News
അഡ്വ: എം ലിജുവിന് ഒ.ഐ.സി.സി റിയാദ് സെൻട്രൽ കമ്മിറ്റി സ്വീകരണം നൽകി.
റിയാദ്:ഹൃസ്വ സന്ദർശാർത്ഥം റിയാദിൽ എത്തിയ കെ.പി.സി.സി രാഷ്ട്രീയ സമിതി അംഗം അഡ്വ: എം ലിജുവിന് ഒ.ഐ.സി.സി റിയാദ് എക്സിക്യൂട്ടിവ് കമ്മറ്റി സ്വീകരണം നൽകി. ഒഐസിസി ഓഫീസിൽ നടന്ന സ്വീകരണ പരിപാടിയിൽ പ്രസിഡന്റ് അബ്ദുള്ള വല്ലാഞ്ചിറ അധ്യക്ഷത വഹിച്ചു.
ഓരോ പ്രവാസിയും നമ്മുടെ നാടിന്റെ സാമ്പത്തിക വളർച്ചയിൽ പ്രധാന പങ്ക് വഹിക്കുന്നവരാണ്, വർഷങ്ങളോളം മണലാരുണ്യത്തിൽ വിയർപ്പൊഴുക്കി ഉണ്ടാക്കിയ ചെറിയ സമ്പാദ്യങ്ങളുമായി നാട്ടിൽ കുടുംബത്തോടൊപ്പം കഴിയണമെന്ന ആഗ്രഹവുമായി നാട്ടിലേക്ക് തിരിക്കുമ്പോൾ പലരും രോഗിയായി മാറിയിട്ടുണ്ടാവും. കൈയ്യിൽ മിച്ചമായി ഉണ്ടാക്കിയ സമ്പാദ്യം കൊണ്ട് ചെറിയ പദ്ധതികൾ തുടങ്ങിയാൽ ഉദ്യോഗസ്ഥ രാഷ്ട്രീയ വൈതാളികർ അവരെ വേട്ടയാടുന്നതാണ് നാം കാണുന്നത്. അതോടെ കടകെണിയിൽ അകപ്പെട്ട് ജീവിതം തന്നെ മതിയാക്കുന്ന കാഴ്ച്ചകൾ വർത്തമാനകാല യാഥാർഥ്യമാണ്.
സംഘ് പരിവാർ ഫാസിസ്റ്റ് കരങ്ങളിൽ നിന്ന് ഇന്ത്യയെ മോചിപ്പിക്കുക എന്ന ലക്ഷ്യവുമായി രാഹുൽ ഗാന്ധിയുടെ നേതൃത്വത്തിൽ നടക്കുന്ന ഭാരത് ജോഡോ ന്യായ് യാത്രയിൽ ലഭിക്കുന്ന സ്വീകാര്യത മനസ്സിലാക്കി വിറളിപിടിച്ച വർഗീയ ഫാസിസ്റ്റുകൾ രാഹുൽ ഗാന്ധിയുടെ വാഹനങ്ങൾക്കും, പ്രവർത്തകർക്കു നേരെയും അക്രമണങ്ങൾ നടത്തി അവരെ ഭയപ്പെടുത്തുക എന്ന ലക്ഷ്യവുമായി ഇറങ്ങിയിരിക്കുന്നു. ബ്രിട്ടീഷുകാരുടെ തോക്കിന് മുന്നിൽ വിരിമാറ് കാണിച്ചും, തൂക്കുമരങ്ങൾക്ക് മുന്നിൽ പോലും പതറാതെ ഇന്ത്യയിൽ നിന്ന് വെള്ളപ്പട്ടാളത്തെ തുരത്താൻ ഇന്ത്യൻ നാഷണൽ കോൺഗ്രസിന് കഴിഞ്ഞെങ്കിൽ ഈ ഫാസിറ്റ് വർഗ്ഗീയ ഭരണകൂടത്തിനെതിരെ ജനാധിപത്യ മതേതര വിശ്വാസികൾ 2024 ൽ നടക്കുന്ന രാജ്യത്തിന്റെ വിധി എഴുത്തിൽ ഒന്നിച്ച് നിന്ന് പേരാടുക തന്നെ ചെയ്യും.
