Connect with us
48 birthday
top banner (1)

News

യൂറോപ്യൻ സർവകലാശാലകളുമായി ഗവേഷണത്തിനും വിദ്യാർത്ഥി വിനിമയത്തിനും ധാരണ

Avatar

Published

on

തിരുവനന്തപുരം: ഗവേഷണം, വിദ്യാർത്ഥി വിനിമയം എന്നിവയ്ക്കായി കേരളത്തിലെ ഉന്നത വിദ്യാഭ്യാസ സ്ഥാപനങ്ങളെ ഏഷ്യാ പസഫിക്, യുറോപ്പ് മേഖലയിലെ സർവകലാശാലകളുമായി ബന്ധിപ്പിക്കുന്നതിന് ധാരണയായി. ഏഷ്യയിലേയും യുറോപ്പിലേയും ഉന്നത വിദ്യാഭ്യാസ സ്ഥാപനങ്ങളുടെ ഔദ്യോഗിക ശൃംഖലയായ എഎസ്ഇഎം ലൈഫ് ലോംഗ് ലേണിങ് ഹബ് അധ്യക്ഷൻ പ്രൊഫ. ഡോ. സീമസ് ഓ തുവാമ ഉന്നത വിദ്യാഭ്യാസ വകുപ്പു മന്ത്രി ഡോ. ആർ ബിന്ദുവുമായി നടത്തിയ ചർച്ചയിലാണ് ഇതുസംബന്ധിച്ച ധാരണയിലെത്തിയത്. ഉന്നത വിദ്യാഭ്യാസ രംഗത്ത് കേരളത്തിന്റെ സാധ്യതകൾ ഏഷ്യ പസഫിക്, യൂറോപ്യൻ മേഖലകളിൽ പ്രചരിപ്പിക്കുന്നതിനുള്ള പിന്തുണയും ഡോ. സീമസ് അറിയിച്ചു. ഗവേഷണ പ്രവർത്തനങ്ങൾക്കും എക്സ്ചേഞ്ച് പ്രോഗ്രാമുകൾക്കും കേരളത്തിലെ വിദ്യാർത്ഥികൾക്ക് അവസരമൊരുക്കുകയാണ് ലക്ഷ്യം.

കേരളത്തിലെ ഉന്നത വിദ്യാഭ്യാസ രംഗത്തെ വനിതാ വിദ്യാഭ്യാസ മുന്നേറ്റം, നൈപുണ്യ പരിശീലനം, ട്രാൻസ്ജെൻഡർ വിഭാഗങ്ങൾക്ക് നൽകുന്ന പിന്തുണ, പ്രാദേശിക വിജ്ഞാനം, ലൈഫ് ലോങ്ങ് ലേണിങ് എന്നീ മികവുകളും കേരളത്തിന് മുതൽക്കൂട്ടാകും. ഈ രംഗത്ത് കേരളത്തിന്റെ പരിശ്രമങ്ങൾക്ക് എഎസ്ഇഎം ഹബ്ബിന്റെ പിന്തുണയും സഹായ വാഗ്ദാനവും അദ്ദേഹം ഉറപ്പു നൽകി. കൂടിക്കാഴ്ചയിൽ ഉന്നത വിദ്യാഭ്യാസ വകുപ്പ് പ്രിൻസിപ്പൽ സെക്രട്ടറി ഇഷിതാ റോയ് ഐ എ എസ്, അസാപ് കേരള സി.എം.ഡി ഡോ. ഉഷ ടൈറ്റസ് എന്നിവരും പങ്കെടുത്തു.

Advertisement
VKSHNM NWS KWT 1000 x 180 PX-01

തുടർ വിദ്യാഭ്യാസ പദ്ധതികളെ പ്രോത്സാഹിപ്പിക്കുന്ന, വിദ്യാഭ്യാസ രംഗത്തെ ആഗോള കൂട്ടായ്മയാണ് 2005ൽ സ്ഥാപിതമായ എഎസ്ഇഎം ഹബ്. നിലവിൽ 51 രാജ്യങ്ങളാണ് ഈ കൂട്ടായ്മയിൽ ഉള്ളത്. ഇന്ത്യാ സന്ദർശനത്തിന്റെ ഭാഗമായാണ് കേരളത്തിലെത്തിയത്. യൂറോപ്യൻ സർവകലാശാലകളിൽ നിന്നുള്ള പ്രതിനിധികളാണ് സംഘത്തിലുള്ളത്.

