Kerala
വിലക്കയറ്റത്തിനെതിരെ, ഒരു രൂപയ്ക്ക് പച്ചക്കറി കിറ്റ് വിതരണം ചെയ്ത് മഹിളാ കോൺഗ്രസ്സ്
കാട്ടാക്കട: അതിരൂക്ഷമായ വിലക്കയറ്റം പിടിച്ചു നിർത്താൻ സർക്കാർ ഇടപെടാത്തതിൽ പ്രതിഷേധിച്ച് മഹിളാ കോൺഗ്രസ്സ്കാട്ടാക്കട ബ്ലോക്ക് കമ്മിറ്റിയുടെ നേതൃത്വത്തിൽ കാട്ടാക്കട ജംഗ്ഷനിൽ റോഡ് ഉപരോധിച്ച് ഒരു രൂപയ്ക്ക് 150 രൂപയുടെ പച്ചക്കറി കിറ്റ് വിതരണം ചെയ്തു. ബ്ലോക്ക് പ്രസിഡന്റ് യു. പ്രിയയുടെ നേതൃത്വത്തിൽ നടന്ന പ്രതിഷേധo കെ.പി.സി സി.അംഗം അഡ്വ: ആർ വി.രാജേഷ് ഉദ്ഘാടനം ചെയ്തു. വൈദ്യുതി ചാർജ്ജും വെള്ളക്കരവും വീട്ടുകരവും ഇന്ധന നികുതിയും വർദ്ധിപ്പിച്ച സർക്കാർ ഓണക്കാലത്ത് നിത്യോപയോഗ സാധനങ്ങളുടെ വിലവർദ്ധനവും അടിച്ചേൽപ്പിച്ച് ജനങ്ങളെ എരിതീയിൽ നിന്ന് വറചട്ടിയിലേക്ക് തള്ളിയിട്ട അവസ്ഥയിൽ എത്തിച്ചിരിക്കുകയാണെന്ന് രാജേഷ് പറഞ്ഞു. മഹിളാ കോൺഗ്രസ് സംസ്ഥാന ജനറൽ സെക്രട്ടറി എൽ. അനിത,ഡിസിസി ജനറൽ സെക്രട്ടറിമാരായ കാട്ടാക്കട സുബ്ര മഹ്ണ്യം എം.ആർ.ബൈജു ബ്ലോക്ക് പ്രസിഡന്റ് സി.വേണു, യൂത്ത് കോൺഗ്രസ്സ് സംസ്ഥാന സെക്രട്ടറി എസ് ടി . അനീഷ്മ,മഹിളാ കോൺഗ്രസ്സ് നേതാക്കളായ ഇന്ദുലേഖ , ലേഖ കാവിൻപുറം, രാജി , ഷീബ , സി എസ് . അനിത, ബ്ലോക്ക് പഞ്ചായത്ത് അംഗം ശ്രീകുട്ടി സതീഷ് തുടങ്ങിയവർ പ്രസംഗിച്ചു.
Kerala
‘എന്ത് തെമ്മാടിത്തരമാണ് ഇവിടെ നടക്കുന്നത്’ ;പ്രസംഗിക്കുന്നതിനിടെ ബഹളം വെച്ച ഭരണപക്ഷത്തോട് ക്ഷുഭിതനായി വി ഡി സതീശന്
തിരുവനന്തപുരം: നിയമസഭയില് പ്രസംഗിക്കുന്നതിനിടെ ബഹളം വെച്ച ഭരണപക്ഷത്തോട് ക്ഷുഭിതനായി പ്രതിപക്ഷ നേതാവ് വി.ഡി. സതീശന്. കലാ രാജുവുമായി ബന്ധപ്പെട്ട വിഷയത്തില് അടിയന്തര പ്രമേയത്തിന് അനുമതി നിഷേധിച്ചതിന് പിന്നാലെ നടത്തിയ പ്രസംഗത്തിലാണ് പ്രതിപക്ഷ നേതാവ് ക്ഷുഭിതനായത്. എന്ത് തെമ്മാടിത്തരമാണ് ഇവിടെ നടക്കുന്നതെന്നും എന്തും ചെയ്യാമെന്നാണോയെന്നും ചോദിച്ച് പ്രകോപിതനായ സതീശന് കൈയിലെ പേപ്പറും വലിച്ചെറിഞ്ഞ് സീറ്റിലിരുന്നു.
