Featured
77 വർഷം പഴക്കമുള്ള പതാക; സ്വാതന്ത്ര്യ ദിന ഓർമകളുമായി ഒരമ്മ
ഗ്രീഷ്മ സെലിൻ ബെന്നി
കൂത്താട്ടുകുളം: രാജ്യം സ്വാതന്ത്ര്യത്തിന്റെ 77 വർഷങ്ങൾ പൂർത്തീകരിക്കുകയാണ്. വിപുലമായ ആഘോഷ പരിപാടികളോടെ രാജ്യമൊട്ടാകെ സ്വാതന്ത്ര്യം ആഘോഷിക്കുമ്പോൾ 77 വർഷങ്ങൾ പഴക്കമുള്ള പതാക ഇന്നും രാജ്യസ്നേഹത്തിന്റെയും തന്റെ ഭർത്താവിന്റെയും ഓർമ്മക്കുറിപ്പുകൾ ആയി സൂക്ഷിക്കുകയാണ് കൂത്താട്ടുകുളം കടുവാക്കുഴിയിൽ ഏലിക്കുട്ടി ജോൺ. 1947ൽ ബ്രിട്ടീഷുകാരിൽ നിന്നും ഇന്ത്യ സ്വാതന്ത്ര്യം നേടുമ്പോൾ കൂത്താട്ടുകുളത്തെ സ്വാതന്ത്ര്യദിന ആഘോഷ പരിപാടികളിലും പ്രകടനങ്ങളിലും പങ്കാളിയായിരുന്നു വർക്കി ജോൺ. കോൺഗ്രസ് പ്രസ്ഥാനത്തിൽ വിശ്വസിച്ചിരുന്ന വർക്കി ജോൺ ഏറ്റവും വിലപ്പെട്ടതായി കരുതിയിരുന്ന ഒന്നുതന്നെയാണ് രാജ്യത്തിന്റെ ത്രിവർണ പതാക.
2014 സെപ്റ്റംബർ 16ന്, തന്റെ മരണം വരെയും രാജ്യത്തിന്റെ സ്വാതന്ത്ര്യത്തിന്റെ ഓർമ്മയായി സൂക്ഷിച്ച പതാക അമൂല്യമായ നിധിയായി അദ്ദേഹം കൊണ്ടുനടന്നു. തന്റെ ഭർത്താവിന്റെ അസാന്നിധ്യത്തിലും അദ്ദേഹത്തിന് ഏറ്റവും പ്രിയപ്പെട്ടതായി കരുതിയിരുന്ന പതാക പിന്നീട് സൂക്ഷിക്കുന്ന ചുമതല ഏലിക്കുട്ടി ഏറ്റെടുത്തു. അന്ന് തന്റെ പ്രിയപ്പെട്ടവൻ കയ്യിലേന്തിയ മൂവർണ്ണക്കൊടി 77 വർഷങ്ങൾക്കിപ്പുറം തൊണ്ണൂറാമത്തെ വയസ്സിൽ ഇന്ത്യയുടെ സ്വാതന്ത്ര്യ ദിനം ആഘോഷിക്കുന്ന വേളയിൽ ഉയർത്തിപ്പിടിക്കുകയാണ് ഏലിക്കുട്ടി. അമ്മയുടെ ഓർമ്മകൾ പ്രായം മായ്ക്കുമ്പോൾ പതാകയുടെ സംരക്ഷണ ചുമതല ഏറ്റെടുക്കുകയാണ് മകനായ ബേബി ജോൺ. ബേബിയെ കൂടാതെ ലില്ലി ജോൺ, ജോർജ് ജോൺ, സി. ലീന ജോൺ, മേരി ജോൺ, ഗ്രേസി ജോൺ, അൽഫോൺസ് ജോൺ, ജോബി ജോൺ എന്നിവർ മക്കളാണ്. പുതിയ വീട്ടിലേയ്ക്ക് താമസം മാറാനായി എട്ടാം തീയതിയാണ് തീരുമാനിച്ചതെങ്കിലും ആഗസ്റ്റ് 15 ആയി മാറിയത് നിയോഗമായി കരുതുന്നു. മാത്രമല്ല ചാച്ചന്റെ ഓർമ്മകൾക്ക് ഏറ്റവും ഭംഗിയുള്ള ഒന്നായി കരുതുന്നതും ഈ പതാക തന്നെയാണ് അതുകൊണ്ടുതന്നെ ഇക്കാലമത്രയും സൂക്ഷിച്ചിരുന്ന എന്നാൽ ഉയർത്താൻ കഴിയാതെ പോയ ഈ പതാക ഉയർത്തണം എന്നത് കാലത്തിന്റെ നിയോഗമായി കരുതുന്നു എന്ന് ബേബി ജോൺ പറഞ്ഞു.
