Alappuzha
ആലപ്പുഴ മെഡിക്കൽ കോളേജിന് അംഗീകാരം നഷ്ടപ്പെട്ടത് മുന്നറിയിപ്പുകൾ അവഗണിച്ചത് മൂലം; കെജിഎംസിടിഎ
തിരുവനന്തപുരം: കേരളത്തിലെ നാലാമത്തെ മെഡിക്കൽ കോളേജ് ആയതും, 50 വർഷത്തെ പാരമ്പര്യം ഉള്ളതുമായ ആലപ്പുഴ മെഡിക്കൽ കോളേജിന്റെ അംഗീകാരം നഷ്ടപെട്ടത് കാലാകാലങ്ങളിൽ കെജിഎംസിടിഎ നൽകിയ മുന്നറിയിപ്പുകൾ സർക്കാർ അവഗണിച്ചത് കൊണ്ടാണെന്ന് കെജിഎംസിടിഎ സംസ്ഥാന ഭാരവാഹികൾ പ്രസ്താവനയിലൂടെ അറിയിച്ചു. മെഡിക്കൽ വിദ്യാഭ്യാസ വകുപ്പിൽ ഇപ്പോഴും 1962 ലെ സ്റ്റാഫ് പാറ്റേൺ ആണ് പിന്തുടർന്നത്. ഇക്കാലയളവിൽ ആദ്യകാല മെഡിക്കൽ കോളേജുകളിൽ ഒക്കെ ചികിത്സ സൗകര്യങ്ങൾ പതിന്മടങ്ങു വർദ്ധിക്കുകയും, അത്യാധുനിക ചികിത്സ രീതികൾ സംജാതമാക്കുകയും ചെയ്തു. എംബിബിസ് സീറ്റുകളുടെ എണ്ണവും 2 ഇരട്ടിയിലധികം വർദ്ധിച്ചു. മെച്ചപ്പെട്ട ചികിത്സ സംവിധാനം ഏർപ്പെടുത്തിയതിനാൽ രോഗീ ബാഹുല്യം ക്രമതീതമായി വർദ്ധിക്കുകയും ചെയ്തു, എന്നാൽ അതിന് ആനുപാതികമായി അദ്ധ്യാപക, അനദ്ധ്യാപക തസ്തികകൾ സർക്കാരുകൾ സൃഷ്ടിച്ചതുമില്ല.
ഉള്ള തസ്തികകളിൽ തന്നെ 25% എങ്കിലും ഒഴിഞ്ഞു കിടക്കുകയും അവ അടിയന്തിര പ്രാധാന്യത്തോടെ നികത്തുന്നതിലും, സമയബന്ധിതമായി പ്രൊമോഷൻ നടത്തുന്നതിലും വലിയ കാലതാമാസവും ഉണ്ടായികൊണ്ടിരിക്കുകയുമാണ്.
