Kasaragod
‘അതിജീവന യാത്ര’ ജീവനക്കാരുടെയും അധ്യാപകരുടെയും നിലനിൽപ്പിനായുള്ള പോരാട്ടം; വി.ഡി. സതീശൻ
കാസർഗോഡ്: അതിജീവന യാത്ര സംസ്ഥാനത്തെ സിവിൽ സർവീസ് അധ്യാപക മേഖലയുടെ നിലനിൽപ്പിന് അനിവാര്യമെന്ന് പ്രതിപക്ഷ നേതാവ് വി.ഡി.സതീശൻ. സ്റ്റേറ്റ് എംപ്ലോയീസ് ആൻഡ് ടീച്ചേഴ്സ് ഓർഗനൈസേഷൻ നടത്തുന്ന അതിജീവന യാത്ര കാസർഗോഡ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. തുടർന്ന് ജാഥാ ക്യാപ്റ്റൻ ചവറ ജയകുമാറിന് പതാക കൈമാറി. രണ്ടാഴ്ച നീളുന്ന പര്യടനത്തിനൊടുവിൽ ജാഥ തിരുവനന്തപുരത്ത് സമാപിക്കും.
നവ കേരള യാത്രയുടെ പേരിൽ കേരളത്തിലെ ഭരണസംവിധാനമാകെ നിശ്ചലമാ യിരിക്കുകയാണ്. സെക്രട്ടറിയേറ്റ് നാഥനില്ല കളരിയായി മാറിയിരിക്കുന്നു. മന്ത്രിമാരും ഉദ്യോഗസ്ഥരും നവ കേരള യാത്രയ്ക്കായി പോയതോടെ അടിയന്തര പ്രാധാന്യമുള്ള ഫയലുകളിൽ പോലും തീരുമാനമെടുക്കാൻ കഴിയുന്നില്ല. സംസ്ഥാനത്തെ സാമ്പത്തിക സ്ഥിതി ഗുരുതരാവസ്ഥയിലെത്തി യതിന്റെ ഉത്തരവാദി സർക്കാർ തന്നെയാണ്.
സർക്കാരിന്റെ ധനാഗമ മാർഗ്ഗങ്ങൾ ഫലപ്രദമായി വിനിയോഗിക്കാൻ ഭരണകർത്താക്കൾക്ക് കഴിയുന്നില്ല.നികുതി കുടിശ്ശിക പോലും പിരിച്ചെടുക്കാൻ സർക്കാരിനെ നയിക്കുന്നവർ വിമുഖത കാണിക്കുകയാണ് ഇതിനൊക്കെ പുറമേ പാഴ്ചെലവുകൾക്കും ധൂർത്തിനുമായി പൊതു ഖജനാവിൽ നിന്നും കോടികൾ പൊടിപൊടിക്കുകയാണ്. സമാനതകളില്ലാത്ത വിലക്കയറ്റം സാധാരണക്കാരെ ഗുരുതരമായ പ്രതിസന്ധിയിലെത്തിച്ചിരിക്കുന്നു.
വിപണിയിലെ വില നിയന്ത്രിക്കാൻ അടിയന്തരമായി ഇടപെടേണ്ട സിവിൽ സപ്ലൈസ് കോർപ്പറേഷനാവട്ടെ കടക്കെണിയിൽ മുങ്ങി നിൽക്കുകയാണ്.
റേഷൻ വ്യാപാരികൾക്കുള്ള പണം പോലും വിതരണം ചെയ്യാൻ കഴിഞ്ഞിട്ടില്ല.
സബ്സിഡി സാധനങ്ങൾ ഇല്ലാത്ത മാവേലി സ്റ്റോറുകൾ ജനങ്ങൾക്ക് ബാദ്ധ്യതയാകുന്നു.
സ്കൂളുകളിലെ ഉച്ചഭക്ഷണ പദ്ധതിക്ക് പണം നൽകാൻ സർക്കാരിന് കഴിയുന്നില്ല.
പിന്നാക്ക വിഭാഗം വിദ്യാർത്ഥികൾക്കുള്ള വിദ്യാ വാഹിനി പദ്ധതിക്കുള്ള പണം നൽകാത്തതിനാൽ ആദിവാസി ഊരുകളിൽ നിന്നുള്ള വിദ്യാർത്ഥികൾക്ക് പഠനത്തിന് എത്താൻ കഴിയാത്ത സാഹചര്യമാണ്.