1947ൽ വർക്കി ജോൺ കയ്യിലേന്തിയ പതാക ആദ്യമായി ഉയർത്തുന്നത് 2024 ആഗസ്റ്റ് 15നാണ്. മുൻപൊരിക്കലും സ്വാതന്ത്ര്യദിന ആചരണത്തിൽ പോലും ഇത് ഉയർത്തിയിരുന്നില്ല. രാജ്യസ്നേഹത്തിന്റെ ഉദാത്ത മാതൃകയായ ത്രിവർണ പതാക അതിന്റെ പ്രൗഢിയോടും ബഹുമാനത്തോടും കൂടെ സൂക്ഷിച്ചിരിക്കുന്നു. 77 വർഷങ്ങൾ പഴക്കമുള്ള പതാകയ്ക്ക് കാലപ്പഴക്കത്തിന്റെ നേരിയ മങ്ങലുകൾ സംഭവിച്ചിട്ടുണ്ട്. എങ്കിലും അത്യപൂർവമായി സൂക്ഷിക്കപ്പെട്ട ഈ പതാക രാജ്യത്തിന്റെ അവിസ്മരണീയമായ സ്വാതന്ത്ര്യത്തിന്റെ പ്രതീകമായി ഇന്നും സൂക്ഷിക്കുന്നു.
ന്യൂഡൽഹി: സിപിഎം ജനറൽ സെക്രട്ടറി സീതാറാം യെച്ചൂരിയുടെ ആരോഗ്യനില അതീവ ഗുരുതരമായി തുടരുന്നെന്ന് പാർട്ടി വാർത്താക്കുറിപ്പ്. വിദഗ്ധ ഡോക്ടർമാരുടെ പ്രത്യേക സംഘം ആരോഗ്യസ്ഥിതി നിരീക്ഷിക്കുന്നുണ്ടെന്നും സിപിഎം കേന്ദ്ര കമ്മിറ്റി അറിയിച്ചു. കഴിഞ്ഞ മാസം 20 നാണ് യെച്ചൂരിയെ ശ്വാസകോശ അണുബാധയെ തുടർന്ന് ഡൽഹി എയിംസ് ആശുപത്രിയിൽ പ്രവേശിപ്പിച്ചത്. കഴിഞ്ഞ നാല് ദിവസമായി വെന്റിലേറ്ററിന്റെ സഹായത്തോടെയാണ് ചികിത്സയിൽ തുടരുന്നത്. മുഖ്യമന്ത്രി പിണറായി വിജയനടക്കമുള്ളവർ നേരത്തെ യെച്ചൂരിയെ ആശുപത്രിയിൽ സന്ദർശിച്ചിരുന്നു.