കൂത്താട്ടുകുളത്ത് കൗണ്സിലറെ തട്ടിക്കൊണ്ടുപോയത് നിയമസഭയില് ചര്ച്ച ചെയ്യണമെന്നാവശ്യപ്പെട്ട് പ്രതിപക്ഷം അടിയന്തര പ്രമേയ നോട്ടീസ് നല്കിയിരുന്നു. അനൂപ് ജേക്കബ് എം.എല്.എയാണ് നോട്ടീസ് നല്കിയത്. എന്നാല് മുഖ്യമന്ത്രി ഇത് തള്ളി. പിന്നാലെ വിഷയത്തില് പ്രതിപക്ഷം നടുത്തളത്തില് ഇറങ്ങി പ്രതിഷേധിച്ചിരുന്നു. തുടര്ന്ന് കലാ രാജുവിനെ തട്ടിക്കൊണ്ട് പോയ വിഷയത്തില് മുഖ്യമന്ത്രിക്കും മറ്റുള്ളവര്ക്കുമെതിരെ കടുത്ത വിമര്ശനങ്ങളാണ് സതീശന് സഭയില് നടത്തിയത്.
ആലപ്പുഴ ജില്ലാ സമ്മേളനത്തില് നടത്തിയ സ്ത്രീ സുരക്ഷയെ കുറിച്ചുള്ള പരാമര്ശത്തില് മുഖ്യമന്ത്രി ഉറച്ചുനില്ക്കുമെന്നാണ് കരുതിയത്. പക്ഷേ അദ്ദേഹം ക്രിനലുകളെ ന്യായീകരിക്കുകയാണ്. മുഖ്യമന്ത്രിയുടെ വാക്കിനും പഴയ ചാക്കിനും ഒരേവിലയാണെന്നാണ് മറുപടിയില് പുറത്തുവന്നത്. കേരളത്തില് എത്രയോ പഞ്ചായത്തുകളില് അങ്ങോട്ടും ഇങ്ങോട്ടും കാലുമാറിയിരിക്കുന്നു. അവരെയൊക്കെ തട്ടിക്കൊണ്ടുപോകുകയാണോ. കാര് ഓടിച്ചത് ഡി.വൈ.എഫ്.ഐ അംഗമാണ്. പുതു തലമുറയെ ഇത്തരം കാര്യങ്ങള് ചെയ്യാനാണോ നിങ്ങള് പ്രോത്സാഹിപ്പിക്കുന്നത്. ക്രമിനലുകളെ വളര്ത്തുകയാണോ. ഇതാണോ നീതിബോധം -വസതീശന് ചോദിച്ചു.
പിന്നാലെ സഭയില് ഭരണപക്ഷം ബഹളം കടുപ്പിച്ചു. ഇതില് പ്രകോപിതനായാണ് എന്ത് തെമ്മാടിത്തരമാണ് ഇവിടെ നടക്കുന്നതെന്നും എന്തും ചെയ്യാമെന്നാണോയെന്നും പ്രതിപക്ഷ നേതാവ് ചോദിച്ചത്. സ്പീക്കര് വിലക്കിയിട്ടും ഭരണപക്ഷ അംഗങ്ങള് വീണ്ടും ബഹളംവെച്ചു. ഇതോടെ പ്രതിപക്ഷ അംഗങ്ങള് പ്രതിഷേധിച്ചു.
നമ്മളുടേത് ഒരു സിവിലൈസ്ഡ് സൊസൈറ്റി ആണ്. നീതി നടപ്പാക്കേണ്ട പൊലീസ് ആണ് ഈ വൃത്തികേടിനെ കൂട്ടുനിന്നത്. മുഖ്യമന്ത്രി കിഡ്നപ്പിങ്ങിന് കേസെടുത്ത പ്രതികളെ ന്യായീകരിക്കുന്നു.
കേസില് പ്രതികള് സി.പി.എം നേതാക്കള് ആണ്. കലാ രാജുവിനെ വസ്ത്രാക്ഷേപം നടത്തി. മുടിക്ക് കുത്തിപിടിച്ചു. ഇതെല്ലാം വിശ്വല് മീഡിയയില് ഉള്ള കാര്യങ്ങളാണ്. കേരളത്തില് എത്ര പഞ്ചായത്തില് കാലുമാറ്റം ഉണ്ടാകുന്നു, അവരെയെല്ലാം തട്ടിക്കൊണ്ടു പോവുകയാണോ. മുഖ്യമന്ത്രിക്ക് ഇങ്ങനെ സംസാരിക്കാന് പറ്റുന്നതെങ്ങനെയെന്നും സതീശന് ചോദിച്ചു. പിന്നാലെ അടിയന്തര പ്രമേയത്തിന് അനുമതി നിഷേധിച്ചതില് പ്രതിഷേധിച്ച് പ്രതിപക്ഷം സഭയില്നിന്ന് ഇറങ്ങിപ്പോയി.
കണ്ണൂർ: മാലൂർ നിട്ടാറമ്പിൽ അമ്മയെയും മകനെയും വീട്ടിൽ മരിച്ച നിലയിൽ കണ്ടെത്തി. നിട്ടാറമ്പിലെ നിർമല (62), മകൻ സുമേഷ് (38) എന്നിവരാണു മരിച്ചത്. മരണകാരണം എന്താണെന്ന് വ്യക്തമല്ല. സംഭവത്തിൽ മാലൂർ പോലീസ് സ്ഥലത്തെത്തി പരിശോധനകൾ ആരംഭിച്ചു.