തികച്ചും ജനവിരുദ്ധമായ നയങ്ങളുമായി മുന്നോട്ടുപോകുന്ന ഈ ഭരണകൂടം അധ്യാപക- സിവിൽ സർവീസ് മേഖലയെയും തകർത്തെറിയുകയാണ്. ജീവനക്കാരുടെ ശമ്പളപരിഷ്കരണ കുടിശ്ശികയും ക്ഷാമബത്തയും ലീവ് സറണ്ടറും അടക്കമുള്ള ആനുകൂല്യങ്ങൾ തടഞ്ഞു വച്ചിരിക്കുകയാണ്.
പെൻഷൻകാരുടെ കുടിശിക തുക പോലും നൽകാൻ കഴിഞ്ഞിട്ടില്ല.
പെൻഷൻ കുടിശ്ശികയും ക്ഷാമാശ്വാസവും കിട്ടാതെ 80,000 ത്തോളം പെൻഷൻകാരാണ് മരണമടഞ്ഞത്.അവരുടെ ആശ്രിതരുടെ കണ്ണുനീർ ഈ സർക്കാരിൻറെ കണ്ണ് തുറപ്പിക്കുന്നില്ല.
നവ കേരള യാത്ര കഴിയുന്നതോടെ സർക്കാർ ജീവനക്കാരുടെ ശമ്പളം കവർന്നെടുക്കാൻ നീക്കം നടത്തുന്നതായി മാധ്യമ റിപ്പോർട്ടുകൾ പുറത്തുവരുന്നു. പരാജയപ്പെട്ട ഒരു സർക്കാരിന്റെ അവസാനത്തെ ആക്രമണമാണ് ഇതെന്ന് പറയേണ്ടിവരും.
അതിജീവന യാത്ര കേരളത്തിൻറെ സിവിൽ സർവീസിന് ഒരു പുതിയ മുഖം നൽകുമെന്ന് തീർച്ചയാണ്. ആയിരക്കണക്കിന് അധ്യാപകരും ജീവനക്കാരും ഈ യാത്രയ്ക്ക് നൽകുന്ന ആവേശകരമായ വരവേൽപ്പ് ഇതിന്റെ തെളിവാണ് .അധ്യാപകരും ജീവനക്കാരും നടത്തുന്ന ശക്തമായ ചെറുത്തുനിൽപ്പിന് പരിപൂർണ്ണ പിന്തുണ നൽകുമെന്നും വിഡി സതീശൻ അഭിപ്രായപ്പെട്ടു.
ഡി.സി.സി പ്രസിഡന്റ് പി.കെ. ഫൈസൽ അധ്യക്ഷത വഹിച്ച പരിപാടിയിൽ
സെറ്റോ ചെയർമാൻ ചവറ ജയകുമാർ ,
ജനറൽ കൺവീനർ കെ. അബ്ദുൾ മജീദ്, മുൻ ഡിസിസി പ്രസിഡന്റ് ഹക്കീം കുന്നേൽ, കെ.പി കുഞ്ഞിക്കണ്ണൻ, കെ നീലകണ്ഠൻ, ബാലകൃഷ്ണൻ പെരിയ, മിനി ചന്ദ്രൻ പി ജി ദേവ്, കെ സി സുബ്രഹ്മണ്യൻ, ഇർഷാദ് എം എസ്, ആർ അരുൺകുമാർ, ഒ .റ്റി പ്രകാശ്, ആർ അരുൺകുമാർ, പി രാധാകൃഷ്ണൻ, എ. എം ജാഫർഖാൻ, പി.കെ അരവിന്ദൻ, അനിൽ എം ജോർജ്ജ്, എന്നിവർ തുടർന്ന് സംസാരിച്ചു
കാസര്കോട്: ഇന്സ്റ്റാഗ്രാമിലൂടെ പരിചയപ്പെട്ട യുവാവില് നിന്ന് സ്വര്ണവും പണവും തട്ടിയെടുത്ത കേസിൽ ഒളിവില്പ്പോയ യുവതി പിടിയില്. ചെമ്മനാട് കൊമ്പനടുക്കം സ്വദേശിനി ശ്രുതി ചന്ദ്രശേഖരനെ (35) യാണ് മേല്പ്പറമ്പ് എസ്. ഐ. എ. എന്. സുരേഷ്കുമാറും സംഘവും കര്ണാടകയിലെ ഉഡുപ്പിയില്നിന്ന് വെള്ളിയാഴ്ച കസ്റ്റഡിയിലെടുത്തത്.