Featured
ഹരിയാനയിൽ ബിജെപിക്ക് തിരിച്ചടി; ബിജെപി സംസ്ഥാന ഉപാധ്യക്ഷന് പിന്നാലെ കോൺഗ്രസിലേക്ക് നേതാക്കളുടെ ഒഴുക്ക്
ഡൽഹി: നിയമസഭാ തിരഞ്ഞെടുപ്പിന് മുന്നോടിയായി ഹരിയാനയിൽ ബി.ജെ.പിക്ക് തിരിച്ചടികൾ തുടരുകയാണ്. സീറ്റ് നിഷേധിച്ചതിനെ തുടർന്ന് നിരവധി നേതാക്കളാണ് ഇതിനോടകം പാർട്ടിവിട്ടത്. സംസ്ഥാന ബി.ജെ.പി ഉപാധ്യക്ഷൻ ജി.എൽ ശർമ്മ അടക്കമുള്ള നേതാക്കളാണ് കഴിഞ്ഞ ദിവസങ്ങളിൽ കോൺഗ്രസിലേക്ക് എത്തിയത്.
ബി.ജെ.പി സീറ്റ് നിഷേധിച്ചതിൻ്റെ അതൃപ്തി ഉണ്ടെങ്കിലും സംസ്ഥാനത്ത് കോൺഗ്രസ് അനുകൂല സാഹചര്യം ഉണ്ടെന്ന തിരിച്ചറിവിന്റെ അടിസ്ഥാനത്തിലാണ് നേതാക്കളുടെ ഈ കൂടുമാറ്റം എന്ന വിലയിരുത്തലും ശക്തമാണ്. കർഷക സമരം മുതൽ വിനേഷ് ഫോഗട്ടിൻ്റെ ഒളിപിക്സ് മെഡൽ നഷ്ടം വരേയുള്ള വിവിധ ഘടകങ്ങൾ ഹരിയാനയിൽ ഇത്തവണ ബി.ജെ.പിക്ക് തിരിച്ചടിയായേക്കുമെന്ന് രാഷ്ട്രീയ നിരീക്ഷകർ ചൂണ്ടിക്കാണിക്കുന്നു. കർഷകരുടെ പ്രശ്നങ്ങളിൽ നിഷേധാത്മക നിലപാടായിരുന്നും ബിജെപി കൈക്കൊണ്ടത്. ഏറ്റവും കൂടുതൽ ഗുസ്തി താരങ്ങൾ ഉള്ള ഹരിയാനയിൽ ഒരിക്കൽപ്പോലും അവർക്കൊപ്പം നിൽക്കാൻ ബിജെപി നേതൃത്വം ശ്രമിച്ചിരുന്നില്ല.ഭരണവിരുദ്ധ വികാരം കൂടി ശക്തമായതോടെ ഹരിയാനയിൽ ബിജെപി നിലംതൊടില്ലെന്നുറപ്പായിരിക്കുകയാണ്.
നിരവധി നേതാക്കളാണ് ഇതിനോടകം പാർട്ടിവിട്ടത്. ജി.എൽ ശർമ 250-ലധികം ഭാരവാഹികളുമായിട്ടാണ് കോൺഗ്രസിൽ ചേർന്നത് എന്നതാണ് ശ്രദ്ധേയം. ശർമ്മയ്ക്കൊപ്പം ബിജെപിയുടെയും മറ്റ് സംഘടനകളുടെയും നിരവധി പ്രവർത്തകരും കോൺഗ്രസിൽ ചേർന്നു. ഹരിയാന സർക്കാരിൽ ക്ഷീര വികസന കോർപ്പറേഷന്റെ ചെയർമാനായിരുന്നു ശർമ്മ. മുൻ ഉപപ്രധാനമന്ത്രി ദേവി ലാലിൻ്റെ ചെറുമകനായ ആദിത്യ ദേവി ലാൽ ഞായറാഴ്ച ബി ജെ പി വിട്ട് ഇന്ത്യൻ നാഷണൽ ലോക്ദളിൽ ചേരുകയും ദബ്വാലിയിൽ നിന്ന് മത്സരിക്കാൻ തീരുമാനിക്കുകയും ചെയ്തു. ദേവിലാൽ കുടുംബത്തിൽ നിന്ന് ഒരാഴ്ചയ്ക്കിടെ ബിജെപി വിടുന്ന രണ്ടാമത്തെയാളാണ് ആദിത്യ.
