crime
ചോറ്റാനിക്കരയില് യുവതിയുടെ മരണം കൊലപാതകം; ഭര്ത്താവ് അറസ്റ്റിൽ
ചോറ്റാനിക്കരയില് യുവതിയെ ആത്മഹത്യ ചെയ്ത നിലയില് കാണപ്പെട്ട സംഭവം കൊലപാതകമെന്നു പോലീസ്.ഭര്ത്താവ് ചോറ്റാനിക്കര എരുവേലി ഭാഗത്ത് പാണക്കാട്ട് വീട്ടില് ഷൈജു (37)വിനെ ചോറ്റാനിക്കര പോലീസ് അറസ്റ്റ് ചെയ്തു.കഴിഞ്ഞ 25-ന് ഭാര്യ ശാരിയെ വീട്ടിലെ കിടപ്പുമുറിയിലെ കഴുക്കോലില് തൂങ്ങിയ നിലയില് കണ്ടെത്തിയെന്നും രക്ഷിക്കാനായി ഷാള് മുറിച്ച് ശാരിയെ ചോറ്റാനിക്കരയിലെ സ്വകാര്യ ആശുപത്രിയില് എത്തിച്ചെന്നും ഷൈജു പറഞ്ഞിരുന്നു.
ജില്ലാ പോലീസ് മേധാവി വൈഭവ് സക്സേനയുടെ മേല്നോട്ടത്തില് പ്രത്യേക ടീം രൂപീകരിച്ച് നടത്തിയ അന്വേഷണത്തിലാണ് സംഭവം കൊലപാതകമാണെന്ന് തെളിഞ്ഞത്.ഭാര്യയെ സംശയത്തിന്റെ പേരില് കഴുത്തില് ഷാള് കൊണ്ട് മുറുക്കി കൊലപ്പെടുത്തുകയായിരുന്നെന്നു പോലീസ് പറഞ്ഞു.
പോലീസ് പറയുന്നത് ഇങ്ങനെ:
25-ന് ഉച്ചയോടെ മദ്യപിച്ചെത്തിയ ഷൈജു ഭാര്യയെ ബലമായി മദ്യം കുടിപ്പിച്ചു.തുടര്ന്ന് അവശനിലയിലായ ശാരിയെ കഴുത്തില് ചുരിദാറിന്റെ ഷാള് മുറുക്കി.മരണം ഉറപ്പാക്കാന് ശാരി ധരിച്ചിരുന്ന നൈറ്റി വായിലും, മൂക്കിലും ചേര്ത്ത് അമര്ത്തി.ആത്മഹത്യയാണെന്ന് വരുത്തിത്തീര്ക്കാന് ഷാളുകള് കൂട്ടിക്കെട്ടി കിടപ്പുമുറിയുടെ കഴുക്കോലില് കെട്ടിത്തൂക്കാന് ശ്രമിച്ചു.
അതിന് കഴിയാതെ വന്നപ്പോള് ആത്മഹത്യ ചെയ്തതാണെന്ന് വരുത്തിത്തീര്ക്കാന് ചോറ്റാനിക്കരയിലെ ആശുപത്രിയില് എത്തിച്ചു.പോസ്റ്റ്മോര്ട്ടം ചെയ്ത ഡോക്ടറുടെ മൊഴിയും സംഭവസ്ഥലത്തെ തെളിവും ഷൈജുവിന്റെ മൊഴിയും സാക്ഷിമൊഴികളും അന്വേഷണത്തില് നിര്ണായകമായി.
പ്രണയ വിവാഹമായിരുന്നു ഇവരുടേത്.ഇരുവരുടേയും രണ്ടാം വിവാഹമായിരുന്നു.മൂവ്വാറ്റുപുഴ സ്വദേശിനിയായിരുന്നു മരിച്ച ശാരി.