ഇത്തരത്തിൽ അമിതജോലിഭാരം ഉള്ളപ്പോൾ ആണ്, പുതുതായി എല്ലാ ജില്ലകളിലും മെഡിക്കൽ കോളേജുകൾ കാലക്രമേണ സ്ഥാപിക്കാൻ ആരംഭിച്ചത്. അപ്പോഴൊക്കെ തന്നെ ഇതിലെ അപകടം നിരവധി തവണ കെജിഎംസിടിഎ രേഖാമൂലം അതാത് സർക്കാരുകളെ അറിയിച്ചതുമാണ്
മെച്ചപ്പെട്ട ചികിത്സ സൗകര്യം ആണ് ഉദ്ദേശിക്കുന്നത് എങ്കിൽ അതിനു സൂപ്പർസ്പെഷ്യലിറ്റി ആശുപത്രികൾ ആണ് ആരംഭിക്കേണ്ടത് എന്ന നിർദ്ദേശം നൽകിയിരുന്നു. എന്നാൽ അത് ചെവികൊള്ളാതെ യാതൊരു വിധ അടിസ്ഥാന സൗകര്യങ്ങളും ഒരുക്കാതെ നാമമാത്രമായ ഡോക്ടർ, നഴ്സിംഗ്, പാരമെഡിക്കൽ സ്റ്റാഫുമാരെ നിയമിച്ച് മെഡിക്കൽ കോളേജുകൾ ആരംഭിച്ചു. ഇതിന്റെ ദൂഷ്യവശം ചൂണ്ടിക്കാണിക്കുകയും, ആവശ്യത്തിന് അധ്യാപക, റെസിഡന്റ്, അനധ്യാപക തസ്തികകൾ, ആശുപത്രി കിടക്കൾക്കും, ഓ പി രോഗികളുടെയും എണ്ണത്തിനു അനുസൃതമായി സൃഷ്ടിക്കണം എന്നും ആവശ്യപ്പെട്ടതാണ്. അതിനു പകരം നിലവിലുള്ള മെഡിക്കൽ കോളേജുകളിൽ നിന്ന് അധ്യാപരെ അവിടെയ്ക്ക് മാറ്റി നിയമിച്ചത് ഈ ആരോഗ്യ സംവിധാനത്തിന്റെ സമ്പൂർണ്ണ തകർച്ചയിലേക്ക് ആയിരിക്കും നയിക്കുക എന്നും മുന്നറിയിപ്പ് നൽകി. രോഗികളുടെ ജീവനും വിദ്യാർത്ഥികളുടെ ഭാവിയും നശിപ്പിക്കുന്ന ഇത്തരം നടപടികളോട് സഹകരിക്കാൻ ഉള്ള ബുദ്ധിമുട്ടും അറിയിച്ചിരുന്നു. എന്നാൽ ഇതൊന്നും വക വയ്ക്കാതെ ഭീഷണിപ്പെടുത്തിയും സമ്മർദ്ദപ്പെടുത്തിയും ഡോക്ടർമാരുടെ കൂട്ട സ്ഥലം മാറ്റങ്ങൾ നിരവധി തവണ ആവർത്തിക്കപ്പെട്ടു.
അത്തരം പ്രവൃത്തികളുടെ ആദ്യ പ്രതിഫലനം ആണ് ഇപ്പോൾ ആലപ്പുഴ മെഡിക്കൽ കോളേജിൽ സംഭവിച്ചത്. ഇപ്പോൾ എല്ലാ കോളേജുകളിലും NMC ആധാർ അടിസ്ഥാന പഞ്ചിങ് ഏർപ്പെടുത്തിയിട്ടുള്ളതിന്നാൽ അതിസമീപ ഭാവിയിൽ തന്നെ മറ്റുള്ള മെഡിക്കൽ കോളേജുകൾക്കും ഇതേ ഗതി തന്നെയാണ് ഉണ്ടാകുവാൻ പോകുന്നത്. എന്‍എംസി കണ്ടുപിടിച്ചാല്‍ കോളേജിന്റെ അംഗീകാരം നഷ്ടപ്പെടുന്നതു കൂടാതെ മെഡിക്കല്‍ അദ്ധ്യാപകരുടെ ലൈസൻസ്, മെഡിക്കൽ കൗൺസിൽ രജിസ്ട്രേഷൻ എന്നിവയും നഷ്ടപ്പെടുകയും ചെയ്യാം.
ആയതിനാൽ അതിശക്തമായി തന്നെ താഴെ പറയുന്ന ആവശ്യങ്ങൾ KGMCTA ഉന്നയിക്കുന്നു.