Advertisement
VKSHNM NWS KWT 1000 x 180 PX-01
Continue Reading
Advertisement
VKSHNM NWS KWT 1000 x 180 PX-01
Click to comment

You must be logged in to post a comment Login

Leave a Reply

News

കേരളമാകെ പ്രതിഷേധം; കോതമംഗലത്തും തിരുവനന്തപുരത്തും എറണാകുളത്തും പ്രവർത്തകർ സംഘടിക്കുന്നു

Published

on

കൊച്ചി: കോതമംഗലത്ത് വയോധിക കാട്ടാനയുടെ ആക്രമണത്തിൽ മരിച്ച സംഭവത്തിൽ സർക്കാരിന്റെയും വനം വകുപ്പിന്റെയും ഗുരുതര വീഴ്ചയ്ക്കെതിരെ കോൺഗ്രസിന്റെ നേതൃത്വത്തിൽ ആരംഭിച്ച ഉപവാസ പന്തലിൽ പോലീസ് നടത്തിയ അഴിഞ്ഞാട്ടത്തിൽ സംസ്ഥാനത്തിന്റെ വിവിധ ഭാഗങ്ങളിൽ പ്രതിഷേധം. കോതമംഗലത്ത് കോൺഗ്രസിന്റെയും വിവിധ പോഷക സംഘടനകളുടെയും നേതൃത്വത്തിൽ പ്രതിഷേധം അരങ്ങേറുന്നു. ഇടുക്കി എംപി ഡീൻ കുര്യാക്കോസും മുൻ പ്രതിപക്ഷ നേതാവ് രമേശ് ചെന്നിത്തലയും ഇപ്പോഴും ഉപവാസ പന്തലിൽ തന്നെ തുടരുകയാണ്. എംഎൽഎമാരായ അൻവർ സാദത്തും റോജി എം ജോണും പൊലീസ് സ്റ്റേഷനിൽ തുടരുന്നു. തിരുവനന്തപുരത്ത് പ്രതിപക്ഷ നേതാവ് വി ഡി സതീശൻ ഉൾപ്പെടെ സമര രംഗത്തുണ്ട്. എറണാകുളത്ത് കോൺഗ്രസ് പ്രവർത്തകർ റോഡ് ഉപരോധിക്കുന്നു.

Advertisement
VKSHNM NWS KWT 1000 x 180 PX-01
Continue Reading

Kuwait

ഗ്ലോബൽ തിക്കോടിയൻസ്‌ ഭാരവാഹികളെ തെരഞ്ഞെടുത്തു!

Published

on

കുവൈത്ത്‌ സിറ്റി : കോഴിക്കോട്‌ ജില്ലയിലെ തിക്കോടിക്കാരുടെ കൂട്ടായ്മയായ ഗ്ലോബൽ തിക്കോടിയൻസ്‌ ഫോറം (ജി ടി എഫ്‌) കുവൈത്ത് ചാപ്റ്റർ കബ്ദ്‌ റിസോർട്ടിൽ വെച്ച്‌ ജനറൽ ബോഡി യോഗം ചേർന്ന് 2024-25 വർഷത്തെ ഭാരവാഹികളെ തിരഞ്ഞെടുത്തു. റിട്ടേണിംഗ്‌ ഓഫീസർ ശബീർ മണ്ടോളി തെരഞ്ഞെടുപ്പ്‌ നടപടികൾ നിയന്ത്രിച്ചു.

