crime
9-വയസുകാരിയുടെ മൃതദേഹം അഴുക്കുചാലില്; കൈകാലുകള് കെട്ടിയിട്ട നിലയിലും വായ മൂടിക്കെട്ടിയ നിലയിലും കണ്ടെത്തി
പുതുച്ചേരി: കാണാതായ പെണ്കുട്ടിയുടെ മൃതദേഹം അഴുക്കുചാലില്നിന്ന് കണ്ടെത്തി. പുതുച്ചേരി സോലൈ നഗറിലാണ് സംഭവം. കഴിഞ്ഞ ശനിയാഴ്ചയാണ് ആരതി എന്ന ഒന്പതുവയസ്സുകാരിയെ കാണാതായത് . മുണ്ടില്പ്പൊതിഞ്ഞ നിലയില് കണ്ടെത്തിയ മൃതദേഹത്തിന്റെ കൈകാലുകള് കെട്ടിയനിലയിലും വായ മൂടിക്കെട്ടിയ നിലയിലുമായിരുന്നു.
ഡ്രൈവറായ നാരായണന്റെയും പി.എച്ച്.സി. ജീവനക്കാരിയായ മൈഥിലിയുടെയും മകളാണ് അഞ്ചാം ക്ലാസുകാരിയായ ആരതി. സംഭവത്തില് ഒരു വയോധികനും കൗമാരക്കാരായ രണ്ട് ആൺകുട്ടികളും ഉൾപ്പെടെ, മൂന്നുപേരെ മുതിയാല്പേട്ട് പോലീസ് കസ്റ്റഡിയില് എടുത്ത് ചോദ്യംചെയ്തു. ശനിയാഴ്ച കളിക്കാന് പോയതിന് പിന്നാലെയാണ് പെണ്കുട്ടിയെ കാണാതായത്. അഴുക്കുചാലില്നിന്ന് ദുര്ഗന്ധം വമിക്കുന്നെന്ന പരാതിക്ക് പിന്നാലെ നടത്തിയ അന്വേഷണത്തിലാണ് ആരതിയുടെ വീടിന് സമീപത്തെ അഴുക്കുചാലില്നിന്ന് മൃതദേഹം കണ്ടെടുത്തത് . കളിക്കാന് പോയ പെണ്കുട്ടി മടങ്ങിവരാതിരുന്നതിനെ തുടര്ന്ന് മാതാപിതാക്കളും അയല്വാസികളും വ്യാപക തിരച്ചില് നടത്തിയിരുന്നു.എന്നാല് ഫലമുണ്ടായില്ല.
തുടര്ന്ന് ശനിയാഴ്ച രാത്രി എട്ടുമണിയോടെ കുടുംബം പോലീസില് പരാതി നൽകുകയായിരുന്നു . പോലീസ് നായകള് ഉള്പ്പെടെയുള്ള സംഘം രണ്ടുദിവസം തിരച്ചില് നടത്തിയെങ്കിലും ആരതിയെ കണ്ടെത്താന് കഴിഞ്ഞില്ല. സംഭവദിവസം ഉച്ചയ്ക്കു ശേഷം, സമീപത്തെ തെരുവില് കളിക്കുന്ന പെണ്കുട്ടിയുടെ ദൃശ്യം സി.സി.ടി.വി. ക്യാമറയില് പതിഞ്ഞിരുന്നു. ആരതിയുടെ മൃതദേഹം പോസ്റ്റ് മോര്ട്ടത്തിന് അയച്ചു. ബുധനാഴ്ച രാവിലെ ഇതിന്റെ നടപടിക്രമങ്ങള് ആരംഭിക്കുമെന്ന് അധികൃതര് അറിയിച്ചു. സംഭവത്തില് വൻ പ്രതിക്ഷേധമാണ് ഉയരുന്നത്.
കൊച്ചി: സൈബര് തട്ടിപ്പിന്റെ ഇരയായി ഹൈകോടതി മുന് ജഡ്ജിയും. ഓഹരിവിപണിയില് വന്തുക ലാഭം വാഗ്ദാനം ചെയ്ത് നടത്തിയ തട്ടിപ്പില് ജസ്റ്റിസ് എ ശശിധരന് നമ്പ്യാര്ക്ക് 90 ലക്ഷം രൂപ നഷ്ടമായി. ഓണ്ലൈന് ഷെയര് ട്രേഡിങ് വഴി 850 ശതമാനം ലാഭം വാഗ്ദാനം ചെയ്തായിരുന്നു തട്ടിപ്പ്. ജഡ്ജിയുടെ പരാതിയില് തൃപ്പൂണിത്തുറ ഹില് പാലസ് പൊലീസ് രണ്ടുപേര്ക്കെതിരെ കേസെടുത്തിട്ടുണ്ട്.
