ബിച്ചു തിരുമലയുടെ സംസ്‌കാരം വൈകിട്ട് നാലിന് തൈക്കാട് ശാന്തികവാടത്തിൽ

തിരുവനന്തപുരം: അന്തരിച്ച ഗാനരചയിതാവും കവിയുമായ ബിച്ചു തിരുമലയുടെ സംസ്‌കാരം ഇന്നു വൈകിട്ട് നാലിന് തൈക്കാട് ശാന്തികവാടത്തിൽ ഔദ്യോഗിക ബഹുമതികളോടെ നടക്കും. കോവിഡ് മാനദണ്ഡങ്ങൾ പാലിച്ചാകും ചടങ്ങ്. കവിയും പ്രശസ്ത ഗാനരചയിതാവുമായ ബിച്ചു തിരുമലയുടെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചിച്ചു. ചലച്ചിത്ര ഗാനകലയെ ആസ്വാദക പക്ഷത്തേക്ക് കൂടുതലായി അടുപ്പിക്കുകയും ജനകീയവൽക്കരിക്കുകയും ചെയ്ത ഗാന രചയിതാവാണ് ബിച്ചു തിരുമല. അസാധാരണമായ പദ സ്വാധീനം കൊണ്ടും സംഗീതാത്മകമായ ഭാഷാ പ്രയോഗം കൊണ്ടും അദ്ദേഹത്തിന്റെ ഗാനങ്ങൾ ആസ്വാദക മനസ്സിനോട് ചേർന്നു നിന്നു. സിനിമാ ഗാനങ്ങളും ഭക്തി ഗാനങ്ങളുമടക്കം അയ്യായിരത്തിലേറെ ഗാനങ്ങൾ അദ്ദേഹത്തിന്റേതായി വന്നു. എൺപതുകളിലും തൊണ്ണൂറുകളിലും കേരളത്തിൽ മുഴങ്ങിക്കേട്ട നിരവധി ഹിറ്റ് ഗാനങ്ങൾ ബിച്ചുവിന്റെ തൂലികയിൽ പിറന്നതായിരുന്നു. മലയാളത്തിലെ എണ്ണപ്പെട്ട ചലച്ചിത്ര ഗാനങ്ങൾക്ക് വരികൾ എഴുതിയതിലൂടെ ശ്രദ്ധേയനായിരുന്നു ബിച്ചു തിരുമലയെന്ന് മുഖ്യമന്ത്രി അനുസ്മരിച്ചു. സജി ചെറിയാ ൻ മലയാളികളുടെ പ്രിയപ്പെട്ട ഗാനരചയിതാവ്…

Read More

കെപിസിസി ജനറൽ സെക്രട്ടറിമാർക്കു ചുമതല നൽകി

തിരുവനന്തപുരം: കെപിസിസി പുനഃസംഘടനയുടെ ഭാ​ഗമായി ജനറൽ സെക്രട്ടറിമാർ‌ക്കു ചുമതല കൈമാറി. ടി.യു. രാധാകൃഷ്ണനാണ് സംഘടനാ ചുമതല. കെപിസിസി ഓഫീസ് ഭരണ നിർവഹണ ചുമതല ജി.എസ് ബാബുവിനെ ഏല്പിച്ചു. ഓരോ ജില്ലയുടെയും ചുമതല ഇനിപ്പറയുന്നവർക്ക്. എല്ലാവരും ഉടൻ ചുമതലയേൽക്കുമെന്നു കെപിസിസി പ്രസിഡന്റ് കെ. സുധാകരൻ എംപി അറിയിച്ചു.കെ.പി. ശ്രീകുമാർ തിരുവനന്തപുരംഅഡ്വ. പഴകുളം മധു കൊല്ലംഅഡ്വ.എം.എം. നസീർ പത്തനംതിട്ട‍ഡോ. പ്രതാപ വർമ തമ്പാൻ ആലപ്പുഴഎം.ജെ. ജോബ് കോട്ടയംഅഡ്വ. ജോസി സെബാസ്റ്റ്യൻ ഇടുക്കിഅഡ്വ.എസ്. അശോകൻ എറണാകുളംഅഡ്വ. കെ.ജയന്ത് തൃശൂർഅഡ്വ. ബി.എ. അബ്ദുൾ മുത്തലിബ് പാലക്കാട്അഡ്വ.പി.എ. സലീം മലപ്പുറംകെ.കെ. ഏബ്ര​ഹാം കോഴിക്കോട്അഡ്വ. പി.എം. നിയാസ് വയനാട്സി. ചന്ദ്രൻ കണ്ണൂർഅഡ്വ. സോമി സെബാസ്റ്റ്യൻ കാസർ​ഗോഡ്