കോഴിക്കോട് ജില്ലയിലെ ഓ.ഐ.സി.സിയുടെ വിവിധ രാജ്യങ്ങളിലെ ഭാരവാഹികളെ അവരുടെ ബ്ലോക്ക്, മണ്ഡലം കമ്മിറ്റികളിൽ ഉൾപ്പെടുത്തിയത് പോലെ മറ്റു ജില്ലാ കമ്മറ്റികളോടും ബ്ലോക്ക് മണ്ഡലം കമ്മറ്റികളിൽ ഒഐസിസി പ്രവർത്തകരെ ഉൾപ്പെടുത്താൻ ആവശ്യപ്പെടുമെന്നും എം ലിജു പറഞ്ഞു. .
നൗഫൽ പാലക്കാടൻ, റഷീദ് കൊളത്തറ, അസ്ക്കർ കണ്ണൂർ,അബ്ദുൽ സലിം അർത്തിയിൽ,നവാസ് വെള്ളിമാട്കുന്ന്,സലീം കളക്കര,മുഹമ്മദലി മണ്ണാർക്കാട്, സുഗതൻ നൂറനാട്, ബാലു കുട്ടൻ, ഷുക്കൂർ ആലുവ, സജീർ പൂന്തുറ, അമീർ പട്ടണത്ത്, ഷംനാദ് കരുനാഗപള്ളി, നിഷാദ് ആലംങ്കോട്, സുരേഷ് ശങ്കർ, അശ്റഫ് കിഴിപുള്ളിക്കര,ഹക്കീം പട്ടാമ്പി, റഫീഖ് വെമ്പായം, നാദിർഷാ റഹിമാൻ എന്നിവർ സംസാരിച്ചു.
നാസർ ലെയ്സ്,ടോം സി മാത്യു, കെ.കെ. തോമസ്,ബഷീർ കോട്ടയം, മാത്യു ജോസഫ്,നാസർ വലപ്പാട്,ഷഫീഖ് പുരക്കുന്നിൽ,ഷിഹാബ് കരിമ്പൻ,ഹർഷാദ് എം.ടി,ഷാജി മഠത്തിൽ, സത്താർ ഓച്ചിറ എന്നിവർ സന്നിഹിതരായി. സംഘടനാ ചുമതലയുള്ള ജനറൽ സെക്രട്ടറി ഫൈസൽ ബാഹസൻ സ്വാഗതവും ജനറൽ സെക്രട്ടറി സക്കീർ ദാനത്ത് നന്ദിയും പറഞ്ഞു.
റിയാദിലെ തലശ്ശേരിക്കാരുടെ കൂട്ടായ്മയായ തലശ്ശേരി മണ്ഡലം വെൽഫെയർ അസോസിയേഷൻ (ടി.എം.ഡബ്ലു.എ) റിയാദ് ക്യാരംസ്, ചെസ്സ് ടൂർണമെന്റുകൾ സംഘടിപ്പിച്ചു.
“ടി സി എൽ – സീസൺ 4” എന്ന ബാനറിൽ സംഘടിപ്പിച്ച നാലാമത് തലശ്ശേരി ക്യാരംസ് ലീഗ് ടൂർണമെന്റിൽ ഹസീബ് മുഹമ്മദ്, ഷഫീക്ക് ലോട്ടസ് സഖ്യം (ടീം ഡെബനയർ) ചാമ്പ്യന്മാരായി. ആവേശകരമായ ഫൈനൽ മത്സരത്തിൽ തൈസിം അബ്ദുൽ ഗഫൂർ, സെനിൽ ഹാരിസ് സഖ്യം(ടീം ടാഗ്) നേരിട്ടുള്ള രണ്ടു ഗെയിമുകൾക്ക് പരാജയപ്പെടുത്തിയാണ് ജേതാക്കളായത്.