പുത്തന്കുരിശ് ഡിവൈ.എസ്.പി: ടി.ബി. വിജയന്, ഇന്സ്പെക്ടര്മാരായ കെ.പി. ജയപ്രസാദ്, കെ.ജി. ഗോപകുമാര്, ഡി.എസ്. ഇന്ദ്രരാജ്, വി. രാജേഷ് കുമാര്, എ.എസ്.ഐ ബിജു ജോണ്, സി.പി.ഒ. രൂപഷ് തുടങ്ങിയവരായിരുന്നു അന്വേഷണ സംഘത്തിലുണ്ടായിരുന്നത്.പ്രതിയെ തെളിവെടുപ്പിനായി കസ്റ്റഡിയില് വാങ്ങുമെന്ന് ഡിവൈ.എസ്.പി അറിയിച്ചു.
Accident
തൃശൂർ പൂരം: പൊലീസിന് എയർടെല്ലിൻ്റെ സഹായം
കൊച്ചി: തൃശൂരിൽ പൂരപ്പറമ്പിലെ തിരക്കിനിടയിൽ എന്തെങ്കിലും അനിഷ്ട സംഭവങ്ങളുണ്ടാവുകയാണെങ്കിൽ പോലീസിനെ പെട്ടെന്ന് വിവരമറിയിക്കാൻ പൊതു ജനങ്ങൾക്ക് സാധിക്കും വിധം എയർടെല്ലിൻ്റെ ഹെൽപ് ലൈൻ ഫോൺ നമ്പറുകൾ. 50 ഹെൽപ്പ്ലൈൻ നമ്പറുകളാണ് എയർടെൽ ലഭ്യമാക്കിയിരിക്കുന്നത്. ഈ ഫോൺ നമ്പറുകൾ പോലീസ് ബാരിക്കേഡിൽ ദൂരെ നിന്ന് പോലും കാണാൻ സാധിക്കും വിധം പ്രദർശിപ്പിക്കുന്നതാണ്. പൂരത്തിനെത്തുന്നവർക്ക് ഈ നമ്പരിലേക്ക് വിലിച്ച് സഹായം തേടാമെന്ന് പൊലീസ് അറിയിച്ചു.
crime
സംസ്ഥാനത്ത് വീണ്ടും ടിടിഇക്ക് നേരെ ആക്രമണം
തൃശ്ശൂര്: സംസ്ഥാനത്ത് വീണ്ടും ടിടിഇക്ക് നേരെ ആക്രമണം. തിരുവനന്തപുരത്ത് നിന്നും കണ്ണൂരിലേക്ക് പുറപ്പെട്ട ജനശതാബ്ദി എക്സ്പ്രസ് ട്രെയിനില് ഇന്ന് രാവിലെയാണ് സംഭവം. ഒരു ഭിക്ഷക്കാരൻ ടിടിഇയുടെ മുഖത്തടിക്കുകയായിരുന്നു. സംഭവത്തിൽ ടി ടി ഇ യുടെ കണ്ണിന് സമീപം പരിക്കേറ്റു. ആദ്യം ഇയാൾ യാത്രക്കാരും കച്ചവടക്കാരുമായി പ്രശ്നം ഉണ്ടാക്കി മാത്രമല്ല ഇയാളുടെ പക്കല് ടിക്കറ്റും ഉണ്ടായിരുന്നില്ല. തുടർന്ന് ട്രെയിനില് നിന്ന് ഇറങ്ങിപോകാൻ ആവശ്യപ്പെട്ടപ്പോഴാണ് ഇയാള് ടിടിഇയുടെ മുഖത്ത് അടിച്ചത്. ഇതിന് പിന്നാലെ നീങ്ങി തുടങ്ങിയ ട്രെയിനിൽ നിന്നും ഇയാള് പുറത്തേക്ക് ചാടി രക്ഷപ്പെടുകയായിരുന്നു. ജെയ്സൺ തോമസ് എന്ന ടിടിഇ ആണ് ആക്രമിക്കപ്പെട്ടത്.