Read More

പട്ടിണിക്കിട്ടു തല്ലിക്കൊലപ്പെടുത്തിയ മധുവിനു വീണ്ടും നീതി നിഷേധം

പാലക്കാട്: അട്ടപ്പാടി മധു വധക്കേസ് വിചാരണ വീണ്ടും മാറ്റി. ജനുവരി 25 ലേക്കാണ് കേസ് മാറ്റി വെച്ചത്. പ്രതികൾക്ക് ഡിജിറ്റൽ തെളിവുകൾ നൽകാൻ കൂടുതൽ സമയം അനുവദിച്ചു. മണ്ണാർക്കാട് പട്ടികജാതി പട്ടിക വർഗ പ്രത്യേക കോടതിയാണ് കേസ് പരിഗണിക്കുന്നത്. സെപ്റ്റംബറിലണ് കേസിന്റെ വിചാരണ തുടങ്ങാൻ ആദ്യം തീരുമാനിച്ചത്. അന്നത് നവംബർ 25 ലേക്ക് മാറ്റി. ഇന്നലെ കേസ് വീണ്ടും പരിഗണനയ്ക്ക് വന്നപ്പോൾ പ്രതികളുടെ ആവശ്യം പരിഗണിച്ച് വീണ്ടും രണ്ടു മാസത്തേക്ക് കൂടി നീട്ടിയത്. ജനുവരിയിൽ കേസ് പരിഗണിക്കുമ്പോൾ ഡിജിറ്റൽ രേഖകൾ ഉൾപ്പെടെയുള്ള തെളിവുകൾ കൈമാറാൻ കോടതി നിർദേശം നൽകി. അട്ടപ്പാടി മുക്കാലിയിൽ മോഷണക്കുറ്റം ആരോപിച്ച് 2018 ഫെബ്രുവരി 22ന് ആയിരുന്നു മധുവിനെ ആൾക്കൂട്ടം വിചാരണ ചെയ്തതും മർദ്ദിച്ച് കൊലപ്പെടുത്തിയതും. കേസിൽ അറസ്റ്റിലായ 16 പ്രതികൾക്കും ജാമ്യം ലഭിച്ചിരുന്നു.

Read More

മോഫിയയുടെ നീതിക്കായി കോൺഗ്രസ്‌ സമരം മൂന്നാം ദിവസത്തിലേക്ക് ; സർക്കാർ സമ്മർദ്ദത്തിൽ

കൊച്ചി : മോഫിയ പര്‍വീണിന്റെ ആത്മഹത്യക്കേസില്‍ ആരോപണ വിധേയനായ സിഐ സുധീര്‍ കുമാറിനെ സസ്പെന്റ് ചെയ്യും വരെ സമരം തുടരുമെന്ന് നിലപാടിലാണ് കോണ്‍ഗ്രസ്.നിലവിൽ മൂന്നാം കോൺഗ്രസ് സമരം തുടരുകയാണ്.ബെന്നി ബെഹന്നാന്‍ എംപിയും ആലുവ എംഎല്‍എ അന്‍വര്‍ സാദത്തും അങ്കമാലി എംഎല്‍എ റോജി എം ജോണുമാണ് സമരം നടത്തുന്നത്.ടി ജെ വിനോദ് എം എൽ എ,എൽദോസ് കുന്നപ്പിള്ളി എം എൽ എ,ഡിസിസി പ്രസിഡന്റ് മുഹമ്മദ് ഷിയാസ്, കെപിസിസി ഭാരവാഹികൾ, യൂത്ത് കോൺഗ്രസ് കെഎസ്‌യു നേതാക്കൾ ഉൾപ്പെടെ ഒട്ടേറെ പേർ സമരത്തിൽ സജീവമായി രംഗത്തുണ്ട്. നവംബര്‍ 23 ന് ബുധനാഴ്ചയാണ് ഭര്‍ത്താവിന്റെയും വീട്ടുകാരുടേയും പീഡനം സഹിക്കവയ്യാതെ എല്‍എല്‍ബി വിദ്യാര്‍ത്ഥിനിയായ മോഫിയ ആത്മഹത്യ ചെയ്തത്. സ്ത്രീധനം ആവശ്യപ്പെട്ട് ഭര്‍ത്താവ് പീഡിപ്പിക്കുന്നുവെന്ന് കാണിച്ച്‌ നേരത്തെ മോഫിയ പരാതി നല്‍കിയിരുന്നു. എന്നാല്‍ ആലുവ സിഐ, സി എല്‍ സുധീര്‍ ഭര്‍ത്താവ് സുഹൈലിനും വീട്ടുകാര്‍ക്കുമെതിരെ നടപടിയെടുക്കാതെ…

