chennai
നടന് അജിത് കുമാറിന്റെ ആരോഗ്യനില തൃപ്തികരം
ചെന്നൈ: നടന് അജിത് കുമാറിന്റെ ആരോഗ്യനില തൃപ്തികരമെന്ന് നടന്റെ മാനേജര് സുരേഷ് ചന്ദ്ര. ദേശീയ മാധ്യമത്തിനോടാണ് ഇക്കാര്യ വെളിപ്പെടുത്തിയത്. പതിവ് പരിശോധനക്കായിട്ടാണ് ആശുപത്രിയില് എത്തിയതെന്നും നിലവില് ആരോഗ്യനില തൃപ്തികരമാണെന്നും മനേജര് കൂട്ടിച്ചേര്ത്തു.
അതേ സമയം ബ്രെയിന് ട്യൂമറിന്റെ ഓപ്പറേഷന് സംബന്ധിച്ച് വന്ന വാര്ത്തകള് ശരിയല്ലെന്നും ഇദ്ദേഹം വ്യക്തമാക്കി.’വിദേശത്ത് പോകുന്നതിന് മുമ്പ് അജിത്ത് സ്ഥിരമായി വൈദ്യപരിശോധനക്ക് വിധേയമാകാറുണ്ട്. പരിശോധനയില് ചെവിക്ക് താഴെ ഞരമ്പുകള്ക്ക് ബലക്കുറവുണ്ടെന്ന് ഡോക്ടര്മാര് കണ്ടെത്തി. അതിനുള്ള ചികിത്സ നല്കുകയും ചെയ്തു. ഇപ്പോള് അദ്ദേഹത്തെ ഐ.സി.യുവില് നിന്ന് സാധാരണ വാര്ഡിലേക്ക് മാറ്റി. ഇന്ന് രാത്രിയോ നാളെ രാവിലെയോ അദ്ദേഹത്തെ ഡിസ്ചാര്ജ് ചെയ്യും’- സുരേഷ് ചന്ദ്ര പറഞ്ഞു.
കലാസംവിധായകന് മിലന്റെ വിയോഗത്തിന് ശേഷമാണ് അജിത്ത് തന്റെ ആരോഗ്യത്തെ ഗൗരവമായി കാണാന് തുടങ്ങിയതെന്നും മനേജര് വ്യക്തമാക്കി. ‘മിലന് മരിക്കുന്നതിന് അരമണിക്കൂറിന് മുമ്പ് അജിത്തിനെ കണ്ടിരുന്നു. അദ്ദേഹത്തെ പെട്ടെന്നുള്ള വിയോഗം ഏറെ തകര്ത്തു, അതിന് ശേഷമാണ് ആരോഗ്യ പരിശോധനകള് കൂടുതല് ഗൗരവമായി എടുക്കാന് തുടങ്ങിയത്’- സുരേഷ് കൂട്ടിച്ചേര്ത്തു.
അജിത്തും ഭാര്യയും നടിയുമായ ശാലിനിയും ആശുപത്രി സന്ദര്ശിക്കുന്നതിന്റെ വിഡിയോ വ്യാഴാഴ്ചയാണ് സോഷ്യല് മീഡിയയില് പ്രചരിച്ചത്. നടന്റെ ആരോഗ്യനില മോശമാണെന്ന് കരുതി ആരാധകര് ആശങ്കാകുലരായി. തുടര്ന്ന് ആശുപത്രിക്ക് മുന്നില് തടിച്ചുകൂടി.വിടാമുയര്ച്ചി എന്ന സിനിമയിലാണ് അജിത്തിപ്പോള് അഭിനയിച്ചുകൊണ്ടിരിക്കുന്നത്. അസര്ബൈജാനിലേക്ക് ചിത്രീകരണത്തിന് പോകുന്നതിന് മുന്നോടിയായാണ് പരിശോധനയ്ക്കായി എത്തിയത്.
ചെന്നൈ: മകൻ ജാതി മാറി പ്രണയിച്ചതിന് അമ്മയെ കൂട്ടബലാത്സംഗം ചെയ്തു. തമിഴ്നാട്ടിലെ ധർമപുരി കീഴ്മൊരപ്പൂർ ഗ്രാമത്തിലാണ് സംഭവം. വീടിനു സമീപത്തു വെച്ച വിവസ്ത്രയാക്കിയതിനു ശേഷം സമീപത്തെ കാട്ടിനുള്ളിൽ വെച്ച് കൂട്ടബലാത്സംഗം ചെയ്യുകയായിരുന്നു. പെൺകുട്ടിയുടെ വീട്ടുകാരുടെ ഭാഗത്തുനിന്നുമാണ് ഇങ്ങനെ ഒരു അതിക്രമം നടത്തിയത്.
യുവതിയും യുവാവും ചെറുപ്പം മുതലേ പ്രണയത്തിലായിരുന്നു. യുവതിയുടെ വീട്ടുകാർ വിവാഹത്തിന് സമ്മതിച്ചിരുന്നില്ല. വിവാഹത്തിന് വീട്ടുകാർ എതിർത്തതോടെ ഇരുവരും ഒളിച്ചോടുകയായിരുന്നു. യുവാവിന്റെ വീട്ടുകാരുടെ സമ്മതത്തോടെ ആയിരുന്നില്ല ഇരുവരും ഒളിച്ചോടിയത്. എന്നാൽ പെൺകുട്ടിയുടെ വീട്ടുകാരും ബന്ധുക്കളും ചേർന്ന് യുവാവിന്റെ വീട്ടിലെത്തി പിതാവിനെ ക്രൂരമായി മർദിക്കുകയും അത് തടയാനെത്തിയ മാതാവിനെ വിവസ്ത്രയാക്കുകയും സമീത്തുള്ള കാട്ടിലേക്ക് കൊണ്ടുപോയി കൂട്ടബലാത്സംഗം ചെയ്യുകയുമായിരുന്നു. ആദ്യം കേസെടുക്കാൻ തയ്യാറാകാതിരുന്ന പോലീസ് പിന്നീടാണ് യുവതിയുടെ പിതാവിനെയും മാതാവിനെയും ഉൾപ്പെടുത്തി 20 പേർക്കെതിരെ കേസെടുത്തത്. എന്നാൽ സംഭവത്തിൽ ആരെയും ഇതുവരെ അറസ്റ്റ് ചെയ്തിട്ടില്ല.