മുഹമ്മദ് സെറൂഖ് കരിയാടൻ, എസ്സാർ മുഹമ്മദ് കാത്താണ്ടി, അൽത്താഫ് അലി, ഷംഷെയർ, മുഹമ്മദ് മുസവ്വിർ എന്നിവർ ക്യാരംസ് മത്സരങ്ങൾ നിയന്ത്രിച്ചു.സ്പോർട്സ് വിങ്ങിന്റെ നേതൃത്വത്തിൽ ബത്ത അൽ നൂർ ഓഡിറ്റോറിയത്തിൽ നടന്ന ടൂർണമെന്റ് പ്രസിഡന്റ് തൻവീർ ഹാഷിം ഉദ്ഘാടനം ചെയ്തു. ജനറൽ സെക്രട്ടറി ഷമീർ ടി. ടി. അദ്ധ്യക്ഷനായിരുന്നു. EY UK പ്രൊജക്റ്റ് ഹെഡ് തൗസീഫ് അഹമ്മദ് മത്സരാർത്ഥികൾക്ക് സർട്ടിഫിക്കറ്റുകൾ വിതരണം ചെയ്തു..
ഇതോടൊപ്പം ടി എം ഡബ്ള്യു എ റിയാദ് ആദ്യമായി റാപിഡ് ചെസ്സ് ടൂർണമെന്റ് സംഘടിപ്പിച്ചു. ഇരുപതോളം മത്സരാത്ഥികൾ പങ്കെടുത്ത ചെസ്സ് മത്സരത്തിൽ സീനിയർ വിഭാഗത്തിൽ സഹൽ ബഷീറിനെ പരാജയപ്പെടുത്തി ജാസ്സിം യൂസുഫ് ജേതാവായി. കുട്ടികളുടെ വിഭാഗത്തിൽ ഹംദാൻ മുഹമ്മദിനെ പരാജയപ്പെടുത്തി ഇസാൻ അലി ചാമ്പ്യൻ ആയി. സൽമാൻ ബിൻ ഷഫീഖ് മൂന്നാം സ്ഥാനം നേടി. ചെസ്സ് മാസ്റ്റർ മുഹമ്മദ് ഇസ്‌ഹാഖ്‌ തോട്ടത്തിൽ മത്സരങ്ങൾ നിയന്ത്രിച്ചു.
2025 വർഷത്തെ ഈ കൂട്ടായ്മയുടെ ആദ്യത്തെ പരിപാടി വിജയകരമായി നടത്താൻ സാധിച്ചതിൽ സന്തോഷമുണ്ടെന്ന് ഈ മത്സരങ്ങൾക്ക് നേതൃത്വം നൽകിയ സ്പോർട്സ് കൺവീനർ റിജാസ് വാഴെപൊയിൽ, അഫ്താബ് അമ്പിലായിൽ, മുഹമ്മദ് ഖൈസ് എന്നിവരെ അഭിനന്ദിച്ചു കൊണ്ട് പ്രസിഡണ്ട് തൻവീർ ഹാഷിം പറഞ്ഞു.
ദമ്മാം: യൂത്ത് കോൺഗ്രസ് നേതാവായിരുന്ന ശുഹൈബിന്റെ രക്തസാക്ഷിത്വ ദിനത്തോടനുബന്ധിച്ച് ഒ ഐ സി സി ദമ്മാം റീജ്യണൽ കമ്മിറ്റിയുടെ നേതൃത്വത്തിൽ അനുസ്മരണവും പുഷ്പാർച്ചനയും സംഘടിപ്പിച്ചു. ഒ ഐ സി സി റീജ്യണൽ പ്രസിഡന്റ് ഇ കെ സലിമിൻറെ അദ്ധ്യക്ഷതയിൽ സൗദി നാഷണൽ കമ്മിറ്റി പ്രസിഡൻറ് ബിജു കല്ലുമല അനുസ്മരണം ഉദ്ഘാടനം നിർവഹിച്ചു .