തലശ്ശേരി: തലശ്ശേരി കലാപം സി.പി.എം ആസൂത്രിതമായി ഉണ്ടാക്കിയതാണെന്ന ഗുരുതര ആരോപണവുമായി മുസ്ലീം ലീഗ് നേതാവ് കെ.എം.ഷാജി.
പള്ളി പൊളിച്ചതിലെ പ്രതി പിണറായി വിജയന്റെ സഹോദരന് കുമാരനാണെന്ന് കെ.എം ഷാജി പറഞ്ഞു. പയ്യന്നൂരിലെ പൊതുയോഗത്തിലാണ് ഷാജിയുടെ വിവാദ പ്രസംഗം.
1972ല് സി.പി.ഐ ഇറക്കിയ ഒരു ലഘുലേഖ പരാമര്ശിച്ചാണ് ഷാജി സി.പി.എമ്മിനെതിരെ രംഗത്ത് വന്നത്. ‘വിതയത്തില് കമീഷന് വിസ്തരിച്ച നാലാമത്തെ കക്ഷിയുടെ പേര് സി.പി.ഐ എന്നാണ്. സി.പി.ഐയ്ക്ക് പുറമെ എ.ഐ.വെ.എഫിനെയും വിസ്തരിച്ചു. സി.പി.എമ്മാണ് വര്ഗീയ കലാപമുണ്ടാക്കിയതെന്നാണ് ഇവര് രണ്ടുപേരും മൊഴി നല്കിയിരിക്കുന്നത്. സി.പി.എം ആസൂത്രിതമായി ഉണ്ടാക്കിയതാണ് തലശ്ശേരി കലാപം’-ഷാജി തുറന്നടിച്ചു.
തലശ്ശേരി കലാപത്തില് 33 പള്ളികളാണ് തകര്ത്തത്. ആര്.എസ്.എസുകാരാണ് ചെയ്തതെന്നാണ് പറഞ്ഞത്. ഇതില് 15 പള്ളികളുടെ കിലോമീറ്റര് ദൂരത്ത് പോലും ഒരു ആര്.എസ്.എസുകാരനോ ജനസംഘുകാരനോയില്ല എന്നും വിതയത്തില് കമീഷന് പറയുന്നുണ്ടെന്നും ഷാജി പറഞ്ഞു.
‘പിണറായി പാറപ്പുറത്ത് ഒരു പള്ളിയുണ്ടായിരുന്നു. ഈ പള്ളി പൊളിക്കുന്നത് ഡിസംബര് 30നാണ്. രാത്രിയായപ്പോള് പള്ളി പൊളിക്കുന്നത് നിര്ത്തി. പിന്നീട് 31ന് പള്ളി പൂര്ണമായും പൊളിച്ചെന്ന് പറഞ്ഞത് വിതയത്തില് കമീഷനാണ്. ആ പള്ളി പൊളിച്ചതില് ഒരാളുടെ പേര് സഖാവ് കുമാരന് എന്നാണ്. ഈ കുമാരന് കേരളത്തിലെ ന്യൂനപക്ഷങ്ങളുടെ പ്രതീക്ഷയായ സഖാവ് പിണറായി വിജയന്റെ മൂത്ത സഹോദരനാണ്. ഞാനിത് പരസ്യമായി പറഞ്ഞിട്ട് 72 മണിക്കൂറ് കഴിഞ്ഞു. ഞാനെന്തെങ്കിലും പറയുമ്പോള് കേസ് കൊടുക്കുമെന്നെല്ലാം പറഞ്ഞ് പാര്ട്ടി സെക്രട്ടറി വരുമല്ലോ. എന്താണ് മിണ്ടാത്തത്. എത്ര വൃത്തികെട്ട രൂപത്തിലാണ് നുണക്കഥകള് മെനയുന്നത്. എന്നിട്ട് പറയുന്നത് യു.കെ കുമാരന് ശ?ഹീദായെന്നാണ്. കലാപവുമായി ബന്ധപ്പെട്ടുള്ള എഫ്.ഐ.ആറില് എവിടെയെങ്കിലും കുമാരന്റെ പേര് കാണിച്ചു തരാന് നിങ്ങള്ക്ക് കഴിയുമോ. 31 ന് അവസാനിച്ച കലാപത്തില് മൂന്നാം തിയതി കള്ളുഷാപ്പില് മരിച്ചുകിടക്കുന്നവനെ ശഹീദാക്കാമെന്നാണോ നിങ്ങള് കരുതുന്നത്’- കെ.എം ഷാജി പറഞ്ഞു
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
News3 days agoപണിമുടക്ക് നോട്ടീസ് നൽകി
You must be logged in to post a comment Login