Kerala
വീണ്ടും ഹെൽമറ്റ് വെച്ച് ആക്രമണം: മുഖ്യമന്ത്രിക്കെതിരെ വധശ്രമ ഗൂഢാലോചനയ്ക്ക് കേസെടുക്കണമെന്ന് കെ.ജയന്ത്
കോഴിക്കോട്: മുഖ്യമന്ത്രിയെ കരിങ്കൊടി കാണിക്കാൻ ശ്രമിച്ചു എന്നതിന്റെ പേരിൽ കണ്ണൂരിന് പിന്നാലെ കുന്ദമംഗലത്തും യൂത്ത് കോൺഗ്രസ്, കെ എസ് യു പ്രവർത്തകരെ ഹെൽമറ്റും മറ്റ് മാരകായുധങ്ങൾ കൊണ്ടും അക്രമിച്ച സംഭവത്തിൽ മുഖ്യമന്ത്രിക്കെതിരെ വധശ്രമ ഗൂഢാലോചനയ്ക്ക് കേസെടുക്കണമെന്ന് കെപിസിസി ജനറൽ സെക്രട്ടറി അഡ്വ.കെ.ജയന്ത് ആവശ്യപ്പെട്ടു. കണ്ണൂരിൽ ഉണ്ടായ ഡിവൈഎഫ്ഐ അക്രമത്തെ പ്രോത്സാഹിപ്പിക്കുകയും ഇത്തരം ശ്രമങ്ങൾ തുടരണമെന്ന് ആവശ്യപ്പെടുകയും ചെയ്ത മുഖ്യമന്ത്രിയാണ് സംഭവത്തിൽ ഒന്നാം പ്രതി. കരിങ്കൊടി കാണിക്കാൻ ശ്രമിച്ചു എന്നതിന്റെ പേരിൽ ക്രൂരമായ മർദ്ദനമാണ് യൂത്ത് കോൺഗ്രസ്, കെഎസ്‌യു നേതാക്കൾ നേരിട്ടത്. പ്രവർത്തകരെ ഹെൽമറ്റ് വച്ച് തലയ്ക്ക് അടിക്കുന്ന ദയനീയ ചിത്രം ജനാധിപത്യ കേരളത്തിന് കളങ്കമാണ്. സർക്കാരിനെതിരെ സമാധാനപരമായ് പ്രതിഷേധിക്കുകയും കരിങ്കൊടി കാണിക്കുകയും എന്നത് ജനാധിപത്യ അവകാശമാണ്. എന്നാൽ ആ അവകാശത്തിന് പോലും അനുവദിക്കാതെ പ്രവർത്തകരെ കരുതലിലാക്കുന്ന പിണറായി വിജയൻ കേരളം കണ്ട ഏറ്റവും പേടിത്തൊണ്ടനായ ഭരണാധികാരിയാണ്. പി ആർ ഏജൻസികളുടെ നിർദ്ദേശപ്രകാരം കോടികൾ ഖജനാവിൽ നിന്ന് ധൂർത്തടിച്ച് നടക്കുന്ന ആഡംബര യാത്രയെ പ്രതിരോധിക്കേണ്ടത് പ്രതിപക്ഷത്തിന്റെ കടമയാണ്. എൽഡിഎഫ് നയിക്കുന്ന രാഷ്ട്രീയ യാത്രയായിരുന്നെങ്കിൽ പ്രതിപക്ഷം പ്രതിഷേധിക്കാൻ വരില്ലായിരുന്നു. എൽഡിഎഫ് നയിക്കുന്ന യാത്രയ്ക്ക് ആളെ കിട്ടില്ലെന്ന് ഉറപ്പുള്ളതു കൊണ്ടാണ് തൊഴിലുറപ്പ് പദ്ധതി അംഗങ്ങളെയും കുടുംബശ്രീക്കാരെയും ഭീഷണിപ്പെടുത്തി എത്തിച്ച് സർക്കാർ സ്പോൺസേർഡ് പരിപാടി സംഘടിപ്പിക്കുന്നത്. ഇതിനെതിരെ പ്രതിഷേധിക്കുമ്പോൾ കായികമായി നേരിടാനാണ് ശ്രമമെങ്കിൽ പ്രതിപക്ഷ സമരത്തിന്റെ സ്വഭാവം തന്നെ മാറ്റേണ്ടിവരും പ്രതിഷേധിക്കുന്നവരെ ഡിവൈഎഫ്ഐ ഗുണ്ടകളെ വെച്ച് ആക്രമിക്കാനുള്ള നിർദ്ദേശം മുഖ്യമന്ത്രി പിൻവലിക്കണമെന്നും അല്ലാത്തപക്ഷം സമരം കോൺഗ്രസ് നേതൃത്വം ഏറ്റെടുക്കുമെന്നും കെ. ജയന്ത് വ്യക്തമാക്കി. പരുക്കേറ്റ് ചികിത്സയിൽ കഴിയുന്ന യൂത്ത് കോൺഗ്രസ് കുന്ദമംഗലം നിയോജകമണ്ഡലം പ്രസിഡന്റ് പി.ടി അസീസ് മാവൂർ, ഗുരുവായൂരപ്പൻ കോളേജ് കെ എസ് യു ഭാരവാഹി മുഹമ്മദ് യാസീൻ എന്നിവരെ ആശുപത്രിയിൽ സന്ദർശിച്ചു.
