_{കുവൈറ്റ് സിറ്റി : ഇന്ത്യൻ കൗൺസിൽ ഫോർ കൾച്ചറൽ റിലേഷൻസ് (ഐ സി സി ആർ), ഗൾഫ് യൂണിവേഴ്സിറ്റി ഫോർ സയൻസ് ആൻഡ് ടെക്നോളജി (ജി യൂ എസ് ടി), യിൽ ഹിന്ദി ഭാഷ പഠിപ്പിക്കുന്നതിനുള്ള ചെയർ ഓഫ് ഇന്ത്യൻ സ്റ്റഡീസ് സ്ഥാപിക്കുന്നതിനായി ധാരണാപത്രത്തിൽ (എംഒയു) ഒപ്പുവച്ചു. കുവൈറ്റിലെ ഇന്ത്യൻ അംബാസഡർ ഡോ ആദർശ് സ്വൈക, ജി യൂ എസ് ടി പ്രസിഡൻ്റ് പ്രൊഫ. ബസ്സാം അലമദ്ദീനുമായി ചേർന്ന് ഐ സി സി ആർ ന് വേണ്ടി ധാരണാപത്രത്തിൽ ഒപ്പുവച്ചു.}

Advertisement

inner ad

_{ധാരണാപത്രത്തിൻ്റെ നിബന്ധനകൾ പ്രകാരം, ജി യൂ എസ് ടി ൽ 3 വർഷം വരെ ഹിന്ദി പഠിപ്പിക്കാൻ ഒരു വിദഗ്ദ്ധനായ ഇന്ത്യൻ അക്കാദമിഷ്യനെ നിയമിക്കും. ലോകത്ത് വ്യാപകമായി സംസാരിക്കുന്ന ഭാഷകളിലൊന്നാണ് ഹിന്ദി. 600 ദശലക്ഷത്തിലധികം ആളുകൾ സംസാരിക്കുന്നു. ആഗോളതലത്തിൽ ഏറ്റവും കൂടുതൽ സംസാരിക്കുന്ന മൂന്നാമത്തെ ഭാഷയാണിത്. മൗറീഷ്യസ്, ഫിജി, നേപ്പാൾ, ട്രിനിഡാഡ് & ടൊബാഗോ തുടങ്ങിയ രാജ്യങ്ങളിലെ വലിയ ഇന്ത്യൻ പ്രവാസികൾ ഹിന്ദി സംസാരിക്കുന്നതിനാൽ ഹിന്ദിയുടെ പ്രാമുഖ്യം ഇന്ത്യക്കപ്പുറത്തേക്ക് വ്യാപിക്കുന്നു. ആഗോള തലത്തിൽ ഹിന്ദിയുടെ സാംസ്കാരിക വ്യാപനവും ബഹുഭാഷാവാദത്തിനുള്ള സംഭാവനയും തിരിച്ചറിഞ്ഞ്, യുഎൻ , ഫേസ്ബുക്ക്, എക്സ് (ട്വിറ്റർ), ഇൻസ്റ്റാഗ്രാം എന്നിവയിൽ ഹിന്ദി സോഷ്യൽ മീഡിയ അക്കൗണ്ടുകളും യുഎൻ ന്യൂസിൻ്റെ ഹിന്ദി വെബ്‌സൈറ്റും 2018-ൽ ആരംഭിച്ചു. ഗൾഫ് മേഖലയിൽ ഇത്തരത്തിലുള്ള ആദ്യത്തെ സമാനമായ പദവി കഴിഞ്ഞ ഡിസംബറിൽ ഒമാനിലും ലഭിച്ചിരുന്നു.}