- ഒഴിഞ്ഞു കിടക്കുന്ന അദ്ധ്യാപക, റെസിഡന്റ് തസ്തികകൾ അടിയന്തിരമായി നികത്തുക
- രോഗികളുടെ എണ്ണത്തിന് അനുസൃതമായി ആവശ്യത്തിന് ഡോക്ടർമാരുടെ തസ്തികകൾ സൃഷ്ടിക്കുക
- എന്‍എംസി അംഗീകാരത്തിനായി അദ്ധ്യാപകരെ താത്കാലികമായി സ്ഥലം മാറ്റുന്നതും പുനര്‍വിന്യസിക്കുന്നതും പഴയ മെഡിക്കല്‍കോളേജുകളുടെ പ്രവര്‍ത്തനത്തെയും അംഗീകാരത്തിനെയും പ്രതികൂലമായി ബാധിക്കുന്നതിനാൽ അടിയന്തിരമായി അത്തരം പ്രവർത്തികൾ അവസാനിപ്പിക്കുക
- പ്രൊമോഷൻ, ജനറൽ ട്രാൻസ്ഫർ, ട്രാൻഫർ നടപടികൾ സമയബന്ധിതമായി ദ്രുതഗതിയിൽ നടത്തുക
- ആവശ്യത്തിന് നഴ്സിംഗ്, പാരമെഡിക്കൽ ജീവനക്കാരെ നിയമിക്കുക
- പുതിയ മെഡിക്കൽ കോളേജുകളിൽ അടിസ്ഥാന സൗകര്യങ്ങൾ വർദ്ധിപ്പിക്കുക
7.ഇപ്പോള്‍ വിദ്യാർത്ഥികൾ ഉള്ള മെഡിക്കല്‍ കോളേജുകളുടെ പ്രവര്‍ത്തനവും വികസനവും പൂര്‍ത്തീകരിച്ചിട്ടുമാത്രമേ പുതിയ സ്ഥാപനങ്ങള്‍ തുടങ്ങാവാന്‍ പാടുള്ളൂ.
- കോളേജുകളിലെ അടിസ്ഥാന വികസനം പൂര്‍ത്തീകരിച്ച ശേഷം ആവശ്യത്തിനു തസ്തിക സൃഷ്ടിച്ച് സൂപ്പർസ്പെഷ്യലിറ്റി ഡിപ്പാർട്മെന്റുകൾ ആരംഭിക്കുകയും, അത് വഴി PG കോഴ്സുകൾ തുടങ്ങുകയും ചെയ്യുക.
- പുതിയ മെഡിക്കല്‍ കോളേജുകളില്‍ തുടര്‍ന്നുവരുന്ന ഡ്യുവല്‍ അഡ്മിനിസ്ട്രേഷന്‍ ഉടന്‍ നിര്‍ത്തലാക്കണം. മെഡിക്കല്‍ കോളേജുകളുടെ വികസനം പ്രവര്‍ത്തനം, അംഗീകാരം എന്നിവ വളരെയധികം പ്രതികൂലമായി ബാധിക്കുന്ന ഘടകമാണിത്
- ശമ്പളപരിഷ്കരണ കുടിശ്ശിക, DA കുടിശ്ശിക എന്നിവ നൽകുക. മെഡിക്കല്‍ വിദ്യാഭ്യാസ വിഭാഗത്തില്‍ യുവഡോക്ടർമാരെ ആകര്‍ഷിക്കുവാനായി എൻഡ്രി കേഡറിലെ ശമ്പളപരിഷ്കരണ അപാകതകൾ പരിഹരിച്ച് കാലോചിതമായ ശമ്പളവര്‍ദ്ധന വരുത്തണം
- പിജി ഡോക്ടര്‍മാരുടെ എണ്ണത്തിനു തുല്യമായ സീനിയര്‍ റസിഡൻസ് തസ്തികകള്‍ സ്യഷ്ടിക്കണം. സീനിയര്‍ റസിഡൻസ് ഡോക്ടര്‍മാരുടെ വേതനവും ഗണ്യമായി വര്‍ദ്ധിപ്പിച്ചാല്‍ മാത്രമേ റസിഡൻസ് ഡോക്ടര്‍മാരെ കിട്ടുകയുള്ളൂ.
