ലക്ഷ്യം കണ്ടു, കോൺ​ഗ്രസ് സമരം അവസാനിപ്പിച്ചു

എറണാകുളം: ആലുവയിൽ ആത്മഹത്യ ചെയ്ത നിയമവിദ്യാർഥിനിയുടെ ആത്മഹത്യക്കു കാരണക്കാരായ പൊലീസ് ഉദ്യോ​ഗസ്ഥനെ സസ്പെൻഡ് ചെയ്യണമെന്നാവശ്യപ്പെട്ട് ഇന്ത്യൻ നാഷണൽ കോൺ​ഗ്രസ് നടത്തി വന്ന പ്രക്ഷോഭം അവസാനിപ്പിച്ചതായി ബെന്നി ബഹനാൻ എംപി, അൻവർ സാദത്ത് എംഎൽഎ എന്നിവർ അറിയിച്ചു. ആലുവ ഈസ്റ്റ് സിഐ ആയിരുന്ന സുധീറിനെ സർവീസിൽ നിന്ന് സസ്പെൻഡ് ചെയ്തുകൊണ്ടുള്ള ഉത്തരവ് ഇറങ്ങിയ സാഹചര്യത്തിലാണ് നടപടി. മൂന്നു ദിവസമായി ആലുവ ഈസ്റ്റ് പൊലീസ് സ്റ്റേഷനു മുന്നിലായിരുന്നു സമരം. സംസ്ഥാന വ്യാപകമായി കെഎസ‌യുവും ഇന്ന് സമരം തുടങ്ങിയിരുന്നു.ആലുവയിൽ ആത്മഹത്യ ചെയ്ത മോഫിയ പാർവീണിന്റെ മാതാപിതാക്കളുമായി മുഖ്യമന്ത്രി ഇന്നു രാവിലെ ഫോണിൽ സംസാരിച്ചിരുന്നു. ആലുവ ഈസ്റ്റ് പൊലീസ് സ്റ്റേഷനിൽ ബെന്നി ബഹനാൻ, അൻവർ സാദത്ത്, റോജി എം. ജോൺ എന്നീ ജനപ്രതിനിധികളുടെ നേതൃത്വത്തിൽ നടന്നുവന്ന പ്രക്ഷോഭത്തിൽ മോഫിയയുടെ മാതാപിതാക്കൾ പങ്കെടുത്തതിനെത്തുടർന്ന് ഇന്നു രാവിലെ മന്ത്രി പി. രാജീവ് ഇവരുടെ വീട് സന്ദർശിച്ചിരുന്നു.…

Read More

11 ജില്ലകളിൽ യെലോ അലർട്ട്, മുല്ലപ്പെരിയാർ 2 ഷട്ടറുകൾ തുറന്നു, തിരുവനന്തപുരം ജില്ലയ്ക്ക് അവധി

കൊച്ചി: ബം​ഗാൾ ഉൽക്കടലിൽ വീണ്ടും ചക്രവാതച്ചുഴി. കേരളത്തിലടക്കം തിങ്കളാഴ്ച വരെ മഴയ്ക്കു സാധ്യതയെന്നു കാലാവസ്ഥാ മുന്നറിയിപ്പ്. തമിഴ്നാട്, ആന്ധ്ര, തെലങ്കാന മേഖലയിൽ ഇന്നും മഴ ശക്തമാകും. കേരളത്തിൽ 11 ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചു. തിരുവനന്തപുരം, കൊല്ലം, ആലപ്പുഴ, പത്തനംതിട്ട, കോട്ടയം,ഇടുക്കി, എറണാകുളം, തൃശൂർ, പാലക്കാട്, മലപ്പുറം. വയനാട് ജില്ലകളിലാണ് മഴ മുന്നറിയിപ്പ്. ശ്രീലങ്കൻ തീരത്തെ ചക്രവാതച്ചുഴിയുടെ സ്വാധീനത്തിൽ കിഴക്കൻ കാറ്റ് ശക്തമായതിനാൽ കേരളത്തിൽ ഒറ്റപ്പെട്ട ശക്തമായ മഴ തുടരും.മഴ തുടരുന്ന സാഹചര്യത്തിൽ പ്രൊഫഷണൽ കോളജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്ക് തിരുവനന്തപുരം ജില്ലാ കളക്ടർ ഇന്ന് (നവംബർ-26) അവധി പ്രഖ്യാപിച്ചു.ഇടുക്കി ജില്ലയിൽ മഴ ശക്തമായി തുടരുന്നു. ഇടുക്കി അണക്കെട്ടിലെ ജലനിരപ്പ് 2400.56 അടിയായി ഉയർന്നു. 2401 അടിയിലാണ് ഓറഞ്ച് അലർട്ട് പ്രഖ്യാപിക്കേണ്ടത്. ജലനിരപ്പ് ഉയർന്നതിനെ തുടർന്ന് നെടുങ്കണ്ടം കല്ലാർ അണക്കെട്ട് തുറക്കാൻ ജില്ലാ കളക്ടറുടെ അനുമതി…

