ആലപ്പുഴ: ചെങ്ങന്നൂരില്‍ നടക്കുന്ന ദേശീയ സരസ് മേളയ്ക്ക് കുടുംബശ്രീ അംഗങ്ങളില്‍ നിന്നും വ്യാപക പണപ്പിരിവെന്ന് പരാതി. കുടുംബശ്രീ അംഗങ്ങളില്‍ നിന്നു മാത്രം മൂന്നു കോടിയലധികം രൂപയാണ് സരസ് മേളയ്ക്കായി പിരിച്ചെടുക്കുന്നത്. കുടുംബശ്രീയിലെ എല്ലാ അംഗങ്ങളും 100 രൂപയുടെ കൂപ്പണ്‍ നിര്‍ബന്ധിതമായും എടുക്കണമെന്നാണ് സിസിഡിഎസ് ചെയര്‍പേഴ്സണ്‍ അംഗങ്ങള്‍ക്ക് നല്‍കുന്ന നിര്‍ദ്ദേശം. വാട്സ്ആപ്പ് ഗ്രൂപ്പ് വഴിയാണ് ശബ്ദ സന്ദേശം നല്‍കിയിരിക്കുന്നത്. കൂപ്പണ്‍ എടുക്കാത്ത കുടുംബശ്രീ അംഗങ്ങളില്‍ നിന്നും 100 രൂപ ഫൈന്‍ ഈടാക്കുമെന്നും കുടുംബശ്രീ അംഗങ്ങള്‍ക്ക് അയച്ച ശബ്ദ സന്ദേശത്തില്‍ ചെട്ടികുളങ്ങര സിസിഡിഎസ് ചെയര്‍പേഴ്സണ്‍ സലൂജ പറയുന്നു. എല്ലാ വാര്‍ഡുകളില്‍ നിന്നും കൂപ്പണ്‍ വിതരണവുമായി ബന്ധപ്പെട്ട് നിരവധി തടസ്സങ്ങള്‍ അംഗങ്ങള്‍ ഉന്നയിക്കുന്നുണ്ടെങ്കിലും, ജില്ലാ മിഷന്റെ കര്‍ശന നിര്‍ദ്ദേശം ഉള്ളതിനാല്‍ കൂപ്പണ്‍ എല്ലാവരും എടുക്കണമെന്നും സന്ദേശത്തില്‍ പറയുന്നുണ്ട്. മാത്രമല്ല, മേളയോടനുബന്ധിച്ച് ശനിയാഴ്ച നടന്ന വിളംബര ജാഥയില്‍ പങ്കെടുക്കാത്ത കുടുംബശ്രീ അംഗങ്ങള്‍ 250രൂപ ഫൈന്‍ അടയ്ക്കണമെന്നും അല്ലാത്തപക്ഷം നിക്ഷേപത്തില്‍ നിന്ന് ഈ തുക ഈടാക്കുമെന്നും പറയുന്നു. ഏകദേശം മൂന്നു ലക്ഷത്തിലധികം കുടുംബശ്രീ അംഗങ്ങളില്‍ നിന്നാണ് പണപ്പിരിവ് നടത്തുന്നത്. ഒരു വാര്‍ഡില്‍ 25നു മകളില്‍ കുടുബശ്രീ യൂണിറ്റുകളാണുള്ളത്. അഞ്ച് കോടിയലിധകം ചിലവ് വരുന്ന സരസ് മേളയ്ക്കായാണ് ഈ പണപ്പിരിവ്. സരസ് മേളയുടെ ചിലവ് കണ്ടെത്താനായി സാധാരണക്കാരെ ഭീഷണിപ്പെടുത്തി പണപ്പിരിവ് നടത്തുന്നതിനെതിരെ വലിയ പ്രതിഷേധമാണ് ഉയരുന്നത്.

സര്‍ക്കാരിന്റെ പാര്‍ട്ടി സമ്മേളനങ്ങള്‍ക്കുള്‍പ്പടെ കുടുംബശ്രീ അംഗങ്ങളെ പങ്കെടുപ്പിച്ച് എണ്ണം കൂട്ടുന്നതിനെതിരെ നിരവധി പ്രതിഷേധങ്ങള്‍ മുമ്പും ഉണ്ടായിട്ടുണ്ട്. ആലപ്പുഴയില്‍ നവകേരള സദസില്‍ പങ്കെടുക്കാത്ത കുടുംബശ്രീ അംഗങ്ങളില്‍ നിന്നും ഫൈന്‍ വാങ്ങിയത് നിരവധി പ്രതിഷേധങ്ങള്‍ക്ക് കാരണമായി. കുടുംബ ശ്രീയില്‍ നിന്നും മാസം തോറും 10 രൂപ മാസവരിയായും ഓരോ അംഗത്തിന്റെ പക്കല്‍ നിന്നും 5 രൂപ വീതം സ്നേഹനിധിയിലേയ്ക്കും ഒരു നിശ്ചിത തുക അടയ്ക്കുന്നുണ്ട്. എന്നാല്‍ ഇതിനു പുറമേ ചികിത്സാ സഹായത്തിനായും കുടുംബശ്രീ പണപ്പിരിവ് നടത്തുന്നുണ്ട്. അംഗങ്ങള്‍ ഇത്തരം കാര്യങ്ങളില്‍ എതിര്‍പ്പ് പ്രകടിപ്പിച്ചാല്‍, യാതൊരു ഈഡും നല്‍കാതെ അംഗീകൃത ബാങ്കുകളില്‍ നിന്നും സബ്സിഡിയില്‍ ലോണ്‍ ലഭികുന്നില്ലേ എന്ന മറു ചോദ്യമാണ് തിരഞ്ഞെടുക്കപ്പെട്ട എഡിഎസ്, സിഡിഎസ് അംഗങ്ങള്‍ ചോദിക്കുന്നത്. അതിനാല്‍ എതിര്‍പ്പുകള്‍ നിലനില്‍ക്കുമ്പോഴും സാധാരണക്കാരായ കുടുംബശ്രീ പ്രവര്‍ത്തകര്‍ പണം സ്വരൂപിച്ച് അതത് എഡിഎസില്‍ ഏല്‍പ്പിക്കും. ഈ മാസം 20 മുതല്‍ 31 വരെയാണ് സരസ് മേള നടക്കുന്നത്.

