ഭൂവനേശ്വർ: 288 പേരുടെ മരണത്തിനിടയാക്കിയ ട്രെയിൻ അപകടം നടന്ന റെയിൽവേ സ്റ്റേഷനും തൊട്ടടുത്തുള്ള സ്കൂളും അടച്ചുപൂട്ടി സീൽ വച്ചു. അപകടമുണ്ടായ സ്ഥലത്തിനടുത്തുള്ള ബഹനാ​ഗ റെയിൽവേസ്റ്റേഷനാണ് ഇന്നലെ അടുച്ചു പൂട്ടിയത്. ഇനി ഒരു ട്രെയിനും ഇവിടെ നിർത്തില്ല. അപകടത്തെക്കുറിച്ച് അന്വേഷിക്കുന്ന സിബിഐ സംഘം ബഹനാഗ സ്റ്റേഷനിലെ ലോഗ് ബുക്കും റിലേ പാനലും ഉപകരണങ്ങളും പിടിച്ചെടുത്ത ശേഷമാണ് സ്റ്റേഷൻ സീൽ ചെയ്തത്.
ജൂൺ രണ്ടിനായിരുന്നു രണ്ട് പാസഞ്ചർ ട്രെയിനുകളും ഒരു ഗുഡ്സ് ട്രെയിനും ഉൾപ്പെട്ട ട്രെയിൻ ദുരന്തമുണ്ടായത്. അപകടത്തിൽ 288 പേർ കൊല്ലപ്പെടുകയും 1200-ലധികം പേർക്ക് പരിക്കേൽക്കുകയും ചെയ്തു.
മരിച്ചവരുടെ മൃതദേഹങ്ങൾ ഇവിടെയുള്ള ബഹനാ​ഗ ഹൈസ്കൂളിലെ ഒരു കെട്ടിടത്തിലാണ് ആദ്യം സൂക്ഷിച്ചത്. ഇനിയും എൺപെത്തെട്ടോളം മൃതദേഹങ്ങൾ തിരിച്ചറിയാനുണ്ട്. ഇവ ബലസോർ ജില്ലാ ആശുപത്രി മോർച്ചറിയിലാണ്. എന്നാൽ മൃതദേഹം സൂക്ഷിച്ചരുന്ന സ്കൂൾ കെട്ടിടത്തിൽ പ്രേത ബാധയുണ്ടെന്നു പറഞ്ഞ് കുട്ടികൾ സ്കൂളിൽ വരുന്നില്ല. രക്ഷിതാക്കളും കുട്ടികളെ സ്കൂളിലേക്കയയ്ക്കാൻ മടിക്കുന്നു. സ്കൂൾ വളപ്പിൽ പ്രേതകങ്ങളെ കമ്ടു എന്നുവരെയുള്ള കിംവദന്തികളും പ്രചിരിക്കുന്നുണ്ട്. ഈ സാഹചര്യത്തിലാണ് സ്കൂൾ അടച്ചു പൂട്ടാൻ സർക്കാർ തീരുമാനിച്ചത്. കുട്ടികളെ അടുത്തുള്ള മറ്റു സ്കൂളുകളിലേക്കു മാറ്റി പഠിപ്പിക്കും. നിലവിലുള്ള സ്കൂൾ കെട്ടിടം ഇടിച്ചു മാറ്റി, പുതിയതു നിർമിക്കാനുള്ള നടപടികളും തുടങ്ങി.

സ്റ്റേഷൻ സീൽ ചെയ്യുകയും ലോഗ് ബുക്കും റിലേ പാനലും മറ്റ് ഉപകരണങ്ങളും സിബിഐ പിടിച്ചെടുത്തെന്നും സൗത്ത് ഈസ്റ്റേൺ റെയിൽവേ ചീഫ് പബ്ലിക് റിലേഷൻസ് ഓഫീസർ ആദിത്യ കുമാർ ചൗധരി പറഞ്ഞു. ”സിഗ്‌നലിംഗ് സിസ്റ്റത്തിലേക്കുള്ള ജീവനക്കാരുടെ പ്രവേശനം നിരോധിക്കുന്ന റിലേ ഇന്റർലോക്കിംഗ് പാനൽ സീൽ ചെയ്തിട്ടുണ്ട്. ഇനിയൊരു അറിയിപ്പ് ഉണ്ടാകുന്നതുവരെ പാസഞ്ചറോ ഗുഡ്സ് ട്രെയിനോ ബഹനാഗ ബസാറിൽ നിർത്തില്ല,” അദ്ദേഹം കൂട്ടിച്ചേർത്തു.
അപകട ശേഷം 51 മണിക്കൂറിനുള്ളിൽ അപ്പ്, ഡൗൺ ലൈനുകൾ ഗതാഗതയോഗ്യമാക്കിയിരുന്നു. ഇതിന് ശേഷം കുറഞ്ഞത് ഏഴ് ട്രെയിനുകളെങ്കിലും സ്റ്റേഷനിൽ നിർത്തി. ബഹനാഗ ബസാർ റെയിൽവേ സ്റ്റേഷനിലൂടെ പ്രതിദിനം 170 ട്രെയിനുകൾ കടന്നുപോകുന്നുണ്ടെങ്കിലും, ചില പാസഞ്ചർ ട്രെയിനുകൾ മാത്രമാണ് സ്റ്റേഷനിൽ ഒരു മിനിറ്റ് നിർത്തുന്നത്. ജൂൺ 5 നാണ് അപകടശേഷം ഇതേ സ്ഥലത്തൂടെ ആദ്യത്തെ ട്രെയിൻ ഗതാഗതം നടന്നത്.

Advertisement

inner ad