Read More

സിഐ സുധീർ മകളെ മാനസികരോ​ഗിയാക്കിയെന്ന് മോഫിയയുടെ അമ്മ

ആലുവ: സി ഐ സുധീറിനെതിരെ ഗുരുതര ആരോപണവുമായി മൊഫിയയുടെ അമ്മ പ്യാരിയെന്ന ഫാരിസ. സുധീർ മകളോട് മോശമായി സംസാരിച്ചുവെന്നും മനോരോഗിയല്ലേയെന്ന് വരെ ചോദിച്ചുവെന്നുമാണ് അമ്മ പറയുന്നത്. ഈ ചോദ്യം മകളെ മാനസികമായി തകർത്തുകളഞ്ഞുവെന്നാണ് അമ്മ പറയുന്നത്.മോഫിയ പർവീൺ മരിച്ച സംഭവത്തിൽ ആരോപണ വിധേയനായ സർക്കിൾ ഇൻസ്‌പെക്ടർ സർവീസിൽ തുടരുന്നത് രാഷ്ട്രീയ പിന്തുണയോടെയാണെന്ന് മോഫിയയുടെ അമ്മ ആരോപിച്ചു. ഡിവൈഎഫ്‌ഐ നേതാവിനേയും കൂട്ടിയാണ് മോഫിയയുടെ ഭർത്താവ് സുഹൈൽ സ്റ്റേഷനിൽ എത്തിയത്.സംഭവ ദിവസം സിഐയുടെ മുന്നിൽ വെച്ച് സുഹൈൽ മോഫിയയെ അപമാനിച്ചു, സ്ത്രീത്വത്തെ അപമാനിക്കുന്ന തരത്തിൽ സംസാരിച്ചിട്ടും സിഐ സുധീർ പ്രതികരിച്ചില്ല. ഒരു പെണ്ണും സഹിക്കാത്ത രീതിയിൽ സംസാരിച്ചത്കൊണ്ടാണ് മോഫിയ സുഹൈലിനെ അടിച്ചതെന്ന് അമ്മ പറയുന്നു. ഇതോടെ നീ മനോരോഗിയല്ലേ എന്ന് ചോദിച്ച് കൊണ്ട് സിഐ മോഫിയക്ക് നേരെ തിരിഞ്ഞു. സിഐയുടെ ഈ പ്രതികരണമാണ് മകളെ മാനസികമായി തകർത്ത് കളഞ്ഞതെന്നാണ് അമ്മ…