Read More

ബസ് ചാര്‍ജ് വര്‍ധന : വിദ്യാര്‍ഥി സംഘടനകളുമായി ഡിസംബര്‍ 2-ന് ചര്‍ച്ച

തിരുവനന്തപുരം: ബസ് ചാര്‍ജ് വര്‍ധനയുമായി ബന്ധപ്പെട്ട് വിദ്യാര്‍ഥി സംഘടനാ പ്രതിനിധികളുമായി ഗതാഗത മന്ത്രി ആന്റണി രാജുവും പൊതുവിദ്യാഭ്യാസ തൊഴില്‍ മന്ത്രി വി. ശിവന്‍കുട്ടിയും ഡിസംബർ 2 ന് നടത്തും. വൈകുന്നേരം 4 മണിക്ക് സെക്രട്ടേറിയറ്റ് അനക്സിലെ ലയം ഹാളില്‍ വച്ചാണു ചര്‍ച്ച.

Read More

സമൂഹമാധ്യമത്തിലൂടെ ന​ഗ്നതാ പ്രദർശനം: കെഎസ്ആർടിസി ഡ്രൈവർക്കു സസ്പെൻഷൻ

തിരുവനന്തപുരം: വനിതാജീവനക്കാരടങ്ങുന്ന സമൂഹമാധ്യമഗ്രൂപ്പിലൂടെ സ്വയം ന​ഗ്നത പ്രദർശിപ്പിച്ച കെഎസ്‌ആർടിസി ഡ്രൈവർക്ക് സസ്പെൻഷൻ. കെഎസ്‌ആർടിസി ആറ്റിങ്ങൽ ഡിപ്പോയിലെ ഡ്രൈവർ എം.സാബുവിനെയാണ് അന്വേഷണവിധേയമായി സസ്‌പെൻഡ് ചെയ്തത്.സാബു വീട്ടിൽവെച്ച്‌ അടിവസ്ത്രം ധരിക്കുന്നത് മൊബൈൽ ഫോണിൽ ചിത്രീകരിച്ച വീഡിയോ ദൃശ്യങ്ങൾ 35 വനിതാജീവനക്കാരടങ്ങുന്ന അംഗീകൃത സംഘടനയുടെ വാട്സാപ് ഗ്രൂപ്പിൽ പ്രദർശിപ്പിച്ചതായി പരാതി ഉയർന്നിരുന്നു. ഇതിന്റെ അടിസ്ഥാനത്തിൽ നെടുമങ്ങാട് ഇൻസ്‌പെക്ടർ ബി.ഗിരീഷ് സംഭവം അന്വേഷിച്ച്‌ റിപ്പോർട്ട് സമർപ്പിച്ചു. ഇത് പ്രകാരമാണ് നടപടി സ്വീകരിച്ചത്. പല ജീവനക്കാരുടെയും മക്കൾ ഓൺലൈൻ ക്ലാസുകൾക്കുപയോഗിക്കുന്ന ഫോണിൽ ദൃശ്യങ്ങൾ പ്രചരിച്ചത് കുടുംബങ്ങളിൽ അവമതിപ്പുണ്ടാകുന്നതിനിടയാക്കിയെന്ന് അന്വേഷണത്തിൽ കണ്ടെത്തി. ഡ്രൈവറുടെ പ്രവൃത്തി അച്ചടക്കലംഘനവും ഗുരുതരമായ സ്വഭാവദൂഷ്യവുമാണെന്ന് ഗവ. അഡീഷണൽ സെക്രട്ടറി മുഹമ്മദ് അൻസാരിയുടെ ഉത്തരവിൽ ചൂണ്ടിക്കാട്ടി. ഇയാൾ വർക്കിങ് അറേഞ്ച്മെന്റ് വ്യവസ്ഥയിൽ തിരുവനന്തപുരം സെൻട്രൽ ഡിപ്പോയിൽ ജോലിചെയ്യുകയാണ്.