മേൽ പറഞ്ഞ നടപടികൾ പ്രാവർത്തികമാക്കിയില്ലെങ്കിൽ, മറ്റു മെഡിക്കൽ കോളേജുകളുടെ കൂടെ NMC റെക്കഗ്നിനേഷൻ ഭാവിയിൽ അവതാളത്തിലാകുമെന്ന് കെജിഎംസിടിഎ സംസ്ഥാനസമിതി ഓർമിപ്പിച്ചു.
ആലപ്പുഴ: ആറ് വിദ്യാര്‍ഥികളുടെ ജീവന്‍ നഷ്ടമാക്കിയ കളര്‍കോട് വാഹനാപകടത്തില്‍, വാഹന ഉടമ ഷാമില്‍ ഖാനെതിരെ മോട്ടോര്‍ വാഹന വകുപ്പ് കേസെടുത്തു. വിദ്യാര്‍ഥികള്‍ക്ക് ഷാമില്‍ ഖാന് വാഹനം നല്‍കിയത് കള്ള ടാക്‌സിയായാണെന്ന് എം.വി.ഡി കണ്ടെത്തിയിരുന്നു. അപകടത്തില്‍ അന്വേഷണ റിപ്പോര്‍ട്ട് ഇന്ന് കോടതിയില്‍ സമര്‍പ്പിക്കും. ഷാമില്‍ ഖാന് വാടക ഗൂഗ്ള്‍ പേ വഴി നല്‍കിയതിന്റെ തെളിവും കോടതിയില്‍ ഹാജരാക്കും.
ഷാമില്‍ ഖാന്റെ മൊഴി നേരത്തേ ആര്‍.ടി.ഒ രേഖപ്പെടുത്തിയിരുന്നു. വിദ്യാര്‍ത്ഥികളുമായുള്ള പരിചയത്തിന്റെ പുറത്താണ് വാഹനം വിട്ടുനല്‍കിയതെന്നും വാടക വാങ്ങിയിരുന്നില്ലെന്നുമാണ് തുടക്കം മുതല്‍ ഷാമില്‍ ഖാന് പറഞ്ഞിരുന്നത്. വാഹനം വാടകക്ക് നല്‍കുന്നതിനുള്ള ലൈസന്‍സും ഷാമില്‍ ഖാന് ഉണ്ടായിരുന്നില്ല.
കഴിഞ്ഞ തിങ്കളാഴ്ച്ചയാണ് വിദ്യാര്‍ത്ഥികള്‍ സഞ്ചരിച്ച ടവേര കാര്‍ കെ.എസ്.ആര്‍.ടി.സി ബസുമായി കൂട്ടിയിടിച്ചത്. ഗുരുവായൂരില്‍നിന്ന് കായംകുളത്തേക്ക് പോകുകയായിരുന്ന കെ.എസ്.ആര്‍.ടി.സി ബസിലേക്കാണ് കാര്‍ ഇടിച്ചുകയറിയത്.
അപകടത്തില്‍ വിദ്യാര്‍ത്ഥികള്‍ സഞ്ചരിച്ചിരുന്ന കാര്‍ പൂര്‍ണമായും തകര്‍ന്നു. പതിനൊന്ന് പേരാണ് കാറിലുണ്ടായിരുന്നത്.കോട്ടയം പൂഞ്ഞാര്‍ ചേന്നാട് കരിങ്ങോഴക്കല്‍ ഷാജിയുടെ മകന്‍ ആയുഷ് ഷാജി (19), പാലക്കാട് കാവുസ്ട്രീറ്റ് ശേഖരപുരം ശ്രീവിഹാറില്‍ കെ.ടി. ശ്രീവത്സന്റെ മകന്‍ ശ്രീദീപ് വത്സന്‍ (19), മലപ്പുറം കോട്ടയ്ക്കല്‍ ചീനംപുത്തൂര്‍ ശ്രീവൈഷ്ണവത്തില്‍ എ.എന്‍. ബിനുരാജിന്റെ മകന്‍ ബി. ദേവാനന്ദന്‍ (19), കണ്ണൂര്‍ വേങ്ങര മാടായി മുട്ടം പാണ്ട്യാല വീട്ടില്‍ മുഹമ്മദ് അബ്ദുല്‍ ജബ്ബാര്‍ (19), ലക്ഷദ്വീപ് ആന്ത്രോത്ത് ദ്വീപ് പാക്രിച്ചിയപുര വീട്ടില്‍ പി. മുഹമ്മദ് നസീറിന്റെ മകന്‍ മുഹമ്മദ് ഇബ്രാഹിം (19) എന്നിവരാണു മരിച്ചത്.