സ്ഥാനാർത്ഥി പട്ടികയിലെ അതൃപ്തിയെ തുടർന്ന് ബി ജെ പിയുടെ ബച്ചൻ സിംഗ് ആര്യയും പാർട്ടി വിട്ടിട്ടുണ്ട്. രതിയ അസംബ്ലി മണ്ഡലത്തിൽ നിന്നുള്ള ബിജെപി എംഎൽഎ ലക്ഷ്മൺ നാപയും ടിക്കറ്റ് ലഭിക്കാത്തതിനെ തുടർന്ന് പാർട്ടിയുടെ പ്രാഥമിക അംഗത്വത്തിൽ നിന്ന് കഴിഞ്ഞ വെള്ളിയാഴ്ച രാജിവച്ചിരുന്നു. മത്സരിക്കാൻ അവസരം ലഭിക്കാത്തതിനെ തുടർന്ന് പാർട്ടിയെ പരാജയപ്പെടുത്താൻ ശ്രമിക്കുമെന്ന് വ്യക്തമാക്കി മുൻ ബിജെപി സംസ്ഥാന മന്ത്രി കരൺ കാംബോജും കഴിഞ്ഞ ആഴ്ച പാർട്ടി വിട്ടു. ഒരുവശത്ത് പാർട്ടിയിലെ കൊഴിഞ്ഞുപോക്കലുകളും, മറുവശത്ത് ഭരണവിരുദ്ധവികാരവും ബിജെപിയെ പിടിച്ചുകുലുക്കുകയാണ്.
തിരുവനന്തപുരം: കാഫിര് സ്ക്രീന് ഷോട്ടും ആര്.എസ്.എസ് ബന്ധവും പൂരം കലക്കിയതും പുറത്തു വന്നതോടെ സി.പി.എമ്മിന്റെ കപട മതേതര മുഖംമൂടി അഴിഞ്ഞു വീണുവെന്ന് പ്രതിപക്ഷ നേതാവ് വി.ഡി. സതീശന്. മുഖ്യമന്ത്രിയുടെ ഓഫീസില് ഉപജാപകസംഘം പ്രവര്ത്തിക്കുന്നുവെന്ന ആരോപണവും സി.പി.എമ്മും ബി.ജെ.പിയും തമ്മില് അവിശുദ്ധ ബാന്ധവമുണ്ടെന്നും സി.പി.എമ്മിനെ ജീര്ണത ബാധിച്ചിരിക്കുകയാണെന്നുമുള്ള പ്രതിപക്ഷ ആരോപണങ്ങള് ശരിയാണെന്ന് ഇപ്പോള് തെളിഞ്ഞുവെന്നും ദുബായില് നടത്തിയ വാര്ത്താസമ്മേളനം അദ്ദേഹം പറഞ്ഞു.
ഉപജാപക സംഘത്തില് ഉള്പ്പെട്ടവരുടെ പേരുകള് ഇപ്പോള് പുറത്തുവന്നിട്ടുണ്ട്. ഇനിയും കൂടുതല് പേരുകള് പുറത്തു വരും. കാഫിര് സ്ക്രീന് ഷോട്ട് പ്രചരിപ്പിച്ചതും ആര്.എസ്.എസ് നേതാവിനെ എ.ഡി.ജി.പി സന്ദര്ശിച്ച് മുഖ്യമന്ത്രിയുടെ സന്ദേശം കൈമാറിയതും തൃശൂര് പൂരം കലക്കിയതും പുറത്തു വന്നതോടെ സി.പി.എമ്മിന്റെ കപട മതേതര മുഖംമൂടിയാണ് അഴിഞ്ഞു വീണിരിക്കുന്നത്.