Read More

7579 പേർക്ക് കോവിഡ്, വാക്സിനെടുക്കാതെ കേരളത്തിൽ 14.18 ലക്ഷം പേർ

ന്യൂഡൽഹി; രാജ്യത്ത് പുതുതായി 7,579 പേർക്കു കൂടി കോവിഡ് സ്ഥിരീകരിച്ചു. കഴിഞ്ഞ 24 മണിക്കൂറുകൾക്കുള്ളിൽ 12,202 പേർ രോ​ഗമുക്തി നേടിയെന്നും ആരോ​ഗ്യ മന്ത്രാലയം. 236 പേർ മരിച്ചു. പതിവു പോലെ എല്ലാ കണക്കിലും കേരളമാണു മുന്നിൽ. കഴിഞ്ഞ ദിവസത്തെ കണക്കുപ്രകാരം 3,698 പേർക്കാണ് ഇവിടെ രോ​ഗം പിടിപെട്ടത്. 7,515 പേർ രോ​ഗമുക്തി നേടി. 543 ദിവസത്തെ കുറഞ്ഞ രോ​ഗവ്യാപനമാണ് രാജ്യത്ത് ഇന്നലെ രേഖപ്പെടുത്തിയത്. 117.63 കോടി ആളുകൾക്ക് ഇതുവരെ വാക്സിൻ നൽകി. കേരളത്തിൽ രണ്ടാമത്തെ ഡോസ് വാക്സിൻ സ്വീകരിക്കാത്ത 14.18 ലക്ഷം ആളുകളുണ്ടെന്നും ആരോ​ഗ്യമന്ത്രാലയത്തിന്റെ റിപ്പോർട്ട്. ഇവരെ കണ്ടെത്തി വാക്സിൻ വിതരണം പൂർണമാക്കാനുള്ള നെട്ടോട്ടത്തിലാണ് ആരോ​ഗ്യ വകുപ്പ് അധികൃതർ.

Read More

ലോറിക്കു തീപിടിച്ചു, ലക്ഷങ്ങളുടെ നഷ്ടം

കണ്ണൂർ: ഫാൻസി ഉത്പന്നങ്ങൾ കയറ്റിവന്ന ലോറിക്ക് തീപിടിച്ചു ലക്ഷങ്ങളുടെ നഷ്ടം. കണ്ണോത്തുംചാലിൽ ഇന്ന് പുലർച്ചെ 2.30തോടെയാണ് അപകടം. കോഴിക്കോട് നിന്ന് കണ്ണൂരിലേക്ക് ഫാൻസി സാധനങ്ങൾ കയറ്റിവരികയായിരുന്ന കർണാടക രജിസ്ട്രേഷൻ ലോറിക്കാണ് തീപിടിച്ചത്. ആളപായമില്ല. ഓടികൊണ്ടിരുന്ന വണ്ടിയുടെ മുൻഭാഗത്ത് നിന്ന് തീ പടരുകയായിരുന്നു. ലോറിയിലെ സാധനങ്ങളെല്ലാം കത്തി നശിച്ചു. കണ്ണൂരിൽ നിന്നുള്ള അഗ്നിരക്ഷാസേനയും പോലീസുമെത്തിയാണ് തീയണച്ചത്. കണ്ണോത്തുംചാൽ വളവിൽ നാഷണൽ ഫർണിച്ചർ, ടി.വി.സ്റ്റാൻറ് ഹൗസ് എന്നീ കടകളുടെ മുന്പിൽവെച്ചാണ് അപകടമുണ്ടായത്. എന്നാൽ കടകൾക്ക് നാശമുണ്ടായില്ല.അപകട സ്ഥലത്തിന് അടുത്ത് ട്രാൻസ്ഫോമറും സ്ഥിതിചെയ്തിരുന്നു. തലനാരിഴയ്ക്കാണ് വലിയൊരു അപകടം ഒഴിവായതെന്ന് പോലീസ് ഉദ്യോഗസ്ഥർ പറഞ്ഞു.സംഭവത്തെ തുടർന്ന് റോഡിൽ ഗതാഗതം തടസപെട്ടു. ലോറിയിലുണ്ടായ ചൈനീസ് പടക്കങ്ങൾ പൊട്ടിയതാണ് അപകടത്തിന് കാരണമെന്നു ലോറി ഡ്രൈവർ മലപ്പുറം സ്വദേശി കരീം പൊലീസിനോടു പറഞ്ഞു.