_{കുവൈറ്റ് സിറ്റി : ഇന്ത്യൻ ബിസിനസ്സ് ആൻഡ് പ്രൊഫഷണൽ കൗൺസിൽ (ഐബിപിസി ), കുവൈത്തിലെ ഇന്ത്യൻ എംബസിയുടെ ആഭിമുഖ്യത്തിൽ, ഫെഡറേഷൻ ഓഫ് ഇന്ത്യൻ എക്‌സ്‌പോർട്ട് ഓർഗനൈസേഷൻസ് ന്റെ സഹകരണത്തോടെ ബയർ സെല്ലർ മീറ്റ് വിജയകരമായി സംഘടിപ്പിച്ചു. ക്രൗൺ പ്ലാസ ഹോട്ടലിൽ നടന്ന പരിപാടിയിൽ കുവൈറ്റിലുള്ള ഫുഡ് & അഗ്രോ ബിസിനസുകാരുടെയും ഇറക്കുമതി പ്രൊഫഷണലുകളുടെയും പങ്കാളിത്തം ഉറപ്പാക്കിക്കൊണ്ടാണ്‌ നടത്തപ്പെട്ടത്.ഐ ബി പി സി വൈസ് ചെയർമാൻ കൈസർ ടി ഷാക്കിർ സ്വാഗതം ആശംസിച്ചു. ഇന്ത്യ-കുവൈത്ത് വ്യാപാരബന്ധം ശക്തമാക്കുന്നതിൽ കൗൺസിലിന്റെ ശ്രമങ്ങൾ അദ്ദേഹം വിശദീകരിച്ചു. വാണിജ്യ വ്യവസായ മന്ത്രാലയത്തിന്‍റെ കണക്കുപ്രകാരം, 2023-24 സാമ്പത്തിക വർഷം ഇന്ത്യ കുവൈറ്റിലേക്ക് നടത്തിയ കയറ്റുമതി 2.1 ബില്യൺ യു.എസ്. ഡോളറിലെത്തി. ഇത് 2022-23 സാമ്പത്തിക വർഷത്തിലെ 1.6 ബില്യൺ ഡോളറിനെക്കാൾ 30% വളർച്ചയാണ്.കുവൈറ്റിലെ ഇന്ത്യൻ അംബാസഡർ ബഹു: ഡോ. ആദർശ് സ്വൈക മുഖ്യാതിഥിയായി പങ്കെ ടുത്തുകൊണ്ടു ഇന്ത്യൻ ബിസിനസ് ആൻഡ് പ്രൊഫഷണൽസ് കൗൺസിലിന്റെ (ഐബിപിസി) പ്രവത്തനങ്ങളെ അദ്ദേഹം അഭിനന്ദിച്ചു. രണ്ടു രാജ്യങ്ങളിലെയും വ്യപാര സമൂഹങ്ങളുടെ ബന്ധം വളർത്തുന്നതിൽ ഐബിപിസിയുടെ ശ്രമങ്ങളെ അദ്ദേഹം പ്രശംസിച്ചു.}

Advertisement

inner ad

_{ഇന്ത്യൻ പ്രതിനിധികൾ കുവൈത്തുമായി കൂടുതൽ ശക്തമായ ബന്ധം വളർത്തുന്നതിന് ബിസിനസ് അവസരങ്ങളെ പരമാവധി ശ്രദ്ധിക്കണമെന്ന് ശ്രീ ആദർശ് സ്വൈക അഭ്യർത്ഥിച്ചു. ഫെഡറേഷൻ ഓഫ് ഇന്ത്യൻ എക്‌സ്‌പോർട്ട് ഓർഗനൈസേഷൻസ് വൈസ് പ്രസിഡന്റ ശ്രീ. ഇസ്‌റാർ അഹമ്മദ്, ജോയിന്റ് ഡെപ്യൂട്ടി ഡയറക്ടർ ജനറൽ ശ്രീ. പ്രശാന്ത് സേത്, ജോയിന്റ് സെക്രട്ടറിയായ ശ്രീ. സുരേഷ് കെ പി, ട്രഷറർ ശ്രീ. സുനിത് അരോറ എന്നിവരും പങ്കെടുത്തു. സെക്രട്ടറിശ്രീ. സോളി മാത്യുനന്ദി പറഞ്ഞു. ഫെഡറേഷൻ ഓഫ് ഇന്ത്യൻ എക്‌സ്‌പോർട് ഓർഗനൈസേഷൻസും (ഫിയോ) കുവൈത്തിലെ ഇന്ത്യൻ ബിസിനസ് പ്രൊഫഷണൽസ് കൗൺസിലും തമ്മിലുള്ള ധാരണാപത്രം ഒപ്പുവച്ചു. ഇത് സഹകരണത്തിന്റെ പുതിയ ഘട്ടത്തിന് തുടക്കമിട്ടു. 1965-ൽ ഇന്ത്യയുടെ വാണിജ്യ വ്യവസായ മന്ത്രാലയം സ്ഥാപിച്ച ഫിയോ, ഇന്ത്യൻ എക്‌സ്‌പോർട്ടുകൾ ആഗോളതലത്തിൽ പ്രോത്സാഹിപ്പിക്കുന്ന ഏറ്റവും പ്രധാനിയുള്ള സ്ഥാപനം ആണ്. 31 ഇന്ത്യൻ ഫുഡ് & അഗ്രോ കമ്പനികളുടെ പ്രതിനിധികളും, ഉൽപ്പന്നങ്ങളുടെ പ്രദർശനവും ഉണ്ടായിരുന്നു. പഴങ്ങൾ, പച്ചക്കറികൾ, അരി, മീറ്റ്, മസാലകൾ, ചായ, കോഫി, പരിസ്ഥിതി സൗഹൃദ പാക്കേജിംഗ് രീതികൾ തുടങ്ങി, ഭക്ഷ്യ സംസ്‌കരണം, പാക്കേജിംഗ്, സ്ഥിരമായ കാർഷിക പദ്ധതികളിലെ നൂതനത്വങ്ങൾ കുവൈറ്റ് വാങ്ങിക്കാരുടെ ശ്രദ്ധ ആകർഷിച്ചു. കുവൈറ്റിലേക്ക് ഇറക്കുമതി ചെയ്യുന്നവർക്ക് ഇന്ത്യൻ ബിസിനസ്സുകളുമായി നേരിട്ട് ബന്ധപ്പെടാനും പുതിയ രീതികൾ ഉൾക്കൊള്ളാനും അവസരം ലഭിച്ചു.}