കഴിഞ്ഞ ഡിസംബറിലായിരുന്നു സംഭവം. നാലാംതീയതി മുതല് 30-ാം തീയതി വരെ പലതവണകളായാണ് തട്ടിപ്പ് സംഘം ജഡ്ജിയില് നിന്ന് പണം തട്ടിയത്. വാട്സ്ആപ്പ് വഴിയാണ് തട്ടിപ്പ് സംഘം ജഡ്ജിയെ പരിചയപ്പെട്ടത്. ആദിത്യബിര്ള ഇക്വിറ്റി ഗ്രൂപ്പിന്റെ പേരിലായിരുന്നു തട്ടിപ്പ്. ആദിത്യബിര്ള ഇക്വിറ്റി ഗ്രൂപ്പിന്റെ പ്രതിനിധികള് എന്ന് പറഞ്ഞ് പരിചയപ്പെടുത്തിയവരാണ് തട്ടിപ്പ് നടത്തിയതെന്ന് പരാതിയില് പറയുന്നു.
തുടര്ന്ന് 850 ശതമാനം വരെ ലാഭം വാഗ്ദാനംചെയ്ത് ഓഹരിവിപണിയില് നിക്ഷേപിക്കാന് പ്രലോഭിപ്പിച്ചു. തുടര്ന്ന് പണം തട്ടുകയായിരുന്നുവെന്നും പരാതിയില് പറയുന്നു. അയാന ജോസഫ്, വര്ഷ സിങ് എന്നീ പേരുകളില് പരിചയപ്പെടുത്തിയവരാണ് തട്ടിപ്പിന് പിന്നില്. സംഭവത്തില് ഇരുവരെയും പ്രതിചേര്ത്ത് പൊലീസ് അന്വേഷണം ആരംഭിച്ചിട്ടുണ്ട്.
മംഗളൂരു: ഒരുവയസ്സുള്ള ഇരട്ടക്കുട്ടികളടക്കം നാല് പിഞ്ചുകുഞ്ഞുങ്ങളെ മാതാവ് കനാലിലെറിഞ്ഞു കൊന്നു. വിജയപുര ജില്ലയില് നിഡഗുണ്ടി താലൂക്കിലെ ബെനാല് ഗ്രാമത്തിലാണ് നാടിനെ ഞെട്ടിച്ച സംഭവം. കൊലപാതകത്തിന് പിന്നാലെ ആത്മഹത്യക്ക് ശ്രമിച്ച യുവതിയെ നാട്ടുകാര് രക്ഷിച്ച് ആശുപത്രിയില് പ്രവേശിപ്പിച്ചു.
കോല്ഹാര് താലൂക്കിലെ തെല്ഗി ഗ്രാമത്തില് താമസിക്കുന്ന ഭാഗ്യശ്രീ ഭജന്ത്രിയാണ് (26) തന്റെ മക്കളായ തനു നിഗരാജ് ഭജന്ത്രി (അഞ്ച്), രക്ഷാ നിംഗരാജ് ഭജന്ത്രി (മൂന്ന്), ഇരട്ടകളായ ഹസന് നിംഗരാജ് ഭജന്ത്രി, ഹുസൈന് നിംഗരാജ് ഭജന്ത്രി (ഇരുവരും 13 മാസം) എന്നിവരെ തിങ്കളാഴ്ച അല്മാട്ടി ഇടതുകര കനാലില് എറിഞ്ഞ് കൊന്നത്. സ്വത്തുതര്ക്കമാണ് കടുംകൈക്ക് പ്രേരിപ്പിച്ചതെന്നാണ് സൂചന.
