ന്യൂഡൽഹി: രാഷ്‌ട്രപതി ദ്രൗപദി മുർമുവിനെക്കുറിച്ച് താൻ നടത്തിയ പരാമർശത്തെക്കുറിച്ചു സഭയിൽ വിശദമാക്കാൻ അവസരം നൽകണമെന്ന് ലോക്സഭയിലെ പ്രതിപക്ഷ നേതാവ് അധീർ രഞ്ജൻ ചൗധരി. ഇതു സംബന്ധിച്ച് അദ്ദേഹം സ്പീക്കർ ഒം ബിർളയ്ക്കു കത്ത് നൽകി. രാഷ്‌ട്രപതി ദ്രൗപദി മുർമുവിനെ രാഷ്‌ട്രപത്നി എന്നു വിളിച്ചെന്നാരോപിച്ച് ബിജെപി എംപിമാർ സഭയിൽ ബഹളം തുടരുന്ന സാഹചര്യത്തിലാണ് അധീർ രഞ്ജൻ താൻ പറഞ്ഞതിനെക്കുറിച്ചു വിശദമാക്കാൻ സ്പീക്കറുടെ അനുമതി തേടിയത്.അതിനിടെ കോൺഗ്രസ് പാർലമെന്ററി പാർട്ടിയുടെ അടിയന്തിര യോഗം വിളിച്ചിട്ടുണ്ട്. പ്രസിഡന്റ് സോണിയ ഗാന്ധിയാണു യോഗം വിളിച്ചിരിക്കുന്നത്. അധീർ രഞ്ജൻ ചൗധരി, മല്ലികാർജുൻ ഖാർഗെ തുടങ്ങിയ നേതാക്കളോട് ഹാജരാകണമെന്നും പ്രസിഡന്റ് നിർദേശിച്ചു.
Read Moreസഭയിൽ സംസാരിക്കാൻ അനുവദിക്കണം: അധീർ രഞ്ജൻ ചൗധരി