_{കുവൈറ്റ് സിറ്റി : ഡേ ഫ്രഷ് വെജിറ്റബിൾ ശൃംഖലയുടെ 25 -മത് ഔട്ട് ലെറ്റ് അബ്ബാസിയയിൽ തുറന്നു. അബ്ബാസിയയിൽ ഏറ്റവും ജനത്തിരക്കേറിയ ബ്ലോക്ക് നാളിലെ സ്ട്രീറ്റ് നാലിൽ കൊച്ചിൻ സ്റ്റുഡിയോക്കു സമീപത്താണ് ഡേ ഫ്രഷ് വെജിറ്റബിൾന്റെ 25 – മതുംഅബ്ബാസിയയിലെ ആറാമതുമായ ഔട്ട്ലെറ്റ് ഉദ്‌ഘാടനം ചെയ്യപ്പെട്ടിട്ടുള്ളത്. നാട്ടിലെ നിന്നും നേരിട്ട് എത്തിക്കുന്ന വിഷമുക്ത പച്ചക്കറികൾ ആകർഷകമായ നിരക്കിൽ ഡേ ഫ്രഷ് ന്റെ പ്രത്യേകതയാണ്. പച്ചക്കറികൾക്ക് പുറമെ നിലവാരമുള്ള പലവ്യഞ്ജനങ്ങളും ഡേ ഫ്രസ്ന്റെ വിവിധ ഔട്ട്ലെറ്റുകളിൽ ലഭ്യമാണ്.അരി പലവ്യഞ്ജനമടക്കം ഓണത്തിന് വേണ്ട എല്ലാ വിധ പച്ചക്കറികളും പ്രത്യക ഓഫറുകളിലും സ്‌പെഷൽ നിരക്കുകളിലും ഡേ ഫ്രഷിന്റെ എല്ലാ ഔട്ടലെറ്റുകളിലും ലഭ്യമാണെന്ന് സി ഇ ഓ കൂടിയായ ഡേ ഫ്രഷ് കൺട്രി ഹെഡ് ശ്രീ ദിലീപ് കുമാർ അറിയിച്ചു.}

_{ഹ്രസ്വ കാലം കൊണ്ട് മലയാളികളുടെ മാത്രമല്ല ഇന്ത്യൻ സമൂഹത്തിന്റെയകമാനം വിശ്വാസ്യത നേടി പ്രശസ്തിയിലേക്ക് കുതിക്കുന്ന ‘ഡേ ഫ്രഷ്’ അതിവേഗമുള്ള വളർച്ചയുടെ പാതയിലാണ്. അബ്ബാസിയക്ക് പുറമെ മലയാളികൾ തിങ്ങിപ്പാർക്കുന്ന അബുഹലീഫ, മംഗഫ്, സാൽമിയ, മഹബൂല, ഫർവാനിയ, റിഗ്ഗയ് എന്നിവിടങ്ങളിലും ഡേഫ്രഷ്ന്റെ നിരവധി ബ്രാഞ്ചുകളുണ്ട്. ഗുണനിലവാരമുള്ള പച്ചക്കറികൾ മിതമായ നിരക്കിൽ ഉപഭോക്താക്കൾക്ക് എത്തിച്ചു നൽകുന്നതിന് ഡേ ഫ്രഷ് പ്രതിജ്ഞാബദ്ധമാണെന്നു ശ്രീ ദിലീപ് കുമാർ വെളിപ്പെടുത്തി.സാമൂഹ്യ പ്രവർത്തകരും അഭ്യുദയ കാംക്ഷികളും ഉപഭോക്താക്കളുമടക്കം ഉദ്‌ഘാടനവേളയിൽ ധാരാളം പേര് സന്നിഹിതരായിരുന്നു.}

Advertisement

inner ad