ആലപ്പുഴ: ആലപ്പുഴ കളർകോടുണ്ടായ വാഹനാപകടത്തിൽ ഒരു മെഡിക്കൽ വിദ്യാർത്ഥി കൂടി മരിച്ചു. എടത്വ പള്ളിച്ചിറ സ്വദേശി ആൽവിൻ ജോർജ് ആണ് മരിച്ചത്. അപകടത്തിൽ പരിക്കേറ്റ് ഗുരുതരാവസ്ഥയിൽ എറണാകുളത്തെ ആശുപത്രിയിൽ ചികിത്സയിലായിരുന്നു. ആലപ്പുഴ മെഡിക്കൽ കോളേജിൽ നിന്ന് വിദഗ്ധ ചികിത്സക്കായി എറണാകുളത്തേക്ക് മാറ്റിയിരുന്നു. കുടുംബത്തിൻ്റെ ആവശ്യപ്രകാരമാണ് മാറ്റിയത്. എന്നാൽ ചികിത്സയിലിരിക്കെ ഇന്ന് മരണത്തിന് കീഴടങ്ങുകയായിരുന്നു. ഇതോടെ കളർകോട് കാറപകടത്തിൽ മരിച്ചവരുടെ എണ്ണം ആറായി. കഴിഞ്ഞ തിങ്കളാഴ്ച രാത്രിയാണ് നാടിനെയാകെ നൊമ്പരത്തിലാഴ്ത്തിയ ദാരുണമായ വാഹനാപകടം ഉണ്ടായത്. പാലക്കാട് സ്വദേശി ശ്രീദേവ് വത്സൻ, മലപ്പുറം കോട്ടക്കൽ സ്വദേശി ദേവനന്ദൻ, കണ്ണൂർ സ്വദേശി മുഹമ്മദ് അബ്ദുൽ ജബ്ബാർ, ലക്ഷദ്വീപ് സ്വദേശി മുഹമ്മദ് ഇബ്രാഹിം, കോട്ടയം സ്വദേശി ആയുഷ് ഷാജി എന്നിവരാണ് അപകടത്തില്‍ മരിച്ചത്.
Alappuzha
ആലപ്പുഴ സിപിഎമ്മില്‍ കൊഴിഞ്ഞു പോക്ക് തുടരുന്നു: പാര്‍ട്ടി പ്രവര്‍ത്തനം നിര്‍ത്തുകയാണെന്ന് സിപിഎം കായംകുളം ഏരിയ കമ്മിറ്റി അംഗം പ്രസന്നകുമാരി
ആലപ്പുഴ: പാര്‍ട്ടി പ്രവര്‍ത്തന നിര്‍ത്തുകയാണെന്ന് സിപിഎം കായംകുളം ഏരിയ കമ്മിറ്റി അംഗം പ്രസന്നകുമാരി. സിപിഎമ്മില്‍ നേരിടുന്നത് കടുത്ത ആക്ഷേപവും അവഗണനയുമാണെന്നും പ്രസന്ന കുമാരി. മൂന്ന് വര്‍ഷമായി പാര്‍ട്ടിയില്‍ അവഗണന നേരിടുകയാണെന്നും പരാതിപ്പെട്ടിട്ടും പരിഹാരമുണ്ടായില്ലെന്നും അവര്‍ കൂട്ടിച്ചേര്‍ത്തു. 15 വര്‍ഷം സിപിഎം പഞ്ചായത്ത് പ്രസിഡന്റായിരുന്നു പ്രസന്നകുമാരി.