രാഷ്ട്രീയ എതിരാളികളെ നിഷ്കരുണം വേട്ടയാടുന്ന സിപിഎമ്മിന്റെ രാഷ്ട്രീയ ഫാസിസത്തിന് ഇരയാകേണ്ടി വന്ന ധീരനാണ് ശുഹൈബ്. ആശയങ്ങൾ വ്യത്യസ്തമാകുമ്പോൾ വാക്കുകൾ കൊണ്ടുള്ള സംഘർഷം സ്വഭാവികമാണ്.
എന്നാൽ അത് ഒരാളുടെ ജീവനെടുക്കുമ്പോൾ സിപിഎം എന്ത് നേടി എന്ന വലിയൊരു ചോദ്യം ഇപ്പോഴും നിലനിൽക്കുന്നുണ്ട്. മനുഷ്യനെ വെട്ടി നുറുക്കുന്നത് രാഷ്ട്രീയമോ പൊതു പ്രവർത്തനമോ അല്ല എന്ന വസ്തുത സിപിഎം ഇനിയും മനസിലാക്കിയിട്ടില്ല.
ജീവിതവും സ്നേഹവും ഒരുപാട് ബാക്കിവെച്ചാണ് ഷുഹൈബ് കടന്നുപോയത്. ആ കുടുംബത്തിന്റെ കണ്ണീർ ഇന്നും തോർന്നിട്ടില്ല. ഇതുപോലെ എത്രയോ കുടുംബങ്ങളിലെ മാതാപിതാക്കൾക്ക്, സഹോദരങ്ങൾക്ക്, ഭാര്യമാർക്ക് അവരുടെ കണ്ണുനീരിന് രക്തത്തിന്റെ നിറമാണെന്ന സത്യം സിപിഎം ഇനിയും തിരിച്ചറിയപ്പെടേണ്ടതുണ്ട്. പ്രസ്ഥാനത്തിന് വേണ്ടി ലാഭേഛയില്ലാതെ ആത്മാർത്ഥമായി പ്രവർത്തിച്ച് ജീവൻ വെടിഞ്ഞ ധീരരക്തസാക്ഷികളുടെ ജീവിതം സഘടനാ പ്രവർത്തനത്തിൽ മാതൃകയാക്കേണ്ടതുണ്ടെന്ന് അദ്ദേഹം പറഞ്ഞു.
ഗ്ലോബൽ കമ്മിറ്റി മുൻ ഉപാദ്ധ്യക്ഷൻ സി. അബ്ദുൽ ഹമീദ് മുഖ്യ അനുസ്മരണ പ്രഭാഷണം നിർവഹിച്ചു. ഗ്ലോബൽ കമ്മറ്റി അംഗംങ്ങളായ ജോൺ കോശി, സിറാജ് പുറക്കാട്, ഹനീഫ റാവുത്തവർ, നാഷണൽ കമ്മറ്റി പ്രതിനിധി റഫീഖ് കൂട്ടിലങ്ങാടി,
നേതാക്കളായ ഷംസ് കൊല്ലം, പി.കെ അബ്ദുൽ കരിം, വിൽസൺ തടത്തിൽ, ഷിജില ഹമീദ്,സക്കീർ പറമ്പിൽ, ജേക്കബ്ബ് പാറയ്ക്കൽ, പാർവ്വതി സന്തോഷ്, അൻവർ വണ്ടൂർ, അസിഫ് താനൂർ, നിഷാദ് കുഞ്ചു, രാധിക ശ്യാംപ്രകാശ്, ബിനു പുരുഷോത്തമൻ, അൻവർ സാദിഖ്, ശ്യാം പ്രകാശ്, സജൂബ് അബ്ദുൽ ഖാദർ, ദിൽഷാദ് തഴവ, ലിബി ജയിംസ് റഹിമുദ്ദീൻ എന്നിവർ അനുസ്മരണ പ്രഭാഷണം നിർവഹിച്ചു.