മതപരമായ ഭിന്നിപ്പുണ്ടാക്കി രാഷ്ട്രീയ നേട്ടമുണ്ടാക്കാനാണ് കാഫീര് വിവാദത്തിലൂടെ സി.പി.എം ശ്രമിച്ചത്. ബി.ജെ.പിക്ക് കേരളത്തില് അക്കൗണ്ട് തുറക്കാന് സഹായിക്കാമെന്ന സന്ദേശമാണ് എ.ഡി.ജി.പി വഴി മുഖ്യമന്ത്രി ആര്.എസ്.എസിന് കൈമാറിയത്. ഇതിന്റെ തുടര്ച്ചയായി ബി.ജെ.പിക്ക് കളമൊരുക്കുന്നതിന് വേണ്ടിയാണ് പൂരം കലക്കിയത്. വിശ്വാസത്തെയും ആചാരാനുഷ്ടാനങ്ങളെയും കുറിച്ച് പറഞ്ഞ ബി.ജെ.പിയാണ് ഉത്സവം കലക്കിയത്. സി.പി.എമ്മിന്റെയും ബി.ജെ.പിയുടെയും കപട നിലപാടുകള് ഇപ്പോള് ജനങ്ങള്ക്ക് മുന്നില് തുറന്നു കാട്ടപ്പെട്ടിരിക്കുകയാണ്.
പത്തു ദിവസമായി ഒരു ഭരണകക്ഷി എം.എല്.എ മുഖ്യമന്ത്രിയെയും അദ്ദേഹത്തിന്റെ ഓഫീസിനെയും വെല്ലുവിളിക്കുകയാണ്. എന്നിട്ടും മിണ്ടുന്നില്ല. പഴയ സി.പി.എം ആയിരുന്നെങ്കില് ഇങ്ങനെയാണോ പറയുന്നത് തെറ്റാണെന്നു പറയാന് പോലും പറ്റുന്നില്ല. അതാണ് സി.പി.എമ്മിലെ ജീര്ണതയുടെ ഏറ്റവും വലിയ അടയാളം.സ്വര്ണക്കള്ളക്കടത്തും കൊടകര കുഴല്പ്പണ കേസും ആവിയായതു പോലെ ഇപ്പോഴത്തെ ആരോപണങ്ങളിലെ അന്വേഷണങ്ങളും ആവിയായി പോയാല് പ്രതിപക്ഷ അതിനെ നിയമപരമായി നേരിടും. ആദ്യ പിണറായി സര്ക്കാരിന്റെ കാലത്ത് സ്വര്ണക്കള്ളക്കടത്തു കേസില് മുഖ്യമന്ത്രിയുടെ പ്രിന്സിപ്പല് സെക്രട്ടറി രണ്ടു തവണ ജയിലിലായി.
സ്വര്ണക്കള്ളക്കടത്തിന് പുറമെ സ്വര്ണം പൊട്ടിക്കലും കൊലപാതകങ്ങളും കൈക്കൂലിയും അഴിമതിയും ഉള്പ്പെടെയുള്ള ആരോപണങ്ങളാണ് ഇപ്പോള് മുഖ്യമന്ത്രിയുടെ ഓഫീസിനെതിരെ ഉയര്ന്നിരിക്കുന്നത്. എന്നിട്ടും മുഖ്യമന്ത്രി മിണ്ടുന്നില്ല. മുഖ്യമന്ത്രിയോട് ഒരു ചോദ്യം ചോദിക്കാന് പോലും മാധ്യമ പ്രവര്ത്തകര്ക്ക് സാധിക്കുന്നില്ല. മുഖ്യമന്ത്രി മഹാമൗനത്തിന്റെ മാളങ്ങളില് ഒളിക്കുകയാണെന്നും വി.ഡി സതീശന് പറഞ്ഞു.
-
Featured4 weeks agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News3 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business4 weeks agoസംസ്ഥാനത്ത് കോഴി വില കുത്തനെ കുറഞ്ഞു
-
Business2 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
News4 weeks agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
You must be logged in to post a comment Login