Read More

നിയമവിദ്യാർഥിനിയുടെ ആത്മഹത്യ: സിഐയെ വെള്ള പൂശി പൊലീസ് റിപ്പോർട്ട്

കൊച്ചി: മോഫിയ കേസിൽ പൊലീസിനെ വെള്ള പൂശുന്ന അന്വേഷണ റിപ്പോർട്ട്. സി.ഐ സുധീറിന് പിഴവ് സംഭവിച്ചിട്ടില്ലെന്നാണു പൊലീസിന്റെ തന്നെ അന്വേഷണ റിപ്പോർട്ടിൽ പറയുന്നത്. ഈ റിപ്പോർട്ടിന്റെ അടിസ്ഥാനത്തിൽ സുധീറിനെതിരേ കടുത്ത നടപടി ഉണ്ടാകില്ലെന്നാണ് ഉന്നതങ്ങളിൽ നിന്നു ലഭിക്കുന്ന വിവരം.ആലുവ ഡിവൈഎസ്പി പി.കെ. ശിവൻകുട്ടിക്കായിരുന്നു ഇതു സംബന്ധിച്ച അന്വേഷണ ചുമതല. അദ്ദേഹം അന്വേഷണ റിപ്പോർട്ട് മേഖലാ ഐജിക്കു സമർപ്പിച്ചു. മോഫിയ ആത്മഹത്യ ചെയ്ത കേസിൽ സി.ഐ സുധീറിന് പിഴവ് സംഭവിച്ചിട്ടില്ലെന്നാണ് അന്വേഷണ റിപ്പോർട്ടിലുള്ളത്.മോഫിയ സി.ഐയുടെ മുന്നിൽ വെച്ച് ഭർത്താവ് സുഹൈലിനെ അടിച്ചതിന് ശാസിക്കുക മാത്രമാണുണ്ടായതെന്ന് റിപ്പോർട്ടിൽ പറയുന്നു.എന്നാൽ മകളുടെ മരണത്തിന് ആലുവ ഈസ്റ്റ് സിഐ ആയിരുന്ന സുധീറിനു പങ്കുണ്ടെന്നാണ് മോഫിയയുടെ മാതാപിതാക്കൾ പറയുന്നത്. സുധീറിനെ സസ്പെൻഡ് ചെയ്ത് അന്വേഷിക്കണമെന്നാവശ്യപ്പെട്ട് കോൺ​ഗ്രസ് നേതാക്കൾ സമരത്തിലാണ്. അന്വേഷണ റിപ്പോർട്ട് ലഭിച്ച ശേഷം തുടർനടപടി സ്വീകരിക്കുമെന്ന് മേഖലാ ഐജി ബെന്നി ബഹനാൻ എംപിക്കും…

Read More

സി ഡബ്ല്യു സി റിപ്പോർട്ട് കോടതിക്ക് കൈമാറി

തിരുവനന്തപുരം: അമ്മയറിയാതെ കുഞ്ഞിനെ ദത്ത് നൽകിയ സംഭവത്തിൽ സിഡബ്ല്യുസി യുടെ റിപ്പോർട്ട് കോടതിക്ക് കൈമാറി. കുഞ്ഞിൻ്റെ മാതാപിതാക്കൾ അജിത്തും, അനുപമയുമാണെന്ന റിപ്പോർട്ടാണ് കുടുംബകോടതിയിൽ നൽകിയിരിക്കുന്നത്. കേസ് ഇന്നുതന്നെ പരിഗണിക്കണമെന്നും സർക്കാർ ആവശ്യപ്പെട്ടിട്ടുണ്ട്.കുഞ്ഞിൻ്റെ അമ്മയുടെ വികാരം പരിഗണിക്കണമെന്നാണ് ആവശ്യം. കോടതി തീരുമാനം ഇന്നു തന്നെ ഉണ്ടായേക്കുമെന്ന് സൂചന. അനുകൂലമായാൽ കുഞ്ഞിനെ ഏറെ വൈകാതെ മാതാപിതാക്കൾക്ക് കൈമാറുവാനും നടപടികളുണ്ടാകും. അനുപമയും പങ്കാളി അജിത്തും സമരപ്പന്തലിൽ തന്നെയാണുള്ളത്.

Read More

ബംഗ്ലാദേശ് യുദ്ധം ഇന്ത്യയെയും ഇന്ദിരയേയും പ്രശസ്തിയുടെ കൊടുമുടിയിൽ എത്തിച്ചു: കെ സുധാകരൻ എംപി