താന്‍പോരിമയാണ് പാര്‍ട്ടി നേതാക്കളുടെ മനോഭാവം. നേതാക്കള്‍ക്കുള്ളത് സ്വന്തം താത്പര്യം മാത്രമാണ്. മൂന്നുവര്‍ഷമായി പാര്‍ട്ടിയില്‍ അവഗണന നേരിടുന്നു. പരാതി സംസ്ഥാന നേതൃത്വത്തെ അറിയിച്ചിട്ടും നടപടി ഉണ്ടായില്ല. തന്നെ കള്ളക്കേസില്‍ കുടുക്കിയത് ബിപിന്‍ ബിജെപിയില്‍ പോയതിന്റെ പ്രതികാരത്തിലാണ്. താന്‍ പരാതിക്കാരിക്കൊപ്പം താമസിച്ചിട്ടു പോലുമില്ലെന്നും പ്രസന്നകുമാരി വ്യക്തമാക്കി.
സിപിഎം വിട്ട് ബിജെപിയില്‍ ചേര്‍ന്ന ബിപിന്‍ സി ബാബുവിന്റെ മാതാവാണ് പ്രസന്നകുമാരി. സ്ത്രീധന പീഡന പരാതിയില്‍ ബിപിന്‍ സി ബാബുവിന്റെ മുന്‍കൂര്‍ ജാമ്യഹര്‍ജി ഇന്ന് പരിഗണിക്കാനിരിക്കെയാണ് പാര്‍ട്ടി പ്രവര്‍ത്തനം നിര്‍ത്തുന്നതായുള്ള പ്രസന്നകുമാരിയുടെ പരാമര്‍ശം. ആലപ്പുഴ ജില്ലാ പഞ്ചായത്തംഗമാണ് ബിപിന്‍ സി ബാബു. സിപിഎം വിട്ട് ബിജെപിയില്‍ ചേര്‍ന്നതിന് പിന്നാലെയായിരുന്നു ബിപിനെതിരെ ഭാര്യ പരാതിയുമായി രംഗത്തെത്തിയത്. പരാതിയില്‍ ആലപ്പുഴ കരീലക്കുളങ്ങര പൊലീസ് കേസെടുത്തിരുന്നു.
ഇതിലാണ് ബിപിന്‍ സി ബാബു മുന്‍കൂര്‍ ജാമ്യം തേടിയത്. പരാതി രാഷ്ട്രീയ പ്രേരിതമാണ് എന്നാണ് ഹര്‍ജിയിലെ പ്രധാന വാദം. ഭാര്യ നല്‍കിയ പരാതി വാസ്തവ വിരുദ്ധമാണ്. പാര്‍ട്ടി വിട്ടതിന്റെ പകപോക്കലിന്റെ ഭാഗമാണ് പരാതിയെന്നും ഹര്‍ജിയിലുണ്ട്. ബിബിന്റെ അമ്മയും കായംകുളം ഏരിയ കമ്മിറ്റി അംഗവുമായ പ്രസന്ന കുമാരി കേസിലെ രണ്ടാം പ്രതിയാണ്.
-
Kerala6 days agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News3 weeks agoക്ഷാമ ബത്ത കേസിൽ ഇടക്കാല ഉത്തരവ്
-
Featured2 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala1 month agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News3 weeks ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
Education3 months agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
-
Education3 months agoഓണപ്പരീക്ഷയ്ക്ക് ഇന്ന് തുടക്കം; യുപി വിഭാഗത്തിന് നാളെ മുതല്‍
-
Travel2 months agoനീല വസന്തം; ചതുരംഗപാറ മലനിരകളിൽ പൂത്തുലഞ്ഞ് കുറിഞ്ഞി
You must be logged in to post a comment Login