Read More

ദത്ത് നൽകിയ കുഞ്ഞിനെ ഏറ്റെടുത്ത് ഉദ്യോഗസ്ഥർ നാട്ടിലേക്ക്

വിജയവാഡ: അമ്മയറിയാതെ കുഞ്ഞിനെ ദത്ത് നൽകിയ സംഭവത്തിൽ അനുപമയുടെ കുഞ്ഞിനെ കേരളത്തിൽ നിന്നുള്ള ഉദ്യോഗസ്ഥർ ഏറ്റുവാങ്ങി. കുഞ്ഞിനെ കുഞ്ഞിനെ ഇന്നു കേരളത്തിലെത്തിക്കും. തിരുവനന്തപുരത്ത് എത്തിയാൽ ജില്ലാ ചൈൽഡ് പ്രൊട്ടക്ഷൻ ഓഫീസർക്കാണ് സംരക്ഷണ ചുമതല. വൈകാതെ തന്നെ അനുപമയുടെയും അജിത്തിൻറെയും കു‍ഞ്ഞിൻറെയും ഡിഎൻഎ പരിശോധനയ്ക്കായി സാമ്പിൾ ശേഖരിക്കും. രണ്ട് ദിവസത്തിനകം ഡിഎൻഎ പരിശോധന നടത്തുന്ന രാജീവ് ഗാന്ധി ഇൻസ്റ്റിറ്റ്യൂട്ട് ഫോർ ബയോടെക്നോളജിയിൽ ഫലം വരും. ഫലം പോസിറ്റീവായാൽ ചൈൽഡ് വെൽഫയർ കമ്മിറ്റി കുഞ്ഞിനെ അനുപമയ്ക്കു വിട്ടുകൊടുക്കുന്ന നടപടിയിലേക്ക് കടക്കും. അഞ്ച് ദിവസത്തിനകം കുഞ്ഞിനെ കേരളത്തിലെത്തിക്കാൻ ചൈൽഡ് വെൽഫെയർ കമ്മിറ്റി വ്യാഴാഴ്ച ഉത്തരവിട്ടിരുന്നു. തിരുവനന്തപുരം ക്രൈംബ്രാഞ്ച് ഡിവൈഎസ്പിക്കാണ് സംരക്ഷണ ചുമതല. ആന്ധ്രാ പൊലീസും കേരളത്തിൽ നിന്നുള്ള ഉദ്യോഗസ്ഥർക്ക് സുരക്ഷ നൽകും. അതേ സമയം, ലൈ​സ​ൻ​സി​ല്ലാ​ത്ത ശി​ശു​ക്ഷേ​മ സ​മി​തി ദത്ത് ന​ട​ത്തി​യ​ത് കു​ട്ടി​ക്ക​ട​ത്താ​ണെ​ന്ന് അ​നു​പ​മ ആരോപിച്ചു. സ​ർ​ക്കാ​ർ സം​വി​ധാ​നം മ​റ​യാ​ക്കി ത​ൻറെ…

Read More

ബം​ഗാൾ ഉൾക്കടലിൽ തീവ്ര ന്യൂനമർദം, നാളെ തീരം തൊടും, കേരളത്തിലും ശക്തമായ മഴ

ചെന്നൈ: ബംഗാൾ ഉൾക്കടലിലെ ശക്തി കൂടിയ ന്യൂനമർദ്ദം തീവ്ര ന്യൂന മർദ്ദം ആയി മാറിയതോടെ തമിഴ്നാട്ടിലും ആന്ധ്രാപ്രദേശിലും കനത്തമഴ. പോണ്ടിച്ചേരിയിൽ പൊചു അവധി പ്രഖ്യാപിച്ചു. തീവ്ര ന്യൂനമർദ്ദംപടിഞ്ഞാറ് വടക്കു-പടിഞ്ഞാറ് ദിശയിൽ സഞ്ചരിച്ചു ചെന്നൈക്ക് സമീപം വടക്കൻ തമിഴ്നാട് – തെക്കു ആന്ധ്രാ പ്രദേശ് തീരത്തു നാളെ രാവിലെ കരയിൽ പ്രവേശിക്കാനാണ് സാധ്യതയെന്നാണ് കാലാവസ്ഥാ നിരീക്ഷണകേന്ദ്രം പ്രവചിക്കുന്നത്. കേരളത്തിൽ അടുത്ത 2 ദിവസം കൂടി ഒറ്റപ്പെട്ട ശക്തമായ മഴ തുടരാനാണ് സാധ്യത. ബംഗാൾ ഉൾക്കടൽ ന്യൂനമർദ്ദം തീരത്തോട്ട് അടുക്കുന്നത് കണക്കിലെടുത്താണ് മുന്നറിയിപ്പ്. ഒറ്റപ്പെട്ട ശക്തമായ മഴയ്ക്ക് സാധ്യത. മലയോര മേഖലകളിൽ കൂടുതൽ മഴ കിട്ടും. തിരുവനന്തപുരവും കൊല്ലവും ഒഴികെ സംസ്ഥാനത്തെ പത്ത് ജില്ലകളിലും ഇന്നും നാളെയും യെല്ലോ അലർട്ടാണ്. ആന്ധ്രയുടെ തീരമേഖലയിൽ വീണ്ടും മഴ കനത്തു. നെല്ലൂർ, ചിറ്റൂർ, കഡപ്പ അടക്കമുള്ള ജില്ലകളിൽ ജാഗ്രതാ നിർദേശം നൽകി. ചിറ്റൂരിൽ…

