Kerala
2021 ജനുവരി മാസത്തില്‍ നല്‍കേണ്ട രണ്ട് ശതമാനം ക്ഷാമബത്ത അനുവദിച്ച് പുകമറ സൃഷ്ടിക്കുന്നു: ചവറ ജയകുമാര്‍
2021 മുതല്‍ ലഭിക്കേണ്ട 21 ശതമാനം ക്ഷാമബത്ത കുടിശ്ശികയുള്ളപ്പോള്‍ വെറും രണ്ട് ശതമാനം നല്‍കി ജീവനക്കാരെ വഞ്ചിക്കുന്ന നടപടിയാണ് സര്‍ക്കാര്‍ സ്വീകരിക്കുന്നതെന്ന് കേരള എന്‍ജിഒ അസോസിയേഷന്‍ സംസ്ഥാന പ്രസിഡന്റ് ചവറ ജയകുമാര്‍ അഭിപ്രായപ്പെട്ടു.കേന്ദ്രസര്‍ക്കാര്‍ ജീവനക്കാര്‍ക്ക് 46 ശതമാനം ക്ഷാമബത്ത ലഭിക്കുമ്പോള്‍ കേരളത്തില്‍ ഏഴ് ശതമാനം മാത്രമാണ് ലഭിക്കുന്നത്. ഏപ്രില്‍ മാസത്തിലെ ശമ്പളത്തോടൊപ്പം രണ്ട് ശതമാനം അനുവദിച്ചാല്‍ അത് ഒന്‍പത് ശതമാനം ആയി മാറും.എന്നാല്‍ കേരളത്തില്‍ ജോലി ചെയ്യുന്ന ഐഎഎസ് ഉദ്യോഗസ്ഥര്‍ക്ക് കേരള സര്‍ക്കാര്‍ 46% ക്ഷാമബത്ത നല്‍കുന്നുണ്ട്.
മൂന്നുവര്‍ഷത്തിന് മുമ്പുള്ള വിലക്കയറ്റത്തിന്റെ അടിസ്ഥാനത്തില്‍ 2021 ജനുവരിയില്‍ രണ്ട് ശതമാനം ക്ഷാമബത്ത നിശ്ചയിച്ചത്.കഴിഞ്ഞ മൂന്നു വര്‍ഷമായി അതിരൂക്ഷമായ വില ക്കയറ്റമാണ് സംസ്ഥാനം നേരിടുന്നത്. എല്ലാ രംഗത്തും ഉണ്ടായ വില വര്‍ധന താങ്ങാനാകാതെ ജീവനക്കാരും പൊതുസമൂഹവും നട്ടം തിരിയുകയാണ്.അതിനുപുറമേ ശമ്പള വിതരണത്തിന് ഫണ്ട് നീക്കി വയ്ക്കാതെ സാങ്കേതിക തകരാര്‍ എന്ന വ്യാജ പ്രചരണം നടത്തി ജീവനക്കാരെ വഞ്ചിക്കുകയാണ്.ശമ്പളം പിന്‍വലിക്കുന്നതിന് പരിധി ഏര്‍പ്പെടുത്തുന്ന സമ്പ്രദായം ചരിത്രത്തില്‍ ഇന്നേവരെ ഉണ്ടായിട്ടില്ല.തെരഞ്ഞെടുപ്പ് മുന്നില്‍ കണ്ടുകൊണ്ട് ഏപ്രില്‍ മാസം ലഭിക്കുന്ന രണ്ട് ശതമാനം ക്ഷാമബത്ത ഉത്തരവാക്കി തടി തപ്പാന്‍ ശ്രമിക്കുകയാണ്. ഇനിയും 19 ശതമാനം ക്ഷാമബത്ത കുടിശ്ശികയാണെന്ന് വിവരം പൊതുസമൂഹത്തിനു മുമ്പില്‍ നിന്നും മറച്ചു വയ്ക്കുകയാണ്.2019 ജൂലൈ മാസം മുതല്‍ ലഭിക്കേണ്ടിയിരുന്ന ശമ്പള പരിഷ്‌ക്കരണത്തിന്റെ കുടിശികതുക ഇതേവരെ ലഭിച്ചിട്ടില്ല.