തിരുവനന്തപുരം: ഇന്ത്യ ഉജ്വല വിജയം നേടിയ 1971ലെ ബംഗ്ലാദേശ് യുദ്ധം ഇന്ത്യയേയും അന്നത്തെ പ്രധാനമന്ത്രി ഇന്ദിരാഗാന്ധിയേയും പ്രശസ്തിയുടെ കൊടുമുടിയിൽ എത്തിച്ചെന്ന് കെപിസിസി പ്രസിഡന്റ് കെ.സുധാകരൻ എംപി. ബംഗ്ലാദേശ് യുദ്ധ വിജയാഘോഷത്തിന്റെ 50-ാം വാർഷികത്തോട് അനുബന്ധിച്ച് കെപിസിസി സംഘടിപ്പിച്ച വിജയ് ഭാരത് എന്ന സെമിനാറിൽ സംസാരിക്കുകയായിരുന്നു അദ്ദേഹം. യുദ്ധത്തിൽ പങ്കെടുത്ത 71 ധീരജവാന്മാരെയും അവരുടെ കുടുംബാംഗങ്ങളെയും ആദരിക്കുകയും ബംഗ്ലാദേശ് യുദ്ധത്തെക്കുറിച്ച് കെപിസിസി തയാറാക്കിയ ഡോക്യുമെന്ററി പ്രദർശിപ്പിക്കുകയും ചെയ്ത വൈകാരിക അന്തരീക്ഷന്തത്തിലാണ് സെമിനാർ നടന്നത്. അമേരിക്കയുടെ ഏഴാം കപ്പൽപ്പട ഇന്ത്യൻ സമുദ്രാതിർത്തിയിലേക്ക് നീങ്ങിയപ്പോൾ അതിനെ നേരിട്ട ധീരവനിതയാണ് ഇന്ദിരാഗാന്ധി. പാക്കിസ്ഥാനെ പരാജയപ്പെടുത്തി ഇന്ത്യനതിർത്തികൾ സംരക്ഷിക്കുകയും ബംഗ്ലാദേശിനെ സ്വതന്ത്രമാക്കുകയും ചെയ്ത ഇന്ദിരാഗാന്ധിയെ ബിജെപി നേതാവ് അടൽ ബിഹാരി വാജ്‌പേയ് ദുർഗ്ഗാദേവിയെന്നാണ് വിശേഷിപ്പിച്ചത്. ഇന്ദിരാഗാന്ധിയെന്ന ഭരണതന്ത്രജ്ഞയുടെ ഏറ്റവും ദീർഘവീക്ഷണമുള്ള നടപടിയായിരുന്നു ബംഗ്ലാദേശ് വിമോചനം. ബംഗ്ലാദേശിൽ നിന്നുള്ള അഭയാർത്ഥി പ്രവാഹവും പടിഞ്ഞാറൻ പാക്കിസ്ഥാനിൽ നിന്നുള്ള…

Read More

സിപിഎമ്മിനു വലതുപക്ഷ വ്യതിയാനം സംഭവിക്കുന്നു: സതീശൻ

തിരുവനന്തപുരം: അനുപമയുടെ കുഞ്ഞിനെ നിയമവിരുദ്ധമായി തട്ടിക്കൊണ്ടുപോയി ദത്തു നൽകിയ ശിശുക്ഷേമ സമിതിയിലും സി.ഡബ്ല്യു.സിയിലും പ്രവർത്തിക്കുന്നവർക്കെതിരെ എന്തു നടപടിയെടുത്തെന്ന് സംസ്ഥാന സർക്കാർ വ്യക്തമാക്കണമെന്നു പ്രതിപക്ഷ നേതാവ് വി.ഡി. സതീശൻ. ഈ ക്രൂരതക്കും നിയമ വരുദ്ധ പ്രവർത്തനത്തിനും നേതൃത്വം നൽകിയവരും കൂട്ടുനിന്നവരും മാത്രമല്ല നിയമവിരുദ്ധ പ്രവർത്തനങ്ങൾക്ക് സർക്കാർ ഏജൻസികളെ സമീപിച്ചവരും ശിക്ഷിക്കപ്പെടണമെന്ന് അദ്ദേഹം മാധ്യമങ്ങളോടു പറഞ്ഞു.ഏതു കുഞ്ഞിനെയും വിൽപനയ്ക്കു വയ്ക്കാമെന്നാണ് ഈ സംഭവത്തിലൂടെ തെളിഞ്ഞിരിക്കുന്നത്. കുഞ്ഞിനെ ദത്തെടുത്ത ആന്ധ്രയിലെ ദമ്പതികൾക്കും വിഷമം ഉണ്ടാക്കിക്കൊണ്ടാണ് ഈ വിഷയം ഇപ്പോൾ അവസാനിച്ചിരിക്കുന്നത്. സി.ഡബ്ല്യു.സിയിലും ശിശുക്ഷേമസമിതിയിലും നടക്കുന്ന കാര്യങ്ങൾ അന്വേഷിക്കണം. എല്ലാം പാർട്ടി മാത്രം അന്വേഷിച്ചാൽ പോര. ദൂരൂഹത നിറഞ്ഞ സാഹചര്യം എന്തുകൊണ്ടാണ് ഉണ്ടായതെന്ന് അന്വേഷിക്കണം.മുഖ്യമന്ത്രിക്കും മന്ത്രിമാർക്കും പാർട്ടി നേതാക്കൾക്കും ഇതേക്കുറിച്ച് നേരത്തെ അറിയാമായിരുന്നു. മാധ്യമങ്ങൾ വിവാദമാക്കിയപ്പോൾ മാത്രമാണ് പ്രതികരിക്കാൻ തയാറായത്. പാർട്ടി ജില്ലാ കമ്മിറ്റി ചേർന്ന് കുഞ്ഞിനെ വിട്ടുകൊടുക്കാൻ തീരുമാനിച്ചെന്നാണ് ജില്ലാ സെക്രട്ടറി…