ഭാഗ്യയുടെ ഭര്ത്താവ് ലിംഗരാജു തെല്ഗി ഗ്രാമപഞ്ചായത്ത് അംഗമാണ്. സ്വത്ത് പങ്കിടുന്നതിനെച്ചൊല്ലി ഭാഗ്യയുടെ കുടുംബവുമായി വഴക്കിട്ടിരുന്നതായി ഇയാള് മൊഴി നല്കി. തിങ്കളാഴ്ച തങ്ങള് തമ്മില് ഇതിന്റെ പേരില് തര്ക്കമുണ്ടായെന്നും സ്വത്തുക്കള് അവളുമായി പങ്കിടില്ലെന്ന് സഹോദരങ്ങള് പറഞ്ഞതായും ലിംഗരാജു പറഞ്ഞു. വീട്ടിലേക്ക് മടങ്ങുന്നതിനിടെ കനാലിന് കുറുകെയുള്ള പാലത്തിന് സമീപം ലിംഗരാജിന്റെ ഇരുചക്രവാഹനത്തിലെ പെട്രോള് തീര്ന്നു. ഇതിനെ തുടര്ന്ന് ഇന്ധനമടിക്കാന് പോയിരുന്നു. തിരിച്ചെത്തിയപ്പോള് ആരോ കനാലില് ചാടിയതായി നാട്ടുകാരില് ചിലര് പറഞ്ഞു. തുടര്ന്നാണ് താന് സംഭവം അറിയുന്നതെന്നും ഭര്ത്താവ് പൊലീസിന് നല്കിയ മൊഴിയില് പറയുന്നു.
എന്നാല്, ലിംഗരാജു 30 ലക്ഷം രൂപ വായ്പയെടുത്തിരുന്നുവെന്നും സ്വത്തിന്റെ വിഹിതം നല്കാന് പിതാവ് മല്ലപ്പയെ പീഡിപ്പിക്കുകയായിരുന്നുവെന്നും ഭാഗ്യയുടെ സഹോദരന് പമ്പാപതി പറയുന്നു. ജില്ല ആശുപത്രിയിലെ ഐ.സി.യുവില് ചികിത്സയിലാണ് ഭാഗ്യ. നിഡഗുണ്ടി പൊലീസ് കൂടുതല് അന്വേഷണം ആരംഭിച്ചു
ചെന്നൈ: തിരുനെൽവേലിയിൽ കോടതിയിൽ ഹാജരാകാൻ എത്തിയ യുവാവിനെ വെട്ടിക്കൊന്നു. കൊലപാതകക്കേസിലെ പ്രതിയായ മായാണ്ടിയെ ജില്ലാകോടതിയുടെ കവാടത്തിനുമുന്നിൽ വെട്ടിക്കൊലപ്പെടുത്തുകയായിരുന്നു. കൊലപാതകത്തിൽ ശിവ, തങ്ക മഹേഷ്, രാമകൃഷ്ണൻ, മനോരാജ് എന്നിവരെ പൊലീസ് അറസ്റ്റു ചെയ്തു. ദളിത് വിഭാഗത്തിൽപ്പെട്ട രാജാമണി കൊലപാതകത്തിനുള്ള പ്രതികാരമായിട്ടാണ് മായാണ്ടിയെ കൊന്നതെന്ന് സംശയിക്കപ്പെടുന്നു.
കീഴനത്തം പഞ്ചായത്തിലെ അംഗമായിരുന്ന രാജാമണി കഴിഞ്ഞ വർഷമാണ് കൊല്ലപ്പെട്ടത്. ഈ കേസിൽ അറസ്റ്റിലായ മായാണ്ടി ജാമ്യത്തിൽ പുറത്തിരുന്നെങ്കിലും, കോടതിയിൽ ഹാജരാകാൻ വെള്ളിയാഴ്ച രാവിലെ എത്തിയപ്പോൾ കാറിലെത്തിയ ഒരു സംഘം ആളുകൾ ആക്രമിക്കുകയായിരുന്നു. മുൻപും രണ്ടു തവണ മായാണ്ടിയെ കൊലപ്പെടുത്താൻ ശ്രമം നടന്നിട്ടുണ്ട്.
ഒമ്പത് വർഷത്തെ ഇടത് ഭരണം സിവിൽ സർവ്വീസിനെ ഒരുപതിറ്റാണ്ട് പിന്നോട്ടടിച്ചു; ചവറ ജയകുമാർ
തുടർച്ചയായ ഇടത് ഭരണം സിവിൽ സർവ്വീസിനെ ഒരു പതിറ്റാണ്ട് പിന്നോട്ടടിച്ചു: ചവറ ജയകുമാർ
ഭാരതപ്പുഴയിൽ കുളിക്കാനിറങ്ങിയ നാലംഗ കുടുംബം ഒഴുക്കിൽപ്പെട്ടു; ഒരാൾ മരിച്ചു
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Featured4 days agoസംസ്ഥാനത്ത് നാളെ 6 ജില്ലകൾക്ക് അവധി
You must be logged in to post a comment Login