ൾ​ക്കാ​ണ്​ ന​ൽ​കേ​ണ്ട​തെ​ന്ന നി​ർ​ദേ​ശ​മാ​ണ്​ ദ​ക്ഷി​ണ റെ​യി​ൽ​വേ ഉ​പ​ദേ​ശ​ക സ​മി​തി മു​ൻ അം​ഗ​വും തൃ​ശൂ​ർ റെ​യി​ൽ​വേ പാ​സ​ഞ്ചേ​ഴ്​​സ്​ അ​സോ​സി​യേ​ഷ​ൻ ജ​ന​റ​ൽ സെ​ക്ര​ട്ട​റി​യു​മാ​യ പി. ​കൃ​ഷ്​​ണ​കു​മാ​ർ മുന്നോട്ട് വച്ചിട്ടുളളത്.

Related posts

Leave a Comment