സംഘടനാ ചുമതലയുള്ള ജനറൽ സെക്രട്ടറി ഷിഹാബ് കായകുളം സ്വാഗതവും ജനറൽ സെക്രട്ടറി സി.ടി ശശി നന്ദിയും പറഞ്ഞു.
ഷാജിദ് കാക്കൂർ, റഷീദ് പത്തനാപുരം, റോയ് വർഗ്ഗീസ്, രാജേഷ് സി.വി, ഷിനാസ് സിറാജുദ്ദീൻ, ജോജി വി ജോസഫ്, ജലീൽ പള്ളാതുരുത്തി, അബ്ദുൽ ഹക്കിം, ഹമീദ് മരക്കാശ്ശേരി, ഡിജോ പഴയമഠം, രാജേഷ് ആറ്റുവ, ലൈജു ജയിംസ്, ഹുസ്ന ആസിഫ്, ജോയ് തോമസ് എന്നിവർ നേതൃത്വം നൽകി.
കുവൈറ്റ് സിറ്റി : ഷിഫ് ജസീറ അവാർഡ് നിശ വ്യഴാഴ്ച ആസ്പയർ ഇന്ത്യൻ സ്‌കൂളിൽ നടക്കും. 2025 ലെ ഷിഫ എക്സലൻസ് അവാർഡുകൾ നജീബ് സി.കെ. (ഗൾഫ് മാധ്യമം ബിസിനസ് സൊല്യൂഷൻസ് കുവൈറ്റ് ഹെഡ്), നിക്‌സൺ ജോർജ് (കണക്ഷൻസ് മീഡിയ – ഏഷ്യാനെറ്റ് ന്യൂസ്) എന്നിവർക്ക് നൽകും. മാധ്യമ-പൊതുജനബന്ധങ്ങൾ ശക്തിപ്പെടുത്തുന്നതിലും ആഗോളതലത്തിൽ, പ്രത്യേകിച്ച് ഇന്ത്യൻ പ്രവാസി സമൂഹത്തിൽ അവർ നൽകിയ മികച്ച ശ്രമങ്ങൾ പരിഗണിച്ചാണ് അവാർഡ് നൽകുന്നതെന്ന് ഷിഫാ ജസീറ മാനേജ്‍മെന്റ് അറിയിച്ചു. 10, 15 വർഷങ്ങളായി ഷിഫ അൽ ജസീറ മെഡിക്കൽ ഗ്രൂപ്പിന്റെ ഭാഗമായ ജീവനക്കാരെയും ആദരിക്കുന്നുണ്ട്. ഫെബ്രുവരി 20 വ്യാഴം സായാന്ഹനത്തിൽ 7:00 മുതൽ അബ്ബാസിയ ആസ്പയർ ഇന്ത്യൻ ഇന്റർനാഷണൽ സ്കൂൾ ൽ നടക്കുന്ന അവാഡ് നിശക്ക് രസം പകരാനായി ഉറുമി മ്യൂസിക് ബ്രാൻഡിനൻറെ നേതൃത്വത്തിൽ സംഗീത വിരുന്നും ഒരുക്കിയിട്ടുണ്ട്.
-
Kerala3 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News2 months agoക്ഷാമബത്ത കേസില് ഇടക്കാല ഉത്തരവ്
-
News3 months agoക്ഷാമ ബത്ത കേസിൽ ഇടക്കാല ഉത്തരവ്
-
News3 weeks agoസംസ്ഥാനത്ത് സാമ്പത്തിക പ്രതിസന്ധി: കേന്ദ്രത്തോട് 24,000 കോടി രൂപയുടെ പ്രത്യേക പാക്കേജ് ആവശ്യപ്പെട്ട് കേരളം
-
News3 months agoജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoപണിമുടക്ക് നോട്ടീസ് നൽകി
-
News2 months agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Thiruvananthapuram2 weeks agoജീവനക്കാരെ പറ്റിച്ച ബജറ്റ്: സെ ക്രട്ടറിയേറ്റ് ആക്ഷൻ കൗൺസിൽ
You must be logged in to post a comment Login