ഒരുലക്ഷം രൂപയും ഒരുപവന്റെ മാലയും തട്ടിയെന്ന പൊയിനാച്ചിയിലെ 30-കാരന്റെ പരാതിയിലാണ് കേസെടുത്തത്. ഒളിവില്പ്പോയ ശ്രുതി കാസര്കോട് ജില്ലാ സെഷന്സ് കോടതിയില് മുന്കൂര് ജാമ്യാപേക്ഷ നല്കിയെങ്കിലും തള്ളിയിരുന്നു.
ഐ.എസ്.ആര്.ഒ.യിലെ ജീവനക്കാരിയെന്ന് തെറ്റിദ്ധരിപ്പിച്ചാണ് പൊയിനാച്ചിയിലെ യുവാവിനെ വലയിലാക്കിയത്. തട്ടിപ്പ് തിരിച്ചറിഞ്ഞ് പണം തിരികെ ചോദിച്ചപ്പോള് പോലീസ് ഉദ്യോഗസ്ഥരടക്കമുള്ളവരുടെ ഉന്നതബന്ധം ഉപയോഗിച്ച് കേസില്പ്പെടുത്തുമെന്ന് ഭീഷണിപ്പെടുത്തുകയായിരുന്നു. വിശദമായ ചോദ്യംചെയ്യലിന് ശേഷമേ കൂടുതല് വിവരങ്ങള് പറയാനാകൂവെന്ന് പോലീസ് പറഞ്ഞു.
കാസർഗോഡ്: മുൻ മുഖ്യമന്ത്രി ഉമ്മൻചാണ്ടിയുടെ ഓർമ്മ നിലനിർത്തി കൊണ്ട് കെ.എസ്.യു കാസർഗോഡ് ജില്ല കമ്മിറ്റിയുടെ ആർദ്രം ഉമ്മൻചാണ്ടി പദ്ധതിക്ക് തുടക്കമായി.ബാഡൂർ അഗൺവാടിയിലെ കുട്ടികൾക്ക് പഠനോപരണങ്ങൾ വിതരണം ചെയ്തു കൊണ്ടായിരുന്നു പദ്ധതിക്ക് തുടക്കം കുറിച്ചത്.ആദ്യഘട്ടം എന്ന നിലയിൽ ജില്ലയിലെ തിരഞ്ഞെടുക്കപ്പെട്ട പത്ത് അംഗൺവാടികളിലെ കുട്ടികൾക്ക് വിതരണം ചെയ്യും. തുടർന്ന് ജില്ലയിലെ ക്യാമ്പസുകളിൽ നിന്നും തിരഞ്ഞെടുക്കപ്പെടുന്ന പത്ത് വിദ്യാർത്ഥികൾക്ക് സ്കോളർഷിപ്പും പദ്ധതിയിൽ ഉൾപ്പെടുത്തി നൽകാനാണ് തീരുമാനം
.മൂന്ന് മാസം നീണ്ടു നിൽകുന്ന വിദ്യാർത്ഥികൾക്കുള്ള വിപുലമായ പദ്ധതിക്കാണ് ഇതോടെ തുടക്കമായത്.കേരള ജനതയ്ക്ക് മുന്നിൽ ഉമ്മൻചാണ്ടി നീട്ടിയ സ്നേഹത്തിന്റെയും കാരുണ്യത്തിന്റെയും കരങ്ങൾ പുതിയ തലമുറയിലേക്കും കൂടി എത്തിക്കുക എന്ന ലക്ഷ്യത്തോടെയാണ് പദ്ധതിക്ക് തുടക്കം കുറിച്ചത്. ജനകീയ ജനാധിപത്യത്തിന്റെ കേരള മോഡലാണ് ഉമ്മൻചാണ്ടി എന്ന് പദ്ധതി ഉദ്ഘാടനം ചെയ്തു കൊണ്ട് AICC കോർഡിനേറ്റർ മനാഫ് നുള്ളിപ്പാടി പറഞ്ഞു.