Alappuzha
ആലപ്പുഴയിൽ ക്ഷേത്രം കുത്തി തുറന്ന് മോഷണം
മാന്നാര്: പാവുക്കര തൃപ്പാവൂര് മഹാവിഷ്ണു ക്ഷേത്രത്തിൽ കുത്തി തുറന്ന് മോഷണം നടന്നു. ക്ഷേത്രം ഓഫീസിൽ നിന്ന് 35,000 രൂപയോളം പ്രതികൾ മോഷ്ടിച്ചു.തിങ്കളാഴ്ച രാത്രി എട്ടു മണിക്കും ചൊവ്വാഴ്ച പുലര്ച്ചയ്ക്കുമിടയിലുമാണ് മോഷണം നടന്നത്. സംഭവത്തിൽ മാന്നാര് പൊലിസ് അന്വേഷണം തുടങ്ങി. രാവിലെ 10 മണിയോടെ ഓഫീസ് തുറക്കാനെത്തിയ ക്ഷേത്ര ഭാരവാഹിയാണ് ഓഫീസ് മുറി കുത്തി തുറന്ന നിലയില് കണ്ടെത്തിയത്, തുടർന്ന്അകത്തു കയറി പരിശോധിച്ചപ്പോള് അലമാരയും അതിനുള്ളിലെ ലോക്കറും തുറന്ന നിലയിലായിരുന്നു. രണ്ട് ബാഗുകളിലായി സൂക്ഷിച്ചിരുന്ന പണമാണ് കളളന് കൊണ്ടുപോയത്. മറ്റൊരു ലോക്കറില് സ്വര്ണ്ണം സൂഷിച്ചിരുന്നെങ്കിലും അതു നഷ്ടപ്പെട്ടിട്ടില്ല. നാണയ തുട്ടുകള് സൂക്ഷിച്ചിരുന്ന ബാഗും കളളന് എടുത്തില്ല. പാവുക്കര 2295ാം നമ്ബര് എന്എസ്എസ് കരയോഗത്തിന്റെ ഉടമസ്ഥതയിലുള്ളതാണ് ക്ഷേത്രം.ആലപ്പുഴയില് നിന്നുള്ള ഡോഗ് സ്ക്വാഡും, വിരലടയാള വിദഗ്ദരായ എന്നിവരുടെ നേതൃത്വത്തിലുള്ള സംഘവും മോഷണം നടന്ന ക്ഷേത്രത്തില് എത്തി പരിശോധന നടത്തി.
-
Kerala2 months ago
39 മാസത്തെ ഡിഎ കുടിശ്ശിക കവർന്നെടുത്തു, സർക്കാരിനെതിരെ പ്രതിഷേധവുമായി, സെക്രട്ടേറിയറ്റ് ആക്ഷൻ കൗൺസിൽ
-
Kerala2 months ago
ക്ഷാമബത്ത കുടിശ്ശിക നൽകാത്ത സർക്കാർ ഉത്തരവിൽ പ്രതിഷേധവുമായി കെജിഒയു
-
Kerala2 months ago
ഡിഎ കുടിശ്ശിക, ഇടതു സർക്കാർ ജീവനക്കാരെ വഞ്ചിച്ചിരിക്കുന്നു ; കെ പി എസ് ടി എ
-
Service news2 months ago
ലീവ് സറണ്ടർ സർക്കാർ വീണ്ടും കബളിപ്പിക്കുന്നുവെന്ന് സെക്രട്ടേറിയറ്റ് ആക്ഷൻ കൗൺസിൽ
-
Special2 months ago
ഊരൂട്ടമ്പലം സഹകരണ ബാങ്കില് വായ്പാ തട്ടിപ്പ്: പരാതി ഉയര്ന്നതോടെ പ്യൂണിനെ ബലിയാടാക്കി ഭരണസമിതി
-
Education2 months ago
എഞ്ചിനീയറിങ് വിദ്യാര്ത്ഥികള്ക്ക് സൗജന്യ ത്രിദിന ചിപ്പ് ഡിസൈന് ശില്പ്പശാല
-
Kerala4 weeks ago
സർക്കാർ ജീവനക്കാരുടെ ശമ്പളം ഔദാര്യമല്ല; തിരുവഞ്ചൂർ രാധാകൃഷ്ണൻ
-
Business2 months ago
സ്പോര്ട്സ് ആരാധകരെ ലക്ഷ്യമിട്ട് ആപ്പിൾ
You must be logged in to post a comment Login