ലീവ് സറണ്ടര്‍ ലഭിച്ചിട്ട് നാലുവര്‍ഷമായി.ആഘോഷങ്ങള്‍ക്കും ധൂര്‍ത്തുകള്‍ക്കുമായി പരിധിയില്ലാതെ പണം ചെലവഴിക്കുന്നവര്‍ സേവന രംഗത്തുള്ള ജീവനക്കാര്‍ ജോലി ചെയ്തതിന്റെ പണം നല്‍കാന്‍ വിസമ്മതിക്കുകയാണ്.ശമ്പളം ജീവനക്കാരുടെ സ്വത്താണെന്ന് നീതിപീഠങ്ങള്‍ തന്നെ വ്യക്തമാക്കിയിട്ടും അതുപോലും തടഞ്ഞുവയ്ക്കാന്‍ സാങ്കേതികത്വം മറയാക്കുകയാണ്.ഇപ്പോഴും പല വകുപ്പുകളിലും പൂര്‍ണ്ണമായി ശമ്പളം വിതരണം ചെയ്തിട്ടില്ല. ബില്ലു കൊടുക്കാന്‍ താമസിച്ചു എന്ന തൊടു ന്യായമാണ് ഇതിന് പറയുന്നത്. എന്നാല്‍ ഓണ്‍ലൈനില്‍ സമര്‍പ്പിച്ച ബില്ലുകള്‍ താമസിച്ചു എന്നു പറയുന്നതില്‍ യുക്തിയില്ല.ജീവനക്കാരുടെ ശമ്പള വിതരണം ഇനിയും വൈകിപ്പിക്കുന്ന സാഹചര്യം ഉണ്ടാകരുത്. ശമ്പള വിതരണത്തിന് ഏര്‍പ്പെടുത്തിയ പരിധി അടിയന്തരമായി പിന്‍വലിക്കണം. ക്ഷാമബത്ത കുടിശ്ശിക അനുവദിക്കാന്‍ സര്‍ക്കാര്‍ തയ്യാറാകണം.ആനുകൂല്യങ്ങള്‍ കവര്‍ന്നെടുക്കുന്ന നടപടികള്‍ തുടര്‍ന്നാല്‍ പണിമുടക്കടക്കമുള്ള മാര്‍ഗ്ഗങ്ങള്‍ സ്വീകരിക്കേണ്ടി വരുമെന്ന് അദ്ദേഹം മുന്നറിയിപ്പ് നല്‍കി.
ആലപ്പുഴ: ആലപ്പുഴ കളർകോ‍‍ട് അപകടത്തിന്റെ കാരണം വാഹനത്തിലെ അമിതഭാരമെന്ന് ആലപ്പുഴ ആർടിഒ. ഈ സമയത്ത് മഴ ഉണ്ടായിരുന്നതും വാഹനത്തിന്റെ പഴക്കവും അപകട കാരണമായെന്ന് ആർടിഒ പറഞ്ഞു. കാർ അമിത വേഗതയിൽ ആയിരുന്നില്ലയെന്നും ആർ ടി ഒ വ്യക്തമാക്കി. വാഹനത്തിന്റെ ഉടമയെ അന്വേഷിക്കേണ്ടതുണ്ടെന്നും 14 വർഷം പഴക്കമുള്ള വാഹനമാണിതെന്നും കാറിന് ആന്റിലോക്ക് ബ്രേക്കിങ് സംവിധാനമില്ലായിരുന്നുവെന്നും ആർടിഒ പറഞ്ഞു. റോഡിൽ വെളിച്ചം കുറവായിരുന്നു. വാഹനം ഓവർലോഡ് ആയിരുന്നതാണ് അപകടത്തിന്റെ തീവ്രത കൂട്ടിയതെന്ന് ആർടിഒ പറഞ്ഞു. എന്തോ ഒന്ന് കാറിനു മുന്നിൽ കണ്ടുവെന്നും പെട്ടന്ന് വണ്ടി വെട്ടിച്ചെന്നുമാണ് ഡ്രൈവർ ആയിരുന്ന വിദ്യാർത്ഥി പറഞ്ഞത്. എന്നാൽ വീഡിയോയിൽ ഇത് കാണാത്തതിനാൽ കൂടുതൽ പരിശോധന ആവശ്യമാണെന്നും ആർടിഒ പറഞ്ഞു.