കെ.എസ് യു ജില്ല പ്രസിഡന്റ് ജവാദ് പുത്തൂർ അദ്ധ്യക്ഷത വഹിച്ച പരിപാടിയിൽ കെ. എസ്. യു ജില്ല ഉപാധ്യക്ഷൻ അനുരാഗ് കാനത്തൂർ, യൂത്ത് കോൺഗ്രസ് മഞ്ചേശ്വരം നിയോജക മണ്ഡലം പ്രസിഡന്റ് ജുനൈദ് ഉറുമി,യൂത്ത് കോൺഗ്രസ് കാസർഗോഡ് നിയോജക മണ്ഡലം പ്രസിഡന്റ് ആബിദ് എടച്ചേരി,കെ.എസ്.യു ജില്ല കമ്മിറ്റി അംഗം മണികണ്ഠൻ, സഞ്ജീവ ബാഡൂർ,റഫീക്ക് കുണ്ടാർ,മുഹമ്മദ് എ. കെ. ബി, ദയാനന്ദ ബാഡൂർ, നളിനാക്ഷ,ഇംതിയാസ് തുടങ്ങിയവർ സംസാരിച്ചു. ജില്ല ജനറൽ സെക്രട്ടറി ശബരിനാഥ് കോടോത്ത് സ്വാഗതവും, രാഹുൽ ബോസ് നന്ദിയും പറഞ്ഞു.
Kasaragod
പുതുതായി അനുവദിച്ച പ്ലസ് വൺ ബാച്ചുകൾ ഇല്ലാതാക്കാൻ ശ്രമിച്ചാൽ ശക്തമായി നേരിടും: അഡ്വ. ജവാദ് പുത്തൂർ
കാസർഗോഡ്: കാസർഗോഡ് ജില്ലയിൽ 18 പുതിയ പ്ലസ് വൺ ബാച്ചുകൾ ആണ് അനുവദിച്ചത്. എന്നാൽ ഇത് അനുവദിച്ച സ്കൂളുകളിൽ മതിയായ സൗകര്യങ്ങൾ ഇല്ലെന്ന മുടന്തൻ ന്യായങ്ങൾ പറഞ്ഞ് ബാച്ചുകൾ സ്വീകരിക്കാൻ സാധിക്കില്ലെന്ന് വരുത്തിത്തീർക്കാൻ ശ്രമിക്കുകയാണ്. ഇത്തരം മുടന്തൻ ന്യായങ്ങളുടെ പേരിൽ വിദ്യാർത്ഥികളുടെ പഠിക്കാനുള്ള അവകാശത്തെ ഇല്ലായ്മ ചെയ്യാൻ ശ്രമിച്ചാൽ വിദ്യാർത്ഥികളെയും രക്ഷിതാക്കളെയും ഒരുമിപ്പിച്ചുകൊണ്ട് ശക്തമായ പ്രതിഷേധ പരിപാടികളുമായി കെഎസ്യു സമരരംഗത്തേക്ക് ഇറങ്ങുമെന്ന് കാസർഗോഡ് കെഎസ്യു ജില്ലാ പ്രസിഡന്റ് അഡ്വ. ജവാദ് പുത്തൂർ പറഞ്ഞു.
കാഞ്ഞങ്ങാട് മണ്ഡലത്തിനകത്ത് വരുന്ന ഹോസ്ദുർഗ് ഹയർ സെക്കൻഡറി സ്കൂൾ അധികൃതർ പറയുന്നത് പുതിയ ബാച്ച് എടുക്കാനുള്ള സൗകര്യം ഇല്ലെന്നാണ്. എന്നാൽ കൂടിയാലോചന നടത്താതെയാണ് ഇത്തരം ഒരു തീരുമാനത്തിലെത്തിയതെന്നും നിലവിൽ സൗകര്യങ്ങൾ ഉണ്ടെന്നാണ് പിടിഎ ഭാരവാഹികളും സമീപവാസികളും പറയുന്നത്. സർക്കാരിന്റെയും അധ്യാപകരുടെയും നേതൃത്വത്തിലുള്ള ഈ ഒളിച്ചുകളി തുടരുകയും പ്രഖ്യാപിക്കപ്പെട്ട ബാച്ചുകൾ ഇല്ലാതാക്കാനുള്ള സാഹചര്യം ഉണ്ടാവുകയും ചെയ്താൽ അതിശക്തമായ സമരപരിപാടികളുമായി മുന്നോട്ടു പോകുമെന്നും ജവാദ് പുത്തൂർ കൂട്ടിച്ചേർത്തു.
-
Featured4 weeks agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Kerala3 months agoജീവനക്കാർക്കായി സർക്കാരിൻ്റേത് ‘ക്രൂരാനന്ദം’ പദ്ധതി; സെക്രട്ടേറിയറ്റ് ആക്ഷൻ കൗൺസിൽ
-
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News2 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business4 weeks agoസംസ്ഥാനത്ത് കോഴി വില കുത്തനെ കുറഞ്ഞു
-
Business2 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
You must be logged in to post a comment Login