Read More

10,197 പേർക്കു കൂടി കോവിഡ്, ആക്റ്റിവ് കേസുകളുടെ എണ്ണം 527 ദിവസത്തെ കുറഞ്ഞ നിരക്കിൽ

ന്യൂഡൽഹി: രാജ്യത്ത് 10,197 പേർക്കു കൂടി കോവിഡ് 19 സ്ഥിരീകരിച്ചു. കഴിഞ്ഞ 24 മണിക്കൂറുകൾക്കുള്ളിൽ 301 പേർ കോവിഡ് മൂലം മരിച്ചെന്ന് ആരോ​ഗ്യ മന്ത്രാലയത്തിന്റെ ബുള്ളറ്റിൻ. 12,134 പേർ രോ​ഗമുക്തി നേടി. 0.82 ശതമാനമാണ് പ്രതിദിന രോ​ഗവ്യാപന നിരക്ക്. ഇത് കഴിഞ്ഞ 44 ദിവസമായി രണ്ടു ശതമാനത്തിൽ കുറവാണ് രേഖപ്പെടുത്തുന്നത്. പ്രതിവാര വ്യാപന നിരക്കും ശരാശരി ഒരു ശതമാനത്തിൽ താഴെയാണ്. നിലവിൽ 0.96 ശതമാനം. രാജ്യത്തെമ്പാടുമായി നിലനിൽക്കുന്ന ആക്റ്റിവ് കേസുകളുടെ എണ്ണം 1,28,555. കഴിഞ്ഞ 527 ദിവസത്തെ കുറഞ്ഞ നിരക്ക്.

Read More

ലഖിംപൂരിൽ ജുഡീഷ്യൽ അന്വേഷണം: സുപ്രീം കോടതി ഉത്തരവ് ഇന്ന്

ന്യൂഡൽഹി: ലഖിംപൂർ ഖേരി കേസിലെ അന്വേഷണ മേൽനോട്ടത്തിന് റിട്ട. ഹൈക്കോടതിജഡ്ജിയെ സുപ്രീം കോടതി ഇന്നു ചുമതലപ്പെടുത്തും. ഇതു സംബന്ധിച്ച് സുപ്രീംകോടതി ഇന്ന് ഉത്തരവിറക്കും. യു.പി. സർക്കാർ നടത്തുന്ന അന്വേഷണത്തിൽ പുരോഗതിയില്ലാത്ത സാഹചര്യത്തിലാണ് മേൽനോട്ടത്തിന് റിട്ട. ഹൈക്കോടതി ജഡ്ജിയെ നിയമിക്കാൻ സുപ്രീംകോടതി തീരുമാനിച്ചത്. പ്രതീക്ഷിച്ച രീതിയിലല്ല യു പി സർക്കാരിൻറെ അന്വേഷണമെന്ന് കോടതി വ്യക്തമാക്കിരുന്നു.പഞ്ചാബ് ഹരിയാന ഹൈക്കോടതിയിലെ വിരമിച്ച ജഡ്ജിയെയാണ് പരിഗണിക്കുന്നത് എന്ന സൂചന സുപ്രീംകോടതി നൽകിയിരുന്നു. ലഖിംപുർ ഖേരിയിൽ നടന്ന സംഘർഷത്തിൽ നാലു കർഷകർ ഉൾപ്പടെ എട്ടു പേരാണ് മരിച്ചത്. പ്രതിഷേധിച്ച കർഷകർക്കിടയിലേക്ക് കേന്ദ്രമന്ത്രി അജയ് കുമാർ മിശ്രയുടെ മകൻ ആശിശ് കുമാർ മിശ്ര വാഹനം ഓടിച്ച് കയറ്റിയെന്നാണ് കർഷകസംഘടനകളുടെ ആരോപണം. നാലു പേരെ സമരക്കാർ മർദ്ദിച്ചു കൊലപ്പെടുത്തിയതെന്ന് ബിജെപിയും ആരോപിച്ചിരുന്നു

Read More