ആലപ്പുഴ: ഇന്നലെ രാത്രിയിൽ കെഎസ്ആർടിസി ബസിൽ കാറിടിച്ച് ഉണ്ടായ അപകടത്തിൽ പ്രിയപ്പെട്ട വിദ്യാര്‍ത്ഥികളെ നഷ്ടപ്പെട്ട നടുക്കത്തിലാണ് വണ്ടാനം മെഡിക്കല്‍ കോളേജ്. കോളേജ് ഹോസ്റ്റലില്‍ താമസിക്കുകയായിരുന്ന വിദ്യാര്‍ത്ഥികള്‍ വൈകീട്ടോടെ പുറത്തേക്ക് പോയതാണെന്നും ഇതിനിടെയാണ് അപകടം സംഭവിച്ചതെന്നും വണ്ടാനം മെഡിക്കല്‍ കോളേജ് പ്രിന്‍സിപ്പാള്‍ മറിയം വര്‍ക്കി പറഞ്ഞു
“അപകടത്തെ കുറിച്ച് അറിഞ്ഞയുടന്‍ അധ്യാപകരുള്‍പ്പെടെ എല്ലാവരും ആശുപത്രിയില്‍ എത്തിയിരുന്നു. അമ്പലപ്പുഴ എംഎല്‍എ എച്ച് സലാമും ആശുപത്രിയിലെത്തിയിരുന്നു. കോളേജ് ഹോസ്റ്റലില്‍ തന്നെയായിരുന്നു വിദ്യാർത്ഥികൾ താമസിച്ചിരുന്നത്. എന്തോ ആവശ്യത്തിന് അവര്‍ നേരത്തേ ഹോസ്റ്റലില്‍ നിന്നും പുറത്തേക്ക് പോയിരുന്നു. നല്ല മഴയുണ്ടായിരുന്നു. വൈകുന്നേരം മുതല്‍ മഴ കനക്കുന്നതിനാല്‍ കാഴ്ച വളരെ കുറവായിരുന്നു. 11 കുട്ടികളാണ് കാറിലുണ്ടായിരുന്നത്. 5 പേര്‍ സംഭവസ്ഥലത്തു തന്നെ മരിച്ചു. 4 പേര്‍ക്ക് ഗുരുതര പരിക്കേറ്റിട്ടുണ്ട്; 2 പേര്‍ക്ക് വലിയ പരിക്കുകളില്ല. കുട്ടികള്‍ അപകടനില ഇനിയും തരണം ചെയ്തിട്ടില്ല. ഗുരുതര പരിക്കേറ്റ 4 വിദ്യാര്‍ത്ഥികളും ഐസിയുവിലാണ്”: പ്രിൻസിപ്പൽ പറഞ്ഞു.
Alappuzha
ആലപ്പുഴയിൽ കെഎസ്ആർടിസി ബസും കാറും കൂട്ടിയിടിച്ച് നാല് മരണം
മരിച്ചത് വണ്ടാനം മെഡിക്കൽ കോളേജിലെ വിദ്യാർഥികൾ
ആലപ്പുഴ: ആലപ്പുഴ കളര്‍കോട് വാഹനാപകടത്തില്‍ നാലുപേര്‍ മരിച്ചു. വണ്ടാനം മെഡിക്കൽ കോളേജിലെ വിദ്യാർഥികളാണ് അപകടത്തിൽ മരിച്ച നാലുപേരും. കാറും കെഎസ്ആർടിസി ബസും തമ്മില്‍ കൂട്ടിയിടിച്ചാണ് അപകടം. കെഎസ്ആർടിസി സൂപ്പര്‍ ഫാസ്റ്റ് ബസിലേക്ക് കാര്‍ ഇടിച്ചുകയറുകയായിരുന്നു. അപകടത്തില്‍ മൂന്നുപേര്‍ക്ക് ഗുരുതരമായി പരുക്കേറ്റു. വണ്ടാനം മെഡിക്കൽ കോളേജിലെ വിദ്യാർഥികൾ സഞ്ചരിച്ചിരുന്ന കാറാണ് അപകടത്തിൽപ്പെട്ടത്. കാര്‍ വെട്ടിപ്പൊളിച്ചാണ് ഇവരെ പുറത്തെടുത്തത്. പരുക്കേറ്റവരെ വണ്ടാനം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
-
Kerala2 days agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര്‍ -
News3 weeks agoക്ഷാമ ബത്ത കേസിൽ ഇടക്കാല ഉത്തരവ്
-
Featured1 month agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala1 month agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News3 weeks ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
Education3 months agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
-
Education3 months agoഗേറ്റ് 2025 രജിസ്ട്രേഷൻ ആരംഭിച്ചു
-
Travel1 month agoനീല വസന്തം; ചതുരംഗപാറ മലനിരകളിൽ പൂത്തുലഞ്ഞ് കുറിഞ്ഞി
You must be logged in to post a comment Login