Read More

കേരളത്തിലെ എൽജെഡി പിളർപ്പിലേക്ക്, വിമതരെ പുറത്താക്കും

കൊച്ചി: ഇടതുമുന്നണിയിലെ ചെറുകക്ഷികളെല്ലാം ആശയക്കുഴപ്പത്തിലും അന്തഃഛിദ്രങ്ങളിലേക്കും. പല പാർട്ടികളിലും ആശയ സംഘട്ടനം പിളർപ്പിന്റെ വക്കിലെത്തിച്ചു. ഘടക കക്ഷിയായ എൽജെഡി പിളർപ്പിലേക്ക്. ശ്രേയംസ് കുമറിനെ പിന്തുണയ്ക്കുന്നവരും വിമതരും തമ്മിലുള്ള തർക്കം രൂക്ഷമാണ്. ശ്രേയംസം കുമാറിനെതിരേ വാളെടുത്ത വിമതർ പുറത്തേക്കെന്നാണു റിപ്പോർട്ട്. കഴിഞ്ഞ ദിവസം തിരുവനന്തപുരത്ത് വിമത യോ​ഗം വിളിച്ചു ചേർത്ത ഒൻപത് നേതാക്കൾക്കെതിരേ പാർട്ടി നേതൃത്വം നോട്ടീസ് നൽകി. ഷേക്ക് പി ഹാരിസ്, സുരേന്ദ്രൻ പിള്ള എന്നിവരടക്കുള്ള നേതാക്കൾക്കാണു നോട്ടീസ് നൽകിയിരിക്കുന്നത്.അനുനയ നീക്കങ്ങൾപാളിയതോടെ വിമതരെ പുറത്താക്കാനൊരുങ്ങി എൽ.ജെ.ഡി . ഇതിനു ദേശീയ നേതൃത്വത്തിന്റെ അനുമതി കാത്തിരിക്കുകയാണ് ശ്രേയംസ് കുമാർ. രണ്ടു ദിവസത്തിനുള്ളിൽ വിമതരെ പൂറത്താക്കുമെന്ന് ശ്രേയംസ് കുമാറിനെ അനുകൂലിക്കുന്നവർ പറയുന്നു. ഇതോടെ ഇടുതമുന്നണിയിലെ ചെറുകക്ഷികളെല്ലാം പിളർപ്പിന്റെ വക്കിലായി.ഐഎൻഎൽ സംസ്ഥാന നേതൃത്വത്തിൽ കൈയാങ്കളിയിലാണ് കാര്യങ്ങൾ എത്തിനിൽക്കുന്നത്. മുസ്ലിംകളിലെ ചില ആധ്യാത്മിക നേതാക്കളുടെ ഇടപെടലിനെത്തുടർന്നാണ് ഇരുകൂട്ടരും കൈവയ്ക്കാത്തത്. അധികാരത്തിന്റെ തണൽ പറ്റിയുള്ള…

Read More