ഭാരവാഹികളായി പ്രസിഡണ്ട് നജ്മുദ്ധീൻ ടി സി ചെയർമാൻ, വിഭീഷ്‌ തിക്കോടി ജനറൽ സെക്രട്ടറി, ഷൈബു കൂരന്റവിട ഫൈനാൻസ്‌ സെക്രട്ടറി, ഫിറോസ്‌ കുളങ്ങര സീനിയർ വൈസ്‌ പ്രസിഡണ്ട്, ശുഐബ്‌ റഷീദ്‌ കുന്നോത്ത്‌ (പബ്ലിക്‌ റിലേഷൻ & മീഡിയ) എന്നിവരെ തെരെഞ്ഞെടുത്തു. വൈസ്‌ പ്രസിഡണ്ടു മാരായി സമീർ തിക്കോടി (മെംബർഷിപ്‌), അബു കോട്ടയിൽ (മെംബേർസ്‌ ചാരിറ്റി), ജോയിന്റ്‌ സെക്രട്ടറിമാരായി ഹാഷിദ്‌ ഏരത്ത്‌ മീത്തൽ (സംഘടന),
സാദിഖ്‌‌ ടി വി (മെംബേർസ് വെൽഫെയർ & ബോധ വൽകരണം), ശ്രീജിത്‌ (കലാ-സാഹിത്യം & ഇവന്റ്‌ മാനേജ്‌മന്റ്‌) ശംനാസ്‌ ഇസ്‌ഹാഖ്‌ (അഡ്മിനിസ്ട്രേഷൻ), ഗഫൂർ പി പി ( കായികം), ഫൈനാൻസ്‌ കൺട്രോളർ ജാബിർ കഴുക്കയിൽ എന്നിവരെയും തെരഞ്ഞെടുത്തു. എക്സിക്യൂട്ടീവ്‌ കമ്മറ്റി അംഗങ്ങളായി സജീവൻ സമ്പത്ത്‌, പ്രവീൺ കുമാർ, ശെൽവരാജ്‌ മന്ദത്ത്‌, ഹനീഫ സർവ്വത്ത്‌, രജീഷ്‌ കുമാർ, അഫ്സൽ ശ്രുതി, സാദിഖ്‌ ടി വി, നൗഷാദ്‌ പാലൂർ, യൂനുസ്‌ പുറക്കാട്‌, ശംനാസ്‌ ഇസ്‌ഹാഖ്‌, മുഖ്സിത്‌ പള്ളിക്കര, റഹീം പാലൂർ എന്നിവരെയും തെരെഞ്ഞെടുത്തു.ഉപദേശക സമിതി അംഗങ്ങളായി ഇസ്‌ഹാഖ്‌ കൊയിലിൽ, ശെരീഫ്‌ പി ടി, അസീസ്‌ തിക്കോടി, ശബീർ മണ്ടോളി എന്നിവരെയും, ഗ്ലോബൽ കമ്മറ്റി അംഗങ്ങളായി ശംസുദ്ധീൻ കുക്കു, അഡ്വക്കറ്റ്‌ പ്രമോദ്‌ കുമാർ എന്നിവരെയും തെരഞ്ഞെടുത്തു.

Advertisement
VKSHNM NWS KWT 1000 x 180 PX-01
Continue Reading

Health

19.80 ലക്ഷം കുട്ടികള്‍ക്ക് പോളിയോ തുള്ളിമരുന്ന് നല്‍കി

Published

on

തിരുവനന്തപുരം: സംസ്ഥാനത്ത് 5 വയസിന് താഴെയുള്ള 19,80,415 കുട്ടികള്‍ക്ക് പള്‍സ് പോളിയോ തുള്ളിമരുന്ന് നല്‍കിയതായി ആരോഗ്യ വകുപ്പ്. 23,24,949 കുഞ്ഞുങ്ങള്‍ക്ക് പള്‍സ് പോളിയോ തുള്ളിമരുന്ന് നല്‍കാനാണ് ലക്ഷ്യമിട്ടത്. ഒറ്റ ദിവസം കൊണ്ട് 85.18 ശതമാനം കുഞ്ഞുങ്ങള്‍ക്കാണ് പോളിയോ തുള്ളിമരുന്ന് നല്‍കാനായത്. എന്തെങ്കിലും കാരണത്താല്‍ തുള്ളിമരുന്ന് നല്‍കാന്‍ സാധിക്കാത്ത കുഞ്ഞുങ്ങള്‍ക്ക് വരും ദിവസങ്ങളില്‍ തുള്ളിമരുന്ന് നല്‍കുമെന്നും ആരോഗ്യവകുപ്പ് വ്യക്തമാക്കി.
തിരുവനന്തപുരം 1,85,100, കൊല്ലം 1,44,927, പത്തനംതിട്ട 58,884, ആലപ്പുഴ 1,06,458, കോട്ടയം 91,610, ഇടുക്കി 61,212, എറണാകുളം 1,86,846, തൃശൂര്‍ 1,71,222, പാലക്കാട് 1,83,159, മലപ്പുറം 3,13,268, കോഴിക്കോട് 1,92,061, വയനാട് 49,847, കണ്ണൂര്‍ 1,44,674, കാസര്‍ഗോഡ് 91,147 എന്നിങ്ങനേയാണ് ജില്ലായടിസ്ഥാനത്തില്‍ പോളിയോ തുള്ളിമരുന്ന് സ്വീകരിച്ചത്. എറണാകുളം 95.06 ശതമാനം, കോട്ടയം 94.74 ശതമാനം, പത്തനംതിട്ട 90.92 ശതമാനം, പാലക്കാട് 90.85 ശതമാനം, തിരുവനന്തപുരം 90.65 ശതമാനം എന്നിങ്ങനെയാണ് വാക്‌സിനേഷനില്‍ മുന്നിലുള്ള ജില്ലകള്‍.

Continue Reading

Featured