പാലക്കാട്: വൈദ്യുതി നിരക്ക് വര്‍ദ്ധനവില്‍ പ്രതിഷേധിച്ച് യൂത്ത് കോണ്‍ഗ്രസ് വൈദ്യുതി മന്ത്രിയുടെ ഓഫീസിലേക്ക് നടത്തിയ മാര്‍ച്ചിന് നേരെ പൊലിസ് ലാത്തിവീശി. അഞ്ചോളം യൂത്ത് കോണ്‍ഗ്രസ് പ്രവര്‍ത്തകര്‍ക്ക് പരുക്കേറ്റു. ഇന്ന് രാവിലെ ചിറ്റൂര്‍ കച്ചേരിമേട്ടിലെ മന്ത്രിയുടെ ഓഫീസിന് മുന്നില്‍ വെച്ചായിരുന്നു പൊലീസ് അതിക്രമം.
വൈദ്യുതി ചാര്‍ജ് വര്‍ദ്ധിപ്പിച്ചതിനെ തുടര്‍ന്ന് ജനരോഷം ശക്തമായതിനെ തുടര്‍ന്നായിരുന്നു യൂത്ത് കോണ്‍ഗ്രസ് മന്ത്രി കെ. കൃഷ്ണന്‍കുട്ടിയുടെ ഓഫീസിലേക്ക് മാര്‍ച്ച് നടത്തിയത്. അണിക്കോട് നിന്ന് ആരംഭിച്ച മാര്‍ച്ച് മന്ത്രിയുടെ ഓഫീസിന് മുന്നില്‍ ബാരിക്കേഡ് വെച്ച് പൊലീസ് തടഞ്ഞു. തുടര്‍ന്ന് യാതൊരു പ്രകോപനവുമില്ലാതെ പൊലീസ് പ്രവര്‍ത്തകര്‍ക്ക് നേരെ ലാത്തിവീശുകയായിരുന്നു. യൂത്ത് കോണ്‍ഗ്രസ് ജില്ലാ ജനറല്‍ സെക്രട്ടറി ഷഫീക്. എ, ചിറ്റൂര്‍ നിയോജകമണ്ഡലം മണ്ഡലം വൈസ് പ്രസിഡന്റ് ഗണേഷ്.കെ, ചിറ്റൂര്‍ മണ്ഡലം പ്രസിഡന്റ് സോനു പ്രണവ്, നേതാക്കളായ പ്രമോദ് തണ്ടലോട്, അബിന്‍ ശങ്കര്‍പ്ലാക്കാട്ട് എന്നിവര്‍ക്കാണ് പരിക്കേറ്റത്. ഇവരെ ചിറ്റൂര്‍ താലൂക്ക് ആശുപത്രിയില്‍ പ്രവേശിപ്പിച്ചു.

യൂത്ത് കോണ്‍ഗ്രസ് ജില്ലാ കമ്മിറ്റിയുടെ നേതൃത്വത്തില്‍ നടന്ന മാര്‍ച്ച് കെപിസിസി ജനറള്‍ സെക്രട്ടറി സി. ചന്ദ്രന്‍ ഉദ്ഘാടനം ചെയ്തു. യൂത്ത് കോണ്‍ഗ്രസ് ജില്ലാ പ്രസിഡന്റ് കെ.എസ് ജയഘോഷ് അധ്യക്ഷനായി, സംസ്ഥാന ഭാരവാഹികളായ ഷഫീക് അത്തിക്കോട്, സി. വിഷ്ണു, ജിതേഷ് നാരായണന്‍, ഡിസിസി വൈസ് പ്രസിഡന്റ് സുമേഷ് അച്യുതന്‍, കെ.എസ് തണികാചലം, ജില്ലാ യൂത്ത് കോണ്‍ഗ്രസ് കമ്മിറ്റി ഭാരവാഹികളായ വിനീഷ് കരിമ്പാറ, എ. ഷഫീക്, വി.വത്സന്‍, പി.ടി. അജ്മല്‍, ശ്യാം ദേവദാസ്, സാജന്‍ കോട്ടപ്പാടം, മനു എന്നിവര്‍ നേതൃത്വം നല്‍കി.

Advertisement

inner ad

പാലക്കാട്‌: കല്ലടിക്കോട് ഫർണിച്ചർ കടയില്‍ വൻ തീപിടിത്തം. മാപ്പിള സ്കൂള്‍ ജങ്ഷനിലെ റിറ്റ്സി ഫർണിച്ചര്‍ കടയിലാണ് ഉച്ചകഴിഞ്ഞ് മൂന്നോടെ തീപിടുത്തമുണ്ടായത്. മൂന്ന് നില കെട്ടിടം പൂർണ്ണമായും കത്തിനശിച്ചു. തീപിടിത്തത്തെ തുടർന്ന് ദേശീയപാതയില്‍ ഗതാഗതം സ്തംഭിച്ചു. സമീപത്ത് നിർത്തിയിട്ടിരുന്ന വാഹനങ്ങള്‍ക്കും തീപിടിച്ചു. ആളപായമില്ല. മണ്ണാർക്കാട്ടു നിന്നും കോങ്ങാട് നിന്നുമെത്തിയ ഫയർഫോഴ്സ് യൂണിറ്റുകള്‍ ഏറെ നേരം പരിശ്രമിച്ചാണ് തീയണച്ചത്.

പാലക്കാട്: ഏരിയ സമ്മേളനം നടക്കാനിരിക്കുന്ന അട്ടപ്പാടിയിൽ സിപിഎം നേതൃത്വത്തിനെതിരെ സേവ് സിപിഎം നോട്ടിസ്. 10,11 ദിവസങ്ങളിലായി എ.കെ.ബാലനാണ് സമ്മേളനത്തിന്റെ ഉദ്ഘാടനം. സിപിഎം തകരുന്നുവെന്ന് ആരോപിച്ചാണ് നോട്ടിസ്. ഏരിയ സെക്രട്ടറി ഉൾപ്പെടെയുള്ളവരുടെ പേരെടുത്തു പറഞ്ഞാണ് പരാമർശം. സ്ഥാനമാനങ്ങൾ കയ്യടക്കി വെച്ചിരിക്കുന്നവരാണെന്നും ഭൂമാഫിയയുമായി ഇവർക്ക് ബന്ധമുണ്ടെന്നും ബന്ധുനിയമന, കൈക്കൂലി കേസുകളും പ്രതിപാദിച്ചിട്ടുണ്ട്.