Advertisement

inner ad

സിനിമ നടനായും വ്യക്തിയായും തന്റെ ഭാഗത്ത് നിന്നും വന്ന എല്ലാ ‘നെഗറ്റീവ് എനര്‍ജികള്‍ക്കും’ പൊതുസമൂഹത്തോട് മാപ്പു ചോദിക്കുന്നതായി നടന്‍ വിനായകന്‍. കഴിഞ്ഞ ദിവസം ഫ്‌ളാറ്റിന്റെ ബാല്‍ക്കണിയില്‍ വെച്ച് നഗ്‌നതാ പ്രദര്‍ശനം നടത്തി താരം വിവാദത്തിലായിരുന്നു. ഇത് സോഷ്യല്‍ മീഡിയയില്‍ ഒട്ടാകെ ചര്‍ച്ചയായി. താരത്തിനെതിരെ ഒരുപാട് വിമര്‍ശനങ്ങള്‍ ഉയുരകയും ചെയ്തു. ഇതിന് പിന്നാലെയാണ് വിനായകന്‍ മാപ്പുമായി രംഗത്തെത്തിയത്. ഫെയ്‌സ്ബുക്കില്‍ പോസ്റ്റ് ചെയ്ത കുറിപ്പിലൂടെയാണ് താരം മാപ്പ് പറയുന്നത്.

‘സിനിമ നടന്‍ എന്ന നിലയിലും വ്യക്തി എന്ന നിലയിലും പല വിഷയങ്ങളും കൈകാര്യം ചെയ്യാന്‍ എനിക്ക് പറ്റുന്നില്ല. എന്റെ ഭാഗത്തുനിന്നുണ്ടായ എല്ലാ നെഗറ്റീവ് എനര്‍ജികള്‍ക്കും പൊതുസമൂഹത്തോട് ഞാന്‍ മാപ്പ് ചോദിക്കുന്നു. ചര്‍ച്ചകള്‍ തുടരട്ടെ…’ വിനായകന്‍ കുറിച്ചു.

Advertisement

inner ad

നഗ്‌നതാ പ്രദര്‍ശനത്തിനൊപ്പം വിനായകന്‍ ആളുകളെ അസഭ്യം പറഞ്ഞെന്നും ആരോപണങ്ങള്‍ ഉയരുന്നുണ്ട്. ദൃശ്യങ്ങള്‍ ലഭിച്ചതായി എറണാകുളം നോര്‍ത്ത് പൊലീസ് പറഞ്ഞു. പരാതി ലഭിച്ചാല്‍ കേസെടുക്കുമെന്നും പൊലീസ് അറിയിച്ചിരുന്നു.

നില്‍ക്കുന്ന ഫ്‌ളാറ്റിന്റെ ഭാഗത്തുനിന്ന് എതിര്‍ഭാഗത്തേക്ക് നോക്കി ഒരേ അസഭ്യവാക്ക് തുടര്‍ച്ചയായി വിളിച്ചുപറയുന്നതാണ് വീഡിയോയില്‍ കാണുന്നത്. ഇതിന് പിന്നാലെ ഉടുത്തിരുന്ന മുണ്ട് അഴിഞ്ഞുപോവുകയും നഗ്‌നതാ പ്രദര്‍ശനം നടത്തുകയും ചെയ്യുന്നു. നടനെ മെന്‍ഷന്‍ ചെയ്ത് ഫെയ്സ്ബുക്കില്‍ പങ്കുവെക്കുന്ന വീഡിയോകളുടെ സ്‌ക്രീന്‍ഷോട്ട് എടുത്ത് വിനായകന്‍ തന്നെ ഇത് സ്വന്തം പേജിലും ഷെയര്‍ ചെയ്തിട്ടുണ്ട്.

Advertisement

inner ad

കണ്ണൂർ: യൂണിറ്റ് സെക്രട്ടറി അക്ഷയ് മോഹന് എസ്എഫ്‌ഐ ഏരിയാ നേതാക്കളുടെ മര്‍ദ്ദനം. പയ്യന്നൂര്‍ നെസ്റ്റ് കോളേജിലാണ് സംഭവം. കോളേജ് യൂണിയൻ ഫണ്ടിൽ നിന്നും ഒരു ഭാഗം ഏരിയ കമ്മറ്റിയ്ക്ക് നൽകണമെന്ന് ആവശ്യപ്പെട്ടപ്പോൾ നൽകാൻ തയ്യാറാകാത്തതാണ് മര്‍ദ്ദനത്തിന് കാരണം.