ചെന്നൈ: ആചാരത്തിന്റ ഭാഗമായി പിതാവിനൊപ്പം തീക്കനലിലൂടെ നടന്ന ഏഴുവയസുകാരന് ഗുരുതരമായി പൊള്ളലേറ്റു. തമിഴ്നാട്ടിലെ തിരുവള്ളൂരില് ക്ഷേത്ര ചടങ്ങിനിടെയാണ് സംഭവം. ആചാരത്തിന്റെ ഭാഗമായി പിതാവിനൊപ്പം തീക്കനലിലൂടെ നടക്കുന്നതിനിടെ കുട്ടി കാല്വഴുതി വീഴുകയായിരുന്നു. 41 ശതമാനം പൊള്ളലേറ്റ കുട്ടിയെ കില്പ്പോക്ക് മെഡിക്കല് കോളജ് ആശുപത്രിയില് പ്രവേശിപ്പിച്ചു.
ഞായറാഴ്ച രാത്രി ആറമ്പാക്കം ഗ്രാമത്തിലെ ക്ഷേത്രത്തിലായിരുന്നു അപകടം നടന്നത്. തീക്കനലില് വീണ കുട്ടിയെ ഉടന് ആളുകള് പുറത്തെടുക്കുകയും ഗുമ്മിഡിപൂണ്ടി സര്ക്കാര് ആശുപത്രിയില് പ്രവേശിപ്പിച്ചു. സ്ഥിതി ഗുരുതരമായതിനാല് തുടര്ചികിത്സക്കായി കില്പ്പോക്ക് മെഡിക്കല് കോളജ് ആശുപത്രിയിലേക്ക് മാറ്റി.രണ്ടാം ക്ലാസുകാരന് അപകടനില തരണം ചെയ്തതായും ആരോഗ്യനില തൃപ്തികരമാണെന്നും പൊലീസും ആശുപത്രി അധികൃതരും അറിയിച്ചു. സംഭവത്തില് കേസെടുത്ത് അന്വേഷണം നടത്തിവരികയാണെന്നും പൊലീസ് അറിയിച്ചു. കുട്ടി തീക്കനലില് വീഴുന്നതിന്റെ വീഡിയോയും സോഷ്യല്മീഡിയയില് പ്രചരിക്കുന്നുണ്ട്.
2023 ആഗസ്റ്റില് തിരുവള്ളൂരിലെ ഉത്തുകോട്ടയില് ക്ഷേത്രോത്സവത്തിനിടെ തീക്കനല് നടത്തത്തിനിടെ മുത്തശ്ശന്റെ കൈയിലിരുന്ന 14 മാസം പ്രായമുള്ള കുഞ്ഞിന് ഗുരുതരമായി പൊള്ളലേറ്റിരുന്നു.
ചെന്നൈ: വയനാട് ദുരന്തത്തിൽ അനുശോചനം അറിയിച്ച് തമിഴ് നടൻ വിജയ്. സംഭവത്തിൽ അഗാധമായ ദുഃഖമുണ്ടെന്നും തന്റെ പ്രാർഥനകൾ ദുഃഖിതരായ കുടുംബങ്ങൾക്ക് ഒപ്പമാണെന്നും വിജയ് പറഞ്ഞു. നടന്റെ പാർട്ടിയായ തമിഴക വെട്രി കഴകത്തിന്റെ ഔദ്യോഗിക എക്സ് പേജിലൂടെയായിരുന്നു പ്രതികരണം.
‘കേരളത്തിലെ വയനാട്ടിൽ ഉണ്ടായ ഉരുൾപൊട്ടൽ ദുരന്തത്തിൽ അഗാധമായ ദുഃഖം രേഖപ്പെടുത്തുകയാണ്. എന്റെ ചിന്തകളും പ്രാർഥനകളും ദുഃഖിതരായ കുടുംബങ്ങൾക്കൊപ്പമാണ്. ദുരിതബാധിതർക്ക് ആവശ്യമായ രക്ഷാപ്രവർത്തനങ്ങളും ദുരിതാശ്വാസ നടപടികളും യുദ്ധകാലാടിസ്ഥാനത്തിൽ നൽകണമെന്ന് സർക്കാർ അധികാരികളോട് അഭ്യർഥിക്കുന്നു’ വിജയ് പറഞ്ഞു.
-
Featured4 weeks agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Kerala3 months agoജീവനക്കാർക്കായി സർക്കാരിൻ്റേത് ‘ക്രൂരാനന്ദം’ പദ്ധതി; സെക്രട്ടേറിയറ്റ് ആക്ഷൻ കൗൺസിൽ
-
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News2 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business4 weeks agoസംസ്ഥാനത്ത് കോഴി വില കുത്തനെ കുറഞ്ഞു
-
Business2 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
You must be logged in to post a comment Login