വയനാട്: പൂക്കോട് വെറ്ററിനറി സര്‍വകലാശാല വിദ്യാര്‍ഥി ആയിരുന്ന ജെ.എസ് സിദ്ധാര്‍ഥിന്റെ മരണവുമായി ബന്ധപ്പെട്ട് പ്രതികളായ എസ്എഫ്ഐ നേതാക്കളെ ഡീബാര്‍ ചെയ്ത സര്‍വകലാശാല നടപടി റദ്ദാക്കി ഹൈക്കോടതി.പ്രതികളായ വിദ്യാര്‍ഥികള്‍ക്കുള്ള മൂന്ന് വര്‍ഷത്തെ അഡ്മിഷന്‍ വിലക്കും കോടതി റദ്ദ് ചെയ്തു. ഹൈക്കോടതി സിംഗിള്‍ ബെഞ്ചിന്റേതാണ് ഈ നടപടി.
അതേസമയം കേസില്‍ പുതിയ അന്വേഷണം നടത്താന്‍ സര്‍വകലാശാല ആന്റി റാഗിങ് സ്‌ക്വാഡിന് ഹൈക്കോടതി നിര്‍ദേശം നല്‍കി. നാല് മാസത്തിനകം അന്വേഷണം പൂര്‍ത്തിയാക്കണം. അന്വേഷണം പൂര്‍ത്തിയാകുന്നതുവരെ പ്രതികള്‍ക്ക് പഠനം തുടരാന്‍ അവസരം നല്‍കണമെന്നും സര്‍വകലാശാലയ്ക്ക് ഹൈക്കോടതി നിര്‍ദേശം നല്‍കിയിട്ടുണ്ട്. നടപടിക്രമങ്ങള്‍ പാലിക്കാതെയുള്ള സര്‍വകലാശാല നടപടിറദ്ദാക്കണമെന്നാവശ്യപ്പെട്ട് കേസിലെ പ്രതികളായ വിദ്യാര്‍ഥികളാണ് ഹൈക്കോടതിയെ സമീപിച്ചത്.
തിരുവനന്തപുരം: വഞ്ചിയൂരില്‍ സിപിഎം ഏരിയ സമ്മേളനത്തിനായി വഴി തടഞ്ഞ് സ്റ്റേജ് കെട്ടിയതില്‍ കേസെടുക്കുമെന്ന് പൊലീസ്. സമ്മേളനപരിപാടികള്‍ നടത്താൻ മാത്രമാണ് സിപിഎം അനുമതി വാങ്ങിയത്. നടുറോഡില്‍ സ്റ്റേജ് കെട്ടാൻ അനുമതി ഇല്ലെന്നും പൊലീസ് വ്യക്തമാക്കി. വഞ്ചിയൂർ കോടതിയുടെ സമീപത്താണ് റോഡില്‍ വേദി കെട്ടിയത്. സ്കൂള്‍ വാഹനങ്ങളടക്കം ഗതാഗതക്കുരുക്കില്‍പ്പെട്ടിരുന്നു.അതേസമയം, സ്റ്റേജ് കെട്ടാൻ അനുമതി ലഭിച്ചിരുന്നുവെന്ന് സിപിഎം പാളയം ഏരിയ സെക്രട്ടറി പറഞ്ഞു.
ആലപ്പുഴ: ആലപ്പുഴ കളർകോടുണ്ടായ വാഹനാപകടത്തിൽ ഒരു മെഡിക്കൽ വിദ്യാർത്ഥി കൂടി മരിച്ചു. എടത്വ പള്ളിച്ചിറ സ്വദേശി ആൽവിൻ ജോർജ് ആണ് മരിച്ചത്. അപകടത്തിൽ പരിക്കേറ്റ് ഗുരുതരാവസ്ഥയിൽ എറണാകുളത്തെ ആശുപത്രിയിൽ ചികിത്സയിലായിരുന്നു. ആലപ്പുഴ മെഡിക്കൽ കോളേജിൽ നിന്ന് വിദഗ്ധ ചികിത്സക്കായി എറണാകുളത്തേക്ക് മാറ്റിയിരുന്നു. കുടുംബത്തിൻ്റെ ആവശ്യപ്രകാരമാണ് മാറ്റിയത്. എന്നാൽ ചികിത്സയിലിരിക്കെ ഇന്ന് മരണത്തിന് കീഴടങ്ങുകയായിരുന്നു. ഇതോടെ കളർകോട് കാറപകടത്തിൽ മരിച്ചവരുടെ എണ്ണം ആറായി. കഴിഞ്ഞ തിങ്കളാഴ്ച രാത്രിയാണ് നാടിനെയാകെ നൊമ്പരത്തിലാഴ്ത്തിയ ദാരുണമായ വാഹനാപകടം ഉണ്ടായത്. പാലക്കാട് സ്വദേശി ശ്രീദേവ് വത്സൻ, മലപ്പുറം കോട്ടക്കൽ സ്വദേശി ദേവനന്ദൻ, കണ്ണൂർ സ്വദേശി മുഹമ്മദ് അബ്ദുൽ ജബ്ബാർ, ലക്ഷദ്വീപ് സ്വദേശി മുഹമ്മദ് ഇബ്രാഹിം, കോട്ടയം സ്വദേശി ആയുഷ് ഷാജി എന്നിവരാണ് അപകടത്തില്‍ മരിച്ചത്.
-
Kerala4 days agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News3 weeks agoക്ഷാമ ബത്ത കേസിൽ ഇടക്കാല ഉത്തരവ്
-
Featured1 month agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala1 month agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News3 weeks ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
Education3 months agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
-
Education3 months agoഗേറ്റ് 2025 രജിസ്ട്രേഷൻ ആരംഭിച്ചു
-
Education3 months agoഓണപ്പരീക്ഷയ്ക്ക് ഇന്ന് തുടക്കം; യുപി വിഭാഗത്തിന് നാളെ മുതല്
You must be logged in to post a comment Login