Election updates
കൈപ്പിടിയിലൊതുങ്ങി അമേഠി; സ്മൃതി ഇറാനി തോൽവിയിലേക്ക്
കോൺഗ്രസ് നേതാവ് കിഷോരി ലാൽ 60,000 വോട്ടിന് മുന്നിൽ
ലക്നൗ : ലോകസഭാ തിരഞ്ഞെടുപ്പിൽ തിരിച്ചടി നേരിട്ട് അമേഠിയിലെ ബിജെപി സ്ഥാനാർഥി സ്മൃതി ഇറാനി. സിറ്റിംഗ് എംപിയും കേന്ദ്ര മന്ത്രിമായ സ്മൃതി ഇറാനി വൻ തോൽവിയിലേക്കാണ് നീങ്ങുന്നത്.രാജ്യം മുഴുവൻ ഉറ്റുനോക്കിയ പോരാട്ടത്തിൽ 60000 അധികം വോട്ടിന് സ്മൃതി ഇറാനി പിന്നിലാണ്. കോൺഗ്രസ് സ്ഥാനാർഥി കിഷോർ ലാൽ ആണ് ലീഡ് ചെയ്യുന്നത്. ബി.എസ്.പിയുടെ നാനെ സിങ് ചൗഹാനാണ് മൂന്നാം സ്ഥാനത്തുള്ളത്.
2019 തിരഞ്ഞെടുപ്പിൽ രാഹുൽ ഗാന്ധിയെ അട്ടിമറിച്ചായിരുന്നു സ്മൃതി സീറ്റ് പിടിച്ചത്. 55,120 വോട്ടിൻറെ ഭൂരിപക്ഷത്തിനായിരുന്നു വിജയം. 4.13 ലക്ഷം വോട്ടായിരുന്നു ആ തിരഞ്ഞെടുപ്പിൽ രാഹുൽ ഗാന്ധി നേടിയത്.
1981 മുതൽ കോൺഗ്രസ് തുടർച്ചയായി വിജയിച്ച മണ്ഡലമായിരുന്നു അമേഠി. സഞ്ജയ് ഗാന്ധിയും രാജീവ് ഗാന്ധിയും മാറി മാറി മത്സരിച്ച അമേത്തിയിൽ 1998ലാണ് ആദ്യമായി ഒരു ബിജെപി സ്ഥാനാർഥി വിജയിച്ചത്. പിന്നീട് 1999ൽ നടന്ന തിരഞ്ഞെടുപ്പ് മുതൽ അമേഠിയിൽ കോൺഗ്രസ് ആധിപത്യം പുലർത്തുകയായിരുന്നു. 2014ലെ ബിജെപി തരംഗത്തിൽ പോലും അമേഠി കോൺഗ്രസിനെ കൈവിട്ടില്ല. 2014ൽ രാഹുൽ ഗാന്ധി സ്മൃതി ഇറാനിയോട് ഒരുലക്ഷത്തിലധികം വോട്ടിന്റെ ഭൂരിപക്ഷത്തിനാണ് വിജയിച്ചത്. എന്നാൽ 2019ൽ കാര്യങ്ങൾ മാറിമറിഞ്ഞു. രാഹുൽ ഗാന്ധിയെ പരാജയപ്പെടുത്തി സ്മൃതി വീണ്ടും അമേഠിയുടെ എംപിയായി. മണ്ഡലം വീണ്ടും കോൺഗ്രസിൻ്റെ കൈപിടിക്കുമെന്ന തരത്തിലാണ് നിലവിലെ ഫലസൂചനകൾ.
ന്യൂഡൽഹി: ലോക്സഭയിൽ സീറ്റെണ്ണത്തിൽ സെഞ്ച്വറി അടിച്ച് കോൺഗ്രസ്. മഹാരാഷ്ട്രയിൽ സ്വതന്ത്രനായി വിജയിച്ച വിശാൽ പാട്ടീൽ കോൺഗ്രസിൽ ചേർന്നതോടെയാണ് ലോകസഭയിൽ കോൺഗ്രസിന്റെ സീറ്റ് നേട്ടം 100 തികഞ്ഞത്. മഹാരാഷ്ട്രയിലെ സാംഗ്ലി ലോകസഭാ മണ്ഡലത്തിൽ നിന്നും സ്വതന്ത്രനായി വിജയിച്ച വിശാൽ പാട്ടീൽ എഐസിസി ആസ്ഥാനത്ത് കോൺഗ്രസ് അധ്യക്ഷൻ മല്ലികാർജ്ജുന ഖാർഗെ സാന്നിധ്യത്തിൽ പാർട്ടിയിൽ ചേർന്നു. തുടർന്ന് സോണിയ ഗാന്ധി രാഹുൽ ഗാന്ധി എന്നിവരെയും സന്ദർശിച്ചു.
രാജ്യത്തെ ഏറ്റവും വലിയ ലോക്സഭാ മണ്ഡലം നീണ്ട വർഷങ്ങൾക്ക് ശേഷം കൈപ്പിടിയലൊതുക്കിയതിന്റെ സന്തോഷത്തിലും ആവേശത്തിലും ആണ് കോൺഗ്രസ്. തീപാറുന്ന പോരാട്ടങ്ങൾക്കൊടുവിലാണ് സിറ്റിംഗ് എംപിയായ മുഹമ്മദ് ഫൈസലിനെ പരാജയപ്പെടുത്തി കോൺഗ്രസ് സ്ഥാനാർഥിയായ മുഹമ്മദ് ഹംദുല്ല സെയ്ദ് ലക്ഷദ്വീപ് സ്വന്തമാക്കിയത്. ബിജെപി പിന്തുണയോടെ മത്സരിച്ച ടി പി യൂസഫിന് കെട്ടിവെച്ച കാശ് പോലും കിട്ടിയില്ല.
10 ദ്വീപുകളിലായി 55 ബൂത്തുകളിലാണ് തെരഞ്ഞെടുപ്പ് നടന്നത് 57, 784 വോട്ടർമാർ ഉണ്ടായിരുന്ന 200647 വോട്ടിന് ഭൂരിപക്ഷത്തിലാണ് മുഹമ്മദ് ഹംദുല്ല ജയിച്ചത്.
അഡ്മിനിസ്ട്രേറ്റീവ് ഭരണത്തിൽ ജീവജനത ദുരിതമനുഭവിച്ചപ്പോൾ ലക്ഷദ്വീപ് ഫോറം അടക്കം രൂപീകരിച്ച് ജനങ്ങൾക്കൊപ്പം നിന്നതും അവർക്ക് വേണ്ടി നിയമ പോരാട്ടങ്ങൾക്ക് മുന്നിട്ടിറങ്ങിയതുമെല്ലാം ഹംദുള്ള സെയ്ദിന്റെ വിജയത്തിന് കാരണമായി. ബിജെപിയോടുള്ള ലക്ഷദ്വീപ് ജനതയുടെ എതിർപ്പാണ് കോൺഗ്രസിന്റെ വിജയമായി പ്രതിഫലിച്ചത്.
തിരുവനന്തപുരം: തെരഞ്ഞെടുപ്പിൽ പരാജയം നേരിടേണ്ടിവന്ന സാഹചര്യം ചർച്ചചെയ്യാൻ സിപിഎം നേതൃയോഗം വിളിക്കുന്നു. വിശദമായ ചർച്ചയ്ക്കായി അഞ്ച് ദിവസത്തെ നേതൃയോഗമാണ് ചേരുന്നത്. മറ്റന്നാൾ ചേരുന്ന യോഗത്തിൽ തെരഞ്ഞെടുപ്പ് ഫലം സംബന്ധിച്ച വിലയിരുത്തലുകൾ നടത്തും. 16, 17 തീയതികളിൽ ആയി സംസ്ഥാന സെക്രട്ടറിയേറ്റും 18, 19, 20 തീയതികളിൽ സംസ്ഥാന സമിതി യോഗവും നടക്കും.
തിരുവനന്തപുരം ഉൾപ്പെടെയുള്ള പലയിടത്തും നിയമസഭാ മണ്ഡലങ്ങളിൽ എൽഡിഎഫ് സ്ഥാനാർത്ഥികളെ മറികടന്ന് ബിജെപി ഒന്നാമതോ രണ്ടാമതോ എത്തിയത് പാർട്ടി നേതൃത്വത്തെ ഞെട്ടിച്ചിട്ടുണ്ട്. മന്ത്രിയായ കെ രാധാകൃഷ്ണൻ ലോക്സഭാ തെരഞ്ഞെടുപ്പിൽ വിജയിച്ചതോടെ മന്ത്രിസഭാ പുനസംഘടന ചർച്ചയും നടക്കും.
-
Featured2 months agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
News1 month agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business2 months agoസംസ്ഥാനത്ത് കോഴി വില കുത്തനെ കുറഞ്ഞു
-
Education3 weeks agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
-
Business3 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
Ernakulam2 months agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
-
News2 months agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
-
News2 months ago
സർക്കാർ നിർദ്ദേശങ്ങൾ ശമ്പള സംഭാവന നിർബന്ധമാക്കുന്നത്: സെക്രട്ടേറിയറ്റ് ആക്ഷൻ കൗൺസിൽ